ﻧﻘﻴﺐ ﻭﺍﻟﺮﺍﻗﺼﻪ
ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
ﺑﺎﺭﺕ ﺍﻟﺘﺎﺳﻊ ﻭﺍﻟﻌﺸﺮﻭﻥ
////////// ﻣﻬﺎ ﺍﻟﻤﻨﺪﻻﻭﻱ ///////////
: ﻗﺼﺪﻙ ﻋﻠﻰ ﺍﻟﻤﺮﻳﻀﻪ ﺍﻟﻲ ﺍﺟﺖ ﺍﻟﺒﺎﺭﺣﻪ ﻣﻀﺮﻭﺑﻪ ﺑﺮﺍﺳﻬﺔ ..
: ﺍﻱ ﻫﻴﻪ ﻭﻳﻨﻬﺔ ...
: ﺍﻟﻴﻮﻡ ﻧﻘﻠﻮﻫﺔ ﺍﻟﻐﺮﻓﻪ ﺧﺎﺻﻪ ﻻﻥ ﺍﻟﻤﺮﻳﻀﻪ ﺻﺤﺖ ﻭﺣﺎﻟﺘﻬﺔ ﺯﻳﻨﻪ ...
ﻃﻠﻌﺖ ﻣﺒﺎﻳﻠﻲ ﻭﺩﻛﻴﺖ ﻋﻠﻰ ﻣﺼﻄﻔﻰ ..
: ﺍﻟﻮ ﻳﻤﻌﻮﺩ ﻟﻴﺶ ﻣﻜﺘﻠﻲ ﺳﻠﻤﻰ ﺻﺤﺖ ...
: ﺍﺩﺭﻱ ﺑﻴﻚ ﺍﺫﺍ ﻛﺘﻠﻚ ﺣﺘﻌﻮﻑ ﺩﻭﺍﻣﻚ ﻭﺗﺠﻲ ..
: ﺩﺗﻌﺎﻟﻲ ﺍﻧﻲ ﺍﻛﺒﺎﻝ ﺻﺎﻟﻪ ﺍﻟﻌﻨﺎﻳﻪ ..
: ﺟﺎﻳﻚ ..
ﺿﻠﻴﺖ ﻭﺍﻛﻒ ﺍﺑﻤﻜﺎﻧﻲ ﺍﺷﻮﻳﻪ ﻭﺟﺎﻟﻲ ..
: ﻫﻲ ﻫﺎﻱ ﺍﺳﻮﺍﻳﻪ ﺍﺳﻮﻳﻬﺔ ﻋﻠﻰ ﺍﻻﻗﻞ ﺭﺳﺎﻟﻪ ﺣﺘﻪ ﻻ ﻳﻀﻞ ﺑﺎﻟﻲ ..
: ﺩﻳﻠﻪ ﺍﻣﺸﻲ ﻳﻤﻌﻮﺩ ﺍﺭﻳﺪ ﺍﺭﺟﻊ ﻟﻠﺒﻴﺖ ﻣﺸﺒﻌﺎﻥ ﻧﻮﻡ ..
ﺩﻻﻧﻲ ﻟﻠﻐﺮﻓﻪ ﻭﺭﺍﺡ ﻃﺒﻴﺖ ﻟﻜﻴﺘﻬﺔ ﺍﻣﻐﻤﻀﻪ ﺍﻋﻴﻮﻧﻪ ﻣﺪﺭﻱ ﻧﺎﻳﻤﻪ ﺍﺗﻘﺮﺑﺖ ﻋﻠﻴﻬﺔ ﻭﺑﺴﺘﻬﺔ ﻣﻦ ﺭﺍﺳﻬﺔ ﺭﺍﺳﻦ ﻓﺘﺤﺖ ﺍﻋﻴﻮﻧﻪ ..
: ﺣﻤﺪ ﺍﻟﻠﻪ ﻋﻠﻰ ﺳﻼﻣﺘﺞ ..
: ﺍﻟﻠﻪ ﻳﺴﻠﻤﻚ ﺭﻋﺪ ﺭﺍﺳﻲ ﺭﺍﺡ ﻳﻨﻔﺠﺮ ﻣﻦ ﺍﻻﻟﻢ ..
: ﺍﺗﺤﻤﻠﻲ ﻫﺬﻩ ﺍﻟﻮﺟﻊ ﻣﺎﻝ ﺍﻟﺨﻴﺎﻁ ..
: ﻟﻴﺶ ﻛﻢ ﺍﺧﻴﺎﻁ ..
: ﺩﻋﺶ ﺍﺧﻴﺎﻁ ﺍﻻﻥ ﻓﺘﺤﻪ ﺟﺒﻴﺮﻩ ..
: ﺭﻋﺪ ﺟﺎﻱ ﻳﻮﺟﻌﻨﻲ ...
