قصة النقيب والراقصة ( الجزء الاول )

البارت ٣٣

ﺍﻟﻨﻘﻴﺐ ﻭﺍﻟﺮﺍﻗﺼﻪ
ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
ﺑﺎﺭﺕ ﺍﻟﺜﺎﻟﺚ ﻭﺍﻟﺜﻼﺛﻮﻥ
»»»»»»»»»»»» ﻣﻬﺎ 🠾񐅀 ﺍﻟﻤﻨﺪﻻﻭﻱ «««««««««««
ﺑﺴﻨﻪ 2014 ﺑﺪﺧﻮﻝ ﺩﺍﻋﺶ ﻟﻠﻌﺮﺍﻕ ﻃﻠﺒﻮ ﺭﻋﺪ ﻟﻠﻨﺰﻭﻝ ﻟﻠﺠﺒﻬﺔ ﺑﻌﺪ ﻣﻨﻜﺘﻠﺖ ﻧﺎﺱ ﺑﻠﻤﻮﺻﻞ ﺍﻧﻲ ﺳﻤﻌﺖ ﺑﻲ ﻻﺯﻡ ﻳﻠﺘﺤﻖ ﺍﺗﺨﺒﻠﺖ ﻟﺰﻣﺖ ﺭﻋﺪ ﻭﻫﻮﺓ ﺟﺎﻱ ﻳﻠﻢ ﺑﻤﻼﺑﺴﻪ ﻭﺍﻧﻲ ﺍﺩﻣﻮﻋﻲ ﻳﺠﺮﻥ ..
: ﺭﻋﺪ ﻻ ﺍﺗﻌﻮﻓﻨﻲ ﻭﺍﻟﻠﻪ ﻣﺎ ﺍﺗﺤﻤﻞ ﺍﺫﺍ ﺻﺎﺭ ﺑﻴﻚ ﺷﻲ ﻻ ﺍﺗﻴﺘﻤﻨﻪ ﺍﻧﻲ ﻭﺍﺑﻨﻚ ..
: ﻫﻬﻬﻬﻬﻪ ﺻﺪﻙ ﺗﺤﺠﻴﻦ ﻛﻮﻟﻲ ﻳﺎﺍﻟﻠﻪ ...
: ﺭﻋﺪ ﻭﺍﻟﻠﻪ ﻣﻤﺮﺗﺎﺣﻪ ﻟﻬﻞ ﺭﻭﺣﻪ ...
: ﻛﻠﺸﻲ ﻣﺎﻛﻮ ﻻ ﺍﺩﻳﺮﻳﻦ ﺑﺎﻝ ...
ﻛﻤﻞ ﻟﻢ ﺍﻫﺪﻭﻣﻪ ﻭﺟﻪ ﻋﻠﻴﻪ ...
: ﻛﻮﻣﻲ ﻟﻤﻲ ﺍﻫﺪﻭﻣﺞ ﺍﻭﺩﻳﺞ ﺍﻟﺒﻴﺖ ﺍﻫﻠﻲ ﺍﺧﺎﻑ ﺍﺑﻘﻴﺞ ﺍﻫﻨﺎ ﻭﺣﺪﺝ ...
: ﻻ ﺭﻋﺪ ﺑﻘﻴﻨﻲ ﺍﻫﻨﺎ ...
: ﻛﺘﻠﺞ ﻛﻮﻣﻲ ﻻ ﺳﺎﻣﺢ ﺍﻟﻠﻪ ﺍﻳﺼﻴﺮ ﺷﻲ ﻋﻠﻰ ﺍﻻﻗﻞ ﺍﻫﻠﻲ ﻳﻤﺞ ..
ﻛﻤﺖ ﺍﻟﻢ ﺑﻬﺪﻭﻣﻲ ﻭﻫﺪﻭﻡ ﻣﺮﺗﻀﻰ ﻭﺍﻧﻲ ﺍﺩﻣﻮﻋﻲ ﺷﻼﻝ ﺧﺎﻳﻔﻪ ﻋﻠﻴﻪ ﻭﺻﺪﺭﻱ ﻣﻘﺒﻮﺽ ﻣﻤﺮﺗﺎﺣﻪ ﻟﺮﻭﺣﺘﻪ ﻛﻤﻠﺖ ﻟﻢ ﺍﻟﻬﺪﻭﻡ ﻭﻃﻠﻌﻨﻪ ﻃﺒﻴﻨﻪ ﻟﺒﻴﺖ ﺍﻫﻠﻪ ﺍﻣﻪ ﻫﻢ ﻛﺎﻋﺪﻩ ﺗﺒﺠﻲ ﺷﺎﻓﺘﻪ ﺍﺟﺘﻲ ﺍﺗﺤﻀﻨﻪ ...
: ﻳﻤﻪ ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ﺍﺭﺟﻌﻠﻨﻪ ﺳﺎﻟﻢ ...
ﺑﺎﺳﻬﺔ ﻣﻦ ﺭﺍﺳﻬﺔ
: ﺍﻥ ﺷﺎﺀ ﺍﻟﻠﻪ ﻳﻤﻪ ... ﺍﺭﻳﺪ ﺍﻃﻠﺐ ﻣﻨﺞ ﻃﻠﺐ ...
: ﺃﻣﺮ ..
: ﺳﻠﻤﻰ ﺗﻀﻞ ﺍﻫﻨﺎ ﻣﻌﺰﺯﻩ ﻣﻜﺮﻣﻪ ﺑﻴﻦ ﻣﺎﺍﺭﺟﻊ ﺍﺧﺎﻑ ﻋﻠﻴﻬﺔ ﺍﻫﻨﺎﻙ ﻭﺣﺪﻫﺔ ...
: ﺍﺣﻄﻬﺔ ﺑﻌﻴﻮﻧﻲ ﻻ ﺍﺩﻳﺮ ﺑﺎﻝ ...
ﺍﺟﻪ ﻋﻠﻴﻪ ﺣﻀﻨﻲ ﻭﺑﺎﺳﻨﻲ ﻣﻦ ﺧﺪﻱ ﻫﻤﺲ ﻳﻢ ﺍﺫﻧﻲ ...
