خديجه وجزئها التاني ولد العطار للكاتبه ايه عبده

المشهد الخامس

________📝روايه خديجه_____________
_________⁦✍️⁩ايه عبده(ورد)____________
__________المشهد الخامس_____________

خرجت سعاد من غرفه خديجه بعدما اقنعت خديجه بالعيش في الصعيد ...

صباح يوم جديد استيقظت خديجه وتوضآت وصلت، وخرجت من غرفتها اقتربت تقبل جبين والدتها ،ازاحت احدي المقاعد لتجلس أعلاه وهي تقول وهي تنظر إلي شقيقتها
"صباح الخير"

سعاد :صباح الخير يا خديجه افطري يابنتي

خديجه:حاضر،توقفت عن الاكل وهي تنظر إلي والدتها لتهتف بهدوء: قوليلي يا ماما قلتلي لساره..

نظرت لها ساره وهي تمضغ بعض الطعام لتقول بفضول اعتل وجهها: قلتلي ايه؟؟

خديجه :اننا نعيش في الصعيد

تهللت ساره بفرحه لتقول: بجد يا ماما موافقه

جزت علي أسنانها غضبا ظنت أن شقيقتها سترفض الأمر لتردف بغضب وهي تنظر لها: موافقه علي ايه هو اي عك وخلاص

سعاد :خديجه انتي مش وافقتي امبارح حتغيري رايك

خديجه :بس يا ماما دراستي

سعاد: انتي في سنه رابعه يعني تخلص الامتحانات ترم تاني ونسافر اما اختك تمتحن في مدرستها وحنقدملها في جامعه في الصعيد

خديجه :طيب وشغلي

سعاد: خديجه متعقديش الموضوع ولا عوزاني ازعل ...

خديجه :خلاص يا ماما اعملي الي يريحكم عن اذنك راحه الكليه....

في جامعه القاهره:
اقتربت من الكافتيريا بعدما رأت هاجر جالسه علي احدي الطربيزات بمفردها لتقول
صباح الخير

تركت كتابها لتجيب خديجه بابتسامه:صباح النور مالك مكشره...

جلست خديجه بحزن وهي تضع حقيبتها اعلي الطربيزه وبدأت تحكي لهاجر عن سفرهم

هاجر :يعني ايه مش حشوفك تاني

خديجه : ايوه

هاجر :معلش نبقي نكلم فون واتا حاجي ازورك اصل نفسي اشوف الصعيد دي

خديجه :باذن الله

هاجر صحيح جدول الامتحانات نزل قدامنا ٣ اسابيع بالظبط...

خديجه: اوك حبقي اكتبه ..

_________________

بعد مرور شهر الامتحانات اخر يوم ،جهزت سعاد لسفرهم باعت الشقه وسددو الديون وفضل شويه فلوس تكفيهم في سفرهم واحتياجاتهم ...

رفعت ناظريها إليها فور خروجها من غرفتها مرتديه ملابس الخروج لتردف بتسال: راحه فين يا خديجه مش حتساعدينا في لم الحاجات العربيات حتيجي بكره تشيلهم...

خديجه: ماما سيبيهم انا حعملهم لما ارجع وخشي استريحي بس حروح مشوار مهم لغايه الشركه الي بشتغل فيها حوديلهم شويه ورق وارجع...