ﺍﻟﻨﻘﻴﺐ ﻭﺍﻟﺮﺍﻗﺼﻪ
ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
ﺑﺎﺭﺕ ﺍﻟﺮﺍﺑﻊ ﻋﺸﺮ
•••••••••••••••••••••••••
ﺍﻟﺒﺎﺏ ﺟﺎﻧﺖ ﻣﺮﺩﻭﺩﻩ ﺧﻔﻴﻒ ﻭﻫﻨﺎ ﺟﺎﻧﺖ
ﺻﺪﻣﺘﻲ ﺍﻟﻜﺒﺮﻯ ﺑﻠﻲ ﺟﺎﻯ ﺍﺷﻮﻓﻪ
ﻣﻌﻘﻮﻟﻪ ﻳﻄﻠﻊ ﻫﻴﺠﻲ ﻣﻦ ﺍﺧﺘﻲ ﻣﺘﻮﻗﻌﺘﻬﺔ
ﻟﻬﺪﺭﺟﻪ ﺗﻮﺻﻞ ﻟﻤﺮﺣﻠﺖ ﺍﺗﺤﻂ ﻋﻴﻨﻬﺔ ﻋﻠﻰ
ﺭﺟﻞ ﺍﺧﺘﻬﺔ ﺍﺑﺎﻭﻉ ﻋﻠﻴﻬﺔ ﻭﺍﻟﺪﻧﻴﻪ ﺗﻔﺘﺮ ﺑﻴﻪ
ﻓﺎﺗﺤﻪ ﻛﻨﺘﻮﺭ ﺭﻋﺪ ﻭﻣﻄﻠﻌﻪ ﻣﻨﻪ ﺍﻫﺪﻭﻡ
ﻭﻭﺍﻛﻔﻪ ﺍﺷﻤﺸﻢ ﺑﻴﻬﻦ ﺍﻧﻲ ﻟﻴﺶ
ﻋﻨﺪﻱ ﻫﻴﺞ ﻋﺎﺋﻠﻪ ﻭﺍﺣﺪ ﺍﻧﻜﺲ ﻣﻦ
ﺍﻟﺜﺎﻧﻲ ﻳﺎﺭﻳﺖ ﺑﻴﻬﻢ ﺧﻴﺮ ﻣﺠﺎﻧﺖ
ﻋﻨﺪﻱ ﻗﻮﻩ ﺣﺘﻪ ﺍﺗﻌﺎﺭﻙ ﻭﺣﺎﺟﻴﻬﺔ
ﺍﻟﺘﺰﻣﺖ ﺑﻠﺼﻤﺖ ﻭﺭﺟﻌﺖ ﺍﻟﻤﻜﺎﻧﻲ
ﻭﺍﻧﻲ ﺻﺎﻓﻨﻪ ﻣﻦ ﺍﻟﺼﺪﻣﻪ ﺍﺷﻮﻳﻪ
ﻭﻃﻠﻌﺖ ﻣﻦ ﺍﻟﻐﺮﻓﻪ ﺷﺎﻳﻠﻪ ﺳﻄﻠﺖ ﺍﻟﻤﺴﺢ
ﻭﺩﺗﻬﺔ ﻟﻠﺤﻤﺎﻡ ﻭﺭﺟﻌﺖ ﻛﻌﺪﺕ ﻳﻤﻲ
ﺍﺑﺎﻭﻉ ﻋﻠﻴﻬﺔ ﺷﻨﻮ ﺍﻟﻲ ﺧﻼﻫﺔ ﺗﻮﺻﻞ
ﻟﻬﻠﻤﺮﺣﻠﻪ ﻣﻌﻘﻮﻟﻪ ﺍﺗﺤﺐ ﺭﻋﺪ ﻟﻮ ﺑﺲ
ﺭﻏﺒﻪ ﺍﺷﻮ ﺟﻨﺖ ﺍﺑﻴﺖ ﺍﻫﻠﻲ ﻣﺎﺍﺷﻮﻑ
ﻣﻨﻬﺔ ﻫﺎﻱ ﺍﻟﺴﻮﺍﻟﻒ ﺷﻨﻮ
ﺟﻨﺖ ﻣﺨﺪﻭﻋﻪ ﺑﻴﻬﺔ ﻛﻤﺖ ﻋﻨﻬﺔ ﻭﺍﻧﻲ
ﻻﺯﻣﻪ ﺭﺍﺳﻲ ﻟﺰﻣﻪ ﺍﻟﻢ ﻗﻮﻱ ﺩﺧﻠﺖ ﻟﻠﻐﺮﻓﻪ
ﻻﺯﻣﻪ ﺭﺍﺳﻲ ﻭ ﺍﺑﺠﻲ ﺍﺟﺘﻲ ﻭﺭﺍﻳﻪ ﺗﺴﺎﺋﻠﻨﻲ
ﻟﻴﺶ ﺟﺎﻱ ﺍﺑﺠﻲ ..
: ﺳﻠﻤﻰ ﺍﺷﺒﻴﺞ ﻟﻴﺶ ﺩﺗﺒﺠﻴﻦ ..
ﺑﻌﻴﺎﻁ : ﺍﻛﻠﻠﻲ .... ﻭﻃﻠﻌﻲ ﺑﺮﻩ ...
