الانتقال عبر الزمن (بالدارجة المغربية كاملة )

رابع

🤴الانتقال عبر الزمن 🤴
👳‍♀️oumaima & soukaina👳‍♀️
🧞‍♂️7🧞‍♂️
دخل الجندي بمفاتيح حديدة كبيرة و توجه للعندهم تحنا للمستوى ديالهم بدا اميمة كيفتح ليها القيود ديال يديها و رجليها بشوية ....بمجرد مافك ليها القيود ديالها بدات كتحك في المعصم ديالها و منزلة حواجبها : احح يعطيكم للخلا قسحتوني ....الجندي توجه للسكينة كيفك ليها القيود حتى هي : خاصنا ن*ودوو من هناااا
اميمة دارت شافت فيها و مجبدة عينيها بابتسامة : هههه نارييي بنت الحي محمادي خرجت ليها
سكينة منزلة حواجبها و كتحك في المعصمين ديالها : خفت هاد الخراي يفهمني
اميمة طلعات عينيها كيبان ليها جندي آخر داخل و داخلة من موراه اناث بلباس إحتشامي فساتيين طويلة ولكن مبينة ليهم لاطاي ديالهم ومزيرين من جيهت الخصر ديالهم و نقاب مصنوع من توب خفيف على الانوف ديالهم كيظهر جمالهم من عيونهم المكحلة حاملين بين يديهم صحون نحاسية معبئة بالاكل و شراب و داخلين كيتمايلو كأنهم أفاعي الصحراء ...الطلبتي أوكسفورد طلعو فيهم عينيهم هما والاناث منزلين رؤوسهم أرضا استحياءا من الرجال الجنود لي انساحبو من أمامهم و تحط الاكل ليهم على الارض
أميمة كتحك في المعصم ديالها و سرحات رجليها كتشوف في نساء كيحطو ليهم و لي حطات شي حاجة كتنساحب من المكان : شكرا (مشات لاولة و حطات ليهم الثانية ) شكرا (مشات الثانية و جات الثالتة ) شكراا (دارت عند سكينة)ههه يا ختي هادشي بحال ديل قريش وداكشي .... سكينة شافت فيها مجوبتهاش هوما في مصيبة وهي متهضر على قريش وقلبت عينيها وشافت في داكشي لي حطو ليهم ..... حتى حطو ليهم الاطباق قدامهم و المشروب في القدر و كؤوس من نحاس و انساحبو
سكينة منزلة حواجبها و كتشوف في الأكل لي عبارة (على روز و بعد من الدجاج المصلوق واشياء جانبية غير معروف شكلها ): شنو هادشيي
أميمة كتشوف في الماكلة شكل ديالها غريب ماسرش الانظار ديالهم : ماكلاتهم في شكااال (و هي طلع عينيها في سكينة ) جبت شي بيمويات و لي شيبس في الساك ديالي
سكينة منزلة الحواجب ديالها كتشوف فيها : تانا جبت لي باط
أميمة كتشوف في جنابها : المصيبة هي فين هوما السيكان ديالنا
في الخيمة ديال الأمير .....و في الكرسي ديال العرش جالس الامير زيد بن شداد الاندلوسي بجلست أمير مطيح كتف و هز كتف و قدامو طاولة خرائطية بين يدو دول العالم ...حواجبو الغراض معقودين فحال الصقر الاصيل في يدو كأس من صولجان ...واقف حداه القائد الحرس بالسيف ديالو في حزامو و بملامح حازمة عربية
و من حولو جنديين هازين الحقائب ديال الغربيتين و الستائر في المكان كتجول بحرية تامة
الأمير رشف رشفة من كأسو الدهبي و حيد : أرني مافي هادا الشيئ
الجندي قدم القائد الحرس الحقيبة الاولى شدها قائد الحرس وهو مشبك حواجبو كيتسأل على نوع هاد الحقيبة و كيشوف فيها و دورها بيدو الدخمة دورة كاملة
الامير زيد كيشوف فيه بنفس الهيئة : ما الأمر ؟
القائد الحرس طلع عينو فيه : مولاي الأمير هادا شيء غريب لا اعلم كيف يفتح هادا الشيء
