باليوم المحدد
ام كاطع يمه كرجيه تعالي
كرجيه ها يمه
ام كاطع عصري البرتقال وخلي ويا رارنجه ولاتكثرين شكر وسوي ماعونين كليجه
كرجيه اي يمه
ام كاطع واكو بالصندوك ثوب ازرك البسي ومشطي شعرجواضفري عدل وحطي مي ورد على شعرج وثوبج بنيتي وحطي حبتين هيل بحلكج
كرجيه صار يمه اقتربت من امه يمه اني كلش خايفه قلبي يدك بسرعه
ام كاطع هاي شبيج يمه قابل راح ياكلوج انتي بس اسكتي واكعدي وجاوبي على كد السوال
اندكت الباب
ام كاطع كرجيه طبي للمطبخ متطلعين الى اصيحلج وانتي لميعه اذا طلعتي من الغرفه اكسر رجلج
فتحت الباب
ام شاكر السلام عليكم
ام كاطع كل الهلا بيكم تفضلو
ام شاكر بالمهلي
دخلن النساء كعدن ام شاكر شلونكم صحتكم اخباركم
ام كاطع الحمد لله كلنه جوه خيمة الكريم انتو اشلونكم
ام شاكر الحمد لله اعرفج عالبنات
هاي بنتي وهاي جنتي مرت شاكر
ام كاطع الله يخليهن الج
ام شاكر لعد وين بنياتج
ام كاطع والله لميعه كملت شغل ونامت وكرجيه بالمطبخ كرجيه يمه جيبي الشربت دخلت كرجيه شايله الشربت قدمته النسوان يتصفحن وجهه وشعره ويقلبن ثيابه ويشمن ريحته تبسمن ووحده اشرت للثاني بالقبول
ام شاكر صلوات على محمد وال محمد عين الله تحرسج تعالي كعدي يمي
كرجيه عينه بالارض
ام شاكر شسمج يمه
كرجيه متعجبه اني كرجيه خاله بداخله على اساس متعرف اسمي
ام شاكر كرجيه انتي هم تصلين
كرجيه اي خاله واقرا قران
ام كاطع غزرة كرجيه وعضت شفته يمه كرجيه يله كومي يم اختج
ام شاكر عيني ام كاطع تدرين اني جايه علمود الخطبه
ام كاطع والله ياداده اني مو بنتي واحمد بيه تعبنه عليه تحوك وتطرز وتطبخ وترتب ونضيفه وخياطه وخبازه وتقرا وتكتب وعيونج اسالي الناس تشهد
ام شاكر الله يحفضه والله واني هم هالاكلج مسعود مثل الشمعه عيونه وساع وحنطي وشعره على شكار حنين وابو مسواك يصلي ويصوم شايل البيت
ام كاطع الله يخلي خيمه الكم
ام شاكر هاي فرشة عباتنه وانتو خلو طلباتكم
يا خيه قابل دنبيع ونشتري عيني نطيناج المره وانتي شتخلين هوه البيتكم البنيه والغراض راح يصيرن البيتكم يعني الهيبه الكم
ام شاكر انشالله منقصر وياها بس نوصفه للولد ونرجع خبر
كرجيه وره الباب هيه ولميعه
لميعه اسمه مسعود اني اعرف من الاول
كرجيه مبتسمه شلون شكله يارب يطلع حلو
طلعت ام شاكر وصلت البيتهم يبنات الحكن ناوشني مي ريكي يبس
نبيه مو كتلج نركب عربانه مقبلتي عبالج انتي شباب
زوجة شاكر شبيه عمتي احلى من الشباب
ام شاكر تضحك لايمه خلينه الشباب الكم صدك شرايجن بالبنيه
نبيه تخبل تلوكله
مرت شاكر والله عمه حلوه وانشالله اني وياها نلم كبرتج
ام شاكر فدوه العيونج يمه والله انتي بت اصل
مرت شاكر اي عمه بس محد ياخذ مكاني بقلبج
ام شاكر لا يمه انتي مرت الجبير والج دوسه
مرت شاكر بوسته الله يخليج النه على عناد نبيه
نبيه اي بهاي حقج عدج خوش عمه خو مو مثل عمتي تضم الاكل بالكنتور روتنيشن الجدر خاف نشيل منه وهوه على النار ضحكن دخل مسعود
مسعود السلام عليكم
الكل وعليكم السلام دخل غرفته ذب الصايه والعرقجين والشماغ رجع كعد بالحوش مرت شاكر طلعت البيته بقت نبيه صبت غده بانيه وتمن وخبز وبصل وفلفل وخبز حار تغده شالو الغده وصبو الجاي مسعود الله يمه اموت عالجي الي تخدره نبيه على الفحم ريحة الهيل تارسه خشمي
نبيهه فدوه العمرك يبعد ابوي
ام شاكر اليورحنه خطبنه شوف يمه البنيه اسمه كرجيه وبيضه ثلج مثل مردت وناكه طويله
نبيه اي مسعود تجنن تلوكلك
مسعود مبتسم حب يضيع الخجل اسمعي نبيه اذا طلعت تخوف عكس كلامكم كبل اطلكه وازوججه الرجلج
واذا حلوه توكلو على الله
ام شاكر يمه شكد عدك فلوس
مسعود يمه عندي ميت دينار واطلب شاكر عشرين تكفي لو بعد
ام شاكر يمه عندي ٦بتوت وترجيه ضامته الك ومحبس
مسعود خاف ميكفن
ام شاكر وليدي ناخذله حجول وكلاده وياهن الحجول والكلاده يكلفن خمسين
مسعود والغرفه دخل شاكر
