ﺍﻟﻨﻘﻴﺐ ﻭﺍﻟﺮﺍﻗﺼﻪ
ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
ﺑﺎﺭﺕ ﺍﻟﺜﺎﻧﻲ ﻭﺍﻟﻌﺸﺮﻭﻥ
<<<<<<< ﻣﻬﺎ ﺍﻟﻤﻨﺪﻻﻭﻱ >>>>>>
ﺷﺒﻌﺘﻚ ﺗﻮﺍﺿﻊ ﺭﺩﺕ ﺍﻏﺰﺭ ﺑﻴﻚ
ﻭﺗﺎﻟﻴﻪ ﺑﻐﺮﻭﺭﻙ ﺯﺍﺩﻱ ﺗﻨﻜﺮﻩ
ﻭﺍﻟﻤﺸﺎﻋﺮﻟﻠﺤﻔﻆ ﻣﻮ ﻟﻠﻌﺐ ﻳﻔﻼﻥ
ﻣﺎﺗﻌﺮﻑ ﺗﺤﺐ ﺍﺣﺴﺎﺳﻲ ﻻﺗﻜﺴﺮﻩ
ﺍﻧﺪﺍﺭﻳﺖ ﺣﺘﻪ ﺍﻭﺍﺻﻞ ﻃﺮﻳﻘﻲ ﻟﻠﻤﺠﻬﻮﻝ ﻭﺟﺎﻥ ﺍﻧﺼﺪﻡ ﻭﺍﻧﻲ ﺍﺷﻮﻑ ﺍﻟﻤﺼﻴﺒﻪ ﺍﻟﻜﺪﺍﻣﻲ ﻻ ﻳﺎﺭﺑﻲ ﺭﻋﺪ ﻻﺯﻣﻪ ﺍﺧﻮ ﻣﺼﻄﻔﻰ ﻭﻳﻄﻮﻃﺢ ﺑﺲ ﺑﻌﻴﺪﻳﻦ ﺍﻧﺘﺒﻬﻠﻲ ﻣﺼﻄﻔﻰ ﻭﻋﺎﻑ ﺭﻋﺪ ﻭﺟﻪ ﻳﺮﻛﺾ ﺳﻴﺎﺭﺕ ﺭﻋﺪ ﻃﺎﺑﻜﻬﺔ ﺍﺑﺼﻒ ﺍﻟﺒﺎﺏ ﺟﺮﻧﻲ ﻣﻦ ﺍﻳﺪﻱ ﻭﺩﻓﻌﻨﻲ ﺑﻠﻔﺮﻉ ﺍﻟﻲ ﺻﺎﻳﺮ ﺑﻴﻦ ﺍﻟﺴﻴﺎﺭﻩ ﻭﺣﺎﻳﻂ ﺍﻟﺒﻴﺖ ..
: ﻛﻨﺒﺼﻲ ﻭﻻ ﺍﺗﺨﻠﻲ ﻳﺸﻮﻓﺞ ..
ﻛﻨﺒﺼﺖ ﻭﺍﻧﻲ ﺍﺑﺎﻭﻉ ﻋﻠﻰ ﺭﻋﺪ ﻳﻄﻮﻃﺢ ﻭﻣﺸﺎﻳﻒ ﺩﺭﺑﻪ ﻭﻳﻦ ﻭﺑﺲ ﻳﺤﺠﻲ ﺑﺼﻮﺕ ﻋﺎﻟﻲ ﻭﻣﺼﻄﻔﻰ ﻳﺴﻜﺖ ﺑﻲ ..
: ﺍﺳﻜﺖ ﻳﻤﻌﻮﺩ ﻓﻀﺤﺘﻨﻪ ﻣﻨﺎ ﺍﻟﻤﻨﻄﻘﻪ ﻻﻳﻜﻌﺪ ﺍﺣﺪ ﻭﻳﺸﻮﻓﻚ ﺑﻬﺬﻩ ﺣﺎﻟﻚ ..
: ﻣﺼﻄﻔﻰ ﺍﺣﺒﻬﺔ ﺑﺲ ﻣﻮ ﺑﻴﺪﻱ ﻣﺠﺒﻮﺭ ﺍﺯﻭﺟﻬﺔ ﻭﺍﻟﻠﻪ ﺍﻟﻌﻈﻴﻢ ﺩﺧﻠﺖ ﻋﻠﻰ ﺳﻨﺎﺀ ﻭﺍﻧﻲ ﺍﺗﺨﻴﻠﻬﺔ ﺳﻠﻤﻰ ..
: ﻭﻟﻚ ﺍﺷﺶ ﻛﺎﻓﻲ ﻻﺗﺤﺠﻲ ﺑﻌﺪ ﺳﺪﻩ ﺍﻟﺤﻠﻜﻚ ..
ﺧﻠﻪ ﻣﺼﻄﻔﻰ ﺍﻳﺪﻩ ﻋﻠﻰ ﺣﻠﻚ ﺭﻋﺪ ﻭﻳﻤﺸﻲ ..
