ﺍﻟﻨﻘﻴﺐ ﻭﺍﻟﺮﺍﻗﺼﻪ
ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
ﺑﺎﺭﺕ ﺍﻟﺜﺎﻣﻦ ﻋﺸﺮ
>>>>> ﻣﻬﺎ ﺍﻟﻤﻨﺪﻻﻭﻱ <<<<<<
ﻣﺮ ﻳﻮﻡ ﻳﺠﺮ ﻳﻮﻡ ﻭﺍﻧﻲ ﺍﺷﻮﻑ ﺭﻋﺪ ﺗﺠﻲ
ﺍﺗﺼﺎﻻﺕ ﻣﺮﺍﺕ ﻳﺮﺩ ﻋﻠﻴﻬﺔ ﻳﻄﻠﻊ ﺑﺮﻩ ﺍﻟﺸﻘﻪ
ﻭﻳﻔﺘﺢ ﺧﻂ ﻭﻣﺮﺍﺕ ﻟﻤﻦ ﻛﺎﻋﺪﻳﻦ ﺳﻮﻩ ﻳﺪﻛﻮﻥ
ﻋﻠﻴﻪ ﺭﺍﺳﻦ ﻳﺘﻮﺗﺮ ﻭﺳﺪ ﺍﻟﺠﻬﺎﺯ ﻟﻮ ﻣﺮﺍﺕ
ﻟﻤﻦ ﻳﻄﻠﻊ ﺍﺫﺍ ﺳﺎﺋﻠﺘﻪ ﻳﻜﻠﻲ ﺍﻟﺒﻴﺖ ﺻﺪﻳﻘﻲ
ﺣﺴﺒﺎﻟﻪ ﺍﻧﻲ ﻣﺎ ﺍﻋﺮﻑ ﻣﻴﺮﻳﺪ ﻳﺎﺋﺬﻳﻨﻲ
ﻓﻴﻄﻠﻌﻠﻲ ﺍﻋﺬﺍﺭ . ﻣﻠﻴﺖ ﻭﻛﻠﺖ ﻫﺬﻭ
ﺍﻧﻲ ﻣﺮﺡ ﺍﻛﻌﺪ ﻭ ﺍﺷﻮﻓﻪ
ﺍﺷﻮﻳﻪ ﺍﺷﻮﻳﻪ ﺩﻳﻄﻴﺮ ﻣﻦ ﺍﻳﺪﻱ ﺍﺫﺍ ﻋﺎﻓﻨﻲ ﺍﻧﻲ
ﻣﻨﻮ ﺍﻟﻲ ﺍﺷﻮ ﻻ ﺍﺏ ﻭﻻ ﺍﺧﻮﻩ ﺑﻴﻬﻢ ﺍﺧﻴﺮ ﺷﻲ
ﺑﺪﻭﻧﻪ ﺍﻧﻲ ﺍﺗﻴﻪ ﻓﻘﺒﻞ ﻣﻴﻴﺠﻲ ﺭﺣﺖ ﻟﻠﻜﻨﺘﻮﺭ
ﺣﻀﺮﺕ ﺷﺎﻟﻲ ﻭﻋﺒﺎﻳﺘﻲ ﺧﻠﻴﺘﻬﻦ ﺟﻮﻩ
ﺍﻳﺪﻱ ﻭﺭﺍﻫﺔ ﺍﻟﺘﻬﻴﺖ ﺑﻠﺸﻐﻞ ﺭﺟﻊ ﺭﻋﺪ ﻣﻦ
ﺩﻭﺍﻣﻪ ﻃﺐ ﺳﺒﺢ ﻭﺟﻪ ﺍﺗﻐﺪﻩ ﻭﺭﺍﺡ ﻧﺎﻡ ﻛﻤﺖ
ﻟﻤﻴﺖ ﺍﻟﻤﺎﻋﻴﻦ ﻭﻏﺴﻠﺘﻬﻦ ﺭﺣﺖ ﻛﻌﺪﺕ ﺑﻠﺴﺘﻘﺒﺎﻝ
ﻭﺷﻐﻠﺖ ﺍﻟﺘﻠﻔﺰﻳﻮﻥ ﻭﺍﻧﻲ ﺧﺎﻳﻔﻪ ﻭﻣﺘﻮﺗﺮﻩ ﻣﻦ
ﺍﻟﻲ ﺭﺍﺡ ﺍﺳﻮﻱ ﺳﺎﻋﻪ ﻭﻛﻌﺪ ﺭﻋﺪ ﺑﺪﻝ
ﻭﻃﻠﻊ ﻭﻳﻪ ﻃﻠﻌﺘﻪ ﺭﺍﺳﻦ ﻟﻔﻴﺖ ﺍﻟﺸﺎﻝ ﻋﻠﻰ
ﺍﻟﺴﺮﻳﻊ ﻭﺧﻠﻴﺖ ﺍﻟﻌﺒﺎﻳﻪ ﻋﻠﻰ ﺭﺍﺳﻲ ﻭﻟﺤﻜﺘﻪ
ﺍﺟﺮﺕ ﺗﻜﺴﻲ ﻭﻛﺘﻠﻪ ﻳﻠﺤﻜﻪ ﻭﺍﻟﻠﻪ ﺍﻟﻌﻀﻴﻢ
ﺣﺴﻴﺖ ﻧﻔﺴﻲ ﺟﺎﻱ ﺍﻣﺜﻞ ﺑﻤﺴﻠﺴﻞ ﻭﺻﻞ
ﻳﻢ ﺑﻴﺖ ﻭﺩﻙ ﺑﺎﺑﻪ ﻭﻃﺐ ﺑﺎﻭﻋﺖ ﻋﻠﻰ
ﺍﻟﻤﻨﻄﻘﻪ ﻭﺣﻔﻀﺘﻬﺔ ﺭﺟﻌﺖ ﻟﻠﺸﻘﻪ ﻭﺍﻧﻲ
ﺍﻃﺮﺍﻓﻲ ﺛﻠﺞ ﻣﻦ ﺍﻟﺨﻮﻑ ﺷﻠﺖ ﺍﻟﻌﺒﺎﻳﻪ
ﻭﺍﻟﺸﺎﻝ ﻭﺧﻠﻴﺘﻬﻦ ﺑﻠﻜﻨﺘﻮﺭ ﻃﻠﻌﺖ ﺍﻛﻤﻞ
ﺷﻐﻞ ﺍﻟﺒﻴﺖ ﻭﺍﻟﻬﻲ ﺭﻭﺣﻲ ﺑﻠﺘﻠﻔﺰﻳﻮﻥ ﺭﺟﻊ
ﺭﻋﺪ ﺑﻞ 8 ﻭﻣﺮﺕ ﻟﻴﻠﻪ ﻭﺍﻧﻲ
ﻣﺸﺎﻳﻔﻪ ﻃﻌﻢ ﺍﻟﻨﻮﻡ ﻣﻦ ﺍﻟﺨﻮﻑ ﻭﺍﻟﺘﻮﺗﺮ ﻭ
ﺣﺴﺒﻪ ﺗﺠﻲ ﻭﺣﺴﺒﻪ ﺍﺗﺮﻭﺡ ﺍﻟﺤﺪ
ﻣﻄﻠﻊ ﺍﻟﺼﺒﺢ ﻛﻤﺖ ﻗﺒﻞ ﺭﻋﺪ ﺳﻮﻳﺘﻠﻪ
ﺭﻳﻮﻙ ﻭﺭﺣﺖ ﻛﻌﺪﺗﻬﺔ ﺣﺒﻪ ﺍﻟﻲ
ﻭﻫﺘﻤﺎﻣﻪ ﺑﻴﻪ ﺯﻳﺪ ﺍﺻﺮﺍﺭﻱ ﻋﻠﻰ ﺍﻟﺨﻄﻮﻩ ﺍﻟﻲ
ﺍﺭﻳﺪ ﺍﺧﻄﻮﻫﺔ ﺍﻟﻴﻮﻡ ﻃﻠﻊ ﻟﻠﺪﻭﺍﻡ