: ﻟﻮ ﻣﻮ ﺍﻫﻠﻲ ﺟﺎﻥ ﺑﺴﺘﺞ ﻣﻦ ﺍﻟﻜﺮﺯﺍﻳﺎﺕ ..
ﻳﺤﺠﻲ ﻭﻫﻮﺓ ﺣﺎﻁ ﺍﺻﺒﻌﻪ ﻋﻠﻰ ﺷﻔﺘﻲ ﺍﺑﺘﺴﻤﺘﻠﻪ ﻣﻦ ﺑﻴﻦ ﺍﺩﻣﻮﻋﻲ ..
: ﺍﺭﺟﻌﻠﻲ ﺳﺎﻟﻢ ..
: ﺍﻥ ﺷﺎﺀ ﺍﻟﻠﻪ
ﺭﺍﺡ ﻋﻠﻰ ﺍﺑﻨﻪ ﻳﺤﻀﻦ ﺑﻲ ﻭﻳﺒﻮﺳﻪ ﺍﺟﺘﻲ ﺑﻨﺘﻪ ﺳﻤﺮ ﺗﺮﻛﻀﻠﻪ ﻋﻤﺮﻫﺔ ﺛﻼﺙ ﺍﺳﻨﻴﻦ ﺣﻀﻨﻬﺔ ﻭﺑﺎﺳﻪ ﻛﺎﻡ ﻋﻠﻰ ﺣﻴﻠﻪ ..
: ﻳﺎﻟﻠﻪ ﻻﺯﻡ ﺍﺭﻭﺡ ﺳﻠﻤﻰ ﺗﻌﺎﻟﻲ ﺍﺭﻳﺪ ﺍﺣﺎﺟﻴﺞ ..
ﻃﻠﻌﺖ ﻭﻳﺎﻩ ﻟﻠﺒﺎﺏ ..
: ﺳﻠﻤﻰ ﺩﻳﺮﻱ ﺑﺎﻟﺞ ﻋﻠﻰ ﺳﻤﺮ ﻭﻣﺮﺗﻀﻰ ...
: ﺳﻤﺮ ﺑﻌﻴﻮﻧﻲ ﻣﻦ ﻳﻮﻡ ﻳﻮﻣﻬﺔ ﻫﻴﻪ ﻣﺜﻞ ﺑﺘﻲ ...
: ﺧﻠﻲ ﺟﻬﺎﺯﺝ ﺑﻴﺪﺝ ﻟﻤﻦ ﺍﻓﺮﻍ ﺍﺩﻙ ﻋﻠﻴﺞ ...
: ﺍﻱ ..
ﺍﺑﺘﺴﻢ ﺍﺗﻘﺮﺏ ﻋﻠﻴﻪ ﻭﺣﻀﻨﻲ ﻗﻮﻱ ..
: ﺭﺍﺡ ﺍﺷﺘﺎﻗﻠﺞ ..
: ﻭﺍﻧﻲ ﻫﻢ ..
ﺍﺗﻘﺮﺏ ﻭ ﺑﺎﺳﻨﻲ ﻣﻦ ﺍﺷﻔﺎﻳﻔﻲ ﻋﺎﻓﻬﻦ ﻭﻃﻠﻊ ﺫﺑﻴﺖ ﻭﺭﺍﻩ ﻣﻲ ﻭﺍﻧﻲ ﺍﺑﺠﻲ ﻭﺩﻋﻲ ﺭﺑﻲ ﻳﺮﺟﻌﻠﻴﺎﻩ ﺳﺎﻟﻢ ...
ﺩﺧﻠﺖ ﻟﻠﺒﻴﺖ ﻭﺍﻧﻲ ﺍﺷﻮﻑ ﺍﻡ ﺭﻋﺪ ﻛﺎﻋﺪﻩ ﻋﻠﻰ ﺍﻟﻘﻨﻔﻪ ﻭﺗﺒﺠﻲ ﻭﻫﻨﺎﺀ ﻓﻮﻙ ﺭﺍﺳﻬﺔ ﺍﺻﺒﺮ ﺑﻴﻬﺔ ..
ﺍﺧﺬﺕ ﻣﺮﺗﻀﻰ ﻭﺟﻨﻂ ﺍﻫﺪﻭﻣﻨﻪ ﻭﺻﻌﺪﺕ ﻓﻮﻙ ﻫﻤﺰﻳﻦ ﺍﻟﻐﺮﻓﻪ ﻧﻀﻴﻔﻪ ﻭﻣﺮﺗﺒﻪ ﺍﻧﺪﻛﺖ ﺍﻟﺒﺎﺏ ﺭﺣﺖ ﻓﺘﺤﺘﻬﺔ ﻟﻜﻴﺖ ﺳﻤﺮ ...
: ﺍﻟﻴﺪ ﻣﺮﺗﻀﻰ ...
: ﻭﺷﺴﻮﻳﻦ ﺑﻲ ..
: ﺍﻟﺐ ﻭﻳﺎ ..
ﺿﺤﻜﺖ ﻭﻧﺰﻟﺖ ﺑﺴﺘﻬﺔ ﺍﺷﻜﺪ ﻣﺎ ﺳﻨﺎﺀ ﺣﺎﻗﺪﻩ ﻭﻛﻠﺒﻬﺔ ﺍﺳﻮﺩ ﺍﺷﻜﺪ ﻣﺎﺑﺘﻬﺔ ﺑﺮﻳﺌﻪ ﻭﻋﻠﻰ ﻧﻴﺎﺗﻬﺔ ﺩﺧﻠﺘﻬﺔ ﻟﻠﻐﺮﻓﻪ ﺗﻠﻌﺐ ﻭﻳﻪ ﻣﺮﺗﻀﻰ ﺿﻠﻴﺖ ﻛﺎﻋﺪﻩ ﻭﺻﺎﻓﻨﻪ ﻋﻠﻴﻬﻢ ﺍﺷﻠﻮﻥ ﻳﻠﻌﺒﻮﻥ ﻃﺒﺖ ﻫﻨﺎﺀ ...