ﻛﺎﻣﺖ ﺗﺒﺠﻲ ﺣﺮﺕ ﺷﺎﺳﻮﻱ ﻣﺼﺪﻛﺖ ﺗﻜﻌﺪ ﻃﻠﻌﺖ ﺭﺣﺖ ﻟﻠﺴﺘﺮ ﺍﺟﺘﻲ ﺿﺮﺑﺘﻬﺔ ﻣﻬﺪﺀ ﻭﻧﺎﻣﺖ ﺿﻠﻴﺖ ﻛﺎﻋﺪ ﻳﻤﻬﺔ ﺍﺷﻮﻳﻪ ﻭﺟﺖ ﺍﻟﺪﻛﺘﻮﺭﻩ ﺗﻔﺤﺼﻬﺔ ﺳﺎﺋﻠﺘﻬﺔ ﺍﺷﻮﻛﺖ ﺗﻄﻠﻊ ..
: ﻻﺯﻡ ﻧﺎﺧﺬﻟﻬﺔ ﺍﺷﻌﻪ ﺍﻟﺮﺍﺳﻬﺔ ﻭﻧﺸﻮﻑ ﺷﻨﺴﻮﻱ ..
: ﺍﺷﻮﻛﺖ ﺗﺎﺧﺬﻳﻠﻬﺔ ..
: ﻟﻤﻦ ﺗﻜﻌﺪ ...
ﻋﺎﻓﺘﻨﻲ ﻭﻃﻠﻌﺖ ﺿﻠﻴﺖ ﻛﺎﻋﺪ ﻭﻋﺎﻳﻦ ﻋﻠﻴﻴﻬﺔ ﺍﻟﺸﺎﺵ ﻣﻠﻔﻮﻑ ﻋﻠﻰ ﺭﺍﺳﻬﺔ ﻭﻃﺒﻊ ﺍﺻﺎﺑﻴﻊ ﺍﺑﻮﺟﻬﺔ ﺷﻔﺘﻬﺔ ﻣﺸﻜﻮﻛﻪ ﻋﻠﻴﻬﺔ ﺩﻡ ﻳﺎﺑﺲ ﻣﺮﺕ ﺳﺎﻋﻪ ﻧﺰﻟﺖ ﺍﻟﻜﻔﺘﺮﻳﻪ ﻣﺎﻝ ﻣﺴﺘﺸﻔﻰ ﺟﻮﻋﺎﻥ ﻣﻦ ﺍﻟﺼﺒﺢ ﻣﻤﺎﻛﻞ ﻧﺰﻟﺘﻠﻲ ﺍﻛﻞ ﺍﻛﻠﺖ ﻭﺭﺟﻌﺖ ﻟﻠﻐﺮﻓﻪ ﻟﻜﻴﺘﻬﺔ ﻛﺎﻋﺪﻩ ...
: ﻫﺎ ﺍﺷﻠﻮﻥ ﺻﺮﺗﻲ ..
: ﺍﻟﺤﻤﺪ ﺍﻟﻠﻪ ﺭﻋﺪ ﻣﺮﺗﻀﻰ ﻭﻳﻨﻪ ...
: ﺑﻠﺒﻴﺖ ﻳﻢ ﺍﻫﻠﻲ ﺗﻜﺪﺭﻳﻦ ﺍﺩﻛﻮﻣﻴﻦ ..
: ﺍﻱ ..
: ﺧﻮﺵ ﻟﻌﺪ ﺧﻠﻲ ﺍﺭﻭﺡ ﺍﺻﻴﺢ ﺍﻟﺪﻛﺘﻮﺭﺓ ..
ﺭﺣﺖ ﻟﻠﺪﻛﺘﻮﺭﻩ ﺍﺟﺖ ﻭﻳﺎﻳﻪ ﺍﺧﺬﺗﻠﻬﺔ ﺍﺷﻌﻪ ﻭﻓﺤﻮﺻﺎﺕ ﺑﻌﺪﻫﺔ ﻛﺎﻟﺖ ﻛﻠﺸﻲ ﻣﺎﺑﻴﻬﺔ ﺩﻛﺪﺭ ﺍﻃﻠﻌﻬﺔ ﻭﻧﻄﺘﻨﻲ ﻣﻬﺪﺋﺎﺕ ﺍﻻﻟﻢ ﺭﺍﺳﻬﺔ ﺑﻴﻦ ﻣﻜﻤﻠﺖ ﺍﺟﺮﺍﺋﺎﺕ ﺍﻟﺨﻮﺭﻭﺝ ﺻﺎﺭﺕ ﺳﺎﻋﻪ ﺑﻞ 10 ﻃﻠﻌﻨﻪ ﻣﻦ ﺍﻟﻤﺴﺘﺸﻔﻰ ﻭﺻﻠﺘﻬﺔ ﻟﻠﺒﻴﺖ ﻭﻃﻠﻌﺖ ﺟﺒﺖ ﻟﻔﺎﺕ ﻣﻌﻼﻙ ﻭﺭﺟﻌﺖ ...
: ﻳﻠﻪ ﻛﻮﻣﻲ ﺍﺗﻌﺸﻲ ﺣﺘﻪ ﺗﻨﺎﻣﻴﻦ ﺗﺮﺗﺎﺣﻴﻦ ...
: ﺭﻋﺪ ﺟﻴﺒﻠﻲ ﻣﺮﺗﻀﻰ ...
: ﻫﺴﻪ ﺍﻛﻠﻲ ﻭﺑﻌﺪﻳﻦ ﻧﺘﻔﺎﻫﻢ ..
