اعرفكم على نفسي اسمي كرجيه ضفايري سود وعيوني كبار عمري ١٦ سنه اعيش بين افراد عائلتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امي وابويه وبيبيتي
واخواني كاطع ومزهر
واختي الوحيده لميعه اصغر مني
روتيني اليومي اكعد الصلاة الفجر الكي امي محضره العجين تصلي وتخبز اساعده واروح اخدر الجاي بين متروح امي تجيب ريوك عدنه الدبس بالبيت بس تجيب الراشي احب الكليجه ويه الريوك امي طلعت واني رحت للتنور اخذت جمر للمنقله خليت الجاي وجدر صغير بي بيض للسلق ابويه كمل صلاه وكعد بغرفته يقرا قران احب صوته الصبح يحسسني بامان امي ترجع تلكيني مجهزه الصينيه تجتمه للريوك
ام كاطع يمه روحي صيحي ابوج وكعدي اخوتج
كرجيه اي اكعد ابويه ولميعه انتي صيحي على الولد يموتوني بس يصلون وركض للفراش
ابو كاطع صباح الخير
ام كاطع صباح النور
ابو كاطع وين الولد
كرجيه يابه ميكعدون
التفت ابو كاطع الغرفة الولد مزهر كاطع اجي لو تجون
كاطع جاي يابه جاي سحل مزهر دكوم تريد تبلينه
ابو كاطع كرجيه صبي جاي
وجبة ريوك معطره بريحة خبز السمسم وجاي المهيل
بعد الريوك الكل توجهو العملهم
ام كاطع يمه كرجيه اني رايحه للقصطخانه اشو اذاني توجعني اليوم وبلكي احصل كطرة عيون لابوج
كرجيه اذانج وفهمت ابويه شلون تاخذي وهوه ياخذ دواه من شيخ جبار العطار
ام كاطع شسوي اكول للدختور عيوني ماشوف بيهن
ضحكت كرجيه مو الكذب حرام يمه
ام كاطع اخ من لسانج مال كص روحي زهبي اختج وزتيه لملا
كرجيه اي يمه
ام كاطع ولمي الهدوم وكشري البيتنجان ونضفي وكرفي الحوض اريد اجي مالكي شي
كرجيه بعيني
ام كاطع بنيتي لاتوايكين من الشباج ولاتفتحين الباب الى تعاينين من الزرف يله تفتحيه للعرف لاتخلين بالي صطح متصعدين ديري بالج
كرجيه بتافف وبعد يمه دروحي ولاتخافين تجين واني ممخلصه شغلي طلعت الام ركضت كرجيه للصندوك طلعت مرايه ومشط وحب هيل ودهن عنبر مشطت ضفايره وغسلت وتعطرت بالعنبر وخلت الهيل بين اسنانه فتحت بدت تنضف وتغني كملت شغله راحت الصندوك امه طلعت قطعه لقم استمتعت باكله بعد شويه دخلت الام
ام كاطع كرجيه تعالي ساعديني
كرجيه يا هاي شجايبه شسوي يمه على دربي السوك جبت غراض للطرشي حضري البستوكه دنجبس طرشي
كرجه والله تعبت لو مخليته الباجر
ام كاطع شو بله تعالي تعاين بوجه كرجيه
كرجيه ها يمه شبيج
ام كاطع شنو هاذا الطحين بحلكج وج شماكله اعرفج همج بطنج
كرجيه بخوف يمه والله اكلت بس وحده
لج عزه بعينج بس لا اللقم وج شننطي للخطار
كرجيه والله اشتهيته حبابه
ام كاطع راح اعبرهه هالمره لوكلنه ناكل لو متضوكيه شيكولون نفسه دنيه صدك ليش لسه مشريتي الهدوم
كرجيه مو كلتيلي لاتصعدين
ام كاطع ديله صعدي شريهن لاتتلفتين على السطوح يكولون مواعده واحد وبسرعه نزلي
كرجيه يمه التيغه عاليه منو يشوفني بس ميخالف