ﺭﺟﻌﺖ ﺣﺎﻭﻟﺖ ﺍﻧﺎﻡ ﺑﻠﺸﺎﻓﻌﺎﺕ ﺑﻠﻪ
ﻋﻤﻀﺖ ﻋﻴﻨﻲ ﻟﺴﺎﻋﺘﻴﻦ ﻛﻤﺖ ﻛﻤﻠﺖ
ﺗﻨﻀﻴﻒ ﺍﻟﺒﻴﺖ ﻭﺳﻮﻳﺘﻠﻪ ﻏﺪﻩ ﺑﺎﻭﻋﺖ
ﻋﻠﻰ ﺍﻟﺴﺎﻋﻪ ﺑﻞ 3 ﺭﻋﺪ ﻳﻴﺠﻲ ﺑﻞ 5 ﻳﻌﻨﻲ
ﺍﻟﺤﻚ ﺭﺣﺖ ﻟﺒﺴﺖ ﺍﻟﺸﺎﻝ ﻭﺍﻟﻌﺒﺎﻳﻪ ﻭﻃﻠﻌﺖ
ﺍﻟﻨﻔﺲ ﻋﻨﻮﺍﻥ ﺍﻟﺒﻴﺖ ﻧﺰﻟﺖ ﻣﻦ ﺍﻟﺘﻜﺴﻲ
ﺍﻧﻄﻴﺘﻪ ﺍﺟﺮﺗﻪ ﻭﺍﻧﻲ ﺍﺗﻮﺟﻪ ﻟﻠﺒﻴﺖ ﺭﺟﻞ ﺍﻃﻚ
ﺍﺑﺮﺟﻞ ﻣﻦ ﺍﻟﺘﻮﺗﺮ ﻭﺍﻟﺨﻮﻑ ﺩﻛﻴﺖ
ﺍﻟﺒﺎﺏ ﻃﻠﻌﺘﻠﻲ ﻣﺮﻩ ﺟﺒﻴﺮﻩ ﺑﻠﻌﻤﺮ
ﺑﻠﻌﺖ ﺭﻳﻜﻲ ..
: ﺳﻼﻡ ﻋﻠﻴﻜﻢ ..
: ﻭﻋﻠﻴﻜﻢ ﺍﻟﺴﻼﻡ ..
: ﺍﻧﺘﻲ ﺍﻡ ﺳﻨﺎﺀ ..
: ﺍﻱ ﻋﻴﻨﻲ ﺍﺗﻔﻀﻠﻲ ..
: ﺟﺎﻳﺘﺞ ﺑﺴﺎﻟﻔﻪ ﻭﺗﻤﻨﻪ ﻣﺎﺗﺮﺩﻳﻨﻲ ..
: ﻫﻼ ﻳﻤﻪ ﺍﺗﻔﻀﻠﻲ ﺍﻟﺒﻴﺖ ﺑﻴﺘﺞ ..
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﻟﺮﺟﻔﻪ ﺍﺑﺠﺴﻤﻲ
ﺩﺧﻠﺘﻨﻲ ﻟﻼﺳﺘﻘﺒﺎﻝ ﻭﺟﻨﻲ ﺑﻨﺎﺕ ﺍﺛﻨﻴﻦ
ﺳﻠﻤﻦ ﻭﻛﻌﺪﻥ ﻳﻤﻲ ﺑﻠﺴﺘﻘﺒﺎﻝ ﻭﺍﻧﻲ ﺍﺑﺎﻭﻉ
ﻋﻠﻴﻬﻦ ﻭﺭﻳﺪ ﺍﻋﺮﻑ ﻣﻨﻴﻪ ﺳﻨﺎﺀ ﺷﻜﻠﻬﻦ
ﺯﻳﻦ ﺳﻤﺮﺍﺕ ﻭﻣﻼﻣﺤﻬﻦ ﺣﻠﻮﻩ ﺍﺷﻮﻳﻪ
ﻭﺟﺘﻲ ﺍﻟﻤﺮﻩ ﺷﺎﻳﻠﻪ ﺻﻨﻴﻪ ﺑﻴﻬﺔ ﻛﻴﻚ
ﻭﺷﺮﺑﺖ
ﺍﺗﻔﻀﻠﻲ ..
: ﺗﺴﻠﻤﻴﻦ ﺧﺎﻟﻪ ..
: ﺍﻟﻠﻪ ﻳﺴﻠﻤﺞ ﺍﺣﺠﻴﻠﻲ ﻳﻤﻪ ﺷﻨﻬﻲ
ﺳﺎﻟﻔﺘﺞ ﺍﻟﺠﺎﻳﺘﻨﻲ ﺑﻴﻬﺔ ..
ﺑﺎﻭﻋﺖ ﻋﻠﻰ ﺍﻟﺒﻨﺎﺕ ﻭﻛﺘﻠﻬﺔ ..
: ﻣﻨﻴﻪ ﺳﻨﺎﺀ ..
ﺍﺷﺮﺗﻠﻲ ﻋﻠﻰ ﻭﺣﺪﻩ ﻣﻦ ﺍﻟﺒﻨﺎﺕ ﺍﻛﻮﻝ
ﺣﻠﻮﻩ ﺑﺲ ﻣﻮ ﺫﺍﻛﻪ ﺍﻟﺠﻤﺎﻝ ﺍﻋﻴﻮﻥ ﺍﻛﺒﺎﺭ
ﻭﺧﺴﻢ ﻃﻮﻳﻞ ﺻﺎﺣﺒﻪ ﺍﺧﺪﻭﺩ ﻭﺣﻠﻜﻬﺔ ﺯﻳﻦ
ﻻ ﻫﻮﺓ ﺟﺒﻴﺮ ﻭﻻ ﺻﻐﻴﺮ ﺑﻠﻌﺖ ﺭﻳﻜﻲ ﻭﺍﻧﻲ ﺍﻓﺮﻙ ﺑﺼﺎﺑﻴﻌﻲ ..
: ﺧﺎﻟﻪ ﺧﻠﻲ ﺍﺳﻮﻟﻔﻠﺞ ﻗﺼﺘﻲ ﻭﻧﺘﻲ ﺑﻌﺪﻳﻦ ﺣﻜﻤﻲ ..
: ﻳﻤﻪ ﺳﻮﻟﻔﻲ ﺍﺳﻤﻌﺞ ..
ﻛﻌﺪﺕ ﺣﺠﻴﺘﻠﻬﺔ ﻣﻦ ﻭﻋﻴﺖ ﻋﻠﻰ ﻫﻠﺪﻧﻴﻪ
ﺍﻟﺤﺪ ﻫﺴﺔ ﺑﺲ ﻣﺎﺫﻛﺮﺕ ﺑﺎﻥ ﺭﻋﺪ ﺯﻭﺟﻲ
ﺍﻭ ﺍﻧﻲ ﺣﺎﻣﻞ ﻻﻥ ﺑﻄﻨﻲ ﻣﻤﺒﻴﻨﻪ ﺑﻠﻌﺒﺎﻳﻪ ﻓﻤﻜﻠﺖ ..
: ﻗﺼﺘﺞ ﺣﻴﻞ ﻗﻬﺮﺗﻨﻲ ﻟﻮ ﺍﻟﺰﻡ ﻫﺎﻱ ﻋﻤﺘﺞ
ﺣﺸﺎﺝ ﺍﻟﻪ ﺍﻛﻄﻊ ﺍﻟﻨﻌﺎﻝ ﺍﻋﻠﻴﻬﺔ ﺑﺲ
ﺍﻧﻲ ﺷﺎﻛﺪﺭ ﺍﺳﻮﻳﻠﺞ ..