ﺍﻧﻄﻴﺘﻬﺔ ﻟﻬﻔﺖ ﺍﻟﻤﻌﻼﻙ ﻛﻮﻩ ﺗﺎﻛﻞ ﺍﻋﺘﻘﺪ ﻧﺺ ﺳﺎﻋﻪ ﻳﻠﻪ ﻛﻤﻠﺘﻬﺔ ﺩﻙ ﻋﻠﻴﻪ ﻣﺮﺗﻀﻰ ﺍﺧﻮﻱ ..
: ﺍﻟﻮ ﻫﺎ ﻣﺮﺗﻀﻰ ﺷﺘﺮﻳﺪ ..
: ﻳﻤﻌﻮﺩ ﺟﺎﻳﻚ ﻟﻠﺒﻴﺖ ﻣﺮﺗﻀﻰ ﺍﻟﺼﻐﻴﺮ ﻣﺠﺎﻱ ﻳﺴﻜﺖ ﻳﺒﺠﻲ ﻭﻳﺮﻳﺪ ﺍﻣﻪ ..
: ﺟﻴﺒﻪ ﺍﻣﺘﺎﻧﻴﻚ
ﻛﻤﺖ ﻃﻠﻌﺖ ﻣﻦ ﺍﻟﻐﺮﻓﻪ ﻓﺘﺤﺖ ﺍﻟﺒﺎﺏ ﺍﺧﺬﺕ ﻣﺮﺗﻀﻰ ﻭﻫﻮﺓ ﻏﺎﺹ ﺑﻠﺒﺠﻲ ﻃﺒﺒﺘﻪ ﻟﻠﻐﺮﻓﻪ ﻳﻢ ﺳﻠﻤﻰ ﺭﺍﺳﻦ ﺳﻜﺖ ﻭﺿﻞ ﻳﻜﻤﺰ ﻳﺮﻳﺪ ﺗﺎﺧﺬﻩ ﺍﺧﺬﺗﻪ ﻣﻦ ﺍﻳﺪﻱ ﻭﺗﺒﻮﺱ ﺑﻲ ﻫﻮﺓ ﺭﺍﺳﻦ ﺳﻜﺖ ﻭﻛﺎﻡ ﻳﺪﻓﻦ ﻭﺟﻬﺔ ﺑﺮﻛﺒﺘﻬﺔ ﺗﻤﻨﻴﺖ ﺍﻛﻮﻥ ﺍﺑﺪﺍﻟﻪ ﻭﻫﻴﺠﻲ ﺍﺿﻞ ﺍﺷﻢ ﺑﻌﻄﺮﻫﺔ ﺣﺴﺪﺕ ﺍﺑﻨﻲ ﻋﻠﻰ ﻫﻠﺤﻀﻦ ﺍﺷﻮﻳﻪ ﻭﻛﺎﻡ ﻳﻄﻔﻲ ﻳﺮﻳﺪ ﻳﻨﺎﻡ ﺍﺷﻮ ﻫﺎﺫ ﺩﺧﻞ ﺍﻳﺪﻩ ﺑﺼﺪﺭ ﺍﻣﻪ ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻢ ﺟﺮﻳﺖ ﺍﻳﺪﻩ ...
: ﻟﻚ ﻫﺎﻱ ﺷﻨﻮ ﺍﺩﺑﺴﺰ ﻃﻠﻊ ﺍﻳﺪﻙ ...
: ﻣﺎ ﻣﺎ ..
ﺟﺮ ﺍﻳﺪﻩ ﻭﺭﺟﻊ ﺩﺧﻠﻬﺔ ﺍﺑﺎﻭﻉ ﻋﻠﻰ ﺳﻠﻤﻰ ﺧﺮﺑﺎﻧﻪ ﺿﺤﻚ ..
: ﺻﺪﻙ ﺗﺤﺠﻲ ﻫﺎﻱ ﺷﻤﻌﻠﻤﺘﻪ ..
: ﺍﻧﻲ ﺷﻌﻠﻴﻪ ﻟﻤﻦ ﻓﻄﻤﺘﻪ ﻛﺎﻡ ﻳﺴﻮﻱ ﻫﻴﺞ ...
: ﻭﺍﻧﻲ ﺍﻛﻮﻝ ﻟﻴﺶ ﺍﻟﺒﺎﺭﺣﻪ ﻣﻴﻘﺒﻞ ﺍﻳﻨﺎﻡ ﻭﻳﺮﻳﺪﺝ ...
: ﻫﻬﻬﻬﻪ ...
: ﻫﻮ ﺟﻴﺒﻲ ..
ﺟﺮﻳﺘﻪ ﻣﻴﻘﺒﻞ ﻻﺯﻙ ﺑﺤﻀﻨﻬﺔ ﺍﺩﻧﻴﺖ ﻳﻤﻪ ﻭﺩﻧﺠﺖ ﻳﻢ ﺍﺫﺍﻧﻪ ﻭﻫﻮﺓ ﺑﺤﻀﻦ ﺳﻠﻤﻰ ...
: ﺣﺒﻴﺒﻲ ﻣﺮﺗﻀﻰ ﺗﻌﺎﻝ ﻧﺎﻡ ﻳﻢ ﺑﺎﺑﺎ ..
: ﻣﺎ ..
