الانتقال عبر الزمن (بالدارجة المغربية كاملة )

30

🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️121🧞‍♂️
خالد دار للعندها منزل حجبانو : نتي مغاديش تقادي لخيمة ديالك
اميمة هزات يديها قاست ليه بلاصة حدا فمو هو يتألم فيها و كمش وجهو و حتى قلبها تهز معاه : خاصني نداوي ليك وجهك كين هنا علبة الاسعاف ؟.... خالد كيشوف فيها و زاح بعينو كيعطيها اشارة للصندوق ديال الاسعافات ....ناضت حتى هي دغيا مشات جابتو و هو كيشوف فيها ماشي عادي ماشي كانها وحدة من الطالبات ديالو ...رجعت للعندو و جلست منزلة راسها كتقلب في الاسعافات وهو كيتأمل فيها في عينيها في نيفها في فمها و هو يمل راسو للخد ديالها لي فيه لاطراس حمر
خالد عقد حجبانو و طلع يدو قاص خدها الطري بصباعو : شنو وقع ليك هنا
اميمة هزات فيه عينيها و خنزرت : راه شي واحد عطاني تصرفيقة فاش كنت بغيت نفك
عامر حس بشي حاجة عندو تقاست من لداخ زاد في تخنزيرة و ناض بانفعال : انا غادي نوري موو  ...و دار غادي يخرج اميمة مافهمت حتى لعبة حطات الصندوق دغيا و ناضت مانعاه كتجبد في عينها و شادة من دراعو : اويلي شكون هادا ؟ رجع رجع نتا مجروح

في خيمة ناضية في الجيهة لاخرى و كبيرة مصيبينها خصيصا للعامر ...لي جالس فوق فوطوي و بقرب طبيب خاص كيقاد ليه الجرح ديال وجهو و سكينة جالسة من الجيهة الاخرى
عامر متكي على الفوطوي و مغمض عينو و طالق يدو كيلعب في شعر سكينة و الطبيب كيعمق ليه جراحو
سكينة مخرجة عينيها كتقرا عليه الزبور : شنو كتقصد انني منرجعش تما سمع الغلط منك نتا لي جاي المنطقة محدورة خاصة بالطلبة و شنو غادي دير حنا غادي نساليو هاد العلاقة يلاه و هنا ...هو يجر ليها شعرها حتى غوتت و غمضت عينها
عامر حل عينو و دار عاقد حجبانو عليها : جربي تعاوديها مرة اخرى
سكينة ميلة راسها ليه و مخنزرة : اي طلق شعري صافي ... عامر حيد يدو منها و ابتاسم ليها و طلع راسو شوية كيشوف فيها شادة من جيهة لي جرها منها و مخنزرة فيه : من النهار لي وافقتي باش تولي حبيبتي غادي تبقاي تشوفيني في كل ثانية من حياتك غير ديري هادي في بالك ...سكينة مطرطقة عينيها فيه و كتشوف فيه

نرجعو عند اميمة و خالد ...رجعاتو بزز فحالو جلس و بدات كتداوي ليه الجروح ديال وجهو و مخرجة عينيها : تهدن ا مستر خالد ...كتحول عينها في عينو و هو كيتنفخ و كيتفش في اليد ديالو و غير مخنزر ...و كيرجع عينو ليها و هي كتعقم ليها الجرح حتى سلات و دارت ليه لصقة خفيفة تحت فمو و سدات الصندوق
اميمة بابتسامة : صافي ساليت ليك
خالد رجع عينو ليها كيشوف فيها و صدرو كولو كيطلع و كينزل : واش باقا مقصحاك
اميمة نزلت الابتسامة : مناش ؟ ...خالد ميل راسو و رجع هز اليد ديالو حطها على الخد دياله ا برفق
اميمة كتشوف فيه و كترمش فيه و قلبها بدا كيدق من جديد و كتجبد عينيها و كتهدر بشوية : ءء امم لا مبقاش كدرني ... خشا يدو من ورا عنقها و قربها للعندو و زاد ميل راسو و حط فمو في الخد ديالها ...اميمة حلات عينيها و قلبها كيزيد يضرب و نفسها كتطلع و تنزل و طلع يدو الثانية شد بيها الرقبة ديالها ...يتبع🤴الانتقال عبر الزمن 🤴
💎الفصل2💎
👳‍♀️oumaima & soukaina👳‍♀️
🧞‍♂️122🧞‍♂️