ﻫﻴﺔ ﻭﺍﺳﻦ ﺩﺍﺭﺕ ﻭﺟﻬﺔ ﻭﻃﻠﻌﺖ
ﻧﻤﺖ ﻋﻠﻰ ﺍﻟﺠﺮﺑﺎﻳﻪ ﻭﺍﻧﻲ ﺍﺑﺠﻲ ﺷﻨﻲ
ﺩﻧﻴﺘﻲ ﻣﺮﺡ ﺗﺼﻔﻪ ﻭﻳﺎﻳﻪ ﻛﻞ
ﻣﺎﺍﺩﻳﺮ ﻭﺟﻬﻲ ﺍﻟﻜﻪ ﺍﻟﻤﺸﺎﻛﻞ ﺗﺠﻴﻨﻲ
ﻃﺎﻳﺮﻩ ﺍﺷﻮﻳﻪ ﻭﺳﻤﻌﺖ ﺻﻮﺕ ﺍﻟﺒﺎﺏ
ﻛﻤﺖ ﻭﻛﻔﺖ ﺍﺑﺎﺏ ﺍﻟﻐﺮﻓﻪ ﻟﻜﻴﻬﺔ ﺭﻋﺪ ﺩﺧﻞ
ﻧﺰﻉ ﺍﻟﺤﺬﺍﺀ ﻭﺭﻓﻊ ﺭﺍﺳﻪ ﺑﺎﻭﻉ ﻋﻠﻴﻪ ﻭﺑﻌﺪﻳﻦ
ﻋﻠﻰ ﻫﺪﻯ ﺍﺑﺴﺮﻋﻪ ﺍﺟﻪ ﻋﻠﻴﺔ ..
: ﺳﻠﻤﻰ ﺍﺷﺒﻴﺞ ﻟﻴﺶ ﺩﺗﺒﺠﻴﻦ ..
ﺟﺎﻭﺑﺘﻪ ﻫﺪﻯ ﻣﻦ ﻣﻜﺎﻧﻬﺔ ..
: ﺍﺷﻤﺪﺭﻳﻨﻲ ﺟﺎﻧﺖ ﻛﺎﻋﺪﻩ ﻭﻓﺠﺎﺋﻪ ﺑﺠﺖ ..
: ﻳﻮﺟﻌﺞ ﺷﻲ ﺍﺣﺠﻲ ..
ﻭﺧﺮﺕ ﺍﻳﺪﻩ ﻋﻨﻲ : ﻻ ﻛﻠﺸﻲ ﻣﺎﺑﻴﻪ ..
ﻋﻔﺘﻪ ﻭﺭﺣﺖ ﻟﻠﻤﻄﺒﺦ ..
: ﺍﺗﺮﻳﺪ ﺍﻛﻞ ...
: ﺍﻱ ﺻﺒﻲ ..
ﺻﺒﻴﺖ ﻭﺭﺣﺖ ﺻﺤﺘﻬﻢ ﻭﺍﻧﻲ
ﻋﻴﻨﻲ ﻣﻌﺎﻓﺖ ﻫﺪﻯ ﺍﺗﺮﺍﻗﺒﻬﺔ ﻭﻳﻦ
ﻣﺘﺮﻭﺡ . ﺭﻋﺪ ﺍﺗﺄﺧﺮ ﺑﻠﺘﺒﺪﻳﻠﻪ ﻫﻴﺔ ﻛﺎﻣﺖ
ﺭﺍﻳﺤﻪ ﺍﺻﻴﺢ ﺭﻋﺪ ..
ﺟﺎﻭﺑﺘﻬﺔ ﻭﺍﻧﻲ ﺍﻣﺨﻨﺰﺭﻩ ﻋﻠﻴﻬﺔ .
: ﻭﻧﺘﻲ ﺷﻜﻮ ﺍﻧﻲ ﺭﺍﻳﺤﻪ ..
ﻛﻤﺖ ﻋﻨﻬﺔ ﻭﺭﺣﺖ ﻟﻠﻐﺮﻓﻪ ﺟﺎﻥ ﺩﻳﻠﺒﺲ
ﺗﻴﺸﻴﺮﺗﻪ ﺟﺎﻥ ﺍﺷﻮﻳﻪ ﺿﻴﻚ ﻋﻀﻼﺗﻪ
ﻣﺎﻧﻌﻪ ﺍﻟﺒﻠﻮﺯ ﻳﻨﺰﻝ ..
: ﻳﻠﻪ ﺭﻋﺪﺻﺒﻴﺖ ..
ﻫﻮﺓ ﺭﻓﻊ ﺭﺍﺳﻪ ﺑﺎﻭﻉ ﻋﻠﻴﻪ ..
: ﺍﻱ ﺍﻱ ﻫﺴﺔ ﺟﺎﻱ ..
ﺭﺣﺖ ﻋﻠﻴﻪ ﻭﻛﻤﺖ ﺍﻧﺰﻟﻪ ﺍﻟﺘﻴﺸﻴﺮﺕ ﺍﻳﺪﻱ
ﻃﺨﺖ ﺟﺴﻤﻪ ﺭﺃﺳﻦ ﻛﻤﺰ ..
: ﻳﻤﻌﻮﺩﻩ ﺍﻳﺪﺝ ﺑﺎﺭﺩﻩ ﻋﻮﻓﻴﻨﻲ ..
