ﻫﻠﻲ ﻛﻞ ﺟﺮﺣﻲ ﻣﻨﻜﻢ
ﻫﻠﻲ ﻟﻮﺑﻴﺪﻱ ﺍﻛﺎﻭﻣﻜﻢ ﻭﺫﻟﻜﻢ
ﻭﻋﺴﻰ ﻻ ﺭﺩ ﻳﻮﻡ ...
ﺍﻟﻮﻻﺩﻩ ﻭﺻﺮﺕ ﺑﻲ ﺑﺘﻜﻢ 😔💔
**************************
# ﺍﻟﻨﻘﻴﺐ ﻭﺍﻟﺮﺍﻗﺼﻪ
# ﻟﻠﻜﺎﺗﺒﻪ ﻣﻬﺎ ﺍﻟﻤﻨﺪﻻﻭﻱ
# ﺑﺎﺭﺕ ﺍﻟﺨﺎﻣﺲ ﻋﺸﺮ
#######################
ﺍﺑﺎﻭﻉ ﻫﺪﻯ ﻣﺎﻛﻮ ..
: ﻋﺰﺯﻩ ﻫﺎﻱ ﻭﻳﻦ ﺭﺍﺣﺖ ..
: ﻳﻤﻌﻮﺩﻩ ﻋﻠﻰ ﻛﻴﻔﺞ ﻫﺴﺔ ﺍﺷﻮﻓﻬﺔ ..
ﺭﺟﻊ ﻃﺒﺒﻨﻲ ﺑﻠﻌﻴﺎﻩ ﻳﻢ ﺍﻟﻨﺴﻮﺍﻥ ﻭﻃﻠﻊ ﻛﻌﺪﺕ ﺍﻟﻮﻡ ﺍﺑﻨﻔﺴﻲ ﻟﻴﺶ ﺧﻠﻴﺘﻬﺔ
ﺗﻨﺘﻀﺮﻧﻲ ﺑﺮﻩ ﺷﻨﻮ ﺳﻠﻤﻰ ﻣﺘﻌﺮﻓﻴﻦ ﺍﺳﻮﺍﻟﻔﻪ ﺳﺎﻋﻪ ﺧﺎﻟﻪ ﺍﻳﺪﻱ ﺍﺑﺤﻠﻜﻲ
ﻭﻛﺮﺽ ﺑﻀﺎﻓﻴﺮﻱ ﻭﺳﺎﻋﻪ ﺍﻫﺰ ﺑﺮﺟﻠﻲ ﻣﺮﺕ ﻧﺺ ﺳﺎﻋﻪ ﻭﺭﻋﺪ ﻣﺮﺟﻊ ﻛﻤﺖ
ﻃﻠﻌﺖ ﺑﺮﻩ ﺍﻟﻌﻴﺎﺩﻩ ﺷﻔﺘﻪ ﺟﺎﻱ ﻭﻫﻴﺔ ﻭﻳﺎﻩ ﺑﺲ ﺷﻜﻠﻬﺔ ﻣﺎﻝ ﻭﺣﺪﻩ ﺿﺎﻳﺠﻪ
ﻳﻤﻜﻦ ﻣﺮﺯﻟﻬﺔ ﻣﻲ ﺑﺎﺭﺩ ﻭﻧﺰﻝ ﻋﻠﻴﻪ ﺩﺧﻠﻬﺔ ﻟﻠﺴﻴﺎﺭﻩ ﻭﺟﻪ ﻋﻠﻴﻪ ﺭﺟﻌﺖ ﻟﻠﺴﻴﺎﺭﻩ ..
: ﻭﺝ ﻳﻤﻌﺰﺍﻳﻪ ﻭﻳﻦ ﺟﻨﺘﻲ ﺍﺷﻌﻨﺪﺝ ﺍﺗﺤﺮﻛﺘﻲ ﻣﻦ ﻣﻜﺎﻧﺞ ﻣﻮ ﻛﻠﻨﺎﻟﺞ ﺗﺎﻧﻴﻨﻪ ﻫﺴﺔ ﻧﻄﻠﻊ ..
: ﺍﻫﻮﻭ ﺳﻠﻤﻰ ﺗﺮﻩ ﺍﻧﻲ ﻣﻮ ﻃﻔﻠﻪ ﻣﻠﻴﺖ ﻭﺍﻛﻔﻪ ﺍﺑﻤﻜﺎﻧﻲ ﺭﺣﺖ ﺍﺗﻤﺸﻪ ﺑﻴﻦ ﻣﻄﻠﻌﻮﻥ ..
