الانتقال عبر الزمن (بالدارجة المغربية كاملة )

32

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️139🧞‍♂️
حتى سلات سكينة الماكلة ديالها.... عاد هزات عينيها كتشوف فيه ...و بدات تقاد في الجلسة و تمسح فمها بالمشوار بحكم لقاتو كيشوف فيها و هي تحنحن : نمشيو ...عامر جالس بطريقة كتبين على مكانتو الاجتماعية : يلاه ...و ناضو من المقهى ...و خرجو من تما فضل عامر يتمشى هو وياها و يهضرو شوية
عامر حط يدو من مورا ضهرها و كيشوف فيها : شنو قلتي دابا غادي تكوني معايا ؟ حبيبتي رسميا
سكينة خاشي يديها في جيوبها فحال الزوفري و حشمانة شوية : ممم م معرفنش نفكر ...و عينيها نزلو لرض قلبها كيضرب و مع راسها كتقول علاش لا تعطيه فرصة خاصة اعتارف ليها دابا .... هزات عينيها و هما يبداو يبانو ليها البنات غير القرطاسة على ختها و لباس انثوي ... و كيتمشاو من جميع الجيهات و منهم لي كيشوفو في عامر لي حداها ....هنا انوثتها تقرصت بدات كتشوف في حالتها كتبان كأنها خوه الصغير صافي ...و بدات دور في عينيها و دارت طلعت راسها في عامر اصلا لقاتو كيشوف فيها و هي تبسم ليه : كنحس بشوية راسي كيضرني واخا نمشيو للدار ؟
عامر عقد حجبانو : واقيلا خصنا نمشيو لوبيطال
سكينة : لا لا ماشي حاجة غير العيا و صافي غنمشي للدار غادي نرتاح شوية

نرجعو للاميمة لي سلات تبديل ديالها عاد خرجت من مور السيتارة لابسة غير شورط بالفوق ديالو ... و هي كترمش و تشوف في خالد ناعس على الناموسية و كيشوف فيها دار ليها شوفة من الفوق تال تحت حتى تقرصت و تبسم ليها : ساليتي
اميمة حركت ليه راسها و هي عقلها طاير للسما كتفكر واش غتنعس حداه عادي ولا شنو غادي دير مجاتش حشومة ...وقفت مسمرة و كتشوف فيه فحالا كتقول ليه بعينيها نوض
خالد صغر عينو باستغراب : مالكي ؟!
اميمة خفضت من صوتها : لا والو واخا تعاود تسولهم واش عندهم شي خيمة اخرى
خالد رجع تعبير النسر : اميمة اجي تنعسي
اميمة مجبدة فيه عينيها معندها مادير ولات تقرب بشوية بشوية حتى وصلت حداه ...و جلست و هي كتشوف فيه و هو هاز فيها حاحب هضرت بصوت خافت : تصبح على خير
خالد : تصبحي على خير .... بزز تاكات حداه و عطاتو بضهرها و هي مكمشة و كدور في عويناتها في الارجاء ...خالد رجع راسو قدامو و وسع ابتسامتو ضحكاتو و هي خيفة منو زعمة

نرجع للسكينة ....لي رجعت للدار هي و عامر و فضلت تطلع للبيتها نيشان لي كانت فيه المرة الاولة ولات حافظة الطريق مشات ليه نيشان دخلت كتحيد في ديك القبية بقات غير بستيان و كتعاير : لا راه زمل عليا الحال نيت واش انا حمقة واش هادي كيخرجو بيها الناس بفففف (شدات من راسها ) ناريي شنو فيها كون لبست فحال لبنات تانا (مشات وقفت قدام المرايا و كتشوف في راسها ) زعمة ميكونش غير كيضحك عليا (عضت شفايفها نزلت راسها و عقدت حجبانها و سلتت سروال ديالها و بقات بسترينغ و هو يتحل لباب عليها ....دارت بشهقة و غطات صدرها و هي مجبدة عينيها مصدومة ....عامر لي دخل مع لباب وهو كيشوف فيها عارية غير بدو بياس ....غتح فمو و عينو كيدوزها عليها بشوية و كيوزنها طرف بطرف : صراحة كنت باغي نديك لبيتي (ورجع عينو عليها و بدا كيزيد خطوة عندها سكينة خرجات فيه عينيها و بدات ترجع بللور ) و لكن بان ليا غادي نبقا هنا ....دار و سد الباب قدام عينين سكينة و هي مخرجاهم كتشوف فيه🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️140🧞‍♂️
أميمة باقا حالة عينيها و مجموعة على راسها ...و كدور راسها ممأمناش عليه ...واحد شوية حسات بيه كيتحرك من موراها و كيقرب ليها بدات كيف الببوشة تخرج في عينيها و تويل في لداخل ديالها كانت حاسة بيه غادي يزمل عليه الحال في ليل هاهي وصلت للتوقعاتها ... معرفت مادير غمضت عينيها مزيرة على راسها زعمة راه ناعسة ...خالد عنقها من للور و خشاها عندو ملصقها معاه يد في خصرها و يد خشاها تحتها و جمعها عندو و خشا وجهو في شعرها و توقف على الحركة ...اميمة باقا غير على حالها كتحسس بشنو كيوقع فيه و هي تبدا تحل عينيها بشوية بشوية فاش شافتو وقف بقات مطرطقة عويناتها و شداتها الضحكة و هي ترجع تهيا كتخشى فيه و كتحسس دراعو في خصرها و غمضت عينيها ...و باركا تحس و تخيل تهيا و الهرمونات باركين و يتفرزو