الامير زيد كيشوف فيه و الرجولة تزاحم الكلمات ديالو : حاول مرة اخرى و ادا لم يفتح مزقه ....و دار كيشوف أمامو و شرب من الكأس ...القائد بقا كيقلب فيها حتى لقا سنسلة و شد منها و جرها و هي تبدا تجر
القائد باندهاش : انها تفتح
الامير زيد دار عندو بهدوء و هو كيشوف في الحقيبة ....و القائد الحرس قلب الحقيبة رأسا على عقب ....و طاحو منها مختلف الحاجيات ....هاتف كميرا بعض الملابس الداخلية و ملابس النوم وملابس عادية و حقيبة صغيرة ديال المكياج و فوطة صحية و الكثير من البيمويات ...امام أعين الأمير لي كيشوف في هاد المقتنيات الكثيرة الغريبة مفقهش فيها حاجة ...حط الكاس ديالو جانبا و هز السترينغ بيدو منزل حواجبو : ماهدا الشيء الصغيرالرطب والموصول بخيط غريب
قائد الحرس كيشوف في نفس السترينج : اظن انها اشياء تستعمل في الشعودة....الامير على نفس الهيئة رمى السترينغ فوق الطاولة
الأمير زيد كيعطي الاومر بيدو : افتح الحقيبة الثانية ... هزها القائد الحرس و افتحها بنفس الطريقة و خواها على الطاولة كانو رشاشات ااصباغة ديال الشعر و المواد التجميلية و الملابس الداخلية و الخاصة بالنوم و ملابس للتبديل (سبق لي قلت انهم كانو غادي يمشيو للرحلة لثلات أيام )
الأمير زيد عينو على مواد التجميل : ماهده الاشياء
القائد الحرس هز كريم مضاد للشمس و بدا كيقلب فيه و عصرو حتى خرج من الكريم هو يرفع حواجبو باستغراب : ماهادااا الشيء يا مولاي الامير
الأمير زيد كيشوف في لكريم : فليتدوقه احد الجنود ...الجندي حنا راسو ليه و توجه للقائد الحرس و وقف قدامو و خدا من عند القائد لكريم و داقو و جهو ما تبدلش
الأمير جالس جلسة الامراء : مادا وجدت
الجندي حنا ليه راسو : ان مداقه حار جدا و سيء يا مولاي الامير
الامير زيد كيهدر باليد ديالو و وجه نظرو الثاقب  : أحضر لي إحداهن
القائد الحرس نزل راس : أمرك يا مولاي ...و استدار باش يعطي الاوامر للجندي
في الخيمة ديال الطالبتين ....جالسين تما مسرحين رجليهم داقو من الاكل معجبهمش جاهم بدون مداق ...أميمة حيدت الكعب العالي من رجليها و جالسة كتشوف في سكينة كتبلاني عليها
سكينة بجدية تامة : دابا خاصنا نشوفو كيف نهربو
اميمة بدون ملامح كتماصي رجليها لي ضروها بطالون : فكري فيها قبل ما تقولي ضيف للله
سكينة منزلة حواجبها كتشوف فيها : لا بلعكس ردونا عابر سبيل مدرولينا والو
اميمة زاحت بعينيها لهيه : واا راه عابر زمن ماشي سبيل (دارت بسرعة عندها هازا حواجبها )اش بان لييك فاش ينعسو نهربو
سكينة رفعت حاجبها فيها : زعمة راك لقيتي فكرة واش شفتيي الجيوش لي على برااا غير لي دورت فيهم عيني شي مية هاكاك فين غادي تخرجي
اميمة بفقدان الامل : و انا غير اقتارحت .....هو يدخلو جوج من الجنود عليهم للخيمة هما يدورو راسهم بجوج و هزو حجبانهم🤴الانتقال عبر الزمن 🤴
👳‍♀️oumaima & soukaina👳‍♀️
🧞‍♂️8🧞‍♂️
توجهو للجنود العندهم و عينيهم عليهم ....تخلعو الفتاتين و جبدو عينيهم و رجعو براسهم اللور و تخشاو في بعضهم