: ﻫﺎﻱ ﺍﻧﺘﻲ ﺍﻫﻨﺎ ﻛﻮﻣﻲ ﻋﺎﻭﻧﻴﻨﻲ ﺑﻠﺸﻐﻞ ...
: ﺍﻱ ﻫﺴﻪ ﺍﺟﻲ ...
ﻛﻤﺖ ﻭﺭﺍﻫﺔ ﻭﺍﻧﻲ ﻧﻔﺴﻲ ﺗﻠﻌﺐ ﺷﺎﻛﻪ ﺍﺑﻨﻔﺴﻲ ﺣﺎﻣﻞ ﻻﻥ ﻫﻠﺸﻬﺮ ﻣﺠﺘﻠﻲ ﺍﻟﺸﻬﺮﻳﻪ ﻧﺰﻟﺖ ﺗﻨﻀﻴﻒ ﻭﻃﺒﺦ ﺍﻡ ﺭﻋﺪ ﻫﺎﺩﺋﻪ ﻭﻋﺎﻳﻔﺘﻨﻲ ﺑﺲ ﺧﺎﻳﻔﻪ ﻻ ﺍﺗﻜﻮﻥ ﻫﺎﻱ ﻫﺪﺅ ﻣﺎﻗﺒﻞ ﺍﻟﻌﺎﺻﻔﻪ ..
: ﺍﻛﻠﺞ ﻫﻨﺎﺀ ﺍﺷﻌﺠﺐ ﻫﺎﺩﺋﻪ ...
: ﻫﻬﻬﻪ ﺗﺮﺟﻌﻠﺞ ﺑﺲ ﻫﺴﺔ ﺣﺰﻧﺎﻧﻪ ﻋﻠﻰ ﻓﺮﺍﻙ ﺍﺑﻨﻬﺔ ﻭﺧﺎﻳﻔﻪ ﻋﻠﻴﻪ ﺗﺮﺗﺎﺡ ﻭﺗﻜﻠﺐ ﻋﻠﻴﺞ ...
: ﻫﻬﻬﻬﻪ ﺭﺑﻲ ﺧﻠﻴﻬﺔ ﻋﻠﻰ ﻫﺪﻭﺋﻬﺔ ...
: ﻫﻬﻬﻬﻪ ﻭﺍﻟﻠﻪ ﻋﻠﻴﺞ ﺍﺳﻮﺍﻟﻒ ...
ﻛﻤﻠﻨﻪ ﻛﻠﺸﻲ ﻭﻛﻌﺪﻧﻪ ﻧﺘﻐﺪﻩ ﺍﻛﻠﺘﻠﻲ ﻟﻜﻤﺘﻴﻦ ﻭﻣﻌﺘﻲ ﺭﺟﻌﺖ ﺗﻜﻠﺐ ﻋﻔﺖ ﺍﻻﻛﻞ ﻭﻛﻤﺖ ﻟﻠﺤﻤﺎﻡ ﺫﺑﻴﺖ ﻣﻦ ﺭﺍﺳﻲ ﺍﺟﺘﻲ ﻫﻨﺎﺀ ﻭﺭﺍﻳﻪ ...
: ﻭﺝ ﺑﺲ ﻻ ﺣﺎﻣﻞ ..
: ﻳﻤﻜﻦ ﻻﻥ ﺍﻟﺸﻬﺮﻳﻪ ﻣﺠﺘﻠﻲ ...
: ﻫﺴﺔ ﺍﺩﺯﻟﺞ ﻣﻦ ﺍﻟﺼﻴﺪﻟﻴﻪ ﺍﺧﺘﺒﺎﺭ ﺑﻴﺘﻲ ﻭﺷﻮﻓﻲ ...
ﺭﺍﺣﺖ ﺩﺯﺕ ﺍﺑﻨﻬﺔ ﻟﻠﺼﻴﺪﻟﻴﻪ ﺟﺎﺏ ﺍﻻﺧﺘﺒﺎﺭ ﻭﺟﺖ ﻓﻮﻙ ﺭﺍﺳﻲ ...
: ﻳﻠﻪ ﻛﺪﺍﻣﻲ ﻟﻠﺤﻤﺎﻡ ..
: ﻫﻮﺓ ﻫﺬﻩ ﺍﺷﻠﻮﻥ ﺍﺳﻮﻱ ...
: ﻣﺤﺼﻮﺭﻩ ﻻ ...
: ﻻ ﻣﻤﺤﺼﻮﺭﻩ ...
: ﻟﻤﻦ ﺗﺮﺩﻳﻦ ﺍﺩﺧﻠﻴﻦ ﻟﻠﺘﻮﺍﻟﻴﺖ ﻛﻠﻴﻠﻲ ...
ﻋﺎﻓﺘﻨﻲ ﻭﺭﺍﺣﺖ ﺻﻌﺪﺕ ﻟﻠﻐﺮﻓﻪ ﺍﻟﻜﻪ ﻣﺮﺗﻀﻰ ﻧﺎﻳﻢ ﻭﻣﻨﻴﻢ ﺍﺧﺘﻪ ﻋﻠﻰ ﺍﻳﺪﻩ ﻻ ﺍﺭﺍﺩﻳﻦ ﺍﺑﺘﺴﻤﺖ ﻃﻜﻴﺘﻠﻬﻢ ﺻﻮﺭﻩ ﻭﺭﺣﺖ ﺗﻤﺪﺩﺕ ﻳﻤﻬﻢ ﺍﺷﻮﻳﻪ ﻭﺧﺬﺗﻨﻲ ﺍﻟﻨﻮﻣﻪ ..
ﻧﺎﻳﻤﻪ ﻭﺳﻤﻊ ﺍﻟﻤﺒﺎﻳﻞ ﻳﺪﻙ ﺭﺍﺳﻦ ﻛﻤﺖ ﻭﻓﺘﺤﺖ ﺧﻂ ...