: ﻟﻴﺶ ﻣﺘﻠﺒﺲ ﻏﻴﺮﻩ ﻣﻮ ﺿﻴﻚ ﻋﻠﻴﻚ ..
: ﻫﺬﻭ ﺑﻌﺪ ﻟﺒﺴﺘﻪ ..
ﺍﻧﺪﺍﺭ ﻋﻠﻴﻪ ﻭﺣﺎﻭﻁ ﺧﺼﺮﻱ ﻭﺧﻠﻪ ﺭﺍﺳﻪ ﺑﺮﻛﺒﺘﻲ ...
: ﺳﻠﻤﻰ ﺧﻤﺎ ﺍﺗﺄﺫﻳﺘﻲ ﺍﻟﺒﺎﺭﺣﻪ ﻣﻦ ﺩﻓﻌﺘﺞ
ﻭﺍﻟﻠﻪ ﻣﺠﺎﻥ ﻗﺼﺪﻱ ﺍﺩﻓﻌﺞ ﺍﻧﺘﻲ
ﻟﺤﻴﺘﻲ ﻋﻠﻴﻪ ﻭﺍﻧﻲ ﺟﻨﺖ ﺍﻣﻌﺼﺐ
ﻣﺎﺍﺷﻮﻑ ﺩﺭﺑﻲ ..
ﺩﻓﻌﺘﻪ ﻋﻨﻲ ﻣﺎﻛﻮ ﻻﺯﻣﻨﻲ ﻗﻮﻱ ..
: ﺭﻋﺪ ﻭﺧﺮ ﻛﻠﺸﻲ ﻣﺎﺑﻴﻪ ﻭ
ﺿﻬﺮﻱ ﻫﻢ ﻛﻠﺸﻲ ﻣﺎﺑﻲ ...
ﺣﺴﻴﺖ ﻋﻠﻰ ﺍﻳﺪﻩ ﺭﻓﻌﺖ ﺍﺑﻠﻮﺯﻱ
ﺟﺮﻳﺖ ﺍﻳﺪﻩ ﻣﺎﻛﻮ ﻣﻴﻬﺪﻩ ﻓﺮﻧﻲ ﺧﻠﻪ ﺿﻬﺮﻱ
ﻳﺼﻴﺮ ﻋﻠﻰ ﺻﺪﺭﻩ ﻭﺭﻓﻊ ﺍﻟﺒﻠﻮﺯ ..
: ﻛﻞ ﻫﺬﻩ ﻭﺩﻛﻮﻟﻴﻦ ﻛﻠﺸﻲ ﻣﺎﺑﻲ ..
: ﺍﻱ ﻛﻠﺸﻲ ﻣﺎﺑﻲ ﻳﻠﻪ ﻋﻮﻓﻨﻲ ﻋﺎﺩ ﺗﻌﺎﻝ ﺍﺗﻐﺪﻩ ..
ﻣﻠﺼﺖ ﺭﻭﺣﻲ ﻋﻨﻪ ﻳﻠﻪ ﻋﺎﻓﻨﻲ ﺍﻭﻝ
ﻣﻬﺪﻧﻲ ﺭﺍﺳﻦ ﺭﺣﺖ ﻟﻠﻤﻄﺒﺦ ﻛﻌﺪﺕ
ﻋﻠﻰ ﺍﻟﻜﺮﺳﻲ ﻭﺑﻠﺸﺖ ﺍﻛﻞ ﺍﺟﻪ ﻫﻮﺓ
ﻭﺭﺍﻳﻪ ﻳﺒﺎﻭﻉ ﻋﻠﻴﻪ ﺑﺎﻭﻋﺖ ﻋﻠﻰ ﻫﺪﻯ
ﺍﻋﻴﻮﻧﻬﺔ ﺍﺑﺪ ﻣﺘﻨﺰﻝ ﻣﻦ ﺭﻋﺪ ﺑﺲ ﻟﻤﻦ ﻫﻮﺓ
ﻳﻨﺘﺒﻪ ﺍﺣﺪ ﻳﻨﺎﺿﺮﻩ ﺭﺍﺳﻦ ﺍﺗﻨﺰﻟﻬﻦ ﻫﺪﻯ
ﻛﻤﻠﺖ ﻭﻛﺎﻣﺖ ﻭﺭﺍﻫﺔ ﺑﺸﻮﻳﻪ ﻛﻤﻞ ﺭﻋﺪ ..
: ﻋﺎﺷﺖ ﺍﻳﺪﺝ ﺍﻻﻛﻞ ﻃﻴﺐ ..
ﻭﺟﺮ ﺍﻳﺪﻱ ﻭﺑﺎﺳﻬﺔ ..
: ﺑﻠﻌﺎﻓﻴﻪ .
ﺭﻋﺪ ﺍﺫﺍ ﺍﺗﻌﺎﺭﻙ ﺑﻠﻴﻞ ﺍﺻﺒﺢ ﻳﻜﻌﺪ ﺍﻳﺒﻮﺱ
ﻭﻳﺤﻀﻦ ﻛﺎﺋﻦ ﻛﻠﺸﻲ ﻣﺼﺎﻳﺮ ﺣﻴﺮﻧﻲ ﺑﺘﺼﺮﻓﺎﺗﻪ .