أميمة قلبها كيخفق : أويلييي مال هادوو
سكينة تخشات فيها مخرجة عينيها : عنداااك يكون تنادم معاهم الحال ....وقفو عليهم فحال ملائكة الموت و حاولو يشدوهم و الطالبتين غير كيغوتو ويهربو فحال الدجاج يلا كنتي باغي تشدو باش دبحو ....و هما كيغوتو و كيفرفرو بيديهم ....حتى تشدت ليهم أميمة كل واحد هزها من دراع ....و هي كتفركل ليهم برجليهاا و مغمضة عينيها : سكينة عاتقينييييي غادي يعدمونيييي
سكينة لاصقة على حد الخيمة و كتشوف فيها بتعابير باكية : أميمة ....خرجو أميمة من الخيمة على أقدامها الحافية كتمشى و كتطلب فيهم بتعابير باكية : مادا تريدون من عنديي لم افعل شيئا والله و حق ربي العالميين ....كيتمشاو بيها مابين خيام الجنود الكثيرة و الجنود مكتفيين بالنظر من بعيد للجنس هاد المخلوقة لي كتصرخ بهاد الطريقة المزعجة
في الخيمة ديال الأمير ....الأمير زيد جالس في الكرسي ديال العرش ديالو و قدامو المائدة فيها الستيان مسرح بطريقة ظاهرة ...هو يسمع صوت غريب كيقتارب من الخيمة ديالو و جهو المثالي متغيرش فيه التعابير حول عينو للباب ....حتى تحلت الستارة ديال الباب و دخلو للعندو أميمة و هما هازينها ....هي بمجرد ما دخلت الخيمة الأمير نقصت من صوتها بقاو غير الشفاه ديالها كيطلبو بخفوت و هي وحالة عينيها كدور فيهم على المكان حتى قادت راسها و لمحت الصفاء ديال عينيها ...أمير الصحراء الشرقي على كرسيو الأصيل كيشوف فيها بنظرات كتشبه ليل في اللون ديالها ...ابتاسمت بطريقة عبطية و هي كتشوف فيه و هي ولات كتمشى معاهم بهدوء حتى وقفوها امامو كتفصل بيناتهم المائدة و طلقو منها الجنود و حناو راسهم و رجعو اللور شوية
أميمة بابتسامة باللغة العربية : هو أنت من بغاني (ودارت نصف دورة عند لجنود مخنزرة) قولوها لي من الصباح شوهتوني مع السيد
الأمير زيد ميل راسو بهدوء و عينو على حراكاتها كيقرا فن رد الفعل عندها : تكلميي يا فتاة ماهده الاشياء ...و اشار بالاصابع ديال يدو للطاولة و هي تنزل عينيها كيبانو ليها سترينكاتها و ستياناتها منشورين فوق الطبلة و هي تطلع معاها اسخونية وطرطقت عينيها و هجرت الضحكة و حناكها غادا يطرطقو بالحشمة و هي تكا كتجمع فيهم (القائد حط يدو على القبضة ديال السيف ديالو هو و الجنود كينتاظرو اي رد فعل منها و الامير باقي على حالو )
اميمة بحشمة كتهدر باللغة العربية و مطلعة فيه حواجبها : لمادا حليتم صاكنا إنها خصوصية بنات حشومة يا سيد....و هزاتهم في يديها ودارتهم من مورا ضهرها
الأمير زيد عاقد حواجبو : ماتلك الخيوط يا فتاة
أميمة كيرجع فيها اللون العادي من بعد الحشمة ديالها : انها اشياء تخصنا نحن البنات (و هي تبتاسم ليه )لمادا جبدتها لقد حشمتني (القائد و العشيرة ديالو رجعو السيوف للمكانها )
الأمير زيد بجدية تامة و صوت شديد الصلابة : أرى انك تلقين ببعض الكلمات الغير العربية
أميمة بابتسامة و تنهدات : ناريي كونا درت تخصص لغة لعربية باش نعبر ليك على خاطري