: ﻫﺎ ﺭﻋﺪ ﺍﺷﻠﻮﻧﻚ ...
: ﻫﻼ ﺑﻬﻠﺼﻮﺕ ﺍﻟﺤﻠﻮ ﺍﻟﺤﻤﺪ ﺍﻟﻠﻪ ﺍﻧﺘﻲ ﺍﺷﻠﻮﻧﺞ ﺍﺷﻠﻮﻥ ﺍﻟﺠﻬﺎﻝ ...
: ﺍﻟﺤﻤﺪ ﺍﻟﻠﻪ ..
: ﺷﻨﻮ ﻧﺎﻳﻤﻪ ﺍﻟﺤﺪ ﻫﺴﺔ ..
: ﺍﻱ ﺟﻨﺖ ﻧﺎﻳﻤﻪ ..
: ﻣﺪﻛﻠﻴﻠﻲ ﺷﻨﻮ ﻫﻨﻮﻡ ..
ﺑﺎﻭﻋﺖ ﻋﻠﻰ ﺍﻟﺴﺎﻋﻪ ﺑﻞ 8 ﺑﺎﻭﻋﺖ ﺍﻟﺠﻬﺎﻝ ﻣﻮ ﻳﻤﻲ ﻧﺎﺯﻟﻴﻦ ..
: ﻫﻬﻬﻪ ﺍﺧﺬﺗﻨﻲ ﺍﻟﻨﻮﻣﻪ ﻳﻢ ﺍﻟﺠﻬﺎﻝ
ﺿﻞ ﻳﺤﺠﻲ ﻭﻳﺘﻐﺰﻝ ﺑﺠﺮﺋﻪ ﻓﻮﻙ ﺍﻟﺴﺎﻋﻪ ﺑﻌﺪﻫﺔ ﻛﻤﺖ ﻧﺰﻟﺖ ﺟﻮﻩ ﻫﻨﺎﺀ ﺍﻭﻝ ﻣﺸﺎﻓﺘﻨﻲ ﻭﺟﺘﻲ ﻋﻠﻴﻪ ...
: ﻣﺪﻛﻠﻴﻠﻲ ﺷﻨﻮ ﻫﻨﻮﻡ ﺍﻟﺤﺪ ﻫﺴﻪ ﻭﻳﻦ ﺣﺘﺮﻭﺣﻴﻦ ﺑﻠﻴﻞ ..
: ﻋﺎﺩﻱ ﺍﻧﺎﻡ ...
: ﺣﺪﺧﻠﻴﻦ ﻟﻠﺘﻮﺍﻟﻴﺖ ..
: ﺍﻱ ..
: ﻫﺴﻪ ﺍﺟﻲ ﻻ ﺍﺩﺧﻠﻴﻦ ..
ﺭﺍﺣﺖ ﺟﺎﺑﺖ ﺍﻻﺧﺘﺒﺎﺭ ﻭﺟﺘﻲ ﺍﺗﻠﻤﻨﻲ ﺍﺷﻠﻮﻥ ﺍﺳﺘﻌﻤﻠﻪ ﺩﺧﻠﺖ ﺳﻮﻳﺘﻪ ﻭﻃﻠﻌﺖ ﻣﻔﻬﻤﺘﻨﻲ ﺍﺷﻠﻮﻥ ﺍﻋﺮﻑ ﻃﻠﻌﺖ ﺍﻧﻄﻴﺘﻬﻴﺎ ﺍﻭﻝ ﻣﺸﺎﻓﺘﻪ ﻃﻜﺘﻬﺔ ﺑﻬﻠﻬﻮﻟﻪ ﺍﺟﺘﻲ ﺍﻡ ﺭﻋﺪ ...
: ﺷﻜﻮ ﻟﻴﺶ ﺍﺗﻬﻠﻬﻠﻴﻦ ..
: ﻣﺮﺕ ﺭﻋﺪ ﺣﺎﻣﻞ ..
ﻫﻨﺎﺀ ﺍﺟﺘﻲ ﻋﻠﻴﻪ ﻭﺑﻮﺳﺘﻨﻲ ..
: ﻣﺒﺮﻭﻙ ﺣﺒﻴﺒﺘﻲ ..
ﺍﺑﺘﺴﻤﺘﻠﻬﺔ : ﺍﻟﻠﻪ ﻳﺒﺎﺭﻙ ﺑﻴﺞ ...
: ﺗﻌﺎﻟﻲ ﺍﺗﻌﺸﻲ ..
ﺑﺎﻭﻋﺖ ﻋﻠﻰ ﺍﻡ ﺭﻋﺪ ﺍﻋﻴﻮﻧﻬﺔ ﺍﻣﻐﻮﺭﻛﻪ ﻋﺎﻓﺘﻨﻪ ﻭﺭﺍﺣﺖ ﺭﺣﺖ ﻟﻠﻤﻄﺒﺦ ﻫﻨﺎﺀ ﻋﺎﺯﻟﺘﻠﻲ ﻣﻦ ﺍﻟﻌﺸﻪ ﺍﻣﻜﻠﻴﻦ ﻛﺒﻪ ﻭﻛﺒﺎﺏ ﻛﻌﺪﺕ ﺍﻛﻞ ﻭﺍﻧﻲ ﻓﺮﺣﺎﻧﻪ ﻭﺧﺎﻳﻔﻪ ﺑﻨﻔﺲ ﺍﻟﻮﻛﺖ ﻋﻠﻰ ﺭﻋﺪ ....