ﻛﻤﺖ ﻏﺴﻠﺖ ﺍﻟﻤﺎﻋﻴﻦ ﻃﻠﻌﺖ ﻣﻦ ﺍﻟﻤﻄﺒﺦ
ﻟﻜﻴﺘﻬﺔ ﻛﺎﻋﺪﻩ ﻭﺣﺪﻫﺔ ﻭﺻﺎﻓﻨﻪ ﻋﻠﻰ
ﺍﻟﺘﻠﻔﺰﻳﻮﻥ ﻭﺭﻋﺪ ﻣﺎﻫﻮﺓ ﻃﺒﻴﺖ ﻟﻠﻐﺮﻓﻪ
ﻟﻜﻴﺘﻪ ﻧﺎﻳﻢ ﻋﻠﻰ ﺍﻟﺠﺮﺑﺎﻳﻪ ﻭﺻﺎﻓﻦ ﻋﻠﻰ
ﺍﻟﺴﻜﻒ ﻛﻤﻠﺖ ﻃﺮﻳﻘﻲ ﻟﻠﻜﻨﺘﻮﺭ ﻃﻠﻌﺘﻠﻲ ﺍﻫﺪﻭﻡ
ﺣﺘﻪ ﺍﻃﺐ ﺍﺳﺒﺢ ﻻﻥ ﺭﻳﺤﺘﻲ ﻣﺎﻝ ﻃﺒﺦ ﻃﻠﻌﺘﻠﻲ ﺩﺷﺪﺍﺷﻪ ﺍﺷﻮﻳﻪ ﻋﺮﻳﻀﻪ ﻻﻥ ﻣﺎ ﺷﺎﺀ ﺍﻟﻠﻪ
ﺭﻋﺪ ﺍﻟﻬﺪﻭﻡ ﻛﻠﻬﺔ ﺟﺎﻳﺒﻪ ﺍﻛﺼﺎﻑ ﺣﺴﻴﺖ
ﻋﻠﻰ ﺍﻳﺪﻩ ﺍﻃﻮﻕ ﺧﺼﺮﻱ ﻭﺩﺣﺲ
ﻭﺟﻪ ﺑﺮﻛﺒﺘﻲ ﺟﺮﻟﻪ ﻧﻔﺲ ﻋﻤﻴﻖ ﻭﺣﺠﻪ ..
: ﺣﻀﺮﻱ ﻧﻔﺴﺞ ﺍﻟﻴﻮﻡ ﺍﻧﺘﻲ ﻭﻫﺪﻯ ﺣﺘﻪ ﺍﻃﻠﻌﻜﻢ ..
ﺳﻤﻌﺖ ﺣﺠﻴﻪ ﻭﻃﺮﺕ ﻣﻦ ﺍﻟﻔﺮﺡ
ﻭﺍﺧﻴﺮﻥ ﺣﻄﻠﻊ ﺑﺪﻭﻥ ﺷﻌﻮﺭ
ﺍﻧﺪﺍﺭﻳﺖ ﻋﻠﻴﻪ ﻭﺣﻀﻨﺘﻪ ..
: ﻭﺍﺧﻴﺮﻥ ﺣﻄﻠﻊ ..
: ﺍﻟﻲ ﻳﺴﻤﻌﺞ ﻳﻜﻮﻝ ﺻﺎﺭﻟﻬﺔ ﺳﻨﻴﻦ ﻣﻄﺎﻟﻌﻪ ..
ﺣﺴﻴﺖ ﻋﻠﻰ ﻧﻔﺴﻲ ﻭﻋﻔﺘﻪ
ﻳﺎﻓﺸﻠﺖ ﺍﻟﻔﺸﻠﻪ ﻋﻮﺩ ﺯﻋﻼﻧﻪ ﻋﻔﺘﻪ
ﻭﺩﺭﺕ ﻭﺟﻬﻲ ﻟﻠﻜﻨﺘﻮﺭ ﻭﺭﺩﻳﺖ ﻓﺘﺤﺘﻪ
ﻣﺎﻋﺮﻓﺖ ﺷﺴﻮﻱ ﺍﻧﺨﺒﺼﺖ ﻣﻦ ﺍﻟﻔﺸﻠﻪ
ﺍﺭﻳﺪ ﺷﻲ ﺍﻟﻬﻲ ﺭﻭﺣﻲ ﺑﻲ ﻭﺍﻧﻲ
ﺍﺳﻤﻌﻪ ﻭﺭﺍﻳﻪ ﻳﻀﺤﻚ ﻋﻠﻴﻪ ..
: ﺍﻱ ﻭﺷﻮﻛﺖ ﻧﻄﻠﻊ ..
: ﻛﻴﻔﺞ ﺍﺷﻮﻛﺖ ﺗﺮﺩﻳﻦ ﻧﻄﻠﻊ ...
: ﻣﺎﻋﺮﻑ ..