: ﺍﻣﺸﻲ ﻋﺎﺩ ﻳﻤﻌﻮﺩ ﺣﺪﻓﺮﻙ ﺍﻭﺻﻠﻚ ﻟﻠﺒﺎﺏ ﺍﻣﺸﻲ ﺭﻭﺡ ﺍﺻﻌﺪ ﺍﻟﻐﺮﻓﺘﻚ ﻻ ﺍﺗﺮﻭﺡ ﻟﺴﻠﻤﻰ ﻓﻬﻤﺖ ﺍﻟﻐﺮﻓﺘﻚ ﻳﻢ ﺳﻨﺎﺀ ..
: ﺍﻱ ﻓﻬﻤﺖ ﺩﺳﻜﺖ ﻋﺎﺩ ..
ﻃﺒﺐ ﺭﻋﺪ ﻭﺭﺟﻌﻠﻲ ..
: ﻛﻮﻣﻲ ﺷﻨﻮ ﻫﻠﺠﻨﻂ ﻭﻳﻦ ﺍﻣﻮﻟﻴﻪ ..
: ﺍﺑﺪﺍﻋﺖ ﺍﺑﻨﻚ ﺳﺠﺎﺩ ﺍﺗﻌﻮﻓﻨﻲ ﺍﺭﻭﺡ ..
ﺭﺍﺩ ﻳﺎﺧﺬ ﻣﻨﻲ ﺍﻟﺠﻨﻄﻪ ﺭﺍﺳﻦ ﺳﺤﺒﺘﻬﺔ ﻭﺧﻠﻴﺘﻬﺔ ﻭﺭﻩ ﺿﻬﺮﻱ ..
: ﻋﻠﻴﻚ ﺍﻟﻠﻪ ﻋﻮﻓﻨﻲ ..
: ﻭﺍﻟﻠﻪ ﻋﺎﻳﻔﺞ ﺑﺲ ﺍﻧﻄﻴﻨﻲ ﺍﻟﺠﻨﻂ ﺍﺷﻴﻠﻬﻦ ﻋﻨﺞ ..
ﺍﻧﻄﻴﺘﻪ ﺍﻟﺠﻨﻂ ﻭﺍﻧﻲ ﻣﺘﺮﺩﺩﻩ ﻭﺧﺎﻳﻔﻪ ﻻ ﻣﻴﺨﻠﻴﻨﻲ ﺍﺭﻭﺡ ﺍﺧﺬﻫﻦ ﻣﻨﻲ ﻭﺭﺍﺡ ﻳﻤﺸﻲ ﻗﺒﻠﻲ ﺭﺣﺖ ﻟﺤﻜﺘﻪ ..
: ﻭﻫﺴﻪ ﻭﻳﻦ ﺗﺮﺩﻳﻦ ﺍﺗﺮﻭﺣﻴﻦ ..
: ﻣﺎﺩﺭﻱ ..
ﺭﺍﺳﻦ ﻭﻛﻒ ﻭﺑﺎﻭﻉ ﻋﻠﻴﻪ ..
: ﺻﺪﻙ ﺗﺤﺠﻴﻦ ﺍﻣﺠﻬﺰﻩ ﻧﻔﺴﺞ ﻭﺗﺮﺩﻳﻦ ﺗﻨﻬﺰﻣﻴﻦ ﻭﻣﺘﻌﺮﻓﻴﻦ ﻭﻳﻦ ﺭﺍﻳﺤﻪ ..
: ﺍﻧﻄﻴﻨﻲ ﺍﻟﺠﻨﻂ ﺍﻧﻲ ﺍﺿﻞ ﺍﻣﺸﻲ ﻭﻫﻴﻪ ﺗﺼﻔﻪ ..
: ﺍﻧﺘﻲ ﺍﻣﺨﺒﻠﻪ ﺗﺮﺩﻳﻨﻲ ﺍﻋﻮﻓﺞ ﻭﺍﻧﻲ ﻣﺎﺩﺭﻱ ﻭﻳﻦ ﺭﺍﻳﺤﻪ ﺍﻣﺸﻲ ﺧﻠﻲ ﺍﺷﻮﻑ ﻭﻳﻦ ﺍﻭﺩﻳﺞ
ﺿﻠﻴﺖ ﺍﻣﺸﻲ ﻭﺍﻩ ﻭﺍﻧﻲ ﺍﻻﻟﻢ ﺍﻟﻲ ﺍﺑﻀﻬﺮﻱ ﺻﺎﺭ ﺍﺑﻄﻨﻲ ﻫﻢ ﺍﺷﻮﻳﻪ ﺍﺷﻮﻳﻪ ﻛﺎﻡ ﻳﺰﻳﺪ ﺍﻻﻟﻢ ﻛﻤﺖ ﺍﺑﺠﻲ ﻭﻧﺎﺷﻎ ﻣﻨﻪ ﻫﻮﺓ ﻭﻛﻒ ..
