كرونيك💕💕 تزوجته من أجل أخي💕💕

27

الحلقة 27
طالعة في الدروج كانت متوترة خايفة تخسر فرصتها
وهي طالعة حطت رجلها في الفراغ وتتراجع من الخلف جات راح طيح ويسندها بيديه جات بين يديه شبكت فيه بكل قوتها كانت خايفة
شافو مع بعض ويطرشقو بالضحك حشمت لين خدودها حمارو
رياض : واشبيك ردي بالك كان طحتي
عفاف : هبطت راسها وتحكي كنت متوترة جيت نطلع وتجي رجلي في لفراغ
رياض : الحمد على سلامتك المرة الجاية تولهي مليح
كملو مع بعض رياض كان يخزر معها لبستها مشيتها تصرفاتها عفويتها حتى شي متبدل فيها
دخلو للمكتب كان فيه بزاف مترشحات كانت تشوف معاهم لي لابسة لمعري أكثر من لمغطي ولي حاطة كيلو مكياج ولي رحتها سابقاتها قعدت تستنى في دورها تخمامها كلو في رياض
كل مرة يكبر في عينها كل ميتلقاو مع بعض يصرالهم موقف اخليها تتقربلو وتشم ريحتو
كملو المقابلة كانو يستناو نتائجها بفارغ الصبر
رياض بعد مناقشو ملفات المترشحات واجابتهم تافقو كامل على مرشحة وكانت هي عفاف
خرج مساعد رياض وقف شاف المرشحات وذكر الاسم الآنسة عفاف حميدي تفضلي معي مبروك الوظيفة ناضت بكل عفوية تصفق بانت فرحتها
الكل اشوف معاها فاقت مع روحها تلقاهم شايخين ضحك عليها هبطت راسها من الحشمة دخلت للمكتب عند رياض لي كانت فرحتو متتوصفش
رياض :مبروك آنسة عفاف
عفاف : شكرا مسيو رياض
رياض :تقدري تبداي خدمتك من غدوة أن شاء الله راح نخلي المساعد أحمد يرافقك في الأيام الأولى حتى توالفي وتخرجي على الخدمة
ودعتو وخرجت من الشركة روحت لدار