: ﺣﺘﻪ ﺑﺎﺟﺮ ﺍﺟﻴﺒﻠﻚ ﻧﺴﺘﻠﻪ ..
: ﺗﺘﻮ ..
: ﻫﻬﻪ ﺍﻱ ﺍﻡ ﺍﻟﻜﻜﻮ ..
ﺭﺍﺳﻦ ﻋﺎﻑ ﺣﻀﻦ ﺍﻣﻪ ﻭﻧﺪﺍﺭﻟﻲ ﺷﻠﺘﻪ ﺧﻠﻴﺘﻪ ﺑﺤﻀﻨﻲ ﻭﺍﻟﻌﺐ ﻭﻳﺎﻩ ﻭﻫﻮﺓ ﻳﺤﺠﻴﻠﻲ ﺍﺷﻜﺎﻝ ﺍﻟﺤﺠﻲ ﻭﺍﻧﻲ ﺑﺎﻟﻲ ﻣﻮ ﻳﻤﻪ ﻳﻢ ﺍﻟﻲ ﻛﺎﻋﺪﻩ ﻳﻤﻲ ﻭﺻﺎﻓﻨﻪ ﻋﻠﻴﻨﻪ ﺍﺷﻮﻳﻪ ﻭﻧﺎﻡ ﺫﺑﻴﺘﻪ ﻋﻠﺠﺮﺑﺎﻳﻪ ﻭﻛﻤﺖ ..
: ﻭﻳﻦ ﺭﺍﻳﺢ ..
: ﺍﺭﻳﺪ ﺍﺭﻭﺡ ﺍﺳﺒﺢ ..
ﺳﻜﺘﺖ ﺭﺣﺖ ﻃﺒﻴﺖ ﻟﻠﺤﻤﺎﻡ ﺍﺫﻛﺮﺕ ﺍﻫﻨﺎ ﻣﺎﻋﻨﺪﻱ ﺍﻫﺪﻭﻡ ﻃﻠﻌﺖ ﻣﻦ ﺍﻟﺤﻤﺎﻡ ﻟﺒﺴﺖ ﺣﺬﺍﺋﻲ ﻭﻃﻠﻌﺖ ﻣﻦ ﺍﻟﺒﻴﺖ ﺭﺣﺖ ﺍﻟﺬﺍﻙ ﺍﻟﺒﻴﺖ ﻣﺎﻛﻮ ﺍﺣﺪ ﻛﻠﻬﺔ ﺑﻐﺮﻓﻬﺔ ﺻﻌﺪﺕ ﻟﻐﺮﻓﺘﻲ ﻓﺘﺤﺖ ﺍﻟﺒﺎﺏ ﺭﺍﺳﻦ ﻛﻤﺰﺕ ﺳﻨﺎﺀ ﻭﺷﻜﻠﻬﺔ ﻣﺘﻮﺗﺮﻩ ﻣﻬﺘﻤﻴﺘﻠﻬﺔ ﺭﺣﺖ ﻟﻠﻜﻨﺘﻮﺭ ﻃﻠﻌﺘﻠﻲ ﺍﻫﺪﻭﻡ ..
: ﻏﺴﻠﺘﻲ ﺍﻫﺪﻭﻡ ﺍﻟﺪﻭﺍﻡ ﻣﺎﻝ ﺍﻟﺒﺎﺭﺣﻪ ..
: ﻫﺎﺍ ﺍﻱ ﺍﻱ ﻏﺴﻠﺘﻬﻦ ..
ﺑﺎﻭﻋﺖ ﻋﻠﻴﻬﺔ ﻭﺍﻧﻲ ﻋﺎﻛﺪ ﺣﻮﺍﺟﺒﻲ ﻣﻤﺮﺗﺎﺣﻠﻬﺔ ﺍﺑﺪ ﺭﺟﻌﺖ ﺩﺭﺕ ﻭﺟﻬﻲ ﻟﻠﻜﻨﺘﻮﺭ ﻃﻠﻌﺘﻠﻲ ﺍﻫﺪﻭﻡ ﻭﻋﻼ ﺻﻔﺤﻪ ﻫﻢ ﻃﻠﻌﺖ ﺣﺘﻪ ﺍﻭﺩﻳﻬﻦ ﺍﻫﻨﺎﻙ ﻃﺒﻴﺖ ﺳﺒﺤﺖ ﻭﻃﻠﻌﺖ ..
: ﺷﻨﻮ ﺣﺘﺮﻭﺡ ﺍﻟﺬﺍﻙ ﺍﻟﺒﻴﺖ ..
: ﺍﻱ ﻋﻨﺪﺝ ﻣﺎﻧﻊ ...
: ﻻ ﺍﺧﺬ ﺭﺍﺣﺘﻚ ﻣﺎﻋﻨﺪﻱ ﻣﺎﻧﻊ ﺍﺷﺒﻊ ﺑﻴﻬﺔ ..
: ﺍﻟﻠﻪ ﻳﺸﺎﻓﻴﺞ ..
