كرونيك💕💕 تزوجته من أجل أخي💕💕

25

الحلقة 25
وهي قاعدة تحطت يد فوق كتافها تبسمت ودارت كانت في بالها تلقى رياض
هي دارت تلقاه واحد مجرم كان حامل سكين في يدو احك في خشمو ويهدد فيها
خرجي دراهم لعندك
كانت ترجف من الخوف فتحت صاكها نطرهولها
جاي رايح ويتلقى بوكس طيحو في لرض
كان رياض لي لحقها بعد منسات مفاتحها في المكتب ديالو في وقت جات تعطيه رقم الهاتف
لحقها شافها نازلة من الطاكسي وتاجهت لشط حبس سيارتو كان أعدل فيها
رياض يحكي : شفتها داخلة الشط خذيت سيارتي للموقف عدلتها ولحقتها كنت بزاف فرحان مدامها جات لهاذ لبلاصة معناتها مزال متفكرتني ومتفكرة أيامنا مع بعض
دخلت الشط بسرعة توجهت لمكانا المعتاد كان طوشي بعيد شوي مقابلة منظر أهبل
شفت ليها نلقاها تبكي وشخص رافد سكين وخذا منها صاكها
خفت عليها قلبي كان راح يخرج من بلاصتو أي حاجة تقيصها راح نتوجع في بلصتها
وصلت ليه عصرت قبضة يدي ضربتو لوجهو لين طاح قدامي
ترمات في حضنو كانت خايفة ترعش بكلها
لزها ليه بكل قوتو لين دخلت في ضلوعها
خذاها وراحو وهوما يتمشاو لحقهم هاز سكينتو الشر إطاير من عنيه تلاح يضربها ويترمى رياض جيهتها خذا الضربة في بلاصتها جاتو في كتافو
شافو مرمي في لرض رمى السكين وهرب
عفاف كانت تشوف في رياض حاكم كتافو يتوجع ودمو سايح
قوماتو وهي تبكي عنيها مليانين خوف سند عليها وتجر فيه لين وصلو لسيارتو
كان اشوف معاها وهي تبكي و خايفة عليه قلبو كان أدق بقوة كان فرحان بيها خوفها عليه خلاه يعطيه أمل اكيد عندو فرصة يقدر يكسب حبها
فتحت باب السيارة ركبتو فتحت صاكها جبدت ايشارب (فولار) كانت حطاتو فيه ربطتلو كتفاو باه مينزفش ويخسر دم
جبدت قنينة الماء شربتو شوي وغسلتلو وجهو
عفاف : رياض راك مليح
رياض : خايفة عليا كلمة خلاتها تتربث