ﻣﺮ ﺍﺳﺒﻮﻉ ﻭﺷﻬﺮ ﻭﺍﻧﻲ ﺍﺑﻴﺖ ﺍﻋﻴﺎﻟﻲ ﺍﻡ ﺭﻋﺪ ﻣﻌﺎﻣﻠﺘﻬﺔ ﻭﻳﺎﻳﻪ ﺯﻳﻨﻪ ﺭﻋﺪ ﻛﻞ ﻳﻮﻣﻴﻪ ﻳﺨﺎﺑﺮﻧﻲ ﺑﻠﻴﻞ ﻧﺺ ﺳﺎﻋﻪ ﻭﻳﺴﺪﻩ ﻣﻜﺘﻠﻪ ﻋﻠﻰ ﺣﻤﻠﻲ ﻣﺘﺎﺗﻨﻴﺘﻪ ﻳﺮﺟﻊ ﺑﻠﺴﻼﻣﻪ ﻭﺳﻮﻳﻬﺔ ﻣﻔﺎﺟﺌﻪ ﺍﻟﻪ ﺑﻄﻨﻲ ﻛﺒﺮﺍﻧﻲ ﻏﻴﺮ ﺑﺬﺍﻛﻪ ﺣﻤﻠﻲ ﺫﺍﻙ ﺣﻤﻠﻲ ﺑﺸﻬﺮ ﺍﻟﺜﺎﻧﻲ ﺑﻄﻨﻲ ﻣﻤﺴﻮﺣﻪ ﺑﺲ ﻫﺴﺔ ﺑﻄﻨﻲ ﺍﻣﺒﻴﻨﻪ ..
ﺧﺎﺑﺮﻧﻲ ﺭﻋﺪ ﺑﻠﻴﻞ ﻭﻛﻠﻲ ﺑﺎﺟﺮ ﺍﻟﺼﺒﺢ ﺍﻧﻲ ﻳﻤﺞ ﻛﻤﺖ ﻭﺍﻧﻲ ﻓﺮﺣﺎﻧﻪ ﺭﺣﺖ ﺍﻟﻐﺮﻓﺖ ﻫﻨﺎﺀ ﺩﻛﻴﺘﻬﺔ ...
: ﻫﺎ ﺳﻠﻤﻰ ﻣﺤﺘﺎﺟﻪ ﺷﻲ ..
: ﺍﻱ ﺗﻌﺎﻟﻲ ﺣﻔﻴﻔﻲ ﻭﺟﻬﻲ ﺭﻋﺪ ﺑﺎﺟﺮ ﺍﻟﺼﺒﺢ ﻳﻨﺰﻝ ...
: ﻳﻤﻪ ﺍﻟﺤﺐ ﻳﻤﻪ ...
: ﻫﻬﻬﻬﻪ ﻳﻠﻪ ﺗﻌﺎﻟﻲ ﺣﺒﺎﺑﻪ ...
: ﺭﻭﺣﻲ ﻗﺒﻠﻲ ﺍﺟﻴﺐ ﺍﻟﺨﻴﻂ ﻭﺍﻟﻤﻠﻘﻂ ﻭﺟﻴﺞ ..
ﺭﺣﺖ ﻟﻠﻐﺮﻓﻪ ﺍﺗﺎﻧﻴﻬﺔ ﺍﺟﺘﻲ ﺑﻠﺸﺖ ﺍﺗﺤﻒ ﺣﻮﺍﺟﺒﻲ ﻭﻭﺟﻬﻲ ﺍﻳﺪﻫﺔ ﺧﻔﻴﻔﻪ ﺍﺑﺴﺮﻋﻪ ﻛﻤﻠﺘﻨﻲ ﻛﺎﻣﺖ ﻃﻠﻌﺘﻠﻲ ﻣﺎﺳﻜﺎﺕ ﻭﺗﻨﻀﻒ ﺍﺑﻮﺟﻬﻲ ﻛﻤﻠﺖ ﻭﻛﻤﺖ ﺑﻠﺸﺖ ﺑﺠﺴﻤﻲ ﺷﻴﺮﻩ ....
: ﻳﻠﻪ ﻛﻤﻠﻨﻪ ﻛﻮﻣﻲ ﻃﺒﻲ ﺳﺒﺤﻲ ﻳﻌﺮﻭﺱ ....
: ﻋﻴﻨﺞ ﻋﻠﻰ ﻣﺮﺗﻀﻰ ﻭﺳﻤﺮ ...
: ﺍﻱ ﺩﻛﻮﻣﻲ ..
ﻛﻤﺖ ﻃﻠﻌﺘﻠﻲ ﻣﻼﺑﺲ ﻭﻃﺒﻴﺖ ﺍﺳﺒﺢ ﻭﺍﻧﻲ ﻓﺮﺣﺎﻧﻪ ﻃﻠﻌﺖ ﻛﻌﺪﺕ ﺍﻣﺸﻂ ﺷﻌﺮﻱ ﺳﻮﻳﺘﻪ ﺿﻔﻴﺮﻩ ﺧﻠﻴﺖ ﺷﺎﻝ ﻋﻠﻰ ﺭﺍﺳﻲ ﻭﺭﺣﺖ ﻟﻐﺮﻓﺖ ﻫﻨﺎﺀ ﺩﻛﻴﺘﻬﺔ ﻃﻠﻌﺘﻠﻲ ...
: ﺟﻴﺒﻴﻠﻲ ﺍﻟﺠﻬﺎﻝ ﺧﻠﻲ ﺍﻧﻮﻣﻬﻢ ..
: ﻳﻠﻪ ﻣﺮﺗﻀﻰ ﺳﻤﺮ ﺗﻌﺎﻟﻮ ...
ﺍﺧﺬﺗﻬﻢ ﻭﻃﺒﻴﺖ ﻟﻠﻐﺮﻓﻪ ﻧﻴﻤﺘﻬﻢ ﻭﻛﻌﺪﻭ ﻳﺴﻮﻟﻔﻮﻟﻲ ﻋﻠﻰ ﻳﻮﻣﻬﻢ ﻣﺮﺗﻀﻰ ﻛﻼﻣﻪ ﺍﻓﺘﻬﻢ ﻣﻨﻪ ﻻﻥ ﻋﻤﺮﻩ 4 ﺳﻨﻮﺍﺕ ﺍﻣﺎ ﺳﻤﺮ ﻛﻼﻣﻬﺔ ﻧﺺ ﻳﻨﻔﻬﻢ ﻭﻧﺺ ﻻ ....