لامير بقا كيشوفيها بإستغراب مفهم حتى وزة والقائد شاد مضاد الشمس و نزل حواجبو : بعد ادنك يا مولاي للامير (عطاه الامير الادن بيدو و دار عندها) و ماهادا ؟؟
أميمة دورات عينيها فيه و طلعت حواجبها : هاداك إيكرون كريم ضد الشمس ....القائد نفخ صدرو و عقد حواجبو و الجنود تحركو هي مافهمت والو غير كتشوف فيهم كاملين تحركو
الأمير زيد اعتادل في الجلسة و بطريقة معاتبة : ماداا تقولين كيف يكون هاد الشيء ضد الشمس هل تريدان محاربة الشمس هل أنتم ملحدون
أميمة حطات هادوك جانبا و طلعت يديها كتحرك راسها بالنفي : لا لا لقد فهمتومونيي غلط هادا كريم يحمي من الشمس (دارت عند القائد و طلقات يديها ليه ) اعطيني أوريك كيف يخدم أعطنيي ....القائد شاف فيها واخا مكيفهموش مزيان أش كتقول ولكن من لاشارات ديالها كيحاولو يفهمو و دار شاف في الامير زيد لي عطاه الادن براسو و حواجبو كالصقر عريضة تعادل البنية ديالو القوية ....وعطاها القائد شداتو بيديها كتقلبو لقاتو مكفحينو
اميمة رفعت حواجبها : راه غالي هادا لي دفكتوه (طلعات فيهم راسها ) يلاه على بركة الله (كبات شوية من الكريم في يديها و حطاتو في الطبلة و بدات كتدهن بيه وجهها و هما كيشوفو فيها بفضول ) تضعون قليلا يحمي بشرة الوجه من الشمس كيفما تشوفون (هي كتدهن و الامير زيد منزل حواجبو كيشوف فيها و الصمت سائد في ديك الخيمة نزلت عينيها و رفعت حواجبها شافت أنظارو ليها ابتاسمات خفية ميمكنش الضيع هاد الانظار الرجولية هباءا منثورة ) و هناك اماكنو اخرى أيضا (و هي تهز السايا ديالها حتى لحدود الفخضين ديالها  أمام انظار الجميع و طلعات ساقها و و رجلها الحافية فوق الطبلة حطاتهم أمام أنظار رجال العرب و وحطات يديها على فخضها كتحركو فيه و كتماصي حتى للساق ديالها دهابا و إيابا و عينيها على الأمير بابتسامة و بصوت انوثي و بطريقة هادئة ) هاكادااا يتم الأمر سيديي نمنع اجسدنا من حرقات الشمس هااااكدااا و يبقاا جسمناا ابيض كماا تشوفو أعينكم يا سيدي...كان الأمير زيد بالعظمة ديالو و السلطنة ديالو على المكان نافخ الصدر ديالو و نظرو مركز على الساق ديالها و هي كتحرك يديها فيه و هو متبع يديها في كل حركة كتديرها الامر مغري جدا خلات عيونو الليلة كتحرك في فخضها و كتلعب ليه على وثر رجولة ديالو  و كدالك الحال بالنسبة للقائد و الجنديين لي في الخيمة انظارهم مركزة على رجليها ....تفشات في هاد الخيمة ظاهرة إغواء الرجال و أميمة عينيها كيقنصو سيد العرش بشكل مباشر ....يتبع🤴الانتقال عبر الزمن 🤴
👳‍♀️oumaima & soukaina👳‍♀️
🧞‍♂️9🧞‍♂️
أميمة مطلعة عينيها في الأمير زيد و حاطة يديها على فخضها كتدوز علييه بشوية و كتظغط بصبعها عليه ....الأمير زيد منزل حواجبو العراض السوداويين و عينيه مع الصباع ديالها هو يطلع فيها عينو للوجهها من بعدما تملص بأعجوبة من اغوائات يديها
الأمير زيد بنبرة عصبية كأنه كيأمرها بصوت مرتفع : مذا تفعلين يا امرءة (أميمة كانت ناشطة بالنظرات ليها بمجرد ما هدر قلبها قفز من بلاصتو و كسرت الابتسامة ) استحيي كالنساء و أنزلي قدمك من على الطاولة ....الجنود و القائد الحرس حتى هما رجعو الوعي ديالهم و استعادو الاستقامات ديالهم