: ﺭﻋﺪ ﻣﻄﻠﻌﺖ ﻫﺎﻱ ﺍﺷﻮﻛﺖ ﺍﺗﺤﺲ ﺍﻧﻲ ﻫﻢ ﻣﺮﺗﻚ ﻭﺍﻟﻲ ﺣﻖ ﻋﻠﻴﻚ ﻣﺜﻞ ﻣﺎﻫﻴﻪ ﺍﻟﻬﺔ ﺣﻖ ﻋﻠﻴﻚ ..
: ﻭﺍﻟﻤﻄﻠﻮﺏ ﺷﺮﺍﻳﺪﻩ ..
: ﺭﺍﻳﺪﻩ ﺣﻘﻮﻗﻲ ﻣﻨﻚ ﺑﺎﻥ ﺗﻬﺘﻢ ﺑﻴﻬﺔ ﻣﺜﻞ ﻣﺘﻬﺘﻢ ﺑﻴﻬﺔ ﺗﻬﺘﻢ ﻟﺒﻨﺘﻚ ﻟﻌﺎﺋﻠﺘﻚ ﻫﺎﻱ ﻣﻮ ﺑﺲ ﻟﺬﻳﺞ ﺍﻟﻌﺎﺋﻠﻪ ﺍﻧﺘﻪ ﺟﺎﻱ ﺍﺗﻔﺮﻕ ﺑﻴﻨﻪ ...
: ﻣﻨﻮ ﺍﻣﻌﻠﻤﺞ ﻫﺬﻩ ﺍﻟﺤﺠﻲ ...
: ﻣﺤﺪ ﺷﻨﻮ ﻣﺎﻋﻨﺪﻱ ﺍﻟﺴﺎﻥ ﻭﺣﺠﻲ ﺗﺮﻩ ﺗﻌﺒﺖ ﻭﺍﻟﻠﻪ ...
: ﻳﺼﻴﺮ ﺧﻴﺮ ..
ﺷﻠﺖ ﺍﻟﻬﺪﻭﻡ ﻭﺧﻠﻴﺘﻬﻦ ﺑﺠﻨﻄﻪ ﺻﻐﻴﺮﻩ ﻭﻃﻠﻌﺖ ﺭﺟﻌﺖ ﺍﻟﺬﺍﻙ ﺍﻟﺒﻴﺖ ﻃﺒﻴﺖ ﻟﻠﻐﺮﻓﻪ ﺳﻠﻤﻰ ﺍﻣﺪﺩﻩ ﻭﺗﻠﻌﺐ ﺑﺠﻬﺎﺯﻫﺔ ..
: ﻣﺘﻨﺎﻣﻴﻦ ﻣﺘﻌﺒﺎﻧﻪ ..
: ﺍﻣﻢ ﺗﻌﺒﺎﻧﻪ ﺑﺲ ﻣﻨﻌﺴﺎﻧﻪ ﺷﻨﻮ ﻫﺎﻱ ﺍﻟﺠﻨﻄﻪ ...
: ﺑﻴﻬﺔ ﺍﻫﺪﻭﻡ ﺍﻟﻲ ..
: ﺍﻫﺎ ..
ﺧﻠﻴﺖ ﺍﻟﺠﻨﻄﻪ ﻋﻠﻰ ﺍﻟﻜﻮﻣﺪﻱ ﻧﺰﻋﺖ ﺍﻟﺒﻨﻄﺮﻭﻥ ﻭﺍﻟﺒﻠﻮﺯ ﺿﻠﻴﺖ ﺑﻠﺪﺍﺧﻠﻴﺎﺕ ﻭﺭﺣﺖ ﻳﻤﻬﺔ ..
: ﻫﻮ ﺍﺩﻧﻲ ﻧﻌﺴﺎﻥ ...
: ﺭﻋﺪ ﺍﺷﻠﻮﻥ ﺍﺗﻨﺎﻡ ﻣﻜﺎﻥ ﻣﻴﻜﻔﻲ ...
: ﻻ ﻳﻜﻔﻲ ﺑﺲ ﺍﺩﻧﻲ ..
ﺍﺩﻧﺖ ﻭﺭﺣﺖ ﻋﻠﻰ ﻣﺮﺗﻀﻰ ﺩﻧﻴﺘﻪ ﻟﻠﺠﻬﺔ ﺍﻟﺜﺎﻧﻴﻪ ﻭﺭﺣﺖ ﻧﻤﺖ ﺑﻠﺠﻬﺔ ﺍﻟﻲ ﺑﻴﻬﺔ ﺳﻠﻤﻰ ﺻﺮﻧﻪ ﻭﺟﻪ ﺍﺑﻮﺟﻪ ﺍﺗﻘﺮﺑﺖ ﻋﻠﻴﻬﺔ ﻭﺧﻠﻴﺖ ﺍﻳﺪﻱ ﻋﻠﻰ ﺧﺼﺮﻫﺔ
ﺭﻋﺪ ﻣﻀﺎﻳﻘﻪ ﻛﻮﻡ ﻧﺎﻡ ﻋﻠﻰ ﺍﻟﻘﻨﻔﻪ ..
: ﻣﺎﻛﺪﺭ ﻫﻮﺓ ﻳﻮﻡ ﻭﺍﺣﺪ ﻧﻤﺖ ﻋﻠﻴﻬﺔ ﺟﺴﻤﻲ ﺍﺗﻜﺴﺮ ...