: ﺍﺷﺒﻴﺞ ﻟﻴﺶ ﺗﺒﺠﻴﻦ ..
: ﺍﻟﻢ ﺍﺑﻄﻨﻲ ﻭﺿﻬﺮﻱ ..
: ﺧﺮﺏ ﻭﻫﺴﻪ ﺍﺷﻠﻮﻥ ..
ﻛﻌﺪ ﻋﻠﻰ ﺍﻟﺮﺻﻴﻒ ﻭﻻﺯﻡ ﺭﺍﺳﻪ ﻭﺍﻧﻲ ﻭﺍﻛﻔﻪ ﻭﻓﺘﺮ ﻣﻨﺎ ﻭﻣﻨﺎ ﻣﻦ ﺍﻻﻟﻢ ﺍﺷﻮﻳﻪ ﻭﺣﺴﻴﺖ ﺳﺎﺋﻞ ﺩﻳﻨﺰﻝ ﻣﻦ ﺑﻴﻦ ﺭﺟﻠﻴﻨﺎﺗﻲ ﺍﻧﻲ ﺷﻔﺘﻪ ﻟﻮ ﺍﺗﺨﺒﻠﺖ ﺣﺴﺒﺎﻟﻲ ﺍﻟﻄﻔﻞ ﺻﺎﺭﻟﻪ ﺷﻲ ..
: ﻓﺪﻭﻩ ﺍﻟﺤﻜﻨﻲ ﺍﻟﻄﻔﻞ ﺣﻴﻤﻮﺕ ..
: ﻟﺞ ﻳﺎ ﺍﻳﻤﻮﺕ ﺍﻧﺘﻲ ﺟﺎﻱ ﺍﺟﻴﺒﻴﻦ ..
: ﺍﺧﺨﺦ ﻳﻤﻪ ﻟﺤﻜﻴﻠﻲ ﺍﺧﺦ ﺍﺵ ﻳﻤﻌﻮﺩﻩ ﻛﻮﻟﻲ ﻳﺎ ﺍﻟﻠﻪ ﺍﺗﻜﺪﺭﻳﻦ ﺗﻤﺸﻴﻦ ..
ﻫﺰﻳﺘﻠﻪ ﺭﺍﺳﻲ ﻭﺍﻧﻲ ﻻﺯﻣﻪ ﺑﻄﻨﻲ ﻭﻣﻴﺘﻪ ﻭﺟﻊ ﺍﺩﻣﻮﻋﻲ ﺗﻨﺰﻝ ﻭﺣﺪﻩ ﻭﺭﻩ ﺍﻟﺜﺎﻧﻲ ﻛﺎﻡ ﻭﺿﻠﻴﻨﻪ ﻧﻤﺸﻲ ﻭﺻﻞ ﺍﻟﺒﻴﺖ ﺷﻜﻠﻪ ﻗﺪﻳﻢ ﺩﻙ ﺍﻟﺒﺎﺏ ﻭﺍﻧﻲ ﻭﺍﻛﻔﻪ ﻭﺭﺍﻩ ﺍﻟﻮﺏ ﻣﻦ ﺍﻟﻮﺟﻊ ﻃﻠﻌﻠﻪ ﺭﺟﺎﻝ ﺣﺠﻪ ﻭﻳﺎﻩ ﺫﺍﻛﻪ ﻃﺐ ﺭﺍﺳﻦ ﻭﺭﺍﻩ ﻃﻠﻌﺖ ﻣﺮﻩ ..
: ﻓﻮﺗﻲ ﻳﻤﻪ ﻓﻮﺗﻲ ..
ﻓﻮﺗﺘﻨﻲ ﻭﻃﺒﺒﺘﻨﻲ ﺍﻟﻐﺮﻓﻪ ﺿﻠﻴﺖ ﻭﺍﻛﻔﻪ ﺧﺎﻳﻔﻪ ﻟﻴﺶ ﺟﺎﺑﻨﻲ ﺍﻫﻨﺎ ﺍﻟﺨﻮﻓﻪ ﻭﺍﻻﻟﻢ ﺑﻨﻔﺲ ﺍﻟﻮﻛﺖ ﻃﺒﺖ ﺍﻟﻤﺮﻩ ﻭﺷﺎﻳﻠﻪ ﻃﺸﺖ ﻣﻲ ﺣﺎﺭ ﺍﻭ ﻭﺻﻠﻪ ..
: ﻭﺝ ﻳﻤﻪ ﺍﺗﻤﺪﺩﻱ ﺟﺎﻱ ﺍﺟﻴﺒﻴﻦ ..
: ﺧﺎﻟﻪ ﺧﺎﻳﻔﻪ ..
: ﻻ ﻳﻤﻪ ﻛﻠﺸﻲ ﻣﺎﻛﻮ ﺗﻌﺎﻱ ﺍﺗﻤﺪﺩﻱ ..