: ﺧﺎﻟﻪ ﺍﺗﻌﺮﻓﻴﻦ ﻣﻨﻮ ﻫﻮﺓ ﺯﻭﺟﻲ ..
: ﻣﻨﻮ ﻫﻮﺓ ..
ﺑﺎﻭﻋﺖ ﻋﻠﻰ ﺳﻨﺎﺀ ﻭﺟﺎﻭﺑﺘﻬﺔ ..
: ﺭﻋﺪ ﺧﻄﻴﺐ ﺳﻨﺎﺀ ..
ﺭﺍﺳﻦ ﺍﻧﻜﻠﺒﺖ ﺍﻟﻮﺟﻮﻩ ﺣﺠﺖ ﺳﻨﺎﺀ ..
: ﻳﻌﻨﻲ ﻭﻫﺴﺔ ﺍﺷﺮﺍﻳﺪﻩ ﺟﺎﻳﻪ ﺍﻟﻬﻨﺎ ﻭﻛﺎﻋﺪﻩ
ﺗﺤﺠﻴﻠﻨﻪ ﻗﺼﺖ ﺣﻴﺎﺗﺞ ﺍﻟﻤﻄﻠﻮﺏ ﻣﻨﻲ ﺍﻋﻮﻑ
ﺭﻋﺪ ﻫﺬﻩ ﻗﺼﺪﺝ ﺑﺲ ﺍﺣﻠﻤﻲ ﻻﻥ ﺍﻧﺘﻲ ﻧﻬﺎﻳﺘﺞ
ﺍﻟﻄﻼﻙ ﻓﻠﻴﺶ ﺍﻋﻮﻓﻪ ﻋﻠﻰ ﻣﻮﺩ ﺭﺍﻗﺼﻪ ..
ﺑﺎﻭﻋﺖ ﻋﻠﻴﻬﺔ ﻭﺩﻣﻌﻪ ﺑﻌﻴﻨﻲ
: ﺯﻳﻦ ﻭﺷﻠﻮﻥ ﺍﺗﻌﻴﺸﻴﻦ ﻭﻳﺎﻩ ﻭﻧﺘﻲ ﺩﻣﺮﺗﻲ
ﻋﺎﺋﻠﻪ ﻣﺘﻜﻮﻧﻪ ﻣﻦ ﻃﻔﻞ ﻭﺍﻡ ﻭﺍﺏ ﺍﻧﺘﻲ ﺭﺍﺡ
ﺗﺤﺮﻣﻴﻦ ﻃﻔﻞ ﻣﻦ ﺍﻣﻪ ﺍﻧﻲ ﻫﺴﺔ ﺣﺎﻣﻞ ﻭ
ﺍﻡ ﺭﻋﺪ ﻛﺎﻟﺖ ﺍﻭﻝ ﻣﺎ ﺍﺟﻴﺐ ﺭﺍﺡ ﺗﺎﺧﺬ ﺍﻟﻄﻔﻞ
ﻣﻨﻲ ﻭﺗﺨﻠﻲ ﺭﻋﺪ ﻳﻄﻠﻜﻨﻲ ﺗﺘﺤﻤﻠﻴﻦ
ﺍﺗﺸﻴﻠﻴﻦ ﺩﻣﺎﺭ ﻋﺎﺋﻠﻪ ﻛﺎﻣﻠﻪ ﻋﻠﻰ ﺣﺴﺎﺏ
ﻓﺮﺣﺘﺞ ..
ﻫﻴﺔ ﺿﻠﺖ ﺗﺒﺠﻲ ..
: ﺑﺲ ﺍﻧﻲ ﺍﺣﺒﻪ ﺍﻟﺮﻋﺪ ﻣﺎ ﺍﻛﺪﺭ ﺍﻋﻮﻓﻪ ..
: ﺍﺑﻨﻴﺘﻲ ﺭﺟﻌﻲ ﺍﻟﺒﻴﺘﺞ ﻭﺍﻧﻲ ﺍﺣﻠﻬﺔ ..
ﻣﺘﺤﻤﻠﺖ ﺭﺍﺳﻦ ﻧﺰﻟﺖ ﺍﺩﻣﻮﻋﻲ ﻭﺍﺧﻴﺮﺍ
ﺭﺍﺡ ﺍﺧﻠﺺ ﻣﻦ ﻫﻠﻬﻢ ﻭﺍﻟﺤﺰﻥ ﻛﻤﺖ
ﺍﻋﻠﻴﻬﺔ ﺣﻀﻨﺘﻬﺔ ﻭﺍﻧﻲ ﺍﺷﻬﻚ ﺑﻠﺒﺠﻲ
ﻭﺧﺮﺗﻨﻲ ﻋﻨﻬﺔ ﻭﻫﻴﻪ ﺍﺩﻛﻠﻲ ..
: ﻳﻤﻪ ﺯﻳﻦ ﺍﺟﻴﺘﻲ ﻭﻛﺘﻴﻠﻨﻪ ﺟﺎﻥ ﺿﺎﻋﺖ
ﺣﻴﺎﺕ ﺑﺘﻲ ﻭﻣﺴﺘﻘﺒﻠﻬﺔ ﺟﺎﻥ ﻋﺎﺷﺖ ﻋﻤﺮﻫﺔ
ﻛﻠﻪ ﺗﺘﻤﻨﻪ ﺍﻟﻜﻠﻤﻪ ﺍﻟﺤﻠﻮﻩ ﻣﻨﻪ ﻭﻫﻮﺓ ﻋﻘﻠﻪ
ﻭﻛﻠﺒﻪ ﻭﻳﻪ ﻏﻴﺮﻫﺔ ..
ﻃﻠﻌﺖ ﻣﻨﻬﻢ ﻭﺍﻧﻲ ﺟﺒﻞ ﻭﻧﺰﺍﺡ ﻋﻦ ﺻﺪﺭﻱ
ﺑﻌﺪﻳﻦ ﺍﺫﻛﺮﺕ ﺭﻋﺪ ﺍﺫﺍ ﺩﺭﻩ ﺍﺷﺮﺍﺡ ﺍﺗﻜﻮﻥ
ﺭﺩﺕ ﻓﻌﻠﻪ ﻭﺍﺳﻦ ﺭﺟﻌﺘﻠﻲ ﺍﻟﺨﻮﻓﻪ ﺭﻛﺒﺖ
ﺗﻜﺴﻲ ﻭﺭﺟﻌﺖ ﻟﻠﺸﻘﻪ ﻓﺘﺖ ﻟﻠﻐﺮﻓﻪ ﺿﻤﻴﺖ
ﺍﻟﺸﺎﻝ ﻭﺍﻟﻌﺒﺎﻳﻪ ﻭﻫﻨﺎﻙ ﻭﺳﻤﻊ ﻓﺘﺤﺖ ﺑﺎﺏ
ﺍﻟﺸﻘﻪ ﺑﺎﻭﻋﺖ ﻋﻠﻰ ﺍﻟﺴﺎﻋﻪ ﺑﻞ 5 ﻋﺰﺯﻩ ﻫﺎﻱ
ﺷﺒﺴﺮﻋﻪ ﻣﺸﻪ ﺍﻟﻮﻛﺖ ﻫﻤﺰﻳﻦ ﺭﺟﻌﺖ ﻗﺒﻠﻪ
ﻃﻠﻌﺖ ﻭﺍﻧﻲ ﺧﺎﻳﻔﻪ ﻭﻣﺘﻮﺗﺮﻩ ﺍﺧﺎﻑ ﻳﻌﺮﻑ
ﻭﻳﺴﻮﻳﻠﻲ ﻣﺼﻴﺒﻪ ﻛﻌﺪﺕ ﻋﻠﻰ ﺍﻟﻘﻨﻔﻪ ﺍﺗﺎﻧﻲ
ﻳﻄﺐ ﻳﺴﺒﺢ ﺍﺟﺎﻩ ﺍﺗﺼﺎﻝ ﻭﻃﺐ ﻟﻠﻐﺮﻓﻪ ﻳﺠﺎﻭﺏ
ﻛﻠﺖ ﻫﺬﻭ ﻳﺴﻠﻤﻰ ﺍﻟﻴﻮﻡ ﺍﻛﻴﺪ ﻣﻮﺗﺞ ﻋﻠﻰ
ﺍﻳﺪ ﺭﻋﺪ ﺍﺷﻮﻳﻪ ﻭﻃﺐ ﻳﺮﻋﺪ ﺭﻋﺪ ﺍﻭﻝ ﺷﻲ
ﻧﺎﺿﺮﺕ ﺩﻣﺎﺭﻩ ﻧﺎﻁ ﻛﻠﺖ ﻣﺘﻲ ﻳﺴﻠﻤﻰ
ﺍﺫﺍ ﺩﻣﺎﺭﻩ ﻧﺎﻁ ﺭﻋﺪ ﺑﺎﻗﺼﻪ ﻋﺼﺒﻴﺘﻪ ﺍﻟﻰ
ﺩﺭﺟﻪ ﻳﻜﺘﻞ ﻭﻣﻴﺸﻮﻑ ﻛﺪﺍﻣﻪ ﻣﻨﻮ ..
