MGA KUWENTONG KABABALAGHAN - Volume 4
Ikaapat na bahagi ng mga maiikling kuwento ni Alex Asc.
Fiction stories, Aswang, Multo at Pantasya
MGA NILALAMAN
1- Blackrose
2- Goryo, my hero
3- Flokko
4- Hiram na mga mata
5- Where is Leleng
6- Panambo
7- Man...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
WHERE IS LELENG Isinulat ni Alex Asc
Ito ay panibagong larong online.
Biglang lumitaw ang larong ito habang nag-fa-facebook ng mga sandaling ito si Jonas sa computer shop. Na-curious siya tungkol sa larong ito. Naalala niya ang bali-balita, na mayroon daw panibagong laro sa online kung saan sinusubukan ang kakayahan at tibay ng damdamin ng isang manlalaro sa pagpatay. At upang maging mahirap sa player iyon ay ang kaniyang brutal na papatayin ay ang kaniyang mga minamahal sa buhay.
Ang pamagat na Where is Leleng ay hango umano sa isang kuwento ng isang babaeng latina na nagngangalang Leleng na ibenenta raw ang sariling kaluluwa sa demonyo kapalit nito'y upang mabigyang katuparan ang sumpa sa kaniyang inimbentong laro, kung saan, ang manlalaro ay kailangang patayin ng paisa-isa ang makakaharap na magiging biktima.
Galit umano ang babae sa sariling pamilya kaya't nais niyang ikalat ang karahasan sa pamamagitan ng larong ito.
Kailangang malagpasan ng manlalaro ang bawat level upang magtagumpay siya. Mahanap at mapalaya ang babaeng si Leleng na kasalukuyang hawak raw ng demonyo. Kapag napalaya niya ang babae ay magkakaroon siya ng sapat na kabayaran mula sa milyones na kayamanan ng naturang babae.
Bago pa lang lumabas ang larong ito, ngunit marami na ang sumubok nito na nais masungkit ang pabuya umano sa magtatagumpay sa kalayaan ng dalagang latina.
Tinawanan lamang ni Jonas ang naturang game. Hindi siya naniniwalang may kinalaman ang demonyo sa laro at hawak nito ang kaluluwa ng babaeng si Leleng. Pinagtatawanan niya ang mga taong laman ng usapin ay iyon at nagpapaniwala sa mga maling balita.
"Napakaimposible! Ang demonyo? Natuto pang maglaro sa online?" Napapailing na lang siyang wika sa sarili.
Para sa kaniya, kung tibay ng sikmura lang ay nangunguna siya diyan. Wala na nga siyang ginawa kundi manood ng mga Horror at Gore Movies. Gustong-gusto niya yung mga madudugong eksena. 'Yung tipong binabalatan ng buhay ang biktima, mga brutal na pinapatay tapos ay nilalapa ng mga halimaw. Kung sa katapangan naman ay maaari rin niyang eprisinta ang sarili. Aba at nangunguna yata siya sa mga barumbado sa kanilang eskwelahan at laging pinapatalsik ng kanilang paaralan. Sa kanilang baranggay naman ay nagmistula siyang siga na kinatatakutan ng mga kaedad niya.
Kaya't kung pagpatay lamang ang magiging dahilan upang maka-survive siya at mahanap si Leleng ay sisiw lamang sa kaniya.
Kinlick niya ang naturang game at nagbukas naman iyon.
WHERE IS LELENG - is an online killing game. This game test how strong a person in brutal scenes. If you are strong enough and not afraid to kill, then you are welcome to play the game.
Pinili niyang pindutin ang Regestration. Ngunit hindi maaaring gumamit ng mga maling pangalan ang manlalaro. Kailangan 'yung tunay at buong impormasyon ang dapat ilagay.
Ilang beses sinubukan ni Jonas ang mga maling pangalan ngunit hindi ma-success at nag-e-error lamang.
"Ganito ba katindi ang larong ito!" Napapailing niyang wika. Paano naman kasi malalaman ng naturang laro ang katotohanan sa kaniya, sadyang nakakapagtaka talaga.