: ﻟﻌﺪ ﺍﺷﻠﻮﻥ ﻣﻀﺎﻳﻘﻪ ..
: ﻟﻴﺶ ﺍﺗﻜﺬﺑﻴﻦ ﺍﻟﺠﺮﺑﺎﻳﻪ ﺟﺒﻴﺮﻩ ﻭﺗﻜﻔﻴﻨﻪ ﺍﺛﻼﺛﺘﻨﻪ ﺑﺲ ﻣﺘﺮﺩﻳﻦ ﺍﻧﺎﻡ ﻳﻤﺞ ...
ﻛﻤﺖ ﻣﻦ ﻳﻤﻬﺔ ﻟﺰﻣﺘﻨﻲ ﻣﻦ ﺍﻳﺪﻱ ..
: ﺍﺭﺟﻊ ﻧﺎﻡ ﺻﺢ ﻣﻀﺎﻳﻘﻪ ﺑﺲ ﻣﻴﺨﺎﻟﻒ ...
ﺭﺟﻌﺖ ﻧﻤﺖ ﻳﻤﻬﺔ ﺑﺎﻭﻋﺖ ﻋﻠﻴﻬﺔ ﺗﻘﺮﺑﺖ ﻏﻤﻀﺖ ﻋﻴﻨﻬﺔ ﺍﺗﺮﻳﺪ ﺍﺗﻨﺎﻡ ﻗﺮﺑﺖ ﺭﺍﺳﻲ ﻳﻢ ﺭﻛﺒﺘﻬﺔ ﺭﺍﺳﻦ ﻛﻌﺪﺕ ...
: ﺭﻋﺪ ﻭﺧﺮ ﻣﻮ ﻛﻠﻨﻪ ﻣﺘﺘﻘﺮﺏ ﻣﻨﻲ ...
: ﻣﻤﺘﻘﺮﺏ ﻣﻨﺞ ..
: ﻟﻌﺪ ﺍﺷﺪﺳﻮﻱ ﻫﺴﺔ ..
: ﺍﺭﻳﺪ ﺍﺷﻢ ﻋﻄﺮﺝ ﻭﺑﺲ ..
: ﺍﻱ ﻭﻫﻴﺞ ﺩﺗﺘﻘﺮﺏ ﻣﻨﻲ ...
: ﻻ ﻣﺪﺍ ﺍﺗﻘﺮﺏ ﺑﺎﻋﻲ ...
ﺧﻠﻴﺖ ﻭﺟﻬﻲ ﺑﺮﻛﺒﺘﻬﺔ ﻭﺷﻤﻴﺘﻬﺔ ﻭﺭﺟﻌﺖ ﺍﻟﻤﻜﺎﻧﻲ ...
: ﺍﺫﺍ ﺍﺗﻘﺮﺏ ﻣﻨﺞ ﻻﺯﻡ ﺍﻟﺰﻣﺞ ﻣﻦ ﺍﻻﻣﺎﻛﻦ ﺍﻟﻤﺤﻀﻮﺭﻩ ..
: ﺍﻫﻮﻭ ﺭﻋﺪ ﻳﻠﻪ ﻧﺎﻡ ..
ﺭﺟﻌﺖ ﻏﻤﻀﺖ ﺍﻋﻴﻮﻧﻬﺔ ﺿﻠﻴﺖ ﺻﺎﻓﻦ ﻋﻠﻴﻬﺔ ﻭﻋﻼ ﻣﻼﻣﺤﻬﺔ ﻣﺤﺴﻴﺖ ﺍﺑﻨﻔﺴﻲ ﺍﺷﻮﻛﺖ ﻧﻤﺖ .....
****++++++++++****
ﻛﻌﺪﺕ ﺍﻟﺼﺒﺢ ﺭﻋﺪ ﻣﺎﻫﻮﺓ ﻳﻤﻲ ﻟﺰﻣﺖ ﺭﺍﺳﻲ ﺩﻳﻮﺟﻌﻨﻲ ﻛﻤﺖ ﻃﻠﻌﺖ ﻣﻦ ﺍﻟﻐﺮﻓﻪ ﻣﻠﻜﻴﺘﻪ ﺭﺣﺖ ﻟﻠﻤﻄﺒﺦ ﺧﺎﻝ ﻋﻼﻛﺖ ﺍﻟﺼﻤﻮﻥ ﻋﻠﻰ ﻣﻴﺰ ﺍﻟﻄﻌﺎﻡ ﺭﺟﻌﺖ ﻟﻠﻐﺮﻓﻪ ﻣﺮﺗﻀﻰ ﺑﻌﺪﻩ ﻧﺎﻳﻢ ﺿﺤﻜﺖ ﺍﺫﻛﺮﺕ ﺍﻟﺒﺎﺭﺣﻪ ﻣﻦ ﻋﺮﻑ ﺭﻋﺪ ﺍﺷﻠﻮﻥ ﻳﻨﺎﻡ ﻣﺮﺗﻀﻰ ﺭﺟﻌﺖ ﻧﻤﺖ ﻳﻢ ﻣﺮﺗﻀﻰ ﻭﻗﺮﺑﺖ ﻭﺟﻬﻲ ﻣﻨﻪ ﻛﻤﺖ ﺍﻣﺸﻲ ﺍﺻﺒﻌﻲ ﻋﻠﻰ ﻭﺟﻬﺔ ﺿﻞ ﻳﺴﻮﻱ ﺣﺮﻛﺎﺕ ﺍﺑﻮﺟﻬﺔ ﻣﻨﺰﻋﺞ ﻓﺘﺢ ﻋﻴﻮﻧﻪ ﻭﺑﺘﺴﻢ ﺧﻠﻪ ﺍﻳﺪﻩ ﻋﻠﻰ ﺭﺍﺳﻲ ..