ﺑﻌﻴﺎﻁ : ﺳﻠﻤﻰ ﺍﻟﻴﻮﻡ ﻭﻳﻦ ﺟﻨﺘﻲ ﻃﺎﻟﻌﻪ ..
ﺍﻟﺴﺎﻧﻲ ﺍﻧﻌﻜﺪ ﻣﻜﺪﺭﺕ ﺍﺟﺎﻭﺑﻪ ﺟﺴﻤﻲ
ﻛﺎﻡ ﻳﺮﺟﻒ ﻣﻦ ﺍﻟﺨﻮﻑ ﺟﺎﻥ ﻳﺮﺩ ﺍﻳﻌﻴﻂ
ﺑﺎﻋﻠﻪ ﻣﻦ ﺍﻟﺜﺎﻧﻴﻪ .
ﺟﺎﻭﺑﻲ ﻭﻳﻦ ﺟﻨﺘﻲ ﻃﺎﻟﻌﻪ ..
: ﺭﻋﺪ ﻫﺪﺉ ﺍﻟﻠﻪ ﻳﺨﻠﻴﻚ ..
: ﺍﺣﺠﻲ ﻋﺎﺩ ..
: ﺭﺣﺖ ﺍﻻﻫﻞ ﺳﻨﺎﺀ ..
: ﻳﻌﻨﻲ ﺍﺑﺮﻭﺣﺘﺞ ﺍﻫﻨﺎﻙ ﺭﺍﺡ ﺍﺗﻔﻀﻴﻬﺔ
ﺍﻧﺘﻲ ﻻ ﺑﻠﻌﻜﺲ ﺯﺭﺑﺘﻲ ﺑﻠﻮﺿﻊ ..
: ﻛﺎﻓﻲ ﺭﻋﺪ ﻣﻮ ﻃﻠﻌﺖ ﺭﻭﺣﻲ ﻭﺍﻧﻲ
ﺍﺷﻮﻓﻚ ﻛﻠﻴﻮﻣﻴﻪ ﻳﺎ ﺍﺗﺼﺎﻻﺕ ﻳﺎﺭﻭﺣﺎﺕ
ﻋﺒﺎﻟﻚ ﻣﺎ ﺍﺩﺭﻱ ﻣﺎﺧﺬﻧﻲ ﻋﻠﻰ ﻛﺪ ﻋﻘﻠﻲ
ﺣﺲ ﺑﻴﻪ ﺣﺲ ﺍﻧﻲ ﻫﻢ ﺍﻟﻲ ﺍﺣﺴﺎﺱ ﺍﺣﺒﻚ
ﻭﻏﺎﺭ ﻋﻠﻴﻚ ﺍﻧﺘﻪ ﺗﺪﺭﻱ ﻟﻤﻦ ﺍﺷﻮﻑ ﺍﺗﺼﺎﻻﺗﻬﺔ
ﺍﻟﻚ ﻭﺭﻭﺣﺎﺗﻚ ﺍﻟﻬﺔ ﺷﻴﺼﻴﺮ ﺑﻴﻪ ﻧﺎﺭ ﺗﺴﻌﺮ
ﺍﺑﻜﻠﺒﻲ ﻛﺎﻓﻲ ﻋﺎﺩ ﻛﺎﻓﻲ ...
ﺷﺎﻝ ﺍﻟﻤﺰﻫﺮﻳﻪ ﻭﺭﻛﻌﻬﺔ ﺑﻠﻜﺎﻉ ﻣﺴﺢ ﻭﺟﻬﺔ
ﺑﻴﺪﻩ ﻭﻛﻌﺪ ﻳﺠﺮ ﺑﺸﻌﺮﻩ ..
: ﺍﻭﻭﻭﻑ ﺭﺑﻲ ﺻﺒﺮﻧﻲ ﺗﺪﺭﻳﻦ ﺳﻠﻤﻰ ﺍﻧﻲ
ﻭﺍﻛﻊ ﺑﻴﻦ ﻧﺎﺭﻳﻦ ﺑﻴﻨﺞ ﻭﺑﻴﻦ ﺍﻫﻠﻲ ﻣﺪﻣﺮ
ﺩﻣﺎﺭ ﺣﺴﺒﺎﻟﺞ ﻣﺎ ﺍﻓﻜﺮ ﺑﻴﺞ ﻣﺎ ﺍﻋﺮﻑ ﺑﻠﻲ
ﺩﻳﺼﻴﺮ ﺑﻴﺞ ﺑﺲ ﺍﺩﻣﻮﻋﺞ ﻛﻔﻴﻠﻪ ﺗﻜﺴﺮ ﺿﻬﺮﻱ
ﺑﺲ ﺍﺷﺒﻴﺪﻱ ﻋﻠﻴﺞ ﻻ ﺍﻧﻲ ﺍﻟﻲ ﺍﻛﺪﺭ ﺍﻛﻨﺴﻞ
ﻫﻠﺨﻄﻮﺑﻪ ﻻﻥ ﻫﺎﻱ ﺑﺖ ﻋﻤﻲ ﻭﺍﺫﺍ ﻛﻨﺴﻠﺖ
ﺍﻟﺨﻄﻮﺑﻪ ﺍﻟﻌﺎﻟﻢ ﺣﺘﺤﺠﻲ ﻋﻠﻰ ﺍﺑﻦ ﻋﻤﻬﺔ ﻓﺼﺦ
ﺍﻟﺨﻄﻮﺑﻪ ﻣﻦ ﺍﻟﺒﺪﺍﻳﻪ ﻻﺯﻡ ﺑﻴﻬﺔ ﻋﻴﺐ ﻭﻣﻨﺎ
ﺍﻣﻲ ﺍﻟﻲ ﺧﺒﻠﺘﻨﻲ ﻭﻣﻨﺎ ﺍﻧﺘﻲ ..
ﻛﻌﺪ ﻭﺿﻢ ﺭﺍﺳﻪ ﺑﻴﻦ ﺍﻳﺪﻩ ﺩﻙ ﺟﻬﺎﺯﻩ ﺍﺧﺬﻩ
ﻭﻃﻔﺮ ﻣﻦ ﻣﻜﺎﻧﻪ ﺍﺷﻮﻳﻪ ﻭﺭﺟﻌﻠﻲ ..
