الانتقال عبر الزمن (بالدارجة المغربية كاملة )

26

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️93🧞‍♂️
سكينة جالسة في مكانها كتشوف مرة في الطبيب مرة في المستر سايرس و كتطول فيه الشوفة بالصدمة نظرا للشبه الكبير بينو و بين روجر
سكينة طلعت عينيها مجبداهم في الطبيب : اناا عارفة راسييي انااا بخيير خاصنيي نمشييي عنديي طيارة دابا
مستر سايرس كيشوف فيها بجدية : انسة (سكينة دارت لعندو بنفس الوجه ) حتا نتأكدو من السلامة ديالك
سكينة كتشوف فيه : والله حتى سليمة ...هو يدخل شخص منهدم بكوستيم كان شبيه للتابع ديال روجر ... سكينة غير شافت تابع ديالو و هي تشهق و خرجات عينيها فيه
التابع شاف فيها و هو وجهو صفر و دور عينو : مستر سايرس كين واحد المشكل
سايرس شاف فيه و نزل حجبانو و ناض وقف و خرج معاه ....و سكينة جالسة في بلاصتها و مخرجة عينيها كتحس فحالا غادي يتعاود ليها نفس الشيء
الطبيب : تطحي على ضهرك باش ندير ليك الفحوصات
التابع خارج الغرفة و خرج معاه حتى سايرس
مستر سايرس : شنو واقع ا سيلفر
سيلفر : الحادث خرج في الجرائد
مستر سايرس دوز يدو بعصبية على الوجه ديالو : شااااات هادشيي لي مبغيتش
سيلفر : شنو غادي نديرو دابا يلاه خرجنا من مشكل غير السيمانة لي فاتت
سايرس داير يد في جيب و يد لخرى هازها بقبضة على الفم ديالو : غاديي نلقاو حل هادي متخرجش من هنا يقدرو تكون مسيفطها شي حد و تخلق لينا مشكل
سيلفر حرك ليه راسو بالاجاب : و انا غادي نحاول نتواصل مع كاع الجرائد باش يمحيو هاد الخبر قبل ما يوصلو الزبناء ديالنا من كوريا شمالية ...سايرس خلاه و دور عينو كيتمشا

في الجامعة ....أميمة طالعة فوق البروفيسور و شادة من الكول ديالو و كتبوسو و الامر اشبه بالسحر كانها كتبوس الامير زيد ....خالد كان داخل في صدمة و هاد البوسة كتطيحو في للجدب في الاخير الرجل ضعيف قدام المرأة كان غادي يغمض عينو يبادلها نفس الحاجة حتى تدكر انها تلميدة عندو هو يحل عينو و خنزر و يدو جمع بيها الدراع ديالها بقوة و حيدها و دفعها ....اميمة كانت كتبوس و مغمضة عينيها عايشة للحظة حتى كتحس براسها مدفوعة و طايرة في السما و جات على المؤخرة ديالها في الارض و هي مغمضة عينيها و عاقدة حجبانها و جالسة
اميمة حلات فمها : اااا يييي ...خالد ناض من الكرسي ديالو و معصب ضرب الكرسي برجلو من اللور و كيشوف فيها
خالد بعصبية : وااااش نتيي مريضة ؟
اميمة حلات فيه عينيها و هي كتشوف فيه كيتنفخ و كيتفش و كتسرط ريقها : قصحتينيي
خالد : تهزييي من هنااا ...نزل للعندها و رفعها من الدراع ديالها حسات بيه فدعها حتى لقات راسها واقفة على رجليها وجابها عند وجهو
خالد : شنووو هادشييي درتييي نتيي
أميمة حلات فيه عينيها و قصحها في دراعها عاد المؤخرة ديالها لي كضرها : انااااا درت هاكااا باش تعقل اناااا عارفاك عااارف و خاصك تعقل
خالد كيشوف فيها و نزل حجبانو و داها و جابها من دراعو : اششش غاديي نعقققل اش كتخربقييي ؟
أميمة حيدت دراعها منوو و زعفت : طلقيي مني اولاا (طلق منها كيخنزر فيها) بغيتي تعقل ولا مبغيتيش انا درت لي عليا ها خاتمك ....و حيدت الخاتم من صبعها و حطاتو ليه في البيرو و زادت خلفة للباب مخلياه مصدوم فيها و عاقد حجبانو فيها هو عمرو حتى شافها يلاه عرفها جوج مرات باستو و حطات ليه خاتم منعرف منين جيباه اش هاد العبث ... أميمة خرجت زعفانة و سدات الباب وغادا مقلقة للبيت ديالها