: ﻣﺎﻣﻪ ﺗﺪﺭﻳﻦ ﻋﻤﻮ ﻣﺼﻄﻔﻰ ﺍﺳﻮﻩ ﺑﻠﻐﺮﻓﻪ ﻟﻤﻦ ﺟﻨﻪ ﺍﻫﻨﺎﻙ ...
: ﻟﻴﺶ ﺍﺳﻮﻩ ..
: ﺑﺎﺱ ﺧﺎﻟﻪ ﻫﻨﺎﺀ ﻣﻦ ﺣﻠﻜﻬﺔ ﻭﺣﻀﻨﻬﺔ ...
: ﺍﺳﻜﺖ ﻟﻚ ﻋﻴﺐ ﺑﻌﺪ ﻟﺘﺪﺧﻞ ﻳﻤﻬﻢ ﻭﻟﺘﺤﺠﻲ ﻟﺤﺪ ...
ﻫﺰ ﺭﺍﺳﻪ ﻭﻫﻮﺓ ﺧﺎﻝ ﺍﻳﺪﻩ ﻋﻠﻰ ﺣﻠﻜﻪ ﻣﺜﻞ 🤭 ﺟﺮﻳﺘﻪ ﻭﺑﺴﺘﻪ ....
: ﻳﻠﻪ ﻧﺎﻡ ﺣﺘﻪ ﺑﺎﺟﺮ ﺗﻜﻌﺪ ﻭﺗﻠﻜﻪ ﺑﺎﺑﻪ ﻛﺪﺍﻣﻚ ...
: ﻳﻌﻨﻲ ﺑﺎﺑﻪ ﺑﺎﺟﺮ ﻳﻴﺠﻲ ...
: ﺍﻱ ﻳﻠﻪ ﻧﺎﻡ ...
ﻏﻤﺾ ﺍﻋﻴﻮﻥ ﻭﺑﻌﺪﻳﻦ ﺭﺩ ﻓﺘﺤﻬﻦ ...
: ﻣﺎﻣﻪ ﺑﺎﺑﻪ ﻫﻢ ﻳﺒﻮﺳﺞ ﻣﺜﻞ ﻋﻤﻮ ﻣﺼﻄﻔﻰ ﻳﻤﻦ ﻳﺒﻮﺱ ﺧﺎﻟﻪ ﻫﻨﺎﺀ ....
: ﻭﻟﻚ ﺍﺳﻜﺖ ﻋﻴﺐ ﻻ ﺗﺤﺠﻲ ﻛﺪﺍﻡ ﺍﺣﺪ ﻫﻴﺞ ﻧﺎﻡ ﻳﻠﻪ ﻧﺎﻡ ﺑﺎﻭﻉ ﺍﺧﺘﻚ ﺳﻤﺮ ﻧﺎﻣﺖ ﻭﻧﺘﻪ ﺑﻌﺪﻙ ....
ﺷﻔﺖ ﺣﺒﻚ ﺃﺟﺎﻧﻲ ﻭﺷﺎﻳﻞ ﺍﺷﻮﺍﻙ 😻
ﻳﺪﻙ ﺑﺎﺏ ﺍﻟﮕﻠﺐ ﻭﻳﻜﻮﻝ ﺃﺣﺒﻚ ️❤
ﻳﻞ ﻃﻮﻟﻚ ﺣﻠﻮ ﻭﺑﺮﺳﻤﻚ ﺍﺣﺘﺎﺭﻳﺖ 🤔
ﻭﻳﺎ ﻭﺟﻪ ﺍﻟﮕﻤﺮ ﻳﺎﻫﻮ ﺍﻟﻴﺮﺳﻤﻚ 🙃
ﺩﺍﺭ ﺑﺎﻭﻉ ﻋﻠﻴﻬﺔ ﻭﺭﺩ ﺑﺎﻭﻉ ﻋﻠﻴﻪ ﻫﺰ ﺭﺍﺳﻪ ﻭﻏﻤﺾ ﻋﻴﻨﻪ ﻏﻤﻀﺖ ﻋﻴﻮﻧﻲ ﻭﺍﻧﻲ ﻣﺘﺎﻣﻠﺔ ﻳﻴﺠﻲ ﺑﺎﺟﺮ ﻭﺷﻮﻑ ﺭﻋﺪ ﻭﺷﻢ ﻋﻄﺮﻩ ﻣﻜﺪﺭﺕ ﺍﻧﺎﻡ ﺍﻟﻪ ﺳﺎﻋﻪ ﺑﻞ 4 ﻧﻤﺖ ﻣﻜﻌﺪﺕ ﺑﺲ ﻋﻠﻰ ﺣﻈﻦ ﻭﻧﻔﺲ ﺑﺮﻛﺒﺘﻲ ﺩﺍﻓﻲ ﻓﺘﺤﺖ ﻋﻴﻮﻧﻲ ﻭﺍﻧﻲ ﻣﺒﺘﺴﻤﻪ ﺑﺎﻭﻋﺖ ﻣﺤﺎﻭﻁ ﺧﺼﺮﻱ ﻭﺩﺍﺣﺲ ﻭﺟﻬﺔ ﺑﺮﻛﺒﺘﻲ ﻫﻮﺓ ﺣﺲ ﻋﻠﻴﻪ ﺭﻓﻊ ﺭﺍﺳﻪ ....
: ﺻﺒﺎﺡ ﺍﻟﺨﻴﺮ ﻳﺤﻠﻮ ...
: ﺻﺒﺎﺡ ﺍﻟﻨﻮﺭ ﻳﻌﺴﻞ ...
: ﺍﺷﻠﻮﻧﺞ ..
: ﺍﻟﺤﻤﺪ ﺍﻟﻠﻪ ﺍﻧﺘﻪ ﺍﺷﻠﻮﻧﻚ ﻣﺸﺘﺎﻗﺘﻠﻚ ﺣﻴﻴﻴﻴﻞ ...