ﺗﻤﺪﺩﺕ ﻭﻣﻨﺎ ﺍﻟﻢ ﺍﻟﺠﻴﺎﺑﻪ ﻭﻣﻨﺎ ﻗﻬﺮﻱ ﻭﻧﺎﺭ ﻛﻠﺒﻲ ﻃﻠﻌﺘﻬﺔ ﺑﻠﺼﺮﺍﺥ ﻭﺭﻩ ﻣﻌﺎﻧﺎﺕ ﻟﻨﺺ ﺳﺎﻋﻪ ﻧﻮﺭ ﺩﻧﻴﺘﻲ ﺣﺒﻴﺒﻲ ﻣﺮﺗﻀﻰ ﻟﻔﺘﻪ ﻭﻧﻄﺘﻨﻴﺎ ﺧﻠﻴﺘﻪ ﺑﺤﻀﻨﻲ ﻭﺍﻧﻲ ﺍﺷﻢ ﺑﻲ ﺃﻩ ﻳﺎﺑﻌﺪ ﻛﻞ ﻣﻌﺎﻧﺎﺗﻲ ﻭﺧﻴﺮﻥ ﻃﻠﻌﺖ ﻭﻧﻮﺭﺕ ﺣﻴﺎﺗﻲ ﺍﻟﻘﺎﺑﻠﻪ ﻧﻀﻔﺘﻨﻲ ﻭﻛﺎﻣﺖ ..
: ﻳﻤﻪ ﻛﻮﻣﻲ ﺭﺿﻌﻲ ..
ﻃﻠﻌﺖ ﺻﺪﺭﻱ ﻭﺍﻟﻘﺎﺑﻠﻪ ﻭﻳﺎﻳﻪ ﺍﺗﻌﻠﻤﻨﻲ ﺍﺷﻠﻮﻥ ﺍﺭﺿﻌﻪ ﺍﻭﻝ ﻣﺤﻄﻴﺘﻪ ﺑﺤﻠﻜﻪ ﻛﻌﺪ ﻳﺮﺿﻊ ﻗﻮﻱ ﺭﺍﺣﺖ ﺍﻟﻤﺮﻩ ﻭﺟﺎﺑﺘﻠﻲ ﺗﻤﺮ ..
: ﻫﺎﺝ ﻳﻤﻪ ﺍﻛﻠﻲ ﻫﻠﻲ ﻳﻨﺰﻟﻪ ﺣﻠﻴﺐ ﻳﺴﻨﺪ ﺍﻟﻜﻠﺐ ..
ﺍﺧﺬﺕ ﻣﻨﻪ ﻭﻛﻌﺪﺕ ﺍﻛﻞ ﻭﺍﻧﻲ ﺻﺎﻓﻨﻪ ﺑﻤﻼﻣﺢ ﺣﺒﻴﺒﻲ ﻧﺴﻴﺖ ﻣﺼﻄﻔﻰ ..
: ﺧﺎﻟﻪ ﺍﻟﺮﺟﺎﻝ ﺍﻟﺠﺎﺑﻨﻲ ﻭﻳﻨﻪ ..
: ﻳﻤﻪ ﺍﺟﺎﻩ ﺍﺗﺼﺎﻝ ﻭﻛﺎﻝ ﻻﺑﻨﻲ ﺍﻧﺨﻠﻴﺞ ﻳﻤﻨﻪ ﺍﻟﺠﻢ ﻳﻮﻡ ﻭﺭﺍﺡ ﻣﺴﺘﻌﺠﻞ ..
: ﺧﺎﻟﻪ ﺍﺧﺎﻑ ﺍﺛﻜﻞ ﻋﻠﻴﻜﻢ ..
: ﻻ ﻳﻤﻌﻮﺩﻩ ﺍﺷﺠﺎﻱ ﺗﺤﺠﻴﻦ ﺍﻛﻌﺪﻱ ﻭﺣﺴﺒﻲ ﺍﻟﺒﻴﺖ ﺑﻴﺘﺞ ﻫﻮﺓ ﺑﺲ ﺍﻧﻲ ﻭﻫﻠﻮﻟﺪ ﺑﻠﺒﻴﺖ ﻭﻟﻮﻟﺪ ﺑﻠﻨﻬﺎﺭ ﺑﻠﺸﻐﻞ ﻭﻣﻴﺮﺟﻊ ﺍﻟﻪ ﺑﻠﻴﻞ ﻋﻠﻰ ﺍﻻﻗﻞ ﺍﺗﻜﻌﺪﻳﻦ ﻳﻤﻲ ..
: ﺧﺎﻟﻪ ﻭﺍﻟﻠﻪ ﺍﻟﻜﻼﻡ ﺿﺎﻉ ﻣﻨﻲ ﻫﻢ ﺍﻛﻮ ﺑﻌﺪ ﺑﻬﻠﺪﻧﻴﻪ ﻧﺎﺱ ﺑﻬﻠﻄﻴﺒﻪ ..
: ﻳﻤﻪ ﺍﻛﻮ ﺑﺲ ﺍﻟﻲ ﻳﻨﻌﺪﻭﻥ ﺑﻼﺻﺎﺑﻊ ..
