ام كاطع كل الهلا تفضلي دخلت ولج عيني كلش تعبت باجر حنة عمشه وحفيتله كل جسمه والنوب حبايبه هوايه بين وجه بين اعدل حاجب ماتت ايدي
يرحم ابوج فد استكان جاي
ام كاطع بعيني بس عينج على كرجيه اول مره تحف خاف تعبانه وتاذيه
ام حميد لا حبيبه اني متعوده شغلتي بعد شوفي شلون اطلعه كعدت كرجيه كدام الحفافه اول مره حست بالم عيونه دمعت
الحفافه وشكو هالدموع لعد باجر شلون ولاده وتربيه اذا انتي من الخيط بجيتي لج صيري سبعه
كملت الحفافه
الحفافه شو بالله طلعي شعرج داشوف طوله كرجيه حلت ضفايره متموجه خصلاته وشعره ناعم ونضيف تعجبت الحفافه على جماله كصت كذله طلعت جميله جدا
ام حميد شوفي ام كاطع شلون حسن سويت حواجبه هلال
ام كاطع فدوه القلبج عيوني هيه هم بنتج
ام حميد يله مسلم عليكم عيوني الحك على بت ام نجم عده طلوكه
ام كاطع الله وياج
كرجيه اااوف يمه وجي يستعر نار بعد لو اموت ما احف
ام كاطع روحي خلي شكر بالمي ومسحيي وجههج عين النبي تحرسج العصر اخذته خالته للحمام
طلعت تضوي بالحمام خلوله حنه وفركن سنونه بفحم وملح وراها نطوهه تعلج نعناع وفركن وججه بالكروص (قطعة من الطين الحر لتقشير البشره)
وبالحجاره فركن اقدامه وكصن اضافره وغسلوله بصابون الركي طلعت غصن نعناع رجعوهه للبيت مورده ثاني يوم اجتي خالته جرت العينه كحل وعطرته بالكحل ضفرت شعره ولفت الفوطه بحيث تطلع الكذله منه ولبسوهه ثوب بنفسجي وامه لبسته الذهب الي اشتراه ابوهه
كرجيه هم مو راح يجيبون ذهب شكو تلبسيني هذا
ام كاطع عيني حتى ليكولون بت فكر عدلو البيت وعلكو البخور
اما بيت ام شاكر حضرت ام شاكر الجفافي خلت بيه جكليت وملبس وعكدتهن سوت على عدد الزلم جفافي واخذت وياها كيلوين جكليت وسطل شربت مال برتقال معصور ومهيل وكعك ابو السمسم وكليجه وصينية بياضات وهيل ومسعود راح للحمام لبس دشداشه جديده وصايه ولف الشماخ لفه بغداديه وتعطر بالعنبر التمو اهله وعمامه واخذو سيد وياهم وراحو البيت ام شاكر
دكو الباب كاطع فتح الباب كل الهلا تفضلو فتح طريق للنسوان دخلن للحوش ودخل الزلم الغرفة الخطار طبعا بهيج حاله يكون برده بين الحوش وبين المجاز (ممر طويل بن باب الرئيسي والحوش بداخله باب غرفة الخطار )
ام شاكر اللهم صلي على محمد وال محمد فدوه جنتي غاديه كمر محصنه بالله ورسوله
بدن النساء بالتعارف
كاطع مد راسه من البرده يمه صوتكم واصل للزلم
النساء نصن صوتهن بغرفة الخطار
السيد افلح من صلى على محمد وال محمد يابه احنه بذيج الكعده قرينه الفاتحه واتفقنه على المهر واليوم بالسلامه راح نعقد اكو واحد عده اعتراض
الجميع توكل على الله
السيد يابه لعد سوو طريق للعقد
عيني ابو كاطع روح انطي خبر
ابو كاطع عيني ام كاظع حضري البنيه
خلو كرسي وره البرده وكدامه نجانه بيه ياس ومي ورد كعدو كرجيه خلو على راسه قماش اخضر وكعدوههخلت رجله بالمي ورد وخالته تفرك القند على راسه (سكر مطحون ومرطبي وخالي بقوالب الى ان يجف على شكل مكعبات كبيره ) السيد وابوهه وشهود اثنين والعريس واخو واكفين بالجهه الثانيه من البرده الكل هدوء السيد كعد على كرسي وره البرده
السيد كرجيه بنت ابو كاطع تسمعيني
امه اشرتله جاوبي
كرجيه اي اني
السيد راح اقره من اكول فان قبلتي قولي نعم وانت وكيلي كولي نعم وانت وكيلي زين
كرجيه نعم طبعا مسعود متلهف يسمع صوته
ابو كاطع فدوه سيد اريد تعيد الصيغه ١٤ مره على المعصومين
السيد مره تكفي
ابو كاطع زين خمس مرات على عدد اهل الكساء
السيد صار وين مسعود مسعود تامر سيدنه السيد كرجيه مسعود توكلوني اعقد الكم مسعود وكرجيه نعم وكلناك مسعود ويه روحه اويلي صوته يخبل يبشر بخير كرجيه ابتسمت يمه صوته خشن همزين مو مايع
السيد كرجيه ايتها البكر الرشيد هل تقبلين بمسعود زوجا لك على الصداق المسمى بينكم ذكر المهر فان قبلت قولي نعم وانت وكيلي رادت تجاوب امه اشرتله عاد الصيغه خمس مرات وصل فان قبلت فقولي نعم وانت وكيلي
كرجيه بتعلثم نعم وانت وكيلي
السيد مسعود هل تقبل الزواج من كرجيه على المهر المسمى بينكم فان قبلت فقل قبلت التزويج
مسعود قبلت التزويج السيد صلو على محمد وال محمد
علت الهلاهل ومسعود عانق اهل العروسه والضيوف وشاكر وزع الجفافي كل شويه يصلون على النبي وشربو العصير
من جهة النساء اخذو المي من جوه رجل العروس خلو بتنكه ام كاطع نطته لبنيه متاخره قسمته تسبح بي وزعو الحلويات
ام شاكر يمه تعالي هاي بقجة جهازج وطلعت صره صغيره فرشوهه بصينيه وبدت تلبس كرجيه الذهب هلهلو وكرجيه كلش خجلانه رجعو كلمن البيته وضلت كرجيه ومسعود واحد متلهف يشوف الثاني واكتفو بالصوت حتى تتقد نار الحب بقلوبهم
(فالاذن تعشق قبل العين احيانا)