: ﺍﻟﺤﻤﺪ ﺍﻟﻠﻪ ﻭﺍﻧﻲ ﻫﻢ ﻣﺸﺘﺎﻗﻠﺞ ﻣﻮﻭﻭﻭﺕ ...
: ﻫﻬﻬﻬﻪ ﻟﻴﺶ ﺍﺗﻘﻠﺪﻧﻲ ...
: ﺍﻧﺘﻲ ﻛﻠﺘﻲ ﺣﻴﻴﻞ ﻭﺍﻧﻲ ﻛﻠﺖ ﻣﻮﺕ ﻭﻳﻦ ﺍﻣﻘﻠﺪﺝ ...
: ﺍﻣﻤﻢ ﺑﻜﻠﻤﺖ ﻣﺸﺘﺎﻗﻠﺞ ....
: ﻫﻬﻬﻪ ﺷﻮ ﺗﻌﺎﻟﻲ ﺍﺷﻮ ﻣﺤﻠﻮﻩ ﺑﻔﺮﺍﻛﻲ ﻭﺻﺎﻳﺮ ﻋﻨﺪﺝ ﻛﺮﺵ ..
: ﻫﻬﻬﻬﻪ ﻫﺎﻱ ﺍﻟﻜﺮﻭﺷﻪ ﺍﻟﻬﺔ ﻗﺼﻪ ﺑﺲ ﻣﻮ ﻫﺴﻪ ﺍﺣﺠﻴﻠﻚ ﻋﻠﻴﻬﺔ ﺑﻌﺪﻳﻦ ..
: ﻗﺼﻪ ..
ﺑﺎﻭﻉ ﻋﻠﻴﻬﺔ ﺯﻳﻦ ﻭﺧﻠﻪ ﺍﻳﺪﻩ ﻋﻠﻴﻬﺔ ﺭﻓﻊ ﺭﺍﺳﻪ ﻭﻟﻤﻌﻪ ﺑﻌﻴﻨﻪ ...
: ﺻﺢ ﺍﻟﻲ ﺍﺑﺎﻟﻲ ...
: ﻫﻬﻬﻪ ﻭﺷﻨﻮ ﺍﻟﻲ ﺍﺑﺎﻟﻚ ...
: ﺣﺎﻣﻞ ..
: ﻫﻬﻬﻬﻪ ﺍﻱ ..
ﺣﻀﻨﻲ ﺣﻀﻨﻪ ﻗﻮﻳﻪ ﺍﺑﺘﻌﺪ ﻋﻨﻲ ﻭﺑﺎﺳﻨﻲ ﻣﻦ ﺍﺷﻔﺎﻳﻔﻲ ﺍﺑﺘﻌﺪ ﻋﻨﻲ ﻭﺍﻟﺒﺴﻤﻪ ﺑﺸﻔﺎﻳﻔﻪ ...
: ﺑﻴﺎ ﺷﻬﺮ ..
: ﺣﺴﺐ ﺣﺴﺎﺑﻲ ﺍﻟﺜﺎﻧﻲ ..
ﻋﻜﺪ ﺣﺎﺟﺒﻪ ﺑﺎﻭﻉ ﻋﻠﻰ ﺑﻄﻨﻲ ﻭﺭﺟﻊ ﻧﺎﺿﺮﻧﻲ ..
: ﻣﺘﺄﻛﺪﻩ ...
: ﺍﻱ ﻭﺍﻟﻠﻪ ﺑﺲ ﺑﻬﺬﻩ ﺣﻤﻠﻲ ﺑﻄﻨﻲ ﻛﺒﺮﺍﻧﻪ ﺍﺯﻳﺎﺩﻩ ...
: ﻛﻮﻣﻲ ﺧﻠﻲ ﺍﻭﺩﻳﺞ ﻟﻠﺪﻛﺘﻮﺭﻩ ..
: ﻳﺎ ﺍﺻﺒﺮ ﻟﻠﻌﺼﺮ ﺧﻠﻲ ﺍﻛﻠﻲ ﻟﻜﻤﻪ ﺍﻧﺘﻪ ﺍﺭﺗﺎﺡ ..
: ﻛﻮﻣﻲ ﺍﺗﺮﻳﻜﻲ ﻭﺧﻠﻲ ﺍﻧﺮﻭﺡ ﺍﻟﺤﻚ ﺍﺭﺗﺎﺡ ﻋﻨﺪﻱ ﺍﺳﺒﻮﻉ ﻛﺎﻣﻞ ...
: ﻣﺎﻛﻞ ...
: ﺍﻱ ﻣﺎﻛﻞ ..
ﻛﻤﺖ ﻣﻦ ﻳﻤﻪ ﺑﺎﻭﻋﺖ ﺳﺎﻋﻪ ﺑﻞ 10 ﺍﻟﺠﻬﺎﻝ ﻣﻮ ﻳﻤﻲ ﻏﻴﺮﺕ ﺍﻫﺪﻭﻣﻲ ﻭﻟﺒﺴﺖ ﺍﻟﺸﺎﻝ ﻭﻧﺰﻟﺖ ﻟﻜﻴﺘﻬﻢ ﻛﻠﻬﺔ ﻛﺎﻋﺪﻩ ﺻﺒﺤﺖ ﻋﻠﻴﻬﻢ ﻭﺣﻤﻴﺘﻠﻲ ﺍﻟﺠﺎﻱ ﻭﻃﻜﻴﺘﻠﻲ ﺑﻴﺾ ﻛﻌﺪﺕ ﺍﺗﺮﻳﻚ ﻧﺰﻝ ﺭﻋﺪ ﺳﺎﺑﺢ ﻭﻻﺑﺲ ﺍﻫﺪﻭﻡ ﻃﻠﻪ ﺍﻣﻪ ﺷﺎﻓﺘﻪ ﺭﺍﺳﻦ ﻧﻄﺖ ...
: ﻳﻤﻪ ﻭﻳﻦ ﺭﺍﻳﺢ ﺍﺭﺗﺎﺡ ...
