ابو اندكت الباب
ابو كاطع ياهلا شرفتونه دخلو الزلم للحوش والنساء بالغرفه وياكو ساده معممين ويه اهل العريس
ابو كاطع الله بالخير
اهل العريس الله بالخير وبدو يتعارفون
كاطع يقدم العصير والكعك الكل خلو العصير كدامهم ولا واحد شرب
ابو كاطع تفضلو
السيد وانته اهله بس احنه عدنه طلبه ومنشرب الى توافق
ابو كاطع اليرضه بي الله اكيد اوافق شلون ارد هالوجوه الطيبه هله بيكم وحياكم الله
شاكر الله محيي اصلك عمنه
السيد القران يكول
بسم الله الرحمن الرحيم
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ
والرسول الكريم صلى الله عليه واله يكول
الزواج سنتي
واحنه جاييك نريد نزوج ابنه مزعود البنتكم الكريمه وانته اكيد سالت على الولد وقبلت بي نسيب الك بس نريد نسمعه منك تشوفه الخير ونريد نعرف شكد تطلبون مهر
ابو كاطع والله ياسيدنه الي يشوف وجوهكم يشوف كل الخير وانشالله منختلف هيه بنتكم اخذوهه بعباته بس كون اسال الولد ويجاوب بصراحه
شاكر كول عمي انشالله اخويه كدهه
ابو كاطع عمي انته تعرف ساعه بيش صلاة الفجر
مسعود اي عمي بالاربعه وربع
ابوكاطع زين عمي الايه بسم الله الرحمن الرحيم
وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا
مسعود عمي هاي بسورة الانسان
ابو كاطع عندك سنه خمسيه
مسعود اي عمي كل اول يوم برمضان
ابو كاطع عمي الي راح اطلبه منك شي واحد امام الله لاتضربه ولاتهين كرامته وتحافض على ستره مثل ما جانت عايشه عندي متطلع سوك ولاتخلي صوته يعلى هاذا كل طلبي
السيد والنعم منك ابو كاطع ماطلبت غير الحق بس من حق البنت المهر وانته الي تحدد
ابو كاطع عمي اني نطيت وانتو حددو الي تكدرون عليه
السيد غلبتنه يابو كاطع ها عمي شاكر شكد تمكينكم
شاكر عمي مسعود عنده ١٠٠ دينار ونخلي ٢٠٠ مؤخر
السيد وهاي عشره مني للمقدم
شاكر واني عشره
عمام شاكر ذبو ٤٠
خوال شاكر ذبو ٣٠ صار المقدم ١٩٠
الشيد ها شكلت ابو كاطع
ابو كاطع شكول شايفين الف خير
السيد افلح من صلى على محمد وال محمد اقرو الفاتحه بنية التوفيق بهاي الزواجه
انساء سمعن الصلوات وعلت الهلاهل شربو العصير واكلو المعجنات شاكر كوم مسعود اوكع على عمك بوسهم كلهم والكل باركوله
اما بين النسوان الكل هلهلن
ام كاطع كومي يمه كرجيه اوكعي على عمتج وحماتج كامت كرجيه بوست الكل
ابو كاطع ام كاطع اريد كرجيه
ام كاطع بعيني
كرجيه بخجل ها يابه
ابو كاطع عين النبي تحرسج يابه باسه من جبينه
يابه اني نطيتج الخوش ولد بعد ما سالتج وامج كالت موافقه بس ردت اتاكد حتى اذا مقبلتي لو مغصوبه اني احبه
كرجيه بخجل باست راسه لا يابه خل راسك مرفوع وكلمتك متوصل الكع
ابو كاطع شايفه كل الخير بنيتي بيه البركه
طلعو اهل العريس وكعدة عائله ابو كاطع يحجون بتفاصيل الكعده ويتشاقون ويه كرجيه الي من خجله ركضت الغرفته ويه نفسه لو بس اشوفه ياربي حتى شكله ماعرفه بس همزين يكولون حلو بنفسي اشوف ملامحه وشلون راح يحبني لو لا
مسعود ويه نفسه اي كرجيه يل ماعرف عنج غير اسمج كرجيه شلونه طولج شعرج عيونج اشو بديت احبج واني مشايفج لو اشوفج شلون
