خديجه وجزئها التاني ولد العطار للكاتبه ايه عبده

المشهد الثاني

__________روايه خديجه______________
_____للگاتبه ايه عبده(ورد)_____________
__________المشهد الثاني______________

افاق من سرحانه علي صوت ذلك الصديق الجديد في غربته ليردف بابتسامه وهو يجلس علي احدي المقاعد ليشير له ليجلس بمقابلته
سعد :احمد انت كام سنك

اجابه احمد بهدوء ليقول: ١٩ وانت

سعد بابتسامه :دنتا طلعت صغير مع اني كنت فاكرك معدي العشرين المهم أنا عندي٢٥ سنه من الجيزه ومجوز وعندي حنين...

احمد بابتسامه: ربنا يخلهالك

سعد :تعرف يااحمد رغم انك سنك صغير بس باين عليك كبير بمخك..

احمد بابتسامه حزن:مش قوي اكده يعني، المهم ياسعد حنبتدي الشغل ميته..

ابتسم سعد علي لهفه ذلك الفتي الصغير ليردف بهدوء: مالك مستعجل بكره حوريك كل حاجه ،بكره انا رايح شقه اشطبها حاخدك معايا واوريك ازاي الشغل..

احمد :باذن الله

وبعد مرور ٦ شهور كان احمد بقي تمام في الشغل وكل مبلغ يحصل عليه يبعته لاهله مبيسبش لنفسه غير القليل ،كان بيبعت لامه عشان جهاز اخواته البنات، جوز بنتين منهم وبعد سنه..

احمد :ازيك ياما كيفك وكيف اخواتي

فتحيه: الحمد لله يبني ،سكتت قليلا لتردف بحزن: مها جالها عريس وكويس جدا

احمد بابتسامه: الف مبروك ياما ومالك زعلانه اكده حقك تفرحي

فتحيه: يا ولدي تقلنا عليك

احمد :متقوليش اكده ياما انا حنزل اجازه واتمم كل حاجه وحجهزها احسن جهاز متقلقيش كله تمام ومستوره..

فتحيه: ربنا يخليك لينا يبني سلام

احمد: سلام

اغلق هاتفه تنهد بحزن فور مكالمته مع والدته فهو لايملك المال الكافي لزواج شقيقته ولكن يجب أن يدبر المال في خلال شهر كما أخبر والدته، اافاق من شروده علي طرقات خفيفه علي غرفته ليقول بجمود "ادخل" دخل سعد بابتسامه وهو يقول
"سلام عليكم"

احمد :وعليكم السلام اتفضل ياسعد

جلس سعد علي اقرب مقعد لاحمد ليردف احمد بهدوء:بقولك ايه يا سعد

سعد :ايوه يااحمد قول

احمد: انا بخلص شغلي معاك الساعه ٥ وبقيه اليوم ببقي فاضي شفلي اي حاجه اكده او اكده
سعد: بس يااحمد صعب عليك امتي حتلحق تنام
احمد بثقه:بس شوف انت ملكش صالح مش مهم انام يكفيني ساعتين نوم..

سعد: طيب ,بس خير في حاجه..

احمد: مفيش بس اختي حتتجوز ولازما خلال شهر انزل ،البلد ومعايا تمن جهازها كله

سعد بابتسامه:الف مبروك عقبالك

احمد :لا انا مبفكرش في الجواز خالص