: ﻛﻮﻣﻲ ﻟﻤﻴﻠﺞ ﺟﻢ ﺩﺷﺪﺍﺷﻪ ﻋﺮﻳﻀﻪ ﻋﻨﺪﺝ
ﺧﻠﻴﻬﻦ ﺑﺠﻨﻄﻪ ﻭﺣﻀﺮﻱ ﻧﻔﺴﺞ ..
: ﻟﻴﺶ ﺭﻋﺪ ﻭﻳﻦ ﺍﻣﻮﺩﻳﻨﻲ ..
: ﻛﻮﻣﻲ ﺍﺑﺴﺮﻋﻪ ﺑﺪﻭﻥ ﺍﺳﺎﺋﻠﻪ ..
ﻛﻤﺖ ﻃﻠﻌﺘﻠﻲ ﻛﻢ ﺩﺷﺪﺍﺷﻪ ﺧﻠﻴﺘﻬﻦ
ﺍﺑﺠﻨﻄﻪ ﻟﻔﻴﺖ ﺍﻟﺸﺎﻝ ﻭﻟﺒﺴﺖ ﺍﻟﻌﺒﺎﻳﻪ ﻃﻠﻌﺖ
ﺍﺑﺎﻭﻉ ﻋﻠﻴﻪ ﺑﻌﺪﻩ ﺑﻠﺒﺲ ﻣﺎﻝ ﺍﻟﺪﻭﺍﻥ ﺷﻜﻠﻪ
ﺗﻌﺒﺎﻥ ﻛﺎﻋﺪ ﻣﻦ ﺍﻟﺼﺒﺢ ﻭﺩﻭﺧﺖ ﺍﻟﺪﻭﺍﻡ
ﻭﻫﺴﻪ ﻫﺎﻱ ﺍﻟﺴﺎﻟﻔﻪ ﺍﻟﺼﺎﺭﺕ ﺍﻧﺘﺒﻪ ﻋﻠﻴﻪ ﻭﻛﺎﻡ ..
: ﻳﺎﻟﻠﻪ ﻛﺪﺍﻣﻲ ..
ﻃﻠﻌﻨﻪ ﺻﻌﺪﻧﻲ ﺑﻠﺴﻴﺎﺭﻩ ﻭﺣﺮﻛﻬﺔ ﻃﺒﻜﻨﻪ ﻛﺪﺍﻡ ﺑﻴﺖ ..
: ﻳﺎﻟﻠﻪ ﻧﺰﻟﻲ ..
: ﺭﻋﺪ ﺑﻴﺘﻤﻦ ﻫﺬﻩ ..
: ﺑﻴﺖ ﺍﻫﻠﻲ ..
ﻋﺰﺯﻩ ﻟﻴﺶ ﺟﺎﺑﻨﻲ ﺍﻫﻨﺎ ﺑﺎﻭﻋﺖ ﻋﻠﻴﻪ
ﻭﺍﻧﻲ ﺍﺭﺟﻒ ﺍﺷﻠﻮﻥ ﺣﺘﻜﻮﻥ ﺭﺩﺕ ﻓﻌﻞ
ﺍﻫﻠﺔ ﺍﻟﺒﺎﻗﻴﻦ ﺍﻳﻌﺮﻓﻮﻥ ﺑﻴﻪ ﻻ ﺷﺮﺍﺡ ﻳﺼﻴﺮ
ﻛﻮﻣﻪ ﺍﺳﺎﺋﻠﻪ ﺍﺟﺘﻲ ﺍﺑﺎﻟﻲ ﺑﻠﺤﻀﺘﻬﺔ ﻧﺰﻟﻨﻪ
ﻫﻮﺓ ﻟﺰﻡ ﺍﻳﺪﻱ ﺣﺴﻴﺖ ﺑﻠﺰﻣﺘﻪ ﺟﺎﻱ ﻳﻄﻤﻨﻲ
ﻭﻳﻜﻠﻲ ﺍﻧﻲ ﻳﻤﺞ ﻻ ﺗﺨﺎﻓﻴﻦ ﺩﻙ ﺍﻟﺠﺮﺹ ﺍﺷﻮﻳﻪ
ﻭﻓﺘﺤﺘﻪ ﺍﺑﻨﻴﻪ ﺿﻠﺖ ﺍﺗﺒﺎﻭﻉ ﺍﺑﻮﺟﻬﻲ ﻭﺳﻠﻤﺖ
ﻋﻠﻰ ﺭﻋﺪ ..
: ﻃﺒﻲ ﻻ ﺍﺗﺨﺎﻓﻴﻦ ..
: ﻫﻼ ﺧﻴﻪ ﻃﺒﻲ ﺷﻨﻮ ﺍﺗﺨﺎﻓﻴﻦ ﻣﻨﻪ ﺗﺮﻩ ﻣﺎﻧﺎﻛﻞ ﺑﺸﺮ ..
ﺍﺑﺘﺴﻤﺘﻠﻬﺔ ﻭﻃﺒﻴﺖ ﻭﻳﻪ ﺭﻋﺪ ﻟﻠﺼﺎﻟﻪ
ﻃﺒﻴﻨﻪ ﻭﺷﻮﻑ ﺭﺟﺎﻝ ﺟﺒﻴﺮ ﺑﻠﻌﻤﺮ ﻛﺎﻋﺪ
ﺑﺎﻭﻉ ﻋﻠﻰ ﺭﻋﺪ ﺍﻭﻝ ﻣﻄﺒﻴﻨﻪ ﻭﻋﻼﻣﺎﺕ
ﺍﻟﺨﻴﺒﻪ ﺑﻮﺟﻬﺔ ﻭﺍﻣﻪ ﻛﺎﻋﺪﻩ ﻫﻢ ﻭﻛﺎﻋﺪﻳﻦ
ﺍﺛﻨﻴﻦ ﻭﻟﺪ ﻫﻢ ﻛﺎﻣﺖ ﺍﻣﻪ ﻋﻠﻴﻪ ﻭﻫﻴﻪ ﺍﺗﻠﻌﻠﻊ ..
: ﻟﺞ ﻛﺢ ... ﺳﺎﻗﻄﻪ ﺍﺷﻠﻮﻥ ﺍﺳﻮﻳﻦ ﻫﻴﺠﻲ
ﻋﺒﺎﻟﺞ ﺑﺴﻮﺍﻳﺘﺞ ﻫﺎﻱ ﺣﺘﻠﻮﻳﻦ ﺍﺫﺭﺍﻋﻲ ﻭﺗﺨﻠﻴﻨﻲ
ﺍﺗﺮﺍﺟﻊ ﻋﻦ ﻗﺮﺍﺭﻱ ﻭﻣﺎ ﺍﺧﻠﻲ ﺭﻋﺪ ﻳﻄﻠﻜﺞ
ﻻ ﻭﺍﻟﻠﻪ ﺍﻧﺘﻲ ﺯﺗﻴﻨﻲ ﺍﺻﺮﺍﺭ ﺣﺘﻪ ﺍﻧﻔﺬ ﻛﻼﻣﻲ
ﺍﻭﻝ ﻣﻄﻠﻌﻴﻦ ﻣﻦ ﺻﺎﻟﺖ ﺍﻟﻮﻻﺩﻩ ..
ﻛﻠﻬﺔ ﺍﺗﻮﺟﻬﺖ ﻧﻈﺮﻫﺔ ﺍﻟﻲ ﻟﺰﻣﺖ ﺍﻳﺪ ﺭﻋﺪ
ﻗﻮﻱ ﻭﺣﺸﻜﺖ ﻧﻔﺴﻲ ﺑﻲ ﺧﺎﻳﻔﻪ ﻣﻨﻬﻢ ﻭﺍﻭﻝ
ﻭﺣﺪﻩ ﺑﻴﻬﻢ ﺍﻣﻪ ﺧﺎﻳﻔﻪ ﻣﻨﻬﺔ ..
