من الصبح كعدة ام شاكر صاحت على البنات رتبن البيت كعدت مسعود يمه جيبلنه لحم وضروف وكرزات قبل متطلع للشغل دخل مسعودالغرفته كرجيه ترتب الغرفه ها مسعود محتاج شي
مسعود اي
محتاج اشم هواك واشبع عشك بي
وارجع اشمه النوب وبروحي اخلي
كل ما اطلع دقيقه ارجع اشتاك الج اكثر
اندكت الباب
مسعود شفتي ميرحموني
نبيه عيني مشبعت بعروستك اسبوع كافي امشو تريكو فتح الباب كبل دفعته بره وسدة الباب
كرجيه صباح الخير
نبيه صباح النور يله حبيبتي بعد ريوك ماكو بالغرفه بعد انتي صرتي وحده من عدنه ماريد تخجلين واحسبي شاكر مثل اخوج الجبير واني اختج
كرجيه والله اني هم حبيتكم الله يديم المحبه
نبيه عيني كرجيه وره الريوك اغسلي ورتبي الغرفه وعطريه حبايبج اليوم يجن نريد يشوفون شلون ندلل الجنه والضحى راح تجي ام حميد ترتبج وهاي لميت خمس بدلات ويه العندج يصيرن سبعه من كل متزوجه جبتلج بدله اخذتهن كرجيه تغدو وجتي ام حميد جرت كحله ودكت الديرم وعطرته
٠
ام كاطع جمعت سبع سلات وحده بيه تحف وهدايا والثانيه بيه كعك وكليجه وكرزات وحلويات والثالثه بيه جراجف ومفارش والرابعه بيه ملابس داخليه ومكياجات والخامسه بيه فوط ودشاديش والسادسه بيه نعال وشحاطات وجزادين والسابعه كياس صغيره بكل كيس مكحله وكحل وجكليته وقطعة نقديه خمس فلوس وحبايبه الي جايبه لحاف والي جايبه بسط والي جايبه سماور ووحده جايبه ساعه منضديه طبن بهلاهل ام حميد كملت تزيين كرجيه لبست اول شي البدله البيضه حبايبه دخلن السلات السته الغرفة بنتهم والسابعه نطوهه لام العريس توزعه على المعازيم جابو مله سوتله جلوه ودكت الدفوف والحلوات يتمايلن كل نص ساعه يلبسوهه بدله حتى تاخذ سبع سعادات باخر بدله كامت ام كاطع وكفته بالنص والتمن حبايبه يهلهلن لبسته كلاده ذهب وسوار بوسته وكعدت كامت لميعه لبسته محبس
وبعدين اجتي خالته لبسته ست معاضد هلهلت ام شاكر لبسته زنادي كامن حبايبه يهوسن خلصت سبعتج كومي عالمكناسه وانتهى سابع يوم بفرحه بوست امه وحضنته وصلت اهله للباب طلعو المعازيم ام شاكر يمه كرجيه طبي الغرفتج تعبتي لاتنزعين البدله خل من يجي مسعود يشوفج دخل مسعود لكه كرجيه بدر
كرجيه الله بساعدك
مسعود اشتعلو هسه اني اكلج اتعشى شسوي لج طالعه تخبلين وعاشت كرجيه حياة كلش حلوه وادت رسالته الزوجيه والتربويه الى ان اتاهم مفرق الجماعات وادم اللذات هاي رواية عرس بغدادي قديم من وحي الواقع تابعوني بقصتي الجديده قصص قصيره وطرائف جميله