أميمة رافعة حواجبها بابتسامة شادة عليها و نزلت رجليها الارض : واخا أ سيد رجالة أوامرك على راس ولعين
الأمير زيد منزل حواجبو فيها بإستغراب من أش كتقول و كتفو عراض كيحرك يدو على المائدة : و ماهدا ؟؟.....أميمة نزلت عينيهالطاولة و رافعة حواجبها : واش شيبس (نزلات شوية على المائدة و هزات شيبس في يديها و امام اعين الجميع و طلعت عينيها في الأمير ) انها شيبس يا مولاي بطاطة محروقة مقطعة وفيها بزاف ديل الملح و الحار هل تريد ان تدوق ؟؟....الأمير منزل حواجبو و كيشوف فيها بشدة رجل شهم : ماذا تعنين ؟؟
اميمة رفعت حاجبها : عادي ياه بطاطة غنبقا نشرح فيها سيمانة مهم شوف (حلاتها قدامهم و أعين هاد الرجال مكتفارقش حركاتها العفوية جبدات وحدة و عضتها كتحس كأنها في اشهار ) انها لذيدة تدوق ..كتشوف في الامير زيد بابتسامة و تمضغ ....الامير زيد بحدة حول النظر ديالو للجندي الواقف هناك لي كانت الوقفة ديالو بحد داتها تحت الإمرة ديال ابن شداد الاندلسي ....حنى الجندي راسو و دار عند اميمة و خشا يدو في الشيبس ...أميمة رفعت فيه الحاجب ديالها و شافت في الجندي و كتهدر من لتحت : شكون هدر معاك نتا ....هز الجندي وحدة و كلاها قدامها كيمضغ فيها
أميمة بابتسامة : كيف وجدتها ؟؟
الأمير زيد بطريقة حادة حول نظرو ليها زلزل قلب انثانا : هادااا ليس من شأنك أنا من يلقي الأوامر هنااا
أميمة قلبها كيضرب من الرجولة الشرقية لي لمستها في الصوت ديالو دارت عندو بابتسامة و عينيها دبلو و طلعت حواجبها باللغة العربية : و شكون يقدر يكسر في كلمة زين ياربيي على رجولة فييكاا و انتا تشوف فيا هاكادا ليتك في واقعي كنت كمشت فيك بي يدي وسناني
الأمر زيد و حواجبو نازلين : أنااا لا افهم ما تقولين (و حول عينو الاشياء لي في المائدة ) المهم و ماهده الاشياء الاخرى
أميمة بنفس الابتسامة السخيفة على وجهها : فييااا ما يبقا معاك حتى للصباح كل حاجة نوريها ليك و لكن خفت على وحد خيتي لا تحماق بوحدها بالخلعة في الخيمة
الأمير زيد بحدة : ماذا ؟
أميمة جمعت مكياج و كلشي في كلمة : انها حلويات يا سيدي من قنتنا
في الخيمة ديال سكينة ....واقفة هاد الأخيرة و ضامة يديها و جنديين واقفين بالرماح ديالهم على الباب ....و هي كتمشي و كتجي و منزلة حواجبها قلبها كيضرب و الخوف مسيطر على الاعصاب ديالها : عندك يكونو دارو لهادي شي حاجة ياربيي و مكتعرفش تهضر غاديي تعورها غادي تخرج علينا عنداك يعدموها او يفرقونا اوووف يا ربيي ....دورت راسها الباب الخيمة و جبدات عينيها مدخلين صاحبتها مابين الستائر ديال البوابة و هازا الحقائب ديالهم و شاداها الضحكة دخلوها و طلقو منها و استدارو غادي يخرجو فحالهم و سكينة جات للعندها تجري و مجبدة عينيها شدات ليها من دراعها : شنوو وقع علاش بغاوك
