الحلقة السابعة
خرج من المكتب ركب سيارتو دمعتو على خدو ألف فكرة دور في راسو كيفاه راح أخبر أختو بأي وجه راح اقابلها
أوصل لدار ركح سيارتو فتح الباب ودخل عارضاتو مرتو
سامية : أنور واش جايبك هاذ الوقت مزال الحال على الخرجة من الخدمة
أنور : حسيت روحي تاعب ستأذنت ورجعت لدار
سامية : سملاه عليك يا أنور واش بيك واش يوجع فيك
أنور : شوي إرهاق وتعب خفيف فايت للغرفة نتسطح شوي وان شاء الله نرتاح
سامية : ايه باهي روح ترتاح وكيسجى لغدا نخبرك
أنور : وينها عفاف
سامية : قبل دوك عيطلها قاتلي راهي في طريق
رجعت عفاف لدار تعدات لبيتها بدلت قشها وهبطت تعاون في سامية
جهزو غداهم تغداو لمو لماعن غسلولهم
أنور انادي سامية جيبي عفاف وارواحو
عندي هدرة معاكم
خلصو وراحو عند أنور لي كان قاعد وسارح في تخمامو
أنور : هبط راسو في أرض ويحكي
سمحيلي يا عفاف الظاهرة معرفتش نحافظ عليك ونصون الأمانة لي خلاها بابا
عفاف : تقدمت جلست جنبو لا يا خويا عمرك تقول هاذ لكلام ألي عملتو معايا خير عمري ننساه انت مرتك سامية عمركم حسستوني أنو ثقيلة عليكم
بالعكس ربيتوني وكأني بنتكم
أنور : عنيه مدمعين حتى ولكان نقولك انك بسبت خوك راح يتحتم عليك زواج
تسمع وهي باهتة
سامية : واش بيك يارجال واش هاذ لكلام
أنور : بسبت غلطة مني خسرت الفندق مبلغ كبير ودوك صاحب الفندق فرض عليا شرط ياتزوج عفاف لولدو يا يطالبني بالتعويض وأكيد باه نتسجن لانو مستحيل نقدر نوفي المبلغ
أنت تقرأ
كرونيك💕💕 تزوجته من أجل أخي💕💕
Romanceمنقووولة باللهجة🇩🇿🇩🇿 الجزائرية 🇩🇿🇩🇿 الحلقة الثانية طلع رابح من مكتب السعدي فات على السكرتيرة خذا عنوان أنور وخرج من المكتب رابح عمل اتصالاتو وقدر في وقت قصير يعرف كل المعلومات المطلوبة غدوة الصباح رابح خذا الملف وتجه للشركة دخل مكتب الس...
