قصة كتمحور على جوج بنات كيقراو في بريطانيا غيتصادفو مع الاة الزمن لي غادي ترجعهم لعهد السيوف و تما غادي يتلقاو بسلطان و امبراطور لي كل واحد غيتغرم بوحدة فيهم و من تما بدات القصة رومانسية و مضحكة في نفس الوقت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🤴الانتقال عبر الزمن 🤴 👳♀️oumaima & soukaina👳♀️ 🧞♂️11🧞♂️ داخل أسوار هاد المملكة المسماة اندلوسيا ... الكثيفة السكان دات الاسواق النشيطة و الحركة المكتضة ... وقفو الرجال بعماماتهم و لباسهم العربي استقبالا للقافلة ديال الامير و الاكتضاد و تدافع باش عينيهم ترضى عليهم و من موراهم النساء بالحيك و النقاب مخبيات و كيشوفو غير بالاعين ديالهم ...و الحرس و الجنود مشكيلين سلاسل الآدمية باش تحمي قافلة الامير .....و خلاو مساحة عريضة ....دخلو منها الجنود و الفرسان بالاحصنة ديالهم و على المقدمة ديالهم اميرهم الشاب الوسيم تعالات الهتافات لظهور ديالو و ترحيب بتهاليل على العودة ديالو ....وسط دوك الملامح الشرقية السوداء ابتاسم للشعب ديالو و رفع أحد اليدين ديالو كيليقي عليهم التحية و وشوشات عازبات القرية عليه و عيونهم المكحلة كتنظر ليه و الخجل و الحشمة على الوجوه ديالهم ....عاد دخلت قافلة الجمال كتمشى على مملكة اندلوسيا ...أميمة غير بصبعها كتحيد الستارة و كطل بعينيها و كتجبدهم بكثرة الناس و الاصوات لي هنا تمنات لو ان معاها سكينة غير يهدرو شوية ....سكينة حتى هي كطل غير بالخفية و كتشوف الظاهر ان الامر غادي و كيتعقد سكينة : والايني وحلة هادي هادشي مبانش ليا فيه بان ليا غادي يوقع شي بلان اكيد هاد الآلة عندها شي تاريخ انتهاء صلاحية ترجعنا فيه ميمكنش نبقاو واحلين في هاد الزمان مستحيل .... داخل أسوار مملكة اندلوسيا و على بعد بضع كيلومترات كتواجد غابة في ديك المملكة كثيفة الاشجار واسعة و عريضة معبئة بالحماية ديال الجنود ....كيتواجد قصر سلاطين الاندلوسي ....قصر مكتاسح شاسعة مدينة البنية ديالو ثابتة كيضرب العلو ديالو لصحاب ....حناو الجنود الخارجيين لي كانو كلهم في الاستقبال الخارجي و تحل الباب ديال القصر .. و توقفو الجيوش من المشي...فقط الصف الاول المرافق للامير هما لي كيتمشاو للداخل القصر البقية عندهم مكان مختص بالجنود ديالهم و من بين دوك المكاسب لي تكسبت ....جوج ديال الجمال لي تحركو للداخل ديال القصر هما ديال الطالبتين ......قصر السلاطين الاندلسي ...قصر إقامة السلطان و الحريم ديالو و الحاشية ديالو و العبيد ديالو .....هو مدينة بالحد داتها مساحتها شاسعة من برا باش تتحرك فيها خاصك قافلة ....ناهيك على البنيات الداخلية للقصر العميقة و المتداخلة الكثيفة كأنها متاهة ....كتيفة الابواب و المداخيل ....و نظام القصر الصارم ...و الحراس في جميع الأماكن ... و هناك قاعة خاصةبالحريم جواري و مكاسب الحرب من الإناث ....هاديك الصالة كبيرة و فخمة مفرشة بالزرابي ديالها على الارض والوسادات العريضة و المؤكولات على طاولات صغار جالسين تما الزهرات المتفتحة و الضحكات النقية كأنهم حريات في الجنة ...أصواتهم في هاد القصر كحريم مكتومة خاص الحرم او الجارية تكون بكماء قدام اي سلطان او امير او حتى جندي ...حتى الاميرة كينطبق عليها نفس المثل ....دخلت أحد الجواري للقاعة لي محروسة طبعا بابتسامة يافعة : فتيات لقد عاد الأمير ....كلمة زلزلات القلوب ديالهم و ناضو من مكانهم كيوشوشو و كيجريو للشرفات ديال القاعة باش يتداحسو يشوفو الأمير العائد في البلاط الملكي الخاص بالقصر ....كان كرسي السلطان في داك البلاط الشاسع و من حولو الكراسي ديال المستشارين و القضاة و القياد ..كانو جالسين ولابسين السلهام الأبيض و وجههم عربية اصيلة ...كيتوسطهم السلطان جالس في الكرسي ديالو ...رجل شيخ الملامح ديالو شرفت ولكن مزال زوينة جالس كتضهر في شخصيتو سلطان و على راسو ثاج ملكي بالدهب مرصع ....كلهم حضرو البلاط باش يستقبلو عودة الأمير من بعدما توصلو بالصقر ديالو ... وقف الأمير زيد و نزل من الفرس ديالو للارض و كيحط يدو على الجواد ديالو الابيض باش يهدأ من روعو تعبير العربي مكيتبلش على وجههو و الجنود كينحنيو ليه دار بالسلهام ديالو كيتمشى للداخل القصر ديال السلطان وفي البلاط ديالو باش يوثق الوجود ديالو السلطان و القضاة كلهم وقفو استقبالا للأمير بابتسامات بعدما نادى البراح باسم الامير باش يعلم على الحضور ديالو السلطان شداد بابتسامة : مرحبا بالأمير زيد ابن شداد الاندلسي ...و نزل من العرش ديالو ...الامير زيد دخل كيتبسم للحضور و كيشوف في الاب ديالو السلطان و كيهضر برجولة و دافع صدرو للأمام : أشكر إستقبالك لي يا مولاي السلطان السلطان :ههه إبني ....و احتاضنو بعضهم بعناق السلاطين المستشارين "نرحب بعودتك يا مولاي الأمير " نهنأ معاهدتك السلمية الناجحة يا مولاي الأمير " ...كانت معضم اجاباتو بتبسم و بالشكر و جلسو المكان ديالهم ....و بالقرب من كرسي العرش كان الكرسي ديال الأمير زيد ....لي جلس فيه على طريقة محارب و كيشوف فيهم و حواجبو من عرضهم تعقدو الأمير زيد : أنهيت مسألة المعاهدة السلمية و قد تم قبول جميع الشروط التي حددناها المستشار : هادا جيد جدا ايها الامير السلطان بابتسامة : أهنأك مجددا على حصولك على المعاهدة يا أمير الأمير زيد حنى ليهم راسو بتبسم و طلع راسو و رجع للجدية الحادة : لدي أمر مهم يجب ان أخبركم به يا سادة المجلس(كلهم بأدان صاغية ) صادفت على طريقي فتاتين لباسهما غريب و لغتهما عربية و ليست بعربية كأنهما بربريتان آثارا انتباهي تزعمان انهما من الهند شككت في أمرهما و أحضرتهما إليكم لكي تتحققو من الامر ...و دور راسو للباب و عطا الادن بيدو و الجندي حنا ليه راسو ....البلاط و جميع السادة لي فيه استغربو كيشوفو في بعضهم كيفاش غيكونو هاد الحريم لأثارو انتباه الامير ...حتى كيسمعو الصداع جاي من برا .... يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الامير
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
القصر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
