Safe Skies, Archer (University Series #2)

04

"Saan ka galing?" 

Hingal na hingal ako at pawisan nang makapasok sa room. Mali pa ang pagkakabutones ng blouse ko kaya agad-agad ko 'yong inayos, pati na rin ang buhok kong nagulo pagkatapos namin ni Hiro sa sasakyan niya kanina. Muntik pa 'kong ma-late! 

"Wala, kumain," sagot ko kay Bri. 

Hinalungkat ko ang bag ko para maghanap ng concealer para lang matakpan ang nasa may pinakababa ng leeg ko. Tumaas ang kilay ko kay Megan nang makitang nakatingin na naman siya sa 'kin. 

"Problema mo?" masungit na tanong ko. 

Umirap siya at bumaling kay Rachel. "May hickey pa," bulong niya. 

Natawa ako nang sarkastiko. Si Megan, sa paningin ko, ay kumakandidatong makapasok sa langit. Ako, hindi ko na tina-try! 

"Megan, papagawan kita ng rebulto mo, huwag kang mag-alala," sabi ko habang naglalagay ng concealer. 

"Kung ikaw ang gagawa ng rebulto ko, no thanks. Para na rin akong ginawan ni satanas." Umirap pa siya. 

Bakit ayaw niya noon? Sayang naman. 

"Dahil diyan, may free pass ka na sa langit. Sasalubungin ka with red carpet pa raw." Ngumisi ako habang naglalagay na ng lip tint. 

"O, talaga? Kinausap ka?" pambabara niya. Ang pangit kausap nito. Hindi ba talaga matatanggal galit niya sa akin? Wala naman akong ginagawa sa kanya. 

I made a face before putting back my lip tint inside my make-up kit. Ayan, mukha na ulit akong fresh. Sa susunod, ita-try ko na nga kung MOMOL proof ang binili kong lip stick. Willing naman si Hiro para maging tester. 

Napangisi ako habang inaalala kung ano ang nangyari sa sasakyan niya kanina. Sa sobrang sabik ko ay hindi na nga kami umabot sa dorm ko kaya sa sasakyan na lang. Okay na rin at bagong lugar. Sa susunod, saan naman kaya? Sa condo niya, o kaya sa shower, o kaya para may thrill... sa public? Joke. 

Iyon lang ang naging routine namin sa dalawang linggo. Siguro nagkikita kami dalawa o tatlong beses isang linggo dahil busy rin siya sa mga pinag gagagawa niya sa flying school tuwing weekend. Abala rin siya sa kaka-math niya. Gaya ngayon, kakatapos lang namin sa condo niya at nag-aaral siya sa may coffee table. May sino-solve ata siya. 

"Ano 'yan?" curious na tanong ko nang makalapit. 

Umupo ako sa sofa habang nakaupo siya sa sahig para mas malapit sa coffee table. Nakasuot na siya ng maroon sweater ngayon at black sweatshorts habang ako, naka-panty lang at oversized shirt na pinahiram niya sa 'kin. Napunit kasi ang suot ko kanina sa sobrang nipis. 

"Review." He quickly jotted down some numbers and symbols I wasn't familiar with.