: ﺑﺎﻟﻠﻪ ﻭﻳﻦ ﺍﺗﻤﺸﻴﺘﻲ ﻟﺞ ﺻﺎﺭﻟﻪ ﻧﺺ ﺳﺎﻋﻪ ﻣﻦ ﺭﻋﺪ ﻃﻠﻊ ﻣﻦ ﺍﻟﻌﻴﺎﺩﻩ ﻳﺪﻭﺭ ﻋﻠﻴﺞ ﺍﺧﺨﺦ ﻣﻨﺞ ﺍﺧﺨﺦ ...
: ﺳﻠﻤﻰ ﺭﺣﻤﻪ ﺍﻟﺪﻳﻨﺞ ﻛﺎﻓﻲ ﻛﺎﻓﻲ ﻋﺎﺩ ﺍﻧﻲ ﻣﻮ ﻃﻔﻠﻪ ﻭﻳﻦ ﻣﺘﺮﻭﺣﻴﻦ ﺍﺗﻜﻮﺩﻳﻨﻲ ..
ﺳﻜﺘﺖ ﻋﻨﻪ ﺷﺎﺳﻮﻱ ﺍﻟﺴﺎﻧﻬﺔ ﺍﻃﻮﻝ ﻣﻨﻬﺔ ﺍﺣﺠﻲ ﻛﻠﻤﻪ ﺍﺗﺮﺩﻧﻲ
ﺑﻌﺸﺮﻩ ﺭﻋﺪ ﻃﻮﻝ ﻣﺎ ﺍﺣﺠﻲ ﻭﻳﺎﻫﺔ ﺳﺎﻛﺖ ﻭﻳﺴﻮﻕ ﻣﺎﺣﺠﻪ ﻭﻻ ﻛﻠﻤﻪ ﺑﻌﺪ
ﺍﺣﺴﻦ ﺑﺎﻭﻋﺖ ﻋﻠﻰ ﺍﻟﺴﺎﻋﻪ ﺟﺎﻧﺖ ﺏ 8 ﻃﺒﻚ ﺭﻋﺪ ﻳﻢ ﻣﻄﻌﻢ ﻭﻧﺰﻟﻨﻪ ﻧﺘﻌﺸﻪ .
ﺍﺗﻌﺸﻴﻨﻪ ﻭﺭﺟﻌﻨﻪ ﻟﻠﺸﻘﻪ ﺍﻭﻝ ﻣﻮﺻﻠﺖ ﻃﺒﻴﺖ ﻟﻠﻐﺮﻓﻪ ﻭﻧﻤﺖ ﻋﻠﻰ ﺍﻟﺠﺮﺑﺎﻳﻪ
ﺗﻌﺒﺎﻧﻪ ﻭﻧﻌﺴﺎﻧﻪ ﻃﺐ ﺭﻋﺪ ﻟﻠﻐﺮﻓﻪ ..
: ﻛﻮﻣﻲ ﺑﺪﻟﻲ ﻻ ﺍﺗﻨﺎﻣﻴﻦ ﺑﻬﺪﻭﻣﺞ ..
: ﺍﻱ ﻫﺴﺔ ﺍﻛﻮﻡ ..