: ﺧﻮﺵ ﻟﻌﺪ ﺑﺪﻟﻲ ﻫﺴﺔ ﻭﻧﻄﻲ ﻻﺧﺘﺞ
ﺍﻫﺪﻭﻡ ﻣﻨﺞ ﺣﺘﻪ ﺗﻄﻠﻊ ﺑﻴﻬﻦ
ﻫﺰﻳﺖ ﺭﺍﺳﻲ ﺑﺎﻱ ﻃﻠﻌﺘﻠﻲ ﺍﻫﺪﻭﻡ
ﻟﻠﻄﻠﻌﻪ ﻭﺍﻟﻬﺪﻯ ﻫﻢ ﺳﺪﻳﺖ ﺍﻟﻜﻨﺘﻮﺭ ﻭﻧﺪﺍﺭﻳﺖ
ﺣﺘﻪ ﺍﻃﻠﻊ ﻟﻜﻴﺘﻪ ﻛﺎﻋﺪ ﻋﻠﻰ ﺍﻟﺠﺮﺑﺎﻳﻪ
ﻭﻳﺒﺘﺴﻢ ﺑﻮﺟﻬﻲ ﺩﺭﺕ ﻭﺟﻲ ﻋﻨﻪ ﻭﻃﻠﻌﺖ
ﻣﻦ ﺍﻟﻐﺮﻓﻪ ﺷﻤﺮﺕ ﺍﻟﻬﺪﻭﻡ ﻋﻠﻰ ﻫﺪﻯ ..
: ﻛﻮﻣﻲ ﻟﺒﺴﻲ ﻫﺬﻥ ﺍﺑﺴﺮﻋﻪ ..
: ﻟﻴﺶ ﻭﻳﻦ ﺭﺍﺡ ﺍﻧﺮﻭﺡ ..
: ﻣﺪﺭﻳﻨﻲ ﻛﻮﻣﻲ ﻟﺒﺴﻲ ﺍﺑﺴﺮﻋﻪ ..
ﻛﺎﻣﺖ ﻃﺒﺖ ﻟﻠﺤﻤﺎﻡ ﻟﺒﺴﺘﻬﻦ ﻭﻃﻠﻌﺖ
ﻃﺒﻴﺖ ﻭﺭﺍﻫﺔ ﺳﺒﺤﺖ ﻋﻠﻰ ﺍﻟﺴﺮﻳﻊ
ﻭﻃﻠﻌﺖ ﻃﺒﻴﺖ ﻟﻠﻐﺮﻓﻪ ﺣﺘﻪ ﺍﻣﺸﻂ ﻟﻜﻴﺖ
ﺭﻋﺪ ﺍﻣﻜﻤﻞ ﻟﺒﺲ ﻭﺟﺎﻱ ﻳﺤﻂ ﻋﻄﺮ ﺑﺎﻭﻉ ﻋﻠﻴﻪ
ﻣﻦ ﻓﻮﻙ ﺍﻟﻴﺠﻮﻩ ..
: ﺷﻨﻲ ﻣﺎﻋﻨﺪﺝ ﻏﻴﺮ ﻟﺒﺲ ﻫﺬﻩ ﺿﻴﻚ ..
: ﺷﺴﻮﻳﻠﻚ ﺍﻫﺪﻭﻣﻲ ﻛﻠﻬﺔ ﺻﺎﻳﺮﻩ ﺿﻴﻜﻪ
ﻻﻥ ﺑﻄﻨﻲ ﺟﺎﻱ ﺗﻜﺒﺮ ﻭﻫﻢ ﺳﻤﻨﺎﻧﻪ ..
: ﻟﻌﺪ ﻟﺒﺴﻲ ﻓﻮﻛﻬﻦ ﺟﺒﻪ ..
: ﺭﻋﺪ ﺻﺪﻙ ﺗﺤﺠﻲ ..
: ﺍﻱ ﺍﺣﺠﻲ ﺻﺪﻙ ﻳﻠﻪ ﺍﺑﺴﺮﻋﻪ ﻟﺒﺴﻲ ﻓﻮﻛﻪ ﺟﺒﻪ ..
: ﺍﺫﺍ ﻫﻴﺠﻲ ﻣﺎﺭﻳﺪ ﺍﻃﻠﻊ ..
: ﺑﻌﺪ ﺍﺣﺴﻦ ﻻ ﺗﺠﻴﻦ ..
ﺭﺣﺖ ﻃﻠﻌﺘﻠﻲ ﺍﻫﺪﻭﻡ ﺑﻴﺖ ﺳﺪﻳﺖ
ﺍﻟﻜﻨﺘﻮﺭ ﻣﺸﻴﺖ ﺣﺘﻪ ﺍﻃﻠﻊ ﻟﺰﻣﻨﻲ ..
: ﻭﺍﻟﻠﻪ ﺍﻧﻲ ﻋﻠﻰ ﻣﻮﺩﺝ ﻣﺎﺭﻳﺪﺝ ﺍﻃﻠﻌﻴﻦ ﻫﻴﺞ
ﺍﻧﺘﻲ ﺑﺲ ﺷﻮﻓﻲ ﺟﺴﻤﺞ ﺑﻠﻤﺮﺍﻳﻪ ..
: ﺭﻋﺪ ﻫﻴﺔ ﻃﻠﻌﻪ ﻻ ﺍﺗﺨﺮﺑﻬﺔ ﺍﻟﻪ ﺍﻟﺒﺲ ﺟﺒﻪ ﻣﺎﺭﻳﺪ ..
: ﺍﻣﺮﺑﻲ ﻝ ﺍﻟﻠﻪ ﻳﻠﻪ ﻛﻤﻠﻲ ..
ﺭﺣﺖ ﺭﻛﺾ ﻣﺸﻄﺖ ﺷﻌﺮﻱ ﺷﻮﻥ
ﻣﺠﺎﻥ ﻭﻟﻔﻴﺖ ﺍﻟﺸﺎﻝ ﺣﺘﻪ ﻟﻴﻄﻠﻊ ﺣﺠﻪ ﺛﺎﻧﻴﻪ .
