الانتقال عبر الزمن (بالدارجة المغربية كاملة )

29

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️111🧞‍♂️
عامر كيشوف فيها و هاز حاجبو فيها و كيهضر : ضحكينا معاك
سكينة كتشوف فيه و كضحك : هههه لا لا شي حاجة ماشي تال لهيه نت نت هههههههه ....و طلعت راسها كضحك و بالاحرى كتبكي بالضحك ... عامر باقي كيشوف فيها بلا حتى رد فعل و وجهو خاوي من تعابير
سكينة كتمسح دموعها و كضحك : كيف قلتها ليك قبل غير كتحلم نكون صاحبتك
عامر بابتسامة ناض بشوية عليه : ادن عمرك ماتحلمي تخرجي من هنا ... و خلاها و مشا من قدامها و هي هجرت الضحكة و هي كتشوف فيه مصدومة : اويلي واش نتا حمق اييه راه كنهضر معاك اويلي على ولد *حبة من نيتو غادي يخليني هنا

لعند اميمة في نصاصات ديال ليل  ....لي باقا جالسة فوق الناموسية ديالها و مربعة رجليها بشعر مجموع بشكل عشوائي و من حولها بزاف ديال الكتب و قدامها البيسي و هازا في ودنها تليفون و قلبها غير مزايد كيضرب ....مصونيا للسيد البروفيسور
أميمة طرطقت عينيها : الووو
خالد كانت في اليد ديالو كانيط صغيرة ديال البيرا و نصف عاري و نصف تاني مغطي بمنشفة ...و كيتمشى في الشقة ديالو الفخمة و شاد تليفون في يدو و تعبير النسر و صوت قاصح : الو
اميمة بابتسامة و كتلوي شعرها على صبعها و بدارجة المغربية  : بروفيسور انا اميمة (خالد كان كيشرب في البيرا غير قالتها حبس للحظة و هو عاقد هاد الحجبان و رجع البيرا من فمو يشوف هادي مالها ) انا هي لييي ام احم احم
خالد جلس في الفوطوي و غمض عينو : شنو باغا ؟
اميمة هزت حاجبها بكرامة : متنساش امستر نتا لبروفيسور و انا عندي بروجي نتا مكلف بيه و انا حصلت في شي حاجة
خالد بجدية تامة : غدا اجي عندي للمكتب ديالي تما غادي نتناقشو في كلشي
اميمة يلاه غادي تجاوبو و هي تسمع صوت انثوي عندو و هي تكمش وجهها ...خرجات بنت زعرة اجنبية كتملق بزين كتلبس في حويجها و كتشوف في خالد و كتهضر بالانجليزية : انا غادي نمشي مستر لليلة اخرى ....و غمزاتو و دارت كتمشى للجيهة الباب ...و خالد دار شاف فيها بلامبلاة و رجع عينو و التليفون في ودنو و كيشرب في البيرا
اميمة بعصبية : حتى هنااا ؟ متهضرش معايا ...و سدات عليه خالد مافهم حتى لعبة شاف في تليفون لي تطفا عليها ربما ماكتهضرش معاه مكيهمش و ناض كيتمشى للكوزينة يجيب ليه بيرا اخرى
خالد تنهد بابتسامة : صوتها زوين ...و كمل طريقو ...الحمقة ديال اميمة لي تخشات في الناموسية ديالها من صباح و هي خدامة على نيتها في لخر كان مع وحدة اخرى و بدات تبكي و تنحط على نيتها
سكينة تمشي و تجي في وحد البيت و تخنزر و تفكر كيف غادي تفك من شبيه روجر اهم حاجة خاصها تخرج من هنا حيت مبقاتش قادرة تزيد الضربة معاه ...و حصلة خايبة حصلت معاها حتى لو فكرت فشي بلان غادي يخرج فالصو بقا حل واحد هو نيت لي غادي ديرو مغتبقاش مسجونة هنا حياتها كلها ... دارت و مشات بزربة للباب حلاتو و خرجات و بدات كتمشى تما و كتدور راسها يمين و شمال في انحاء الفيلا و هي تقشع خدامة من الخدامات لي تما بقلة احترام : نتي فين هو داك عامر