ﻛﺎﻣﺖ ﻋﻨﻲ ﺟﺎﺑﺘﻠﻲ ﺍﻓﺮﺍﺵ ﻭﻓﺮﺷﺘﻠﻲ ..
: ﻳﻤﻪ ﻛﻮﻣﻲ ﻧﺎﻣﻲ ..
: ﺗﺴﻠﻤﻴﻦ ﺧﺎﻟﻪ ..
: ﺍﻟﻠﻪ ﻳﺴﻠﻤﺞ ..
ﺍﺧﺬﺕ ﺍﻟﻄﻔﻞ ﻣﻨﻲ ﻭﺭﺗﻜﺰﺕ ﻋﻠﻰ ﺍﻟﺤﺎﻳﻂ ﻋﻨﺪﻱ ﺍﻻﻡ ﺑﺲ ﺧﻔﻴﻔﻪ ﺭﺣﺖ ﻧﻤﺖ ﺑﻠﻔﺮﺍﺵ ﺭﺍﺣﺖ ﺟﺎﺑﺘﻠﻲ ﺍﻟﺠﻨﻂ ﻃﻠﻌﺖ ﻣﻦ ﺍﻟﺠﻨﻄﻪ ﻏﻄﻪ ﻟﻤﺮﺗﻀﻰ ﻟﻔﻴﺘﻪ ﺑﻲ ﻭﻧﻴﻤﺘﻪ ﻳﻤﻲ ﻧﻤﺖ ﻭﺍﻧﻲ ﺍﻓﻜﺮ ﺑﺮﻋﺪ ﺑﺎﺟﺮ ﺍﻟﺼﺒﺢ ﻟﻤﻦ ﻳﻜﻌﺪ ﻭﻳﺸﻮﻓﻨﻲ ﻣﺎﻛﻮ ﺷﺮﺍﺡ ﻳﺴﻮﻱ ﻣﻦ ﻛﺜﺮ ﺍﻟﺘﻔﻜﻴﺮ ﻭﺍﻟﺘﻌﺐ ﻧﻤﺖ ﻛﻌﺪﺕ ﺛﺎﻧﻲ ﻳﻮﻡ ﺍﻟﺼﺒﺢ ﻭﺍﻧﻲ ﺍﻟﻴﻞ ﻛﻠﻪ ﻛﻞ ﺍﺷﻮﻳﻪ ﻭﻛﺎﻋﺪ ﻣﺮﺗﻀﻰ ﻭﻛﻮﻡ ﺍﺭﺿﻌﻪ ﻛﻌﺪﺕ ﺍﻟﺼﺒﺢ ﺑﺎﻭﻋﺖ ﻣﻜﺎﻥ ﺍﻟﻄﻔﻞ ﻣﺎﻫﻮﺓ ﻛﻤﺖ ﻣﺜﻞ ﺍﻟﻤﺨﺒﻠﻪ ﺍﻭﻝ ﺷﻲ ﺧﻄﺮ ﺍﺑﺎﻟﻲ ﻣﺼﻄﻔﻰ ﺍﺟﻪ ﻭﻭﺩﺍﻩ ﺍﻟﺮﻋﺪ ﻛﻤﺖ ﻃﻠﻌﺖ ﻟﻜﻴﺘﻪ ﺑﻴﺪ ﺍﻟﻤﺮﻩ ﺟﺎﻱ ﺍﺗﺒﺪﻟﻪ ..
: ﺧﺎﻟﻪ ﻭﺍﻟﻠﻪ ﻭﻛﻌﺘﻲ ﻛﻠﺒﻲ ﻋﺒﺎﻟﻲ ﺭﺟﻊ ﺍﺧﺬﻩ ..
: ﻳﺎ ﻳﻤﻪ ﻣﻨﻮ ﻳﺎﺧﺬﻩ ﺍﻟﻄﻔﻞ ﻟﻜﻴﺘﻪ ﻛﺎﻋﺪ ﻳﺒﺠﻲ ﻭﻧﺘﻲ ﻧﺎﻳﻤﻪ ﺗﻌﺒﺎﻧﻪ ﺍﺧﺬﺗﻪ ﻣﻦ ﻳﻤﺞ ﺣﺘﻪ ﺗﺮﺗﺎﺣﻴﻦ ﺑﻠﻨﻮﻡ ..
ﺭﺣﺖ ﻋﻠﻴﻬﺔ ﺑﺴﺘﻬﺔ ﻣﻦ ﺭﺍﺳﻪ ..
: ﺍﺳﻔﻪ ﺑﺲ ﻭﺍﻟﻠﻪ ﻣﻦ ﻭﺭﻩ ﺩﻧﻴﺘﻲ ﻛﻤﺖ ﺍﺧﺎﻑ ﻣﻦ ﺭﻭﺣﻲ ..
: ﺗﻌﺎﻱ ﺍﺗﺮﻳﻜﻲ ..
