Tuwing lumalagapak
Pagkat pagod na ang pakpak,
Minsan di na ako tumitingala
Pagkat tila wala nang pag-asa...
Ayoko na...
Hanggang bulong na lang ba
ang pagsabi na
Susuko na?
Ayoko na...
Pero pagod lang talaga
Kaya lalaban pa.
Hahawiin ang buhok na tinatago ang mukha,
Papawiin ang bawat sugat na nadama,
Pipiliin na mabuhay pa
Kahit isang araw pa.
Hindi man kaya ng pakpak
Na muling maglayag,
Hinay-hinay akong babangon
Hanggang sa huli'y makaalpas
Sa kawalang ginawa akong bihag.
YOU ARE READING
Words and Heart at Work
PoetryUntold repressed feelings... They're all kept in the heart and only words crafted through poetry can express the secrets hidden in it.