ﻛﻤﻠﺖ ﻭﻭﻛﻔﺖ ﻛﺪﺍﻣﻪ .
: ﻳﻠﻪ ﻛﻤﻠﺖ .
ﺭﺩ ﺑﺎﻭﻉ ﻋﻠﻴﻪ ﻣﻦ ﻓﻮﻙ ﺍﻟﻴﺠﻮﻩ ﺑﻨﻀﺮﺍﺕ
ﻋﺪﻡ ﺭﺿﻪ ﻃﻠﻊ ﻭﻃﻠﻌﺖ ﻭﺭﺍﻩ ﻫﺪﻯ
ﺍﻣﻜﻤﻠﻬﺔ ﻭﻛﺎﻋﺪﻩ ﺑﺲ ﺷﺎﻓﺘﻨﻪ ﻃﻠﻌﻨﻪ ﺭﺍﺳﻦ ﻛﺎﻣﺖ .
ﺷﻐﻞ ﺍﻟﺴﻴﺎﺭﻩ ﻭﻃﻠﻊ ﺑﻴﻨﻪ .
: ﺭﻋﺪ ﻭﻳﻦ ﺣﺘﻮﺩﻳﻨﻪ ..
: ﺍﻣﻤﻢ ﻣﺎﺩﺭﻱ ﺍﻧﺘﻲ ﺍﺑﻜﻴﻔﺞ ﻭﻳﻦ ﺗﺮﺩﻳﻦ ..
: ﺍﺷﻤﺪﺭﻳﻨﻲ ﺍﺑﻜﻴﻔﻚ ..
ﻫﺰ ﺭﺍﺳﻪ ﻣﺪ ﺍﻳﺪﻩ ﻟﻠﻤﺴﺠﻞ ﻭﺷﻐﻠﻪ
ﻧﺰﻟﻨﻪ ﺍﻟﺸﺎﺭﻉ ﻓﻠﺴﻄﻴﻦ ﻃﺒﻚ ﺍﻟﺴﻴﺎﺭﻩ
ﻋﻠﻰ ﺻﻔﺤﻪ ﻭﻧﺰﻟﻨﻪ ﺍﺟﻪ ﻋﻠﻴﻪ ﻟﺰﻡ ﺍﻳﺪﻱ
ﻭﻣﺸﻴﻨﻪ ﺍﻭﻝ ﺷﻲ ﺍﺧﺬﻧﻲ ﻋﻠﻰ ﻣﺤﻞ ﻣﺎﻝ ﻣﻼﺑﺲ .
: ﻳﺎﻟﻠﻪ ﺍﺧﺘﺎﺭﻳﻠﺞ ﻟﺒﺴﻪ ﺍﺗﻠﺒﺴﻴﻬﺔ ﻏﻴﺮ ﻫﺎﻱ ..
ﻃﺒﻴﺖ ﻟﻠﻤﺤﻞ ﻭﺍﻧﻲ ﺍﻋﻴﻮﻧﻲ ﺑﻜﻞ ﻣﻜﺎﻥ
ﺍﺧﺘﺎﺭﻳﺘﻠﻲ ﺍﺑﻠﻮﺯ ﻣﻠﺰﻭﻙ ﻭﻳﺎﻩ ﺟﺎﻛﻴﺖ ﻳﺨﺒﻞ
ﺍﺧﺬﺗﻪ ﻭﺭﺣﺖ ﺍﻟﺮﻋﺪ ﺷﺎﻓﻪ ﻭﻛﻠﻲ ﻃﺒﻲ ﻛﺪﺭﻱ
ﻃﺒﻴﺖ ﻟﺒﺴﺘﻪ ﻭﻃﻠﻌﺖ .
: ﻻ ﻫﺬﺓ ﻫﻢ ﺿﻴﻚ ﺭﻭﺣﻲ ﻧﺰﻋﻲ ﺍﻧﻲ ﺍﺧﺘﺎﺭﻟﺞ ..
ﻃﺒﻴﺖ ﻧﺰﻋﺘﻪ ﻭﻃﻠﻌﺖ ﻟﻜﻴﺘﻪ ﻣﺨﺘﺎﺭﻟﻲ
ﻃﺒﻴﺖ ﺍﻛﺪﺭﻫﻦ ﻭﻃﻠﻌﺖ ﺻﺢ ﻋﺮﻳﺾ ﺑﺲ
ﻻﺯﻡ ﺍﺳﻜﺪ ﺍﺷﺘﺮﺍﻟﻲ ﻛﻢ ﻟﺒﺴﻪ ﻋﻠﻰ ﺫﻭﻗﻪ
ﺣﻠﻮ ﺫﻭﻗﻪ ﺑﺲ ﻛﻠﻪ ﻋﺮﻳﺾ ﺍﺷﺘﺮﺍﻫﻦ
ﻭﻃﻠﻌﻨﻪ ﻛﻤﻠﻨﻪ ﻣﺸﻲ .
: ﺍﺷﺘﺮﺩﻥ ﻧﺸﺘﺮﻥ ..
: ﻣﻮ ﺍﻟﻪ ﻧﺸﺘﺮﻱ ﺍﻟﻤﻬﻢ ﻃﻠﻌﻨﻪ ..