: ﻳﻤﻪ ﺷﻨﻮ ﻣﺸﻮﻓﻴﻦ ﺑﻄﻦ ﺳﻠﻤﻰ ...
: ﻟﻴﺶ ﺍﺷﺒﻴﻬﺔ ..
: ﺣﺎﻣﻞ ﺑﺸﻬﺮ ﺍﻟﺜﺎﻧﻲ ﻭﺑﻄﻨﻪ ﺑﺎﺭﺯﻩ ...
: ﻳﺎ ﻭﻳﻦ ﻳﻤﻪ ﺍﺷﻮ ﺗﻨﺰﻝ ﻛﻠﺸﻲ ﻣﺎﺍﺷﻮﻑ ﻛﻠﻪ ﺗﻠﺒﺲ ﺍﻫﺪﻭﻡ ﺍﻋﺮﺽ ﻣﻦ ﺍﻫﺪﻭﻣﻲ ﺷﻴﺒﻴﻦ ﻣﻦ ﺑﻄﻨﻬﺔ ...
: ﺍﻣﻮﺩﻳﻬﺔ ﻟﻠﺪﻛﺘﻮﺭﻩ ﻳﻠﻪ ﺳﻠﻤﻰ ﻛﻤﻠﺘﻲ ..
: ﺍﻱ ﻛﻤﻠﺖ ..
ﻛﻤﺖ ﺻﻌﺪﺕ ﻟﻠﻐﺮﻓﻪ ﻟﻔﻴﺖ ﺍﻟﺸﺎﻝ ﻋﺪﻝ ﻭﻟﺒﺴﺖ ﺍﻟﻌﺒﺎﻳﻪ ﻧﺰﻟﺖ ﻃﻠﻌﻨﻪ ﺷﻐﻞ ﺳﻴﺎﺭﺗﻪ ﻭﺭﺣﻨﻪ ﺍﻟﻨﻔﺲ ﺍﻟﺪﻛﺘﻮﺭﻩ ﺍﻟﺠﻨﺖ ﺍﺭﺍﺟﻊ ﻳﻤﻪ ﻣﻦ ﺟﻨﺖ ﺣﺎﻣﻞ ﺑﻤﺮﺗﻀﻰ ﻃﺒﻴﻨﻪ ﻟﻠﻌﻴﺎﺩﻩ ﺳﺠﻞ ﺍﺳﻤﻲ ﻃﻠﻌﺖ ﺍﻟﻤﺮﻳﻀﻪ ﻭﺭﺍﻫﺔ ﻃﺒﻴﻨﻪ ...
: ﻫﻼ ﺍﻟﻨﻘﻴﺐ ﺭﻋﺪ ﻋﺎﺵ ﻣﻦ ﺷﺎﻓﻚ ﺍﺷﻠﻮﻧﻚ ﺷﺨﺒﺎﺭﻙ ..
: ﺍﻟﺤﻤﺪ ﺍﻟﻠﻪ ﺩﻛﺘﻮﺭﻩ ﺍﻧﺘﻲ ﺍﺷﻠﻮﻧﺞ ..
: ﺍﻟﺤﻤﺪ ﺍﻟﻠﻪ ﺍﻥ ﺷﺎﺀ ﺍﻟﻠﻪ ﻣﺮﺍﺟﻌﺘﻜﻢ ﺧﻴﺮ ...
: ﻭﺍﻟﻠﻪ ﺩﻛﺘﻮﺭﻩ ﻣﺮﺗﻲ ﺣﺎﻣﻞ ﺑﺸﻬﺮ ﺍﻟﺜﺎﻧﻲ ﻭﺑﻄﻨﻪ ﺑﺎﺭﺯﻩ ﺍﺯﻳﺎﺩﻩ ﻋﻦ ﺍﻟﺰﻭﻡ ﻭﺍﻧﻲ ﺍﻟﻴﻮﻡ ﻳﻠﻪ ﺭﺟﻌﺖ ﻣﻦ ﺍﻟﺠﺒﻬﺔ ...
: ﺯﻳﻦ ﻣﺮﺍﺟﻊ ﻗﺒﻞ ﻏﻴﺮ ﺩﻛﺘﻮﺭﻩ ..
ﺑﺎﻭﻋﻮ ﻋﻠﻴﻪ ﺭﺍﺳﻦ ﻫﺰﻳﺖ ﺭﺍﺳﻲ ﺑﺮﻓﺾ ..
: ﻛﻮﻣﻲ ﻣﺎﻣﻪ ﻧﺎﻣﻲ ﻋﻠﻰ ﺍﻟﺴﺪﻳﻪ ﺧﻠﻲ ﺍﺷﻮﻑ ..
ﻛﻤﺖ ﻧﻤﺖ ﻋﻠﻰ ﺍﻟﺴﺪﻳﻪ ﺧﻠﺖ ﺟﻞ ﻋﻠﻰ ﺑﻄﻨﻲ ﻭﺧﻠﺖ ﺍﻟﺠﻬﺎﺯ ﺿﻠﺖ ﺍﺗﻠﻮﻑ ﺑﻲ ﻭﺑﺴﻤﻪ ﺍﺑﻮﺟﻬﺔ ﺍﺑﺪ ﻣﻨﺰﻟﺖ ﻋﻴﻦ ﻋﻠﻴﻪ ﻭﻋﻴﻦ ﻋﻠﻰ ﺍﻟﺠﻬﺎﺯ ..
: ﺭﻋﺪ ﻻ ﺍﺗﺨﺎﻑ ﻋﻠﻰ ﻣﺮﺗﻚ ﺭﺣﻤﻬﺔ ﻗﻮﻱ ﻭﺻﺤﺖ ﺍﻟﺒﻴﺒﻲ ﺍﻟﻌﻔﻮ ﻗﺼﺪﻱ ﺍﻟﺘﺆﺍﻡ ﺍﺑﺨﻴﺮ ..........
»»»»»»»»» ﻣﻬﺎ 🥀🠾񐅀🥀 ﺍﻟﻤﻨﺪﻻﻭﻱ «««««««««