كرونيك💕💕 تزوجته من أجل أخي💕💕

24

الحلقة 24
فتحت باب المكتب ضربتها ريحتو الي عمرها نساتها
كان غطاس راسو في الأوراق لقدامو يحكي بلا يطلع راسو
رياض :تفضل
عفاف شكرا ميسيو
سمع صوتها رفع راسو بسرعة كان حاب يتأكد من نبرة الصوت لي فتقد حسها من مدة لقها هي
الفرحة كانت باينة في عنيه وأخيرا شافها راح يملي عنيه بشوفتها
رياض : عفاف تفضلي
عقدت عفاف لي كانت تشوف معاه محبتش تبعد عنيها عنو كانت تشوف مع كل تفصيلة فيه
زينو لي متبدلش اناقتو رجولتو وهرتو
فاقت على صوت رياض لي كان يحكي
رياض : وشراكي عفاف لباس
عفاف : لباس نحمدو ربي
رياض خير مجابك
عفاف جيت على جال الإعلان لي في الجريدة
حطت السيفي تاعها فوق البيرو
رياض : دوك ندرسو ورد لك الخبر
عفاف قامت من فوق الكرسي كانت خارجة من المكتب رياض : عفاف ممكن تعطيلي رقم تلفونك
تلفتت عفاف مستغربة من طلبو فهم عليها من
وجها لي تبدلت ملامحو
تكلم رياض طلبت رقمك باه نطلبك نخبرك على موعد المقابلة
فاقت عفاف مع روحها ضربت راسها بيدها ضربة خفيفة وتبسمت حركتها خلاتو شايخ بالضحك كان اشوف معاها و يتفكر فيها تصرفاتها برائتها هي هي متبدلتش
خرجت تلفونها عطاتلو الرقم ودعتو وطلعت من المكتب
كانت وجهتها لشط البحر وين كانو يجلسو ثنيناتهم كي كانو في شهر العسل
راحت لنفس الصخرة لي كانو يقعدو عليها جلست عدلت روحها تشوف مع لبحر لين يد تتحط فوق كتافها