: ﻣﻴﺨﺎﻟﻒ ﺗﻌﺎﻟﻲ ﺍﻟﻬﺬﻩ ﺍﻟﻤﺤﻞ ..
ﺩﺧﻠﻨﻪ ﺍﻟﻤﺤﻞ ﺷﺎﻻﺕ ﻭﺍﺣﺬﻳﻪ ﻭﺟﻨﻂ
ﻛﻌﺪ ﻳﺸﺘﺮﻳﻠﻲ ﻭﻳﺮﻫﻤﻠﻴﺎﻫﻦ ﻣﺜﻼ ﺍﻟﺸﺎﻝ
ﻭﻳﻪ ﻟﻮﻥ ﺍﻟﺠﻨﻄﻪ ﻭﺍﻟﺤﺬﺍﺀ ﻳﺮﻫﻤﺔ ﻭﻳﺎﻫﻦ
ﺍﺷﺘﺮﺍﻟﻲ ﻭﻃﻠﻌﻨﻪ ﻫﺪﻯ ﻫﻢ ﺍﺷﺘﺮﺕ ﻏﺮﺍﺽ
ﺍﺧﺮ ﺷﻲ ﺩﻙ ﻣﺒﺎﻳﻠﻪ ﺭﺍﺳﻦ ﺭﺟﻌﻨﻪ
ﻟﻠﺴﻴﺎﺭﻩ ﺫﺏ ﺍﻟﻌﻼﻟﻴﻚ ﺍﺑﻄﻨﻪ ﻭﻃﺒﺒﻨﻪ ﺍﻟﻌﻴﺎﺩﻩ
ﺑﺎﻭﻋﺖ ﻋﻠﻰ ﺍﻻﺳﻢ ﺩﻛﺘﻮﺭﻩ ﻧﺴﺎﺋﻴﻪ ﻟﻠﺤﻮﺍﻣﻞ
ﺭﺍﺳﻦ ﺍﺟﻪ ﺍﺑﺎﻟﻲ ﻓﻜﺮﺕ ﺍﻻﺳﻘﺎﻁ ﺑﺎﻭﻋﺖ ﻋﻠﻴﻪ ..
: ﺭﻋﺪ ﺍﺷﺮﺍﺡ ﺍﺳﻮﻱ ..
: ﺷﺎﺳﻮﻱ ﻏﻴﺮ ﺍﺗﺮﺍﺟﻌﻴﻦ ﺩﻛﺘﻮﺭﻩ
ﺍﺗﻌﺮﻓﻴﻦ ﺻﺤﺘﺞ ﻭﺻﺤﺖ ﺍﻟﻄﻔﻞ ﺍﺷﻠﻮﻧﻪ ..
ﺍﻭﻝ ﻣﻄﺒﻴﻨﻪ ﺭﺍﺳﻦ ﺳﻠﻢ ﻭﺭﺩﺗﻪ ﺍﻟﺴﻜﺮﺗﻴﺮﻩ .
: ﻭﻋﻠﻴﻜﻢ ﺍﻟﺴﻼﻡ ﻫﻼ ﺑﻴﻚ ﻧﻘﻴﺐ ﺭﻋﺪ
ﺍﺗﻔﻀﻞ ﺍﺗﻔﻀﻞ ﺍﻟﺪﻛﺘﻮﺭﻩ ﺍﺗﺎﻧﻴﻚ ..
ﺭﺍﺳﻦ ﺩﺧﻠﻨﻪ ﻫﺪﻯ ﺑﻘﺖ ﺑﺮﻩ ﻣﻘﺒﻠﺖ ﺗﺪﺧﻞ
ﺩﺧﻠﻨﻪ ﺍﻧﻲ ﻭﺭﻋﺪ ﺍﻭﻝ ﻣﻄﺒﻴﻨﻪ ﻛﺎﻣﺖ
ﺍﻟﺪﻛﺘﻮﺭﻩ ﺍﺗﺮﺣﺐ ﺑﺮﻋﺪ ..
: ﻣﺎﻣﻪ ﻧﺎﻣﻲ ﻋﻠﻰ ﺍﻟﺴﺪﻳﻪ ﺣﺘﻪ ﺍﻓﺤﺼﺞ ..
ﻧﻤﺖ ﻋﻠﻰ ﺍﻟﺴﺪﻳﻪ ﺍﺟﺘﻲ ﻳﻤﻲ ﺻﻌﺪﺕ
ﺗﻴﺸﻴﺮﺗﻲ ﻭﺧﻠﺖ ﻋﻠﻴﻪ ﻣﺜﻞ ﺍﻟﺠﻞ ﺑﺎﺭﺩ
ﺷﻐﻠﺖ ﺍﻟﺘﻠﻔﺰﻳﻮﻥ ﺍﻟﻴﻤﻬﺔ ﻭﺧﻠﺖ ﺍﻟﺠﻬﺎﺯ
ﻋﻠﻰ ﺑﻄﻨﻲ ﻭﺗﻔﺘﺮ ﺑﻲ ..
: ﺍﻧﺘﻲ ﺭﺍﺟﻌﺘﻲ ﻗﺒﻞ ..
: ﺍﻱ ﺭﺍﺟﻌﺖ ..
: ﺍﻧﻄﺘﺞ ﺍﺩﻭﻳﻪ ﻭﺷﻨﻨﻪ ﺍﻻﺩﻭﻳﻪ ..