ﻛﻌﺪ ﻋﻠﻰ ﺍﻟﺠﺮﺑﺎﻳﻪ ﻳﻨﺰﻉ ﺍﺑﻨﻄﺮﻭﻧﻪ ﻭﺗﻴﺸﻴﺮﺗﻪ ﺍﻧﻄﺎﻧﻲ ﺿﻬﺮﺓ ﻭﻧﺎﻡ
ﺍﺳﺘﻐﺮﺑﺖ ﻣﻨﻪ ﻫﺎﻱ ﺍﻭﻝ ﻣﺮﻩ ﻳﻨﻄﻴﻨﻲ ﺿﻬﺮﺓ ﻭﻳﻨﺎﻡ ﺩﻭﻣﻪ ﻳﺠﺮﻧﻲ ﺍﻟﺤﻀﻨﻪ
ﻛﻤﺖ ﻃﻠﻌﺘﻠﻲ ﺳﻴﺖ ﻣﺎﻝ ﻧﻮﻡ ﻭﻭﻳﺎﻩ ﺭﻭﺏ ﻃﺒﻴﺖ ﻟﻠﺤﻤﺎﻡ ﻧﺰﻋﺖ ﺍﻫﺪﻭﻣﻲ ﻭﺧﻀﻴﺖ
ﺟﺴﻤﻲ ﺑﺎﻭﻋﺖ ﺑﻠﻤﺮﺍﻳﻪ ﺑﻄﻨﻲ ﺍﺷﻮﻳﻪ ﻛﺒﺮﺍﻧﻪ ﻣﺎ ﺍﺩﺭﻱ ﺍﺗﺨﻴﻞ ﻛﺎﻟﺖ ﺍﻟﺪﻛﺘﻮﺭ
ﺩﺍﺧﻠﻪ ﺑﺸﻬﺮ ﺍﻟﺜﺎﻧﻲ ﺣﺴﺐ ﻣﻮﻋﺪ ﺍﺧﺮ ﺷﻬﺮﻳﻪ ﻟﺒﺴﺖ ﺍﻫﺪﻭﻣﻲ ﺍﺑﺴﺮﻋﻪ ﻭﻃﻠﻌﺖ
ﺷﻔﺖ ﻫﺪﻯ ﻧﺎﻳﻤﻪ ﺟﻔﺖ ﺑﻬﺪﻭﻣﻪ ﻃﺒﻴﺖ ﻟﻠﻐﺮﻓﻪ ﺭﺩﺕ ﺍﻧﺎﻡ ﺍﻟﻨﻮﻡ ﻣﺎﻳﺠﻴﻠﻲ ﻣﻤﺘﻌﻮﺩﻩ
ﺍﻧﺎﻡ ﺑﺪﻭﻥ ﻣﺎﻳﺤﻀﻨﻲ ﺍﺩﻧﻴﺖ ﻳﻤﻪ ﺣﻀﻨﺘﻪ ﻣﻦ ﻭﺭﻩ ﻭﻧﻤﺖ . ﻣﺮ ﺍﺳﺒﻮﻉ ﻋﻠﻰ ﻭﺟﻮﺩ
ﺍﺧﺘﻲ ﻭﻳﺎﻧﻪ ﺑﻠﺸﻘﻪ ﻣﺮﺍﺕ ﺍﻻﺣﺾ ﻧﻀﺮﺍﺗﻬﺔ ﻟﺮﻋﺪ ﻭﻣﺮﺍﺕ ﺍﺣﺘﻜﺎﻛﻬﺔ ﺑﻠﻜﻼﻡ ﻭﻳﺎﻩ ﻭﻣﻴﺎﻧﺘﻬﺔ
ﺍﻟﺰﺍﻳﺪﻩ ﻭﻳﺎﻩ . ﺭﻋﺪ ﻛﺎﻡ ﻳﻮﻡ ﺑﻌﺪ ﻳﻮﻡ ﻳﺒﺘﻌﺪ ﻋﻨﻲ ﺍﻟﻜﻼﻡ ﺑﻴﻨﻪ ﻗﻠﻴﻞ ﻛﻌﺪﺗﻪ
ﺑﻠﺒﻴﺖ ﻛﺜﺮﺕ ﺍﻧﻤﻨﻊ ﻣﻦ ﺍﻟﺠﻨﺲ ﻭﻳﺎﻳﻪ ﻃﻮﻝ ﻫﻼﺳﺒﻮﻉ ﻭﻟﻤﻦ ﻳﻨﺎﻡ ﻳﺪﻳﺮﻟﻲ ﺿﻬﺮﺓ
ﻫﻴﺠﻲ ﻓﺠﺎﺋﻪ ﺭﻋﺪ ﺍﺑﺘﻌﺪ ﻋﻨﻲ ﻣﻦ ﻳﻮﻡ ﺍﻟﻲ ﺍﺗﻌﺎﺭﻙ ﻭﻳﺎﻱ ﺑﺴﺒﺐ ﺭﺳﺎﻟﺖ ﻋﻼﺀ
ﺍﻟﺤﺪ ﻫﺴﺔ ﺗﻐﻴﺮ ﺗﻐﻴﻴﺮ ﺟﺬﺭﻱ . ﺧﻠﺺ ﺍﻻﺳﺒﻮﻉ ﻃﻠﺒﺖ ﻣﻦ