ام شاكر من عين باجر اروح لام صبحي الدلاله تعرف كل نسوان المنطقه لو اروح للعرب اجيب من كرايبنه شاكر لايمه منا شيطلعج للمحافضات شنو رايك مسعود بكيفكم
ام شاكر صيحو البنات نبشرهن
مسعود شاكر بداعت وليدك يحيى الغالي لاتسويه
شاكر وداعت يحيى الى اكلبه كلاب عرس اخوي وما افرح يبنات تعالن ام يحيى انتي هم تعالي
التمو
نبيهه يمه والمن راح تاخذيله
ام شاكر والله مادري
غنيه يمه اني لكيتله وحده
ام شاكر لج اسكتي لا اضربج انتي زعطوطه شمفهمج
ام يحيى اي عمه شكو خل نسمعه
شاكر امشي مسعود خل نكعد بالكهوه شويه اخذه وطلعو
ام شاكر وهاي شمعرفج بيه
غنيه يمه بت ابو كاظع اخت صديقتي حلوه حيل بس محد شايفه
نبيه ها يمه شراح تسوين
ام شاكر الله كريم
ثاني يوم الضحى طلعت ام شاكر مشت البيت ابو كاطع دكت قبل متوصل اكو طين على الارض وسخت عبايته وداست بالطين وراحت دكت الباب لميعه فتحت الباب
لميعه من
ام شاكر انه ضيفه
لميعه دقيقه ركضت لامه يمه يمه مره تكول انه ضيفه
ام كاطع هله بالضيفه روحي كولي لاختج تخدر جاي
ام كاطع هله بالحجيه تفضلي
ام شاكر خاف اسوي زحمه زلكت بالطين بلكي اكدر اغسل
ام كاطع كل الهلا تفضلي دخلوهه الغرفة الضيوف يمه لميعه اخذي جواريب خالتج عباته غسليهن وشريهن على الشمس
ام شاكر خاف اثكل عليكم
ام كاطع الخطار خطار الله هله بيج
ام شاكر الله يحفضه الصغيره بنتج وتتلفت على زوايا البيت
ام كاطع اي والله بزر الكعده
وعندي اخته الكبيره واثنين ولد هم الكبار
ام شاكر هيه وتسولف تقلب طرف الفجه خاف اكو وسخ دخلت كرجيه ريحة الجاي المهيل والكليجه بيده تبسمت ام شاكر هاي الجبيره
ام كاطع اي والله حجيه
ام شاكر تعالي يمه ابوسج فدوه الهل طول حضنته وبدت تتفحص زنوده وريحته وريحة انفاسه ربي يحفضه تفوح هيل وعنبر مبين على بنيتج معدله
ام كاطع والله ياحجيه بناتنه ميشوفن باب الحوش الى هسه كل البنات يرحن للملا دزيت لميعه
ام شاكر هاا وهاي الحلوه شسمه
ام كاطع اسمه كرجيه والله شايله البيت
ام شاكر التفتت الكرجيه الله يحفضج لهلج وهم تطبخين ويه امج
كرجيه بحياء اي خاله امي علمتني كلشي
ام شاكر وخوما تفوتج الصلا من تلتهين بالشغل
كرجيه لا خاله اهم شي الصلاه
ام شاكر ونعم التربيه شربن جاي وسولفن هواي وام شاكر تونست وياهن خاله بلا زحمه بلكي الجواريب والعبا
كرجيه اي خاله هسه جابتهن
ام كاطع حجيه كل متضوجين مري والله حبيناج
ام شاكر انشالله معرفة خير سوينه زحمه عليكم طلعت
ام كاطع ماكو كل زحمه هل بيج ودعتهن و دراحت وهنه دخلن
كرجيه يمه هاي المريه ضوجتني ماعرف شلون تباوعلي وتكمكش بيدي وشعري عبالك دتشتري طلي من الوكفه
ام كاطع لايضل ببالج تره كل العجايز هيج
دكومن رتبن البيت قبل ميجون الولد من الشغل
٠
ام شاكر رجعت للبيت
غنيه الله يساعدج يمه وين صرتي
ام شاكر بشغله يمه عوفي الحجي وجيبيلي مي عطشانه
غنيه خاف رحتي تدورين مره المسعود
ام شاكر لج بعدج صغيره على هالسوالف سدي حلكج ومعليج
اندكت الباب
غنيه هله داده شلونك
ام شاكر منو
غنيه يمه هاذا شاكر دخل شاكر شايل مسواك
ام شاكر فدوه العمرك يالعزيز محصن بالله ورسوله
شاكر باس راسه يمه الله يخليج النه
ام شاكر لاتكعد هنا عندي حجايه وياك كوم بالغرفه
شاكر خير يمه
ام شاكر خير يمه خير انشالله سدو الباب
شاكر ها يوم
ام شاكر يمه اني اليوم رحت البيت ابو كاطع وشفت المره تلوك لاخوك زينه بس اريدك تسال بالمنطقه عليهم اذا سمعتهم وصيتهم زين نستخار يم الشيخ
شاكر يمه ميصير خاطرج الى طيب عندي صديق بدربونتهم هسه اكلفه بهالشغله
ام شاكر اي يمه لاتكول لاخوك حتى لايخلي باله يم الزواج وتطلع عينه
مرت يومين ورجع شاكر الامه
ام شاكر هايمه بشر
شاكر والله يوم ابوهه معدل واخوانهه هيبه ونص اهل المنطقه اصلا ميدرون عدهم بنيه للزواج بابهم مسدوده واهل دين يصلون وابوهه يقره قرآن
ام شاكر لعد يمه روح الشيخ الجامع استخير
شاكر على بركة الله
ام شاكر دير بالك تحجي المرتك ولا اي بشر الى تصير الشغله
شاكر تامرين يله يمه اودعناكم
ام شاكر الله وياك
ثاني يوم شاكر دخل السلام عليكم
ام شاكر بشر حمامه لو غراب
شاكر حمامه يمه حمامه وبيه البركه بس يكول تصدقو يله تمشون
ام شاكر على بركة الله باليل اجه مسعود ام شاكر تلكته بوسته تبسم
مسعود فدوه العينج يالحنينه خير مو عوايدج اكو شي
ام شاكر اي اكو شي بس خل تناماختك حتى نحجي براحتنه
مسعود خوش لعد اغسل واتعشى واصلي بين متنام غنيه
ام شاكر اي يمه ميصير نحجي كباله عينه تطلع