: ﺍﻱ ﺍﻧﻄﺘﻨﻲ ﻣﺜﺒﺘﺎﺕ ﻻﻥ ﺍﻟﻄﻔﻞ
ﺟﺎﻥ ﻣﻬﺪﺩ ﺑﺎﻻﺳﻘﺎﻁ ..
: ﺑﺲ ﻣﺜﺒﺘﺎﺕ ..
: ﺍﻱ ..
: ﻳﺎﻟﻠﻪ ﻛﻮﻣﻲ ..
ﻣﺴﺤﺖ ﺍﻟﺠﻞ ﻋﻦ ﺑﻄﻨﻲ ﻭﻛﻤﺖ ﻫﻴﺔ
ﻛﻌﺪﺕ ﺍﺳﻮﻱ ﻓﺎﻳﻞ ﺣﺘﻪ ﺍﺭﺍﺟﻊ ﺑﻲ ﻳﻤﻬﺔ .
: ﺍﺳﺘﺎﺫ ﺭﻋﺪ ﺍﻧﺘﻪ ﺗﻌﺮﻑ ﺍﻟﺒﻴﺒﻲ
ﻣﻬﺪﺩ ﺑﻼﺳﻘﺎﻁ ﻟﻴﺶ ﻣﺮﺍﺟﻌﺖ ﺑﻴﻬﺔ ﻳﻤﻲ ﺟﺎﻥ
ﺍﻧﻄﻴﺘﻪ ﺍﺩﻭﻳﻪ ﺍﻟﺪﻛﺘﻮﺭﻩ ﺍﻟﻲ ﻣﻮﺩﻳﻬﺔ
ﻋﻠﻴﻬﺔ ﻣﻨﻄﻴﺘﻬﺔ ﺑﺲ ﻣﺜﺒﺘﺎﺕ ﻣﻤﻨﻄﻴﺘﻬﺔ
ﻓﻴﺘﺎﻣﻴﻨﺎﺕ ﻫﻴﺠﻲ ﻣﻮﺯﻳﻦ ﻋﻠﻴﻬﺔ ..
: ﺭﺣﺖ ﺍﻟﻐﻴﺮ ﺩﻛﺘﻮﺭﻩ ﻻﻥ ﺟﺎﻧﺖ ﺗﻨﺰﻑ
ﻣﺎﻝ ﺍﺳﺘﻌﺠﺎﻝ ﻭﺑﻌﺪ ﻧﺴﻴﺖ ﺍﺟﻴﺒﻪ ﻳﻤﺞ ..
: ﺍﻟﻤﻬﻢ ﺍﺳﺘﺎﺫ ﺭﻋﺪ ﺍﻫﻢ ﺷﻲ ﻋﻠﻴﻬﺔ ﺍﻟﺮﺍﺣﻪ
ﺍﻟﻬﺔ ﻭﺍﻟﺠﻨﺲ ﻗﻠﻠﻮ ﻣﻨﻪ ﻻﻥ ﺑﻲ ﺗﺄﺛﻴﺮ ﻣﻀﺮ
ﻋﻠﻰ ﺻﺤﺖ ﺍﻟﺒﻴﺒﻲ ﻭﻫﺬﻥ ﻓﻴﺘﺎﻣﻴﻨﺎﺕ
ﺟﻴﺒﻬﻦ ﻣﻦ ﺍﻟﺼﻴﺪﻟﻴﻪ ﺍﻟﺒﺮﻩ ﺣﺘﻪ ﺃﺷﺮ ﻋﻠﻴﻬﻦ
ﺍﺷﻮﻛﺖ ﺗﺒﻠﻊ ﻣﻨﻬﻦ ..
ﺍﺧﺬﻫﻦ ﻣﻨﻬﺔ ﻭﻛﻠﻲ ﻛﻌﺪﻱ ﻻ ﺍﻃﻠﻌﻴﻦ
ﻫﺴﺔ ﺍﺟﻲ ﻃﻠﻊ ﺟﺎﺑﻬﻦ ﻭﺭﺟﻊ ﺍﺷﺮﺕ
ﻋﻠﻴﻬﻦ ﺍﻟﺪﻛﺘﻮﺭﺓ ﻭﻃﻠﻌﻨﻪ ﺍﻟﻜﻞ ﺍﻟﻲ
ﺑﻠﻌﻴﺎﺩﻩ ﺍﻋﻴﻮﻧﻬﻦ ﺍﻣﺠﻨﻜﻠﻪ ﻋﻠﻰ ﺭﻋﺪ ﺷﻨﻲ
ﻣﺎﻋﺪﺟﻦ ﺍﺭﺟﻮﻟﻪ ﻫﻴﺠﻲ ﺑﻠﺮﺍﻳﺤﺔ ﻭﺍﻟﺠﺎﻳﻪ
ﺍﺗﺒﺎﻋﻦ ﻋﻠﻰ ﺍﻟﻮﻟﺪ . ﻃﻠﻌﻨﻪ ﺍﺑﺎﻭﻉ ﻫﺪﻯ ﻣﺎﻛﻮ ..
: ﻋﺰﺯﺯﺯﻩ ﻫﺎﻱ ﻭﻳﻦ ﺭﺍﺣﺖ ..
&&&&&&&&&&&