ﻛﻌﺪﺕ ﺍﺗﺮﻳﻚ ﺍﻧﻄﺘﻨﻲ ﻣﺮﺗﻀﻰ ﺣﺘﻪ ﺍﺭﺿﻌﻪ ﻛﻤﺖ ﻃﺒﻴﺖ ﻟﻠﻐﺮﻓﻪ ﻭﺭﺿﻌﻪ ...
ﻣﺮﺕ ﺳﺖ ﺍﺷﻬﺮ ﻭﺍﻧﻲ ﻋﺎﻳﺸﻪ ﻳﻢ ﺍﻡ ﻋﻠﻰ ﻣﺮﻩ ﻛﻠﺶ ﻓﻘﻴﺮﻩ ﻋﺎﻳﺸﻪ ﻋﻠﻰ ﺍﻟﺨﺒﺰ ﺍﻟﻲ ﺗﺒﻴﻌﻪ ﻭﺍﺑﻨﻬﺔ ﻋﻠﻲ ﺍﻟﻨﻬﺎﺭ ﻛﻠﻬﺔ ﻳﺸﺘﻐﻞ ﻋﺎﻣﻞ ﺑﺎﺳﻮﺍﻕ ﻳﻴﺠﻲ ﺑﻞ 9 ﺑﻠﻴﻞ ﺍﻏﻠﺐ ﻭﻛﺘﻲ ﻟﻤﻦ ﻳﻴﺠﻲ ﺍﻃﺐ ﻟﻠﻐﺮﻓﻪ ﺍﻭ ﻣﺮﺍﺕ ﺍﻃﻠﻊ ﺍﻛﻌﺪ ﻳﻤﻬﻢ ﺑﺲ ﻛﻼﻡ ﺑﻴﻨﻪ ﻗﻠﻴﻞ ﻋﻠﻰ ﻛﺪ ﺍﻟﺴﻼﻡ . ﺍﻡ ﻋﻠﻲ ﺭﺣﺒﺖ ﺑﻴﻪ ﻭﺑﺸﺪﻩ ﺑﻌﺪ ﻣﺎﺳﻤﻌﺖ ﻗﺼﺘﻲ ﻣﺤﺒﻴﺖ ﺍﻛﻌﺪ ﻳﻤﻬﻢ ﻭﺍﻛﻠﻲ ﻭﺷﺮﺑﻲ ﻋﻠﻴﻬﻢ ﺧﻠﻴﺖ ﺍﻡ ﻋﻠﻲ ﺍﺗﻌﻠﻤﻨﻲ ﺍﺧﺒﺰ ﻛﻤﺖ ﺍﺧﺒﺰ ﻭﻫﻴﻪ ﺍﺗﺒﻴﻌﻪ ﺍﻟﺼﻼﺕ ﺍﻟﺘﺰﻣﺖ ﺑﻴﻬﺔ ﺑﻌﺪ ﻣﻨﻬﺰﻣﺖ ﻣﻦ ﺭﻋﺪ ﻣﺼﻄﻔﻰ ﺍﺧﻮ ﺭﻋﺪ ﻳﻴﺠﻲ ﻛﻞ ﻳﻮﻣﻴﻪ ﺍﺗﻌﻠﻖ ﺑﻤﺮﺗﻀﻰ ﻳﻴﺠﻲ ﺍﻳﺸﻴﻠﻪ ﺍﻟﺤﺪ ﻣﻴﻄﻠﻊ ﻫﻮﺓ ﺍﻣﻌﻠﻚ ﺑﻴﺪﻩ . ﺍﻣﺎ ﻋﻦ ﺍﺧﺒﺎﺭ ﺭﻋﺪ ﺍﺑﺪ ﻣﺎ ﺍﺳﺎﺋﻠﻪ ﻛﻞ ﻣﻴﻴﺠﻲ ﻣﺼﻄﻔﻰ ﺍﺭﻳﺪ ﺍﻃﻠﺐ ﻣﻨﻪ ﺭﻗﻢ ﻫﻨﺎﺀ ﺑﺲ ﺍﺗﺮﺍﺟﻊ ﻻﺧﺮ ﻟﺤﻀﻪ ﺍﺧﺎﻑ ﺭﻋﺪ ﻳﻌﺮﻑ ﻭﺻﻴﺮ ﻣﺸﺎﻛﻞ ﺑﻴﻦ ﺍﻻﺧﻮﻩ ..
ﺑﻴﻮﻡ ﺍﺟﻪ ﻛﻌﺪ ﻭﻻﺯﻡ ﻣﺮﺗﻀﻰ ﻭﻳﻠﻌﺒﻪ ﻭﻣﺮﺗﻀﻰ ﺍﻳﻨﺎﻏﻲ ﻭﻳﻠﻌﺐ ﻭﻳﺎﻩ ..
: ﺍﻣﻢ ﻣﺼﻄﻔﻰ ﺍﺭﻳﺪ ﺭﻗﻢ ﻫﻨﺎﺀ ..