: ﻳﻤﻪ ﻛﺎﻓﻲ ﻳﻌﻨﻲ ﺷﺘﺮﺩﻳﻦ ﺍﺳﻮﻱ ﻭﻫﻴﻪ
ﺍﺷﻮﻑ ﺭﺟﻠﻬﺔ ﺩﻳﻌﻮﻓﻬﺔ ﻛﺎﻓﻲ ﻋﺎﺩ ﻣﻮ
ﻣﻠﻠﺘﻴﻨﻲ ﻣﻦ ﺩﻧﻴﺘﻲ ﻣﻦ ﺍﻭﻝ ﻣﻌﺮﻓﺘﻲ ﺑﻴﻪ
ﻣﺰﻭﺝ ﺍﻟﺤﺪ ﻫﺴﻪ ﻣﺨﻠﻴﺘﻲ ﺷﻲ ﻣﺴﻮﻳﺘﻲ
ﻛﻠﺘﻲ ﺍﺧﻄﺐ ﺳﻨﺎﺀ ﻭﻫﺎﻱ ﺧﻄﺒﺘﻬﺔ ﻛﻠﺘﻲ
ﺗﺎﺧﺎﺫ ﺍﻟﻄﻔﻞ ﻣﻦ ﺍﺟﻴﺐ ﻛﻠﺘﻠﺞ ﻣﻴﺨﺎﻟﻒ
ﺑﺲ ﺍﻟﻬﻨﺎ ﻭﺑﺲ ..
: ﺍﻱ ﻋﻴﻨﻲ ﺩﺍﻓﻌﻠﻬﺔ ﻟﻢ ﺍﻟﺴﺤﻮﺭﻩ ﺍﺧﺨﺦ
ﻟﻮ ﺍﻋﺮﻑ ﻭﻳﻦ ﺍﻣﺴﻮﻳﺘﻠﻚ ﻫﺬﻩ ﺍﻟﺴﺤﺮ
ﻭﺧﺎﻟﺘﻚ ﻃﻠﻲ ﺗﻤﺸﻲ ﻭﺭﺍﻫﺔ ..
: ﻛﺎﻓﻲ ﻋﺎﺩ ﻳﺎﻣﺮﻩ ﻭﻻ ﺟﻦ ﺍﻧﻲ ﺍﺑﻌﻴﻨﺞ
ﺑﻮﻳﻪ ﻫﻨﺎﺀ ﺍﺧﺬﻳﻬﺔ ﻟﻐﺮﻓﺖ ﺭﻋﺪ ..
ﺍﺟﺘﻲ ﻧﻔﺲ ﺍﻟﺒﻨﻴﻪ ﺍﻟﻔﺘﺤﺘﻠﻨﻪ ﺍﻟﺒﺎﺏ
ﺍﺧﺬﺗﻨﻲ ﻭﺻﻌﺪﺗﻨﻲ ﻟﻐﺮﻓﺖ ﺭﻋﺪ ..
: ﻓﻮﺗﻲ ﺣﺒﻴﺒﺘﻲ ﺍﻟﻠﻪ ﻳﻌﻴﻨﺞ ﻋﻠﻰ ﻣﺎﺑﻼﺝ ..
: ﻋﻔﻴﻪ ﻻ ﺍﺗﺨﻮﻓﻴﻨﻲ ﻓﻮﻙ ﻣﺎ ﺍﻧﻲ ﺧﺎﻳﻔﻪ ..
: ﺣﺒﻴﺒﺘﻲ ﻫﺬﻩ ﺍﻟﻮﺍﻗﻊ ﻋﻤﺘﻲ ﺍﻛﻴﺪ ﻣﺮﺡ
ﺍﺗﻔﻮﺗﻠﺞ ﻫﻠﺴﻮﺍﻳﻪ ﺳﺎﺋﻠﻴﻨﻲ ﺍﻧﻲ ﺍﻟﻲ ﻋﺎﻳﺸﻪ
ﻭﻳﺎﻫﺔ ﺻﺎﺭﻟﻲ ﺍﺛﻼﺙ ﺍﺳﻨﻴﻦ ﺍﻣﺸﻮﻓﺘﻨﻲ ﺍﻟﻮﻳﻞ ..
: ﺍﻭﻭﻭﻑ ﺭﺑﻲ ﺍﺷﺴﻮﻳﺖ ﺍﻧﻲ ..
: ﺣﺒﻴﺒﺘﻲ ﺍﻧﺘﻲ ﺑﻠﻌﻜﺲ ﺳﻮﻳﺘﻲ ﺍﻟﺼﺢ
ﺑﺲ ﺍﻟﻲ ﻣﺘﺨﺎﻑ ﻣﻦ ﺍﻟﻠﻪ ﺧﻄﻴﺒﺖ ﺭﻋﺪ
ﻣﺸﻔﺘﻴﻬﺔ ﺍﺟﺘﻲ ﻟﻠﺒﻴﺖ ﻛﻠﺒﺘﻪ ﻛﻼﺏ ﻭﻃﻠﻌﺖ
ﻭﻛﻞ ﻫﺬﻩ ﺑﻌﺪﻫﺔ ﻣﺘﻤﺴﻜﻪ ﺑﺮﻋﺪ ﻭﻣﺘﻘﺒﻞ
ﺍﺗﻌﻮﻓﻪ ﻭﺍﺑﻮﻫﺔ ﻫﻢ ﻃﺎﺑﻚ ﻭﻳﺎﻫﺔ ﻋﻠﻰ
ﻣﺘﻔﺼﺦ ﺍﻟﺨﻄﺒﻪ ..
: ﺻﺪﻙ ﺗﺤﺠﻴﻦ ﻳﻌﻨﻲ ﺭﻭﺣﺘﻲ ﻣﺠﺎﺑﺖ ﻧﺘﻴﺠﻪ ..
: ﻭﻳﻪ ﻫﻴﺞ ﻧﻤﺎﺫﺝ ﻟﺰﻛﻪ ﻭﻃﻤﺎﻋﻪ ﺍﻧﺴﻲ ﺍﺗﺠﻴﺐ ﻧﺘﻴﺠﻪ ..
: ﺑﺸﻨﻮ ﻃﻤﺎﻋﻪ ..
: ﻣﺎ ﺍﺗﻌﺮﻓﻴﻦ ﺍﺑﻮ ﺭﻋﺪ ﻋﻨﺪﻩ ﺷﻘﻖ ﻭﺑﻴﻮﺕ
ﻣﺄﺟﺮﻫﻦ ﻭﻧﺘﻲ ﺣﺴﺒﻴﻬﺔ ﺑﻌﺪ ﺑﻠﺸﻬﺮ ﺍﺷﻜﺪ
ﻳﺤﺼﻞ ﻭﺍﺑﻮﻫﺔ ﻟﺴﻨﺎﺀ ﻭﺳﻨﺎﺀ ﻃﻤﻌﺎﻧﻴﻦ ﺑﻠﻔﻠﻮﺱ
ﺑﺲ ﺍﻡ ﺳﻨﺎﺀ ﻓﻘﻴﺮﻩ ﻭﻣﻦ ﺍﻫﻞ ﺍﻟﻠﻪ ﺑﺲ ﻣﺎ
ﺍﻟﻬﺔ ﺳﻠﻄﻪ ﻋﻠﻰ ﺑﺘﻬﺔ ..
: ﺍﻭﻝ ﻣﺮﻩ ﺍﺳﻤﻊ ﺷﻲ ﻋﻦ ﺍﻫﻞ ﺭﻋﺪ ..