الصوت من موراها : داك عامر من موراك ...دارت من وراها لقاتو واقف و مربع يدو و كيشوف فيها بداك التعبير الشديد
سكينة تبسمت قدامو كتشوف فيه : فكرت في داك البلان لي قلتي
عامر هز حاجب : اينا بلان ؟
سكينة : ديال تصاحيب و انا موافقة🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️112🧞‍♂️
عامر : بهاد السرعة غير قبيلة قلتي ليا كنحلم
سكينة تبستمت ليها بزز : غير تصدمت في لول و لكن فكرت في الامر غنكون اكبر حمارة لا رفضت
عامر ابتاسم ليها : ادن دابا يمكن ليا نعيط ليك بحبيبتي
سكينة كتجبد حجبانها : عيط عيط ... و هو يشدها عندو و جرها من كتفها ديريكت للفمها و متص شفايفها ثلاتة المصات متقطعين وهو كيصدر صوت شجي كيتبنن فيها ...سكينة غير مجبدة عينيها كتشوف فيه معطلهاش دغيا باسها و رجع للور كيشوف فيها : هادي اول بوسة مزال غادي يجيو بزاف
سكينة هدنت راسها و هي مخرجة عينيها حيت كتحس بنفس الاحساس فاش كانت مع روجر سرطت ريقها و خدات نفس و هي كتشوف فيه : اممم دابا يمكن ليا نرجع لجامعة ديالي ياك
عامر : و انا لي غادي نوصلك بنفسي باش تعطيني الوقت المناسب لي غادي تخرجي فيه نجيبك للهنا
سكينة مطرطقة فيها عينيها : علااش ؟
عامر حط يدو على خدودها : نتي حبيبتي دابا و غادي تعيشي معايا في نفس الدار و في نفس البيت ...و ابتاسم سكينة رفعت فيه حجبانها بجوج بضحكو : اوووو فهمتك فهمتك ههه (و قلبتها بجدية ) ولكن ميمكنش اممم انا كندير البروجي ديالي في الابحاث و عندي شريكة في هاد البروجي يعني خاصني نبقا في الحرم الجامعي باش ندير انا وياها هاد البروجي
عامر : يمكن ليها هي تجي لعندك لهنا انا مغاديش نعتارض
سكينة بدات كتلون كتكدب : لااااا م متقدرش تجييي لا لهنا لا حيت هي محافظة بزاف و متدينة مكتمشيش لبلايص انا عارفك غادي تحتارم قراري و غادي تخليني نمشي يااك ؟ ...عامر كيشوف فيها بابتسامة : ماشي مشكيل غادي نتسناك دابا شنو رئيك نتعشاو
سكينة كابتة الفرحة : هه صراحة مكرهتش و لكن بغيت ننعس بكري ليوم
عامر تبسم ليها : ماشي مشكيل يلاه سيري تنعسي ...سكينة بنفس ابتسامة : تصبح على خير ....و نزلت راسها و ضربت فيه و زادت قدامو و طلقت ابتسامتها عريضة و هو يدور معاها و شعلها معاها بضربة للمؤخرة حتى نقزت قدامو
سكينة دارت عندو و شدات من بلاصة فين ضربها و هي كتخنزر : ااااي راك قصحتينييي
عامر طلع فيها عينو من بعدما كان كيشوف في مؤخرتها و غمزها : عجبتني دابا عاد سيري تنعسي ....سكينة مخنزرة فيه مشات شادة من مؤخرتها و كتدور تشوف فيه و بدات تعاير في دماغها غير ولات صاحبتو دغيا عطاها بوسة و شحطها في مؤخرتها  اش هاد العبث و هي غير ناوية تنصب عليه تتخرج من هنا