: ﻟﻴﺶ ﻣﺤﺘﺎﺟﻪ ﺷﻲ ..
: ﻫﺎ ﻻ ﺑﺲ ﻣﺸﺘﺎﻗﺘﻠﻬﺔ ..
ﻫﺰ ﺭﺍﺳﻪ ﻭﻧﻄﺎﻧﻲ ﺍﻟﻤﺒﺎﻳﻞ ﺍﺧﺬﺗﻪ ﻭﻭﻃﻠﻌﺖ ﺭﻗﻢ ﻫﻨﺎﺀ ﺣﻔﻀﺘﻪ ﻭﺭﺟﻌﺘﻪ ﺍﻟﻪ ﻛﻤﺖ ﻣﻦ ﻳﻤﻪ ﻭﺧﺬﺕ ﻣﺒﺎﻳﻞ ﺍﻡ ﻋﻠﻲ ﻭﻧﺰﻟﺖ ﺍﻟﺮﻗﻢ ﺑﻲ ﻭﺩﻛﻴﺖ ﻋﻠﻴﻬﺔ ..
: ﺍﻟﻮ ﻣﻨﻮ ﻭﻳﺎﻳﻪ ..
: ﺍﺷﻠﻮﻧﺞ ﻫﻨﺎﺀ ..
: ﺍﻟﻲ ﺟﺎﻱ ﺍﺳﻤﻌﻪ ﺣﻠﻢ ﻭﻻ ﺣﻘﻴﻘﻪ ..
: ﻫﻬﻬﻬﻪ ﻻ ﺣﻘﻴﻘﻪ ..
: ﻭﺝ ﻭﻳﻦ ﺭﺣﺘﻲ ﻭﻫﺠﻴﺘﻲ ﺑﻠﻴﻠﻪ ﺿﻠﻤﻪ ﻛﻠﺒﻮ ﺍﻟﺪﻧﻴﻪ ﻋﻠﻴﺞ ﻭﺭﻋﺪ ﺍﻟﺤﺪ ﻫﺴﺔ ﻳﺪﻭﺭ ﻋﻠﻴﺞ ﻣﺒﻘﻪ ﻣﻜﺎﻥ ﻣﺪﻭﺭﺝ ﺑﻲ ..
ﻫﻴﻪ ﺟﺎﺑﺖ ﺳﻴﺮﺕ ﺭﻋﺪ ﻭﺍﻧﻲ ﺍﺩﻣﻮﻋﻲ ﻏﺮﻛﺖ ﻭﺟﻬﻲ . .
: ﺍﺷﻠﻮﻧﻪ ﺑﻠﻴﺎﻱ ﻫﻢ ﻳﻔﻜﺮ ﺑﻴﻪ ﻟﻮ ﻣﻜﻀﻴﻬﺔ ﻭﻳﻪ ﺳﻨﺎﺀ ..
: ﻳﺎﻳﻤﻌﻮﺩﻩ ﻣﻦ ﻋﺮﻑ ﺑﻴﺞ ﻣﻬﺰﻭﻣﻪ ﺍﻟﺤﺪ ﻫﺴﺔ ﻻ ﻟﻴﻠﻪ ﻟﻴﻞ ﻭﻻ ﻧﻬﺎﺭﻩ ﻧﻬﺎﺭ ﻋﻠﻰ ﻃﻮﻝ ﺑﻠﺸﺎﺭﻉ ﻳﺪﻭﺭ ﻋﻠﻴﺞ ﻣﺜﻞ ﺍﻟﻤﺨﺒﻞ ﻭﻋﻤﺘﻲ ﻟﻤﻦ ﺍﺷﻮﻑ ﺣﺎﻟﺘﻪ ﻫﻴﺞ ﺗﻜﻌﺪ ﺗﺪﻋﻲ ﻋﻠﻰ ﻧﻔﺴﻬﺔ ﻭﺳﻨﺎﺀ ﻛﺎﻟﺒﻪ ﺍﻟﺒﻴﺖ ﻋﻠﻰ ﺭﺍﺳﻪ ﻛﻞ ﻳﻮﻣﻴﻪ ﻋﺮﻛﻪ ﻭﻫﻮﺓ ﺍﻣﻄﻠﻊ ﻗﻬﺮ ﻛﻠﺒﻪ ﻛﻠﻪ ﺑﻴﻬﺔ ﻛﻞ ﻣﺘﺘﻌﺎﺭﻙ ﺣﻄﻬﺔ ﻭﺿﺮﺑﻬﺔ ﻭﻫﻴﺔ ﺍﺗﺮﻭﺡ ﺯﻋﻼﻧﻪ ﻟﻬﻠﻬﺔ ﻣﻄﻮﻝ ﻧﺺ ﻳﻮﻡ ﻭﻳﺮﺟﻌﻬﺔ ﺍﺑﻮﻫﺔ ..
: ﺍﻱ ﻛﻤﻠﻲ ..
: ﺷﻜﻤﻠﺞ ﻳﻤﻌﻮﺩﻩ ﺍﻧﺘﻲ ﺍﺷﻠﻮﻧﺞ ﻭﻳﻦ ﻫﺴﺔ ﺍﻧﺘﻲ ..
: ﺍﻟﺤﻤﺪ ﺍﻟﻠﻪ ﻋﺎﻳﺸﻪ ﺑﻬﻠﺪﻧﻴﻪ ..
: ﻣﺤﺪﻛﻠﻴﻠﻲ ﻣﻜﺎﻧﺞ ﻭﻳﻦ ..
: ﻋﺬﺭﻳﻨﻲ ﺧﻴﻪ ﻣﺎﻛﺪﺭ ﺍﻛﻠﺞ ﻛﻠﺸﻲ ﻳﺼﻴﺮ ﺑﻬﻠﺪﻧﻴﻪ ..
: ﻋﻠﻰ ﺭﺍﺣﺘﺞ ﻛﻠﺒﻲ ﺍﺷﺴﻤﻴﺘﻲ ﺍﻟﺒﻴﺒﻲ ..
: ﺳﻤﻴﺘﻪ ﻣﺮﺗﻀﻰ ..
: ﺍﺗﻤﻨﻪ ﺍﺷﻮﻓﻪ ﺍﻟﻤﻦ ﻳﺸﺒﻪ ..
: ﺑﻠﻤﻼﻣﺢ ﻳﺸﺒﻪ ﺭﻋﺪ ﺣﺘﻪ ﺳﻤﺎﺭﻩ ﺑﺲ ﻣﺎﺧﺬ ﻣﻨﻲ ﻟﻮﻥ ﺍﻟﻌﻴﻮﻥ ..
: ﻳﺎ ﻓﺪﻭﻩ ﺭﺑﻲ ﻳﺤﻔﻀﻪ ..
: ﻫﻨﺎﺀ ..
: ﺍﻋﻴﻮﻧﻲ ..
: ﺗﺴﻠﻢ ﺍﻋﻴﻮﻧﺞ ﻻ ﺗﺨﻠﻴﻦ ﺭﻋﺪ ﻳﻌﺮﻑ ﻫﺬﻩ ﺍﻟﺮﻗﻢ ..
: ﻳﺎ ﻻ ﺍﺗﻮﺻﻴﻨﻲ ﺣﺮﻳﺼﻪ ..
ﺿﻠﻴﻨﻪ ﻧﺤﺠﻲ ﺑﻠﻨﺺ ﺳﺎﻋﻪ ﺑﻌﺪﻫﺔ ﻛﻤﺖ ﻃﻠﻌﺖ ﻣﺼﻄﻔﻰ ﻃﺎﻟﻊ ﻭﻣﺮﺗﻀﻰ ﻳﻢ ﺍﻡ ﻋﻠﻲ ﺭﺣﺖ ﺍﺧﺒﺰ ..
ﻣﺮﺕ ﺳﻨﻪ ﻋﻠﻰ ﺍﺟﻴﺎﺑﺘﻲ ﻭﺳﻤﻌﺖ ﻣﻦ ﻫﻨﺎﺀ ﺑﺎﻥ ﺳﻨﺎﺀ ﺣﺎﻣﻞ ﻭﺭﻋﺪ ﺍﻟﺤﺪ ﻫﺴﺔ ﻣﻤﻞ ﻣﻨﻲ . ﻣﺮﻩ ﺍﺗﺼﻠﺖ ﺑﻴﻪ ﻫﻨﺎﺀ ﺟﺎﻭﺑﺘﻬﺔ ﺑﻌﺪ ﺍﻟﺴﻼﻡ ﺍﻧﻄﺘﻨﻲ ﺧﺒﺮ ﻫﺪ ﺣﻴﻠﻲ ﻭﺧﻼﻧﻲ ﺃﻳﺲ ﻣﻦ ﺭﻋﺪ ﺑﺎﻥ ﻳﺮﺟﻌﻠﻲ ﻓﺪﻳﻮﻡ .....
ﺧﺪﺭﺕ ﺻﻮﺭﺗﻚ 👌🥺
ﺑﺠﻔﻮﻓﻲ ﻓﺮﺩ ﻧﻮﺏ 😤️☹
ﻋﺮﻓﺘﻚ ﻭﻱ ﻭﺍﺣﺪ ﺟﺎﻱ ﺗﺴﻬﺮ 🤫️☹
ﻭﻋﺮﻓﺘﻚ ﻣﻦ ﻧﻤﺖ ♀臘😓💔
ﻓﺰﻳﺖ ﻣﺒﻴﻮﻙ 😔
ﻻﻥ ﺑﻠﺼﻮﺭﻩ ﻭﺟﻬﻚ ﺣﻴﻴﻴﻞ .... ﺍﺻﻔﺮ 💔🥺😢
<<<<<<< ﻣﻬﺎ ﺍﻟﻤﻨﺪﻻﻭﻱ >>>>>
