الانتقال عبر الزمن (بالدارجة المغربية كاملة )

28

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️102🧞‍♂️
سكينة ناضت وقفت مخنزرة : شفت هادا بدا يأمر و يهدد فيا راه منقصاهش حتى هو في حياتيي راه دوزت العجب المعجاب لي يجي هو يتبومبا عليا .....غسلت الخادمة بالانجليزية خلاتها كلها حمرة و حانيا راسها
سكينة : غادي تنزلي عند هاداك خينة قولي ليه يا غادييي تخرجنييي من هناا يااا مغيعجبوووو حاااال راااه بدييت كنتعصب نييت

في القرن 16  .... في القلعة ديال أثينا ... في الغرفة الخاصة بالجاريات الداخلية ....واقفة قزح و ضامة يديها و قلبها غادي يخرج من بلاصتو في الادنين ديالها غير الكلام ديال الامبراطورة و هي كتهضر انها خاصها تدوز ليلتها مع الامبراطور و هادا سبب حضورها هنا و الى رفضت غادي يكون مصيرها الموت و شكون هادا لي عندو الروح ديالو رخيصة بهاد الشكل ....كانت ساكتة و ساهية قدامها و هما كيجهزوها بطريقة زوينة بزاف بدات كتفرك في يديها و نزلت حجبانها خاصها تهرب بأية طريقة خاصها تعتقها راسها ...حتى تحل لباب و هي تقفز من بلاصتها و خرجت عينيها فحالا دقت الساعة ديال الموت ديالها ....و دخلو المسؤولات على الجواريي ....كيهضرو بطريقة قاصحة : خدوها الى العربة خارجا حسب اوامر الامبراطورة سترسل كهدية الى الى حديقة الامبراطور السرية ... قزح غير واقفة حنات راسها للاسفل كتفكر في هاد الامر و بدات كتنزل الدموع ...و المحضيات لي كيصيبو ليها كيشوفو في مكانتها الرفيعة لي تعلات ليها ....ليلة مع الامبراطور و في الحديقة ديالو الخاصة ...هادا كيتسمى للحظ

في القصر ديال أندلوسيا ....لي كان مجهز بطريقة مثيلة للاستقبال ديال السلطان اب الاميرة ميرال ....و كانت واقفة في استقبالو بالاضافة للجنود و الخدم لي منزلين رؤوسهم الاسرة الملكية الكاملة ... واقف السلطان شداد و بالقرب منو ولي العهد الامير زيد و داير يدو من موراه و حداهم صنديد للنسيب ديالهم ....و من وراهم مسطفيين النساء ...و معاهم حتى الاميرة ميرال ملثمة بحكم ثقافة البلد ديالها مجبدة عينيها و كتسنى بفارغ الصبر الاب ديالها باش تخلص من هاد الورطة لي تحطت فيها ...الامير على تعبيرو الدائم دار بهدوء من موراه و هي واقفة مطرطقة عينيها فيه ... و قلبها غادي يخرج من بلاصتو فاش دار خاصة نظراتو السوداء لي متملكاها انها ديالو ...حولت عينيها لارض مزيرة على راسها غير حتى يجي الاب ديالها🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️103🧞‍♂️
في القرن 21 ....أميمة مغطية نص وجهها و عينيها مطرطقين فيه و كتهضر في خطرها : ياربي ميدورش ياربي ميدورش ....خالد رجع باللور و هز مشوار مسح بيه الفم ديالو بشوية و طلع راسو قدامو و هو لا تعبير النسر ....اميمة غير طلع راسو تخشات في القائمة و مشبكة تعابيرها و عاضة شفايفها ...و بدات كتزرب في خطوتها كتبعد ...خالد دور وجهو للشرجم بكل جحوض مكيهتمش للناس لي منحولو وهادشي معروف على مختلف علماء الاثار ... أميمة غادا تتزرب يلاه دازت من حداه بسرعة مكتشوف والو حتى خرجت في شي حد طويل و عريض و رجعت بلور ماشي ليها التوازن و طاحت فوق منو مباشرة ...و غمضت عينيها و هي مزيرة على القائمة ديال الاكل و حلفت ما تحلها كأنها حست انها طاحت عليه هو بشحمو و لحمو ...خالد كان وسط هدوئة حتى نزلت عليه البلاء المبين ....دغيا دور راسو منزل حجبانو و رفع يدو عليها كيشوف فيها مغمضة عينيها و الايلاينر مرسوم بطريقة نتقونة و مزيرة على الموني في يدها و مزيرة و فمها ملون ....الحاجة لي خلات نظرات تفتح فيها كانه كيشوف لوحة فنية ...كانت بداك الجمال لي يخيليه ساهي للثواني و بلا وعي على العالم