أميمة بهدوء : ههه والو غير حلو لينا السيكان و معرفوش اش فيه و شرحت ليهم اجي اجي نجلسو (كيتمشاو الجيهة ديال الطابي باش يجلسو ) صافي جبدو ليكرون وريتو ليهم جبدو شيبس كلشي كلشي و انا شرحتهم ليهم و صافي رجعوني .....جلست أميمة أولا على الطابي و جمعت رجليها و جلست حداها سكينة دات الشعر الملون
سكينة حالة عينيها فيها بنبرة جدية : صافيي
اميمة مجبدة حواجبها : صاااافيييي
سكينة : مقالك والوو على الخروج ديالنا من هنا
أميمة رافعة حواجبها : لا قال لهاداك الجندي لي حدايا رجع هادي الخيمة ديالها هو قالها بطريقة مواااح عليها انا غير ترجمت ليك
سكينة بجدية حولت عينيها لامامها : اش هاد الوحلة لي طحنا فيها ....و نزلت حواجبها كتفكر و عاضة الفم ديالها
أميمة قربت للعندها بشوية للحدا ودنها و همست ليها : ضيف الله ....سكينة دارت عندها دغيا منزلة حواجبها : علااه شكون اصلا لي حطنا في هاد المصيبة و منقلنة من آلة الزمن ماشي نتيي ا الحمارة
أميمة دورات راسها فيها و طرطقت فيها عينيها : متقوليليااااااش حماااارة
سكينة جبدات فيها عينيها : حمااارة ....و هي تشعل النار بيناتهم تشانقوو من الكول ديال بعضياتهم و بداو ضربة فيا ضربة فييك ....الجنود لي على الباب حالين غير عينيهم فيهم ....و هما جبدني نجبدك و على نيتهم مخنزرين و يتقاتلوو ماتحلفوش عليهم طالبات أوكسفورد عندهم 27 سنة ....حتى دازت خمسة الدقايق و كل وحدة منتوفة في قنت و عطاو للبعضياتهم بضهرهم و غمضو عينيهم باش يستاعدو للنوم
الخيمة الخاصة بالأمير ....كيتمشى فيها بن شداد بالخفافة المطرزة بالدهب لي في رجلو وملابس النوم الرجالية لخفيفة وفوق منو سلهام ديالو لي كيرمز لعضمة شأن ديالي و ملامحو الارتجالية على حالها كيهدر بحدة و في يدو كأس السولجان الدهبي كيشرب منو عصارة العنب المخمرة و حيدو من فمو دار نصف دور : فليستعد الجنود للعودة الى الديار
القائد من موراه حنا راسو : أمرك يا مولاي و بي خصوص الفتاتين
الأمير زيد شرب من داك الكأس لي كيعكس الصورة ديالو و حيدو من فمو : سنأخدهما معانا حتى يتبين امرهما الغريب (حواجبو العريضة انقبضت فحال اجنحة الطيور ) انا لم أثق في كلامهن ظهورهن بهادا الشكل الغريب ليس بأمر عبثي لقد إرتابني بعض الشك في أمرهن
القائد : أمرك يامولاي يا مولاي🤴الانتقال عبر الزمن 🤴
👳‍♀️oumaima & soukaina👳‍♀️
🧞‍♂️10🧞‍♂️
أصبحنا و أصبح الملك لله
يوم ثاني في القرن 16 .....الخيام ديال الجنود تجمعت و تشطبت من ديك الواحة ....المدخرات و الدخيرة تحملت على الجمال و الجواميس و توضبت مزيان ....الخيول تسرجت بالسرج ديالها .... و الجنود تزودوو بالاسلحة ديالهم و السيوف ديالهم و الأسهم الهادافة على الظهور ديالهم ....و كل جندي ركب على الفرس ديالو بعضمة قوة رجال العرب القداماء .... على المقدمة ديالهم الامير زيد بن شداد الاندلوسي ...و على كتافو السلهاام ديال السلطنة و العمامة على الرأس ديالو و السيف في الحزام ديالو على أحد الكتفين ديالو الصقر ديال الصحراء كيعمل مرسول تحت الخدمة ديال الأمير ....و من موراه صفوف متوازية من الفرسان كيتمشاو بإنتظام و بخطوات بطيئة  ...