كرونيك💕💕 تزوجته من أجل أخي💕💕

13

الحلقة 13
دار عند باباه عنيه تقدح نار بابا اذا كانت هاذ الطفلة هي لعروس منيش موافق
عفاف كانت مستغربة من ردت فعلو تشوف معاه وتثبت كأنها شيفاتو من قبل بصح ماشي مذكرة
قام السعدي من بلاصتو صرخ بكل قوتو شكون سمحلك تعارضني قراري خبرتهولك لازم تنفذ
لز على سنيه يحكي معصب خلاص بابا راني موافق
ضحك سعدي وسلم على أنور و باركلو
خذاه وطلعو برى المكتب خلاهم يحكيو مع بعض
بقاو وحدهم غير خرجو وغلقو الباب حكمها من يدها لزها للحيط يحكي ولاز على سنيه الشر طاير من عنيه
رياض : قداش دفع فيك بابا ولا جيتي طامعة يالالا راح نخليك تندمي على نهار لي جيتي فيه برجليك عندي
عفاف كانت تشوف معاه في لحظة تفكرتو
عفاف : تبسمت بوجيعة كلامو يوجع
سي المغرور وسكتت مرة وحدة
كان اشوف معاها يخزر في عنيها لحظة تفكر هذيك النظرة لي خلات قلبو يتزعزع
دزتو بكل قوتها تضرب فيه في صدرو وتصيح اطلقني وجعتني تلفت مع يديها لي زراقت من قوة الضغط
طلقها دارت ليه تشير بصباعها وتتكلم رد بالك تقربلي مرة ثانية صح قبلت بزواجنا أما عندي شروط ولازمك توافق عليها