الانتقال عبر الزمن (بالدارجة المغربية كاملة )

(الاخير ) 33

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️151🧞‍♂️

دارت عندو سكينة دغيا و هي كتشوف فيه : عامر .... حط الكاس على جنب و تقدم للعندها منزل حجبانو : واش مليتي
سكينة تبسمت و بدات كتصرف كأنثى و كتحدث بصوت منخفض و هي كتشوف فيه : غير خرجت شوية نشم لهوى عجبني الحال هنا بزاف
عامر تبسم ليها و قرب منها و حط يدو على كتفها و تبسم ليها و حركها للعندو و ميل راسو : هادشي ماقلقكش ياك خاصك تعودي واخا ...و هز الحاجب ديالو
سكينة حركت ليه راسها بالايجاب و تبسمت و حشمت و نزلت راسها للارض ...هو يطلع ليها راسها بيدو و تحنا كيمص للفم ديالها و غمضت عينها كتجاوب معاه في المص ديال شفايفو ...هو يتضرب فيهم الفلاش ديال الكميرا  ديال الصحافة من الخارج ...حيد عامر فمو منها و عقد حواجبو و طلع راسو كيشوف كومة الصحافة بعيدة موجهة ليهم الصور ....سكينة دارت كتشوف و مجبدة عينيها فيهم و هي بين يدين عامر و هي دور عندو هازا حجبانها : واش كيصورونا ؟
عامر هاز حاجبو فيهم : غدا غادي تكون صورتك معايا في الجريدة (ونزل عينو ليها و تبسم ) خاصك تعودي على هادشي ....سكينة تبسمت ليها بتزييف و هي كتطمن راسها ان هادي اخبار لندن مغاديش توصل للمغرب
عامر : نمشيو دابا نتعشاو ياك

نرجعو للعند خالد ....تحطت لبيتزا كتشهي فوق المائدة حدا المدفئة ...و تحطت معاها سلاد مهيم غير سمية ديال سلاد طالعة من يدين الحادكة تاع اميمة ....جلس خالد وقف في طبلة و اميمة طارت قدامو مربعة رجليها فوق الفوطوي ....خالد حط قرعة نبيد في المائدة و كسئين معاها....اميمة انتابهت للامر و جبدات عينيها سيد ناوي يزها  : انا مكنشربش
خالد رفع الحاجب ديالو  : انا عارف هادشي (دار راجع للمطبخ و هو نصف عاري كيتمشى و كيهضر ) درت هادشي في حسابي و جبت ليك عصير معايا
اميمة كتشوف فيه و رسمت تبسيمة على وجهها و جمعت يديها فرحانة غادي طير شكون فحالها هاهيا مع حبيبها لي كتبغي و بوحدهم و غادي يتعشاو اونسوبل و زائد عارف شنو كتشرب و شنو لا هادشي كيوت بنسبة ليها بدات تجبد تما غير شافت الخيال ديالو خارج و هي تجمع الضحكة ....كان هو كيتمشى و وجهو فحال الصقر و في يدو زجاجة ديال عصير ليمون ...اميمة نزلت عينيها في القرعة و هي تبدا تكمش حواجبها تفكرت واحد الاسطورة ديال واحد الفيلم مغربي ...واحد قدم لوحدة عصير و فيه الكينة و نعست و اغتاصبها ...و هي تخرج عينيها فيه و بدا قلبها كيدق عليها🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️152🧞‍♂️

حط العصير و جلس قدامها مفرق رجلو كب ليه االنبيد بيد ....و حطو قدامو و كب ليها العصير و حطو قدامها ...اميمة غير حاضياه بالقنت ديال عينيها لي مطرطقاهم ...طلع فيها عينو بحاجبها و هي تجبد ضحكة ديال بلعاني قدامو
خالد هز الكاس في يدو : كولي
اميمة شبكت يديها و سرطت ريقها بلاما تبين : صراحة مغاديش نشرب العصير غادي ناكل غير البيتزا
خالد ابتاسم ليها و على حركاتها العفوية لي كيعجبوه : واخا .... تبسمت ليه و خدات مورسو من البيتزا و بدات كتاكل فيه بشوية ...و مرة مرة تخطف فيه نظرة و هو كياكل و و كيشرب بشوية عليه و كيشوف فيها كتشوف فيه و تنزل عينيها
خالد جمع حجبانو : اميمة مالك ؟
اميمة هزات حجبانها و طلعت عويناتها تشوف فيه : لا والو امممم بغيت نسولك غير باش منبقاوش ساكتين و صافي ( و هي كتمضغ ) واش عمرك بغيتي شي وحدة في حياتك ؟
خالد شرب الكاس و هز فيها حاجبو : اش هاد السؤال ؟
اميمة : غير من جانب نكسرو الصمت و صافي
خالد حط لكاس و رجع بللور كيشوف فيها و شبك يدو : صراحة قبل لا مكنتش مهتم بزاف علاقاتي مكتفوتش ليلة (اميمة هزات حجبانها في هاد المسلكط لي قدامها  و هو كيشوف فيها ) و لكن دابا تغير المنظور ديالي من نهار دخلت واحد البنت زوينة بزاف عجبتني ...اميمة ناضت وقفت و هي كتخنر فيه و لاحت ديك لبيتزا في الطبلة و وجهها تعصر و هي كتخنزر هو مافهم والو و خلات ليه الطبلة و مشات لبيت حسن ليها