نامت غنيه مسعود دك الباب على والدته
مسعود يمه كاعده
ام شاكر اي يمه تعال
مسعود خير يمه قلقتيني
ام شاكر اي يمه خير بس والله ماعرف شلون ابدي وياك بس يمه ارد اكلك شغله انته ماشاء الله كبرت وصرت رجال تجيب مصرف والك هيبه ومعدل يمه هسه اجه وكت زواجك ولكينه بنيه بلكي نحصله الك
مسعود بخجل موبعد وكت
ام شاكر لايمه هسه احسن وكت شننتضر اني مردت اكلك الى يوافقون بس خاف متريد من هاي العائله يسموهم بيت ابو كاطع
مسعود اعرفهم بس مادري عدهم بنيه
ام شاكر لايمه تدري مو غنيه ذاك اليوم راحت البيتهم
هسه شكلت
مسعود بتردد يمه شلون شكله تره ماريد كصيره
ام شاكر يمه هيه سوادة عبا شتريد منه كصيره لو سميره بس لاتخاف العين مال غزلان شكبره جنه فحم والشعر الخصره جنه ناكه وريحته عنبر
مسعود يمه دخيلج هاي مره لو غابة حيوانات عين غزال وطول ناكه وريحة عنبر يعني حوته
ام شاكر تضحك نزول عليك ضحكتني لا يمه حوريه
ولونه بيضه
مسعود هم البيض من الدجاج
ام شاكر يا ولك شلون اوصفه
مسعود يمه كون لسانه طيب
ام شاكر والله يمه تسر الخاطر
مسعود لعد توكلي على الله
ام شاكر يمه لاتكول لاحد مصارت القسمه حتى متنكسر البنت
مسعود تامرين يالغاليه تصبحين على خير
ثاني يوم راحت ام شاكر البيت ام كاطع دكت الباب
ام كاطع يمه كرجيه فتحي الباب
كرجيه اي يمه هسه ٠فتحت الباب
ام شاكر السلام عليكم يمه
كرجيه هله خاله تفضلي
ام شاكر صلوات على محمد وال محمد
ام كاطع كل الهلا يمه جاي الخالتج
كرجيه اي يمه بعيني
ام شاكر تسلمين عيني بس اني اليوم مو ضيفه اني جايتج بطلبه
ام كاطع بعيوني لو اكدر اامري
ام شاكر والله يا ام كاطع تدرين عندي ولد اثنين زوجت الجبير والصغير بقه وهاي انه ادورله مره من شفت بنيتج خشت بقلبي وكلت هاي الي تلم كبرتي واليوم جيت اخطبه منكم
ام كاطع الله يخليهم الج بنتي هوايه رادوهه البارحه هم جته مشيه وديتوسلون وبعد ممقررين اكول الابوهه واخوته والبي خير يقدمه الله
ام شاكر عيني الولد اثنينهم عدهم المطحنه وهاذا البيت واخو عنده بيت ومحد عايش ويا بس انه واخته واخلاقه اسالو وشوفو
ام كاطع يصير خير
باليل ام كاطع همست ابو كاطع جوي مشايه على بنتك
ابوكاطع ومين ذوله مو هالاكلج لاتطلعيه البنيه بعده صغيره
ام كاطع والله ياحجي باب الحوش مطالعه ومن يجي خطار تختل بالمطبخ الى عين الشمس متنضم الناس تسال ويعرفون عدنه بنت من جانت تلعب بالباب هسه شكلهم
ابو كاطع خل نسال ونشوف
مرت اربع ايام سال ابو كاطع على ولد ام شاكر عرفو انه من احسن شباب المنطقه ومرتب
ام كاطع عيني ابو كاطع المره تريد الخبر شكلله
ابو كاطع والله الولد معدل ونسب يشرف فتحيلهم الباب ام كاطع اللهم صلي على محمد وال محمد
ثاني يوم وصل الخبرلام شاكر تفضلو ٠
باليل
ام كاطع ها كرجيه نايمه لو بعدج
كرجيه لا يمه كاعده محتاجه شي
ام كاطع ها اي يمه جيت اسولف وياج
كرجيه احجي يمه شنو
ام كاطع شلون ابدي والله صعبه عليه
كرجيه ابتسمت شنو صعبه خوفتيني
ام كاطع جوج خطابه
كرجيه صفنت وخدوده وردت
ام كاطع يمه هاي سنة الله ورسوله لازم تتزوجين ويصير عندج جهال
كرجيه ليش شعليه الزواج بالجهال
ام كاطع انجبي لج عيب هاي الاسئله هسه فرحي راح تلبسين بدله وتحطين حمره وكحل وونوديج للجابي يسوون شعرج واسويلج احلى عرس كلشي بوكته عود افهمج شسوين اهم شي من يجن النسوان يشوفنج عينج بالكع وتجاوبين على كد السؤال كلمه ونص ولاتتضحكين يكولون فرحانه