: ﻟﻴﺶ ﺭﻋﺪ ﻛﻠﺸﻲ ﻣﻴﺤﺠﻴﻠﺞ ﻋﻠﻴﻨﻪ ..
: ﻳﻤﻌﻮﺩﻩ ﺍﺷﻴﺤﺠﻲ ﻫﻮﺓ ﺑﺲ ﺍﺟﻴﺐ ﺳﻴﺮﺕ
ﺍﻫﻠﻪ ﺭﺍﺳﻦ ﻳﺴﻜﺘﻨﻲ ﻣﻴﺤﺠﻴﻠﻲ ﺷﻲ ﻋﻠﻴﻬﻢ ..
: ﺍﻋﺮﻓﺞ ﺍﺑﻨﻔﺴﻲ ﺍﻧﻲ ﻣﺮﺕ ﺣﻤﺎﺝ ﺍﻟﺠﺒﻴﺮ ﻣﺼﻄﻔﻰ
ﺍﺳﻤﻲ ﻫﻨﺎﺀ ﺑﻨﺖ ﻋﻤﻪ ﻟﺮﻋﺪ ﻣﺼﻄﻔﻰ
ﺍﺧﺬﻧﻲ ﻋﻦ ﺣﺐ ﻭﻫﻢ ﺻﺎﺭﺗﻠﺞ ﻣﺸﺎﻛﻞ
ﻭﻋﻤﺘﻲ ﺩﻛﺖ ﺭﺟﻞ ﺍﺗﺮﻳﺪ ﺍﺯﻭﺟﻪ ﺑﺖ ﺧﺎﻟﺘﻪ ﺑﺲ
ﻣﺼﻄﻔﻰ ﺍﻋﻨﻮﺩﻱ ﻭﻣﻴﻬﻤﻪ ﺍﻱ ﺷﻲ ﻫﻢ
ﻫﺪﺩﺗﻪ ﺗﻐﻀﺐ ﻋﻴﻪ ﻭﺟﺎﺑﺖ ﻭﺣﺎﻭﻟﺖ ﺑﺲ
ﻫﻮﺓ ﺟﺎﻥ ﺍﻋﻨﺪ ﻣﻨﻬﺔ ﺍﻟﺤﺪ ﻣﺰﻭﺟﻨﻲ ﻭﻫﻤﻴﻨﻪ
ﻣﻦ ﺍﺯﻭﺟﺖ ﺍﻟﺤﺪ ﻣﺤﺒﻠﺖ ﺑﺎﺑﻨﻲ ﺳﺠﺎﺩ ﻳﻠﻪ
ﺍﺷﻮﻳﻪ ﻋﺎﻓﺘﻨﻲ ﺍﻧﺘﻲ ﺑﻌﺪﺝ ﻣﺸﺎﻳﻔﻪ ﺷﻲ ﻣﻨﻬﺔ ..
ﻣﺎﻃﻮﻟﻨﻪ ﻧﺤﺠﻲ ﻭﻧﺴﻤﻊ ﺍﺻﻮﺍﺕ ﺍﻟﺠﻮﻩ
ﺍﻋﻴﺎﻁ ﻭﺻﻴﺎﺡ ﺑﻴﻦ ﺍﻣﻪ ﻭﻫﻮﺓ ﻭﺍﺑﻮ ﻣﺴﻤﻌﺖ
ﺻﻮﺕ ﻣﻦ ﺍﻟﻮﻟﺪ ﻣﺪﺧﻠﻮ ..
: ﻋﻔﻴﻪ ﺭﻭﺣﻲ ﺷﻮﻓﻲ ﺍﺷﺪﻳﺼﻴﺮ ﺧﺎﻳﻔﻪ ﻋﻠﻰ
ﺭﻋﺪ ﺧﻄﻴﻪ ﺭﺟﻊ ﻣﻦ ﺍﻟﺪﻭﺍﻡ ﻣﻤﺎﻛﻞ ﺍﻟﺤﺪ
ﻫﺴﺔ ﻭﺗﻌﺒﺎﻥ ﻓﺪﻭﻩ ﺑﺲ ﺭﺍﻗﺒﻴﻠﻲ ﺍﻟﻮﺿﻊ ..
: ﻳﺎ ﺧﻴﻪ ﻣﻦ ﺍﻋﻴﻮﻧﻲ ﻫﺴﺔ ﺭﺍﻳﺤﻪ ﺍﺷﻮﻓﻠﺞ ..
ﻃﻠﻌﺖ ﻣﻦ ﺍﻟﻐﺮﻓﻪ ﻛﻤﺖ ﻭﺭﺍﻫﺔ ﻭﻛﻔﺖ ﺍﺑﺎﺏ ﺍﻟﻐﺮﻓﻪ
ﻭﺍﻧﻲ ﺍﺳﻤﻊ ﺍﺻﻮﺍﺗﻬﻢ ﺍﺧﺮ ﺷﻲ
ﺳﻤﻌﺖ ﺷﻲ ﻫﺪ ﺣﻴﻠﻲ ﻫﺪ ﻭﻻ ﺟﻨﻲ ﺳﻮﻳﺖ ﺷﻲ
ﻭﺍﻧﻲ ﺍﺳﻤﻊ ﺍﻣﻪ ﺍﺗﻜﻠﻪ ..
: ﺍﺫﺍ ﻫﻴﺞ ﻫﺎﻱ ﺍﻟﺠﻠﺒﻪ ﻣﺘﻤﺴﻜﻪ ﺑﻴﻚ ﻭﻣﺘﺮﻳﺪ ﺍﻃﻠﻜﻬﺔ ﺧﻼﺹ ﺍﺗﻌﻮﻓﻬﺔ ﺍﻫﻨﺎ ﺗﻜﻌﺪ ﺍﺗﺨﺪﻣﻚ ﻭﺗﺨﺪﻡ ﺍﻫﻠﻚ ﻭﻧﻴﺸﺎﻧﻚ ﻫﻼﺳﺒﻮﻉ ﻭﺭﺍﻫﺔ ﺍﺗﻜﻤﻞ ﻣﻌﺎﻣﻼﺕ ﻋﻘﺪ ﺍﻟﻤﺤﻜﻤﻪ ﻭﻣﺒﺎﺷﺮﺗﻦ ﺍﺳﻮﻱ ﻋﺮﺱ ﻭﻫﺎﻱ ﺍﺗﻌﻮﻓﻬﺔ ﺍﻫﻨﺎ ﻣﺜﻞ ﺍﻟﺨﺪﺍﻣﻪ ﻭﺍﺑﻨﻬﺔ ﺍﻭﻝ ﻣﻴﻴﺠﻲ ﺍﻧﻲ ﺍﻟﻲ ﺍﺭﺑﻲ ﻣﺎﺧﻠﻲ ﺭﻗﺎﺻﻪ ﺍﺗﺮﺑﻲ ﺣﻔﻴﺪﻱ ﺣﺘﻠﻮ ﺟﺎﻧﺖ ﺍﻣﻪ ..
: ﺧﻼﺹ ﻛﺎﻓﻲ ﻫﺬﻭﻩ ﺑﺲ ﺭﺣﻤﻴﻨﻲ ﻣﻦ ﻣﺸﺎﻛﻠﺞ ﺗﺮﻩ ﺑﻌﺪ ﻣﺎﺑﻘﻪ ﺣﻴﻞ ﺑﻴﻪ ..
ﻭﺍﻛﻔﻪ ﺍﺑﺎﺏ ﺍﻟﻐﺮﻓﻪ ﻭﺩﻣﻮﻋﻲ ﺗﺠﺮﻱ ﺍﺟﺘﻲ ﻫﻨﺎﺀ ﺗﺮﻛﺾ ﺷﺎﻓﺘﻨﻲ ﺍﺑﺠﻲ ﺍﺟﺘﻲ ﻋﻠﻴﻪ ﺣﻀﻨﺘﻨﻲ ..