: ﺍﻭﻭﻯ ..
ﻋﺒﺴﺖ ﻭﺟﻬﻲ : ﺍﻱ ﺍﻭﻭﻯ ﻳﻮﺟﻌﻨﻲ ...
ﻛﺎﻡ ﺑﺎﺳﻨﻲ ﺑﻤﻜﺎﻥ ﺍﻟﺸﺎﺵ ﺍﻟﻤﻠﻔﻮﻑ ﺍﺑﺮﺍﺳﻲ ..
: ﻻﻩ ﺍﻭﻭﻯ ..
ﺍﺑﺘﺴﻤﺖ ﻛﻤﺖ ﺷﻠﺘﻪ ﻭﻃﻠﻌﺖ ﻣﻦ ﺍﻟﻐﺮﻓﻪ ..
: ﺟﻮﻋﺎﻥ ..
ﻫﺰﻟﻲ ﺭﺍﺳﻪ ﺏ ﺍﻱ ﺑﺴﺘﻪ ﻣﻦ ﺧﺪﻩ ..
: ﻳﻠﻪ ﺗﻌﺎﻝ ﺍﻛﻌﺪ ﻳﻢ ﻣﺎﻣﺎ ﻭﻧﺴﻮﻱ ﻋﻤﻴﻪ ..
ﺍﺧﺬﺗﻪ ﻭﻳﺎﻳﻪ ﻟﻠﻤﻄﺒﺦ ﻛﻌﺪﺗﻪ ﻋﻠﻰ ﺍﻟﻤﻴﺰ ﺳﻠﻜﺖ ﺑﻴﺾ ﻭﺳﻮﻳﺘﻠﻲ ﺟﺎﻱ ﻛﻌﺪﺕ ﺍﻭﻛﻠﻪ ﻭﺍﻛﻞ ﺍﺷﻮﻳﻪ ﻭﻧﻔﺘﺢ ﺑﺎﺏ ﺍﻟﺒﻴﺖ ﻋﻜﺪﺕ ﺣﺎﺟﺒﻲ ﻭﻛﻤﺖ ﻃﻠﻌﺖ ﻣﻦ ﺍﻟﻤﻄﺒﺦ ﻟﻜﻴﺖ ﺭﻋﺪ ﺟﺎﻱ ﻭﺟﺎﻳﺐ ﻣﺴﻮﺍﻙ ...
: ﻫﺎﻱ ﺍﺷﻮﻛﺖ ﻛﻌﺘﻲ ..
: ﻗﺒﻞ ﻧﺺ ﺳﺎﻋﻪ ﺍﻭ ﺍﻛﺜﺮ ﻣﻨﺘﺒﻬﺖ ..
: ﺍﺗﺮﻳﻜﺘﻲ ..
: ﺍﻱ ﻛﺎﻋﺪﻳﻦ ﺍﻧﻲ ﻭﻣﺮﺗﻀﻰ ﺑﻠﻤﻄﺒﺦ ﺩﻧﺘﺮﻳﻚ ..
: ﺗﻌﺎﻱ ﻛﻤﻠﻲ ﺭﻳﻮﻛﺞ ...
ﺟﺮﻧﻲ ﻣﻦ ﺟﺘﻔﻲ ﻭﻣﺸﺎﻧﻲ ﻟﻠﻤﻄﺒﺦ ﺷﺎﻑ ﻣﺮﺗﻀﻰ ﺭﺍﺡ ﻋﻠﻴﻪ ﺑﻮﺳﻪ ﻭﻛﻌﺪﻩ ﺑﺤﻀﻨﻪ ...
: ﺟﻴﺒﻲ ﺭﻳﻮﻛﻪ ﺍﻧﻲ ﺍﺭﻳﻜﻪ ..
