ام كاطع جمعت خواته وحمواتها التمن خمس نسوان حضرتلهن ريوك مرتب دخلت على كرجيه طبعا كرجيه طرزت الجراجف والمناشف بالخيط والساتان وحاكت قطع كروشيه سوته كوشات وحاكت مفرش للجودليه وطرزت البرده وام كاطع جهزت سله خلت بيه قماقم مي ورد ومراية ومكحله وعلبه فضه خلت بيه الديرم والسبداج والكروص والريحه وعنبر ومسك ومشطين خشب وعلبه صغيره بيه خيط حفيفه وسله بيه تحف فضيات
ام كاطع يمه كرجيه زهبي غده لابوج واخوتج ورتبي البيت انتي ولميعه كرجيه بخجل يمه اذا شفتي مسعود سلمي علي وانطي هاذ العرقجين كليله حاكته الك
ام كاطع عزه بعينج هسه يكول ممتربايه
الخاله هاي شبيج ام كاطع هوه رجله ودازتله سلام جيبي خاله اني انطيهيا فدوه العروستنه النادره
طلعن النسوان راحن البيت ام شاكر لكن البيت مخبوص بالتحضيرات
ام شاكل كل الهلا تفضلن
كبت الهلالهل نبيه وغنيه وخالات كرجيه دخلن للغرفه ام شاكر بفخر داست الدكمه مال الكلوب النسوان فزن كامت تشرحلهن وتكلهن حتى بالحوش عدنه رتبن فرشن جرجف ابيض مطرز وعطرن الغرفه واكو رف صغير خلن بي التحف الفضه ورتبن الكوشات على مندر الصدر وشدن الكله وطشن ملبس وياس على الجربايه وفتحن المصحف على سورة الفتح وخلنه على المخده وعلكن المبخره ساعه يهوسن ساعه يهلهن نبيه توزع عصير دخل مسعود للبيت
نبيه هله بالعريس
مسعود فضحتيني والله ولج اسكتي وين ماروح يصيحون اجه العريس
نبيه لعد جذب
مسعود اجوي
نبيه اي لك عيني شلون تطريز وشلون ترتيب متهني تستاهل
مسعود اجتي كرجيه وياهم
نبيه لاعيني ميصلح بس حبايبه دروح الغرفة امي لاتطلع لما يرحن
دخلت الغرفة العرسان تهلهل
عرس مسعود هيل وطش بالولايه
هاي الراده وهاي التمناها بنت الشيخ.
لابن الشيخ جبناها
اخونه خوش اخو يستاهل الهوسه
خالة العروس حمت كامت تهوس
ركبته شيشه لاتطيح وتنكسر
جبنالك ورده اشتم بيه بس كون الورده تداريها
شدة ورد بذياله منا البيت عياله
يم الولد فرحانه من جبتيه بتنه حمامه شلون حصلتيها
كملن النسوان خالة كرجيه داده نبيه هاج هذا العرقجين كرجيه دزته المسعود تسلم عليه وتكله خل يلبسه بالعرس
نبيه تتفرج عليه يمه شلون معدله شلون حياكه الى اخليه تحوك الرجلي واحد
خالة كرجيه دروحي انطيهيا وشوفي شيكول عليه
نبيه اكلك مسعود هاك اشتم شلون معطر
مسعود يشوفه هاذا منين تدرين كلشي اشتريت الى العرقجين نسيته
نبيه عيني هاي الحنينه دزته وتسلم عليك ابتسم وهوه يقلب بي
مسعود منو كرجيه
نبيه بخبث لاخالته
مسعود شنو
نبيه والله خالته نطتنيا بس كرجيه دازته ضحكت وعافته
مسعود اوووف شوكت اشوفج انشالله مثل ما متخيلج الكيج
وصلو النسوان البيت ام كاطع وكلمن راحت البيته بقت خالة كرجيه ترتب البقج لان بقه يمين على الزفه
كرجيه خاله نطيتي المسعود العرقجين
الخاله اي وتكول نبيه كلش فرح وويسلم عليج يكول تدلل هسه البسه بالعرس ٠فرحت كرجيه واكتفت بالابتسامه ثاني يوم طلعت ام كاطع سبع بقج ستن كل وحده لون وكعدن خلن المناشف ببقجه والملابس الداخليه وهدوم النوم ببقجه والجاكيتات ببقجه وبقجه القطع القماش وبقجه للعبي والفوط والسابعه للدشاديش والفساتين وخلن سبع سلال وحده الغراض الحمام صوابين وليف ومي ورد وكروص وحنه وامشاط وشرايط وسله لوازم الحياكه والخياط وخيوط الحياكه وسله تحفيات وفرفوريات ومكاحل وقماقم وسله للعطور مسك وعنبر وهيل والريحه والبخورات وكيس اخضر من قماش يخلون بي ابره وحرمل وملح مطرز وبي سور القلاقل باسم العروسين ومزين بالدانتيل يتعلك على الباب عن العين وسله معجنات وحلويات ساهون مدكوكه كليجه كعك من السمه لقم وسله بيه الشحاطات والنعل والقباقيب والجزادين وسله وسله ادوات العباده الايزار والسجاده والسبح والترب والمصحف والادعيه
وسله بيه الذهب والاحجار الكريمه وواكسسوارات فضه وفلوس الي مجمعتهن واسياء عزيزه عليه من الطفوله
خالة كرجيه عيني هاي غراضج كله جهزت والباقي قليل نجيبلج سله ونمليه قبل ميزفوج بربع ساعه
ام كاطع يمه كرجيه كومي طلعي جودليتين وفجتين ولحاف ومخدات اثنين فرشي جرجف بالكع ورتبيهن سويهن بقجه خالة كرجيه عيني كرجيه خل ننام باجر الحنه وراج تعب تمددت كرجيه تعبانه مشاعر جديده وغريبه عليه خجل وخوف من المجهول وحزن لفراق اهله وحب مغامره وخوض حياة جديده رادت تنام مكدرت طلعت بالحوش رادت تتنفس لكت ام كاطع كاعده تصلي صلاة اليل كعدت يمه تعاين على امه دمعت عينه كملت ام كاطع وهيه لابسه الايزار سحبته الحضنه
ام كاطع شبيج بنيتي اسم الله عليج من الدمع ليش تبجين
كرجيه ماعرف شبيه خايفه
ام كاطع اسمعي كلامي واوعي زين اول شي من تروحين هناك حياتج راح تتغير لازم تصيرين سبعه لان راح ترحين تكونين عائله وتادين رساله اذا الله رزقج جهال راح تصير الجنه تحت رجليج والله يستجاب دعائج اكو هوايه اسرار لازم تبقى بين المره ورجله بس وعلمته شلون تتصرف ويه زوجه
ام كاطه يمه كل الحجيته وياج سر بينج وبين رجلج والله الشاهد لاتضحكين هوايه ويكولون سفيه ولاتحجين الى يسالوج وديري بالج يغازلج رجلج بنص الحوش ولاتنطخين بي بس تطلعين من غرفتج تعاملي حاله حال حماج
كرجيه ليش
ام كاطع يمه عدهم بنيه ميصير تروح تشوفكم تتغازلون وتحط عقله بالزواج حرام الملايكه تشغر الربه وتدعي عليج ولاتمشين بطولج كبال حماح حطي عبا على راسج وديري بالج تكعدين كباله اكعدي على صفحه ليكولون تكابل الزلم وديري بالج توكفين بالمطبخ وانتي ممتوضايه ديله يمه كومي نامي والله يسهل امرج رجعت كرجيه لفراشه منامت الى وجه الفجر