: ﺑﺲ ﺣﺒﻴﺒﺘﻲ ﻭﺍﻟﻠﻪ ﻣﻴﺴﺘﺎﻫﻠﻮﻥ ﺗﻨﺰﻝ ﻣﻦ ﻫﻠﻌﻴﻮﻥ ﺍﻟﺤﻠﻮﺓ ﺩﻣﻌﻪ ﻋﻠﻴﻬﻢ ﻋﻮﻓﻴﻬﺔ ﺭﺑﺞ ﻳﺎﺧﺬ ﺣﻜﺞ ﻣﻨﻬﺔ ..
: ﻟﺸﻮﻛﺖ ﻫﻨﺎﺀ ﻟﺸﻮﻛﺖ ﺍﻟﺤﺪ ﻣﺎﺭﻋﺪ ﻳﺸﻤﺮﻧﻲ ﺑﻠﺸﺎﺭﻉ ﻣﺎﻟﻲ ﺍﺣﺪ ﻏﻴﺮﻩ ﻫﻮﺓ ﻗﻮﺗﻲ ﻭ ﻫﻮﺓ ﺳﻨﺪﻱ ﺑﻬﻠﺪﻧﻴﻪ ﺑﺪﻭﻧﻪ ﺍﻧﻲ ﻣﺎﺍﺳﻮﻩ ﺷﻲ ..
ﺍﺧﺬﺗﻨﻲ ﻭﻃﺒﺒﺘﻨﻲ ﻟﻠﻐﺮﻓﻪ ﺍﺷﻮﻳﻪ ﻭﺻﻌﺪ ﺭﻋﺪ ﻫﻴﺔ ﺭﺍﺳﻦ ﻃﻠﻌﺖ ﻏﻄﻴﺖ ﻭﺟﻬﻲ ﺑﻴﺪﻱ ﻭﺍﻧﻲ ﺍﺑﺠﻲ ﻭﻧﺎﺷﻎ ..
: ﺑﺲ ﻛﺎﻓﻲ ﺑﺠﻲ ﻭﺍﻟﻠﻪ ﺗﻌﺒﺖ ..
: ﺍﺷﻠﻮﻥ ﺍﺗﺮﻳﺪﻧﻲ ﻣﺎﺍﺑﺠﻲ ﺍﺷﻠﻮﻥ ﻭﺍﻧﻲ ﺍﺳﻤﻊ ﺍﻣﻚ ﻛﺎﻋﺪﻩ ﺍﺗﺨﻄﻂ ﺍﺑﺰﻭﺍﺟﻚ ﻭﺑﺎﺧﺬ ﺍﺑﻨﻲ ﻣﻨﻲ ﻛﻠﻲ ﺍﺷﻠﻮﻥ ﻣﺎﺑﺠﻲ ﻭﺣﺪﻩ ﻏﻴﺮﻱ ﻟﻮ ﻋﺪﻫﺔ ﺍﻫﻞ ﺑﻴﻬﻢ ﺧﻴﺮ ﻣﺘﻘﺒﻞ ﺑﻠﻲ ﻛﺎﻋﺪ ﻳﺼﻴﺮ ﺟﺎﻥ ﻛﻮﻣﺖ ﺍﻟﺪﻧﻴﻪ ﻭﻛﻌﺪﺗﻬﺔ ﻻﻥ ﻣﺎﻋﻨﺪﻱ ﺍﻫﻞ ﺍﺑﻀﻬﺮﻱ ﻳﻮﻛﻔﻮﻥ ﺍﺑﻮﺟﻬﺔ ﻭﻳﻮﻛﻔﻮﻫﺔ ﻋﺪ ﺣﺪﻫﺔ ﺗﺘﻘﻮﻩ ﺍﺑﺮﺍﺳﻲ ﻻﻥ ﺭﻗﺎﺻﻪ ﺍﻧﻲ ﻣﺨﺘﺎﺭﻳﺖ ﺷﻐﻠﻲ ﺍﺑﻨﻔﺴﻲ ﺣﺘﻪ ﺗﻜﻌﺪ ﺍﺗﻌﻴﺮ ﻭﺗﻔﺮﻕ ﺗﺮﻳﺪ ﺗﺎﺧﺬ ﺍﺑﻨﻲ ﻣﻨﻲ ﻻﻥ ﺭﻗﺎﺻﻪ ﺍﺷﺎﻓﺖ ﻣﻨﻲ ﺣﺘﻪ ﺗﺤﻜﻢ ﻋﻠﻴﻪ ﺑﻜﻼﻣﻬﺔ ...
: ﻛﺎﻓﻲ ﺗﺮﻩ ﺍﺟﺎﻭﺯﺗﻲ ﺣﺪﺝ ﺳﻠﻤﻰ ﻣﻮ ﺍﺩﻛﻮﻟﻴﻦ ﺍﺣﺒﺞ ﻭﺳﻜﺖ ﻋﻠﻰ ﻛﻼﻣﺞ ﻻ ﻭﺍﻟﻠﻪ ﺍﺣﻄﺞ ﻭﻛﺘﻠﺞ ..
: ﺍﻱ ﺍﺑﻮﻳﻪ ﻣﻜﺎﺩﺭ ﺑﺲ ﻋﻠﻰ ﺍﻣﻲ ﻛﺎﺩﺭ ﺑﺲ ﻋﻠﻴﻪ ﻟﻴﺶ ﻣﺘﻮﻛﻒ ﺍﺑﻮﺟﻬﺔ ﻫﺬﻩ ﻣﻮ ﺍﺧﻮﻙ ﻫﻢ ﺟﺎﻥ ﻳﺤﺐ ﻫﻨﺎﺀ ﻭﻛﻒ ﺑﻮﺟﻬﺔ ﻭﻣﻬﺘﻢ ﻷﻱ ﺷﻲ ﺑﺲ ﺍﻧﺘﻪ ﻣﺎﺑﻴﻚ ﺧﻴﺮ ﺟﺎﻱ ﺑﺲ ﺍﺗﻬﺪﺩ ﺍﺑﺮﺍﺳﻲ ..
ﻧﺰﻉ ﺍﺣﺰﺍﻣﻪ ﻃﺒﻜﻪ ﻭﺟﻪ ﻋﻠﻴﻪ ﻛﻮﻣﻨﻲ ﻣﻦ ﺷﻌﺮﻱ ﻭﻛﻌﺪ ﺩﻙ ﺑﻴﻪ ﻳﻀﺮﺏ ﺑﻜﻞ ﻗﻮﺗﻪ ﺑﻠﺤﺰﺍﻡ ﻛﻌﺪﺕ ﺑﻠﻜﺎﻉ ﻭﻻﻓﻪ ﺍﻳﺪﻱ ﺣﻮﻝ ﺑﻄﻨﻲ ﻻﺗﺠﻴﻬﺔ ﺿﺮﺑﻪ ﻛﺎﻡ ﻳﻀﺮﺑﻨﻲ ﺩﻓﺮﺍﺕ ﺑﻀﻬﺮﻱ ﻭﺿﺮﺏ ﺑﻠﺤﺰﺍﻡ ﻭﻏﻠﻂ ﻭﻓﺸﺎﺭ ﺍﻋﻴﺎﻃﻲ ﺭﺝ ﺍﻟﺒﻴﺖ ﺭﺝ ﺣﺴﻴﺖ ﺿﺮﺑﻪ ﻋﻠﻰ ﺿﻬﺮﻱ ﺷﻠﺘﻨﻲ ﺷﻞ ﺭﺍﺳﻦ ﻓﻘﺪﺕ ﻭﻋﻌﻴﻲ ........
>>>>>>> ﻣﻬﺎ ﺍﻟﻤﻨﻼﻭﻱ <<<<<<<<