ﺍﺧﺬ ﺭﻳﻮﻛﻪ ﻭﻛﻌﺪ ﻳﻮﻛﻠﻪ ﻛﻤﻞ ﺍﻻﻛﻞ ﺍﺧﺬ ﻣﺮﺗﻀﻰ ﻭﻛﺎﻡ ﺭﺍﺡ ﻟﻼﺳﺘﻘﺒﺎﻝ ﻛﻤﺖ ﺍﻏﺴﻞ ﺍﻟﻤﺎﻋﻴﻦ ﻛﻤﻠﺘﻬﻦ ﻭﺭﺣﺖ ﺍﻓﺮﻍ ﺍﻟﻤﺴﻮﺍﻙ ﺟﺎﻳﺐ ﺳﻤﺞ ﻭﺧﻀﻮﺭﺍﺕ ﻭﻃﺮﺷﻲ ﻭﻃﻤﺎﻃﻢ ﻭﻫﻼﺷﻴﺎﺀ ﻓﺮﻏﺘﻬﻦ ﻭﺧﻠﻴﺖ ﺍﻟﺴﻤﺠﻪ ﺑﻠﻔﺮﻥ ﻃﻠﻌﺖ ﻣﻦ ﺍﻟﻤﻄﺒﺦ ﻟﻜﻴﺘﻪ ﻛﺎﻋﺪ ﻋﻠﻰ ﺍﻟﻘﻨﻔﻪ ﻭﺑﺤﻀﻨﻪ ﻣﺮﺗﻀﻰ ﻭﺷﺎﻋﻞ ﺍﻟﺘﻠﻔﺰﻳﻮﻥ ﻋﻔﺘﻬﻢ ﻭﻃﺒﻴﺖ ﻟﻠﻐﺮﻓﻪ ﺍﻋﺪﻝ ﺑﻠﺠﺮﺑﺎﻳﻪ ﺍﺷﻮﻳﻪ ﻭﺳﻤﻌﺖ ﺭﻋﺪ ﻳﺼﻴﺢ ﻋﻠﻴﻪ ﺑﺲ ﺍﻣﺒﻴﻦ ﻋﺼﺒﻲ ﻃﻠﻌﺖ ﻣﻦ ﺍﻟﻐﺮﻓﻪ ﺍﺷﻮﻓﻪ ﻛﺎﻋﺪ ﻋﻠﻰ ﺍﻟﻘﻨﻔﻪ ﻭﺑﻴﺪﻩ ﺟﻬﺎﺯ ﻻ ﻣﺎﻟﺘﻲ ﻭﻻ ﻣﺎﻟﺘﻪ ﺍﻭﻝ ﻣﺸﺎﻓﻨﻲ ﺍﺟﻪ ﻋﻠﻴﻪ ﻭﺿﺮﺑﻨﻲ ﺭﺍﺷﺪﻱ ...
: ﻭﺍﻧﻲ ﺍﻛﻮﻝ ﻟﻴﺶ ﻣﺘﺮﺿﻪ ﺍﺗﻘﺮﺑﻠﻬﺔ ﻃﻠﻊ ﺍﻟﻬﺔ ﺑﺪﻳﻞ ...
: ﺭﻋﺪ ﻫﺎﻱ ﺍﺷﺪﺗﺤﺠﻲ ...
: ﺍﺣﺠﻲ ﺍﻟﻲ ﺟﺎﻱ ﺍﺷﻮﻓﻪ ﺑﺠﻬﺎﺯﺝ ﻫﺬﻩ ..
ﺣﺠﻪ ﻛﻼﻣﻪ ﻭﺷﻤﺮﻩ ﺑﻮﺟﻬﻲ ﺍﺑﺎﻭﻉ ﺭﺳﺎﻳﻞ ﻭﻳﻪ ﻭﺍﺣﺪ ﻭﻋﻼﻗﻪ ﻣﺎﻝ ﺍﻛﺜﺮ ﻣﻦ ﺳﻨﻪ ﻭﺣﺠﻲ ﺣﺐ ﻭﻛﻼﻡ ﺑﺎﻳﺦ ﺍﺑﺎﻭﻉ ﻭﻓﺎﺗﺤﻪ ﻋﻴﻮﻧﻲ ﻋﻠﻰ ﻭﺳﻌﻬﻢ ﻣﻦ ﻫﻞ ﻛﻼﻡ ﺑﺎﻭﻋﺖ ﻋﻠﻴﻪ ..
: ﺭﻋﺪ ﻭﺍﻟﻠﻪ ﺍﻟﻌﻈﻴﻢ ﺍﻟﺠﻬﺎﺯ ﻣﻮ ﺍﻟﻲ ﻭﻫﺬﻩ ﺍﻟﺤﺠﻲ ﻣﻮ ﺍﻧﻲ ﺍﻟﻲ ﺣﺎﺟﻴﺘﻪ ...
: ﻟﻌﺪ ﻣﻨﻮ ﻣﻮ ﻫﻴﺎﻧﻪ ﻳﺤﺠﻲ ﻭﻳﺎﺝ ﻭﺑﺎﺳﻤﺞ ...
ﻭﺭﺟﻊ ﺿﺮﺑﻨﻲ ﺭﺍﺷﺪﻱ ﻭﻛﻊ ﺍﻟﺠﻬﺎﺯ ﻣﻦ ﺍﻳﺪﻱ ﻭﺭﺟﻊ ﺿﺮﺑﻨﻲ ﺭﺍﺷﺪﻱ ﺛﺎﻟﺚ ﺩﻓﻌﻨﻲ ﻟﻠﻐﺮﻓﻪ ﻭﺳﺪ ﺍﻟﺒﺎﺏ ...
: ﻟﺞ ﺷﻨﻮ ﺍﻧﻲ ﻛﺪﺍﻣﺞ ﺯﻋﻄﻮﻁ ﻭﺗﻘﻨﻌﻴﻨﻲ ﺑﻜﻢ ﻛﻠﻤﻪ ...
////////// ﻣﻬﺎ ﺍﻟﻤﻨﺪﻻﻭﻱ //////////
