شاكر الاخ الاكبر له عشر اولاد يسكن بدار مجاور للبيت الكبير نبيهه الاخت الكبرى متزوجه بالارياف
مسعود الاخ الاصغر غنيه الاخت الصغرى والوالده ام شاكر
مسعود اعرفكم عن نفسي اسمي مسعود احنه ٣نفرات بالبيت اني وامي واختي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اما اخواني الكبار شاكر ونبيه متزوجين يجونه بالاسبوع يوم اوصافي حنطي شعري اسود شكلي عادي ورثت شغلة ابويه بمطحنه حنطه
روتيني اكعد الصلاة الفجر بعده ادخل على امي يهزني منضره بايزار الصلاه والسبحه بيده ابوس ايده وارجع اقرا قران الى ان تشرق الشمس بين ما غنيه تزهب الريوك
غنيه مسعود امي تكول يله تعال تريك
مسعود اي جاي
طلعت لكيت لمبه ام الفتل جديده وماكو دخان منقله والصينيه بيه خاثره وخميعه وخبز حار من ايد الوالده تريكت وكلت للوالده اني طالع تحتاجين شي
ام شاكر فدوه الطولك سلامتك ماريد شي بس وصل اختك للملا
مسعود يله غنيه لبسي عباتج
غنيه جايه اكلك مسعود البنات كلهن اشترن بلابل فضه للعبايت مالتهن بس اني
مسعود يمه شلون بلابل فضه
ام شاكر يمه دلاعات بس مو للشعر موده جديده يعلكوهن للعبي
مسعود هوه اني فهمت شنو دلاعه حتى افهم البلابل غنيه امشي من ارجع نتفاهم
ام شاكر غنيه يمه عينج بالكع وامشي وره اخوج خطوه لاتمشين يمه ولا كدامه يكولون ممتربايه ولاتضحكين واذا جتي الضحكه غطي وجهج وصوتج كون محد يسمعه يمه حتى اخوج يرفع راسه لازم عينج بالكع
غنيه سمعت مسعود كل ما اطلع توصيني ما اطلع الى توصيك
مسعود اي يمه وصيني
ام شاكر يمه انته معدل روح ربي يسهل امرك بس ها يمه من تمشي لاتعاين على ابواب الناس ولا الشبابيج ومن تمشي مره كدام الزم عينك يمه حتى الله لا يسلط على اختك ابن حرام
مسعود تامرين يله في امان الله
غنيه مسعود اكلك اشتريلي شاميه ناكل اني وصديقتي
مسعود النوب تعزم من فلوسي وهاي صديقتج مين
غنيه شبيك بيت ابو كاطع اليبيع فرش
مسعود اي خوش ناس اكيد بتهم مثلهم ديري بالج تصادقين الموخوش دوري صديقات حبابات
غنيه اي افتهمت اشتريلي شاميه مضل وكت
دخلت غنيه البيت الملا ام جواد عشرين بنيه بالبيت وهيه بالنص تعلمهن يصلن ويقرن قران ويطبخن ويحوكن فوط وملابس ويطرزن ويخيطن ويسفن
ام جواد يله بنات كملنه كلمن تلم غراضه ونضفن البيت وراها كلمن تطلع غداها نتغده
البنات اي ملا تغدو وكعدن يسولفن غنيه تعالي لميعه جبت شاميه
لميعه اي عفيه مشتهيته من نرجع للبيت تعالي ويايه اطيج كليجه ام التمر اختي سوته
غنيه يله نكمل الواجب ونروح
