الانتقال عبر الزمن (بالدارجة المغربية كاملة )

31

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️131🧞‍♂️
خالد هز فيها حاجب : كيفاااش ؟
أميمة كتشوف فيه : سمح ليا ا مستر خالد انا عيانة دابا نخليك ... دارت عطاتو بضهرها و خلاتو غادي يبخ الدم بالعصاب و مخرج عينو فيها ...و هي مشات كتخف رجليها في هاد الغابة و شادها الضحكة و راجعة للخيمة دابا عاد رجعات فيها الروح من بعدما رجعات ليه القمعة ....و خلاتو هو ضرب الشجرة برجلو بقوة ما تعصب

في الخيمة ديال عامر ....سكينة واقفة عند الباب و هو واقف معاها شاد ليها في دراعها بزز باش ماتمشيش
سكينة كتطرطق فيه عينيها و باغا تملص منو : خاصنيي نمشيي دابا نرجع نسول الطلبة على داكشي لي دارو على حساب البروجي
عامر مخرج فيها عروقو : الطالباات
سكينة : علاش مابغيش تفهم ان ضومين ديال دراسة مخلط فيه دراري و بنات و عاد زائد باغي تخرج على خدمة البروف حيت دابزتي معاه نتا راك حمق خاصك تعالج
عامر جرها للعندو و مخنزر فيها : غادي نتعالج لا جلستي نتي لارض
سكينة عنيدة كثر منو : ميمكنش ليااا رانييي كنقرااا و انا مغاديش نتخلى على قريتي خاصك تفهمها
عامر مخرج فيها عينو : و انا قلت لموك تخلاي عليها
سكينة شافت في دراعها في يدو : دابا خليني نمشي
عامر حاول يخلي لعصاب داخليا و كيحرك ليها راسو بالايجاب و طلقها : وخاا سيريي
سكينة طلعت فيه و نزلت بعويناتها : تصبح على خيير ...و خرجات من تما و تبعها للكارد يوصلها ... عاد جا التابع ديالو عندو لقاه معصب : مستر سايرس خالد ابن الفارس عندو شي جدور قوية في الجامعة  ميمكنش يتنحى على المنصب ديالو
عامر دار للعندو عاقد حواجبو : كيفاش جدور ؟
التابع : غير معرف لحد الان

في الخيمة ...جالسة أميمة مربعة رجيلاتها و كتلعب في التليفون بصباع يديها كدير ديك مطابقة الاحباء لي كدير ليك نسبة توافقك مع الشريك كين غير 5 % و 6% بينها و بين خالد و هي تلوح الزمر
أميمة رفعت حاجبها : اصلا كنت عارفة هادشي  ... و هي دخل عليها سكينة كتنهج مشات للفراشها دغيا جلست فيه : و اخيرا تفكيت منو بزز 
اميمة جامعة رجليها بيديها و مطرطقة فيها عينيها : و علاش ا حبيبة
سكينة : هاداك انا لي عارفاه غادي يتجهد عليه ليل و غادي نبان ليه انا في البلان
اميمة تكات في فراشها و كتشوف فيها : كنتعجب كيفاش باقا مسدودة
سكينة تهيا تكات على ضهرها كتعاود : راه واخا كنت تنشرب و تنكمي كنبقا بنت دارنا
اميمة غمضت عينيها : مخليتي لبنات دارهم ديال بصح ميقولو ههه
سكينة ضحكت : هههههه .....و غمضت عينيها🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️132🧞‍♂️
اصبحنا و اصبح الملك لله
فاقت اميمة في وقتها ...ناضت ملقاتش سكينة حداها تكسلت و هي كتاوب : بنت الحرام مافيقتنييش ....ناضت بدلت حوايجها و خرجت عند الطلبة لقاتهم جالسين كيفطرو اونسوبل و كيضحكو مشات للعندهم صبحات عليهم و جلست كدور عينيها بيناتهم : فيين سكينة مبانتش ليكم
دوات وحدة لهيه : لا مخرجاتش بمرة حيت انا اول وحدة فقت
أميمة خنزرت : اويلييي ، ماكيناش حتى في الخيمة ديالنا .....حتى سمعو صوت خالد من موراها جاي كيتمشى و كيهضر : سكينة خلات ميساج ان عندها ضرف طارئ واش مقالتهاش ليك
أميمة دارت مخرجة فيه عينيها و حركت ليه راسها بالنفي ...خالد كيشوف فيها و حجبانو نازلين و هاز كاس ديال القهوة كيشرب فيه : هي مغاديش تكمل معانا (طلع عينو للطلبة) بداو تستعدو غادي نغيرو للبلاصة ....بداو كينوضو و اميمة مجبدة عينيها و نزلت كتشوف في لرض مقالت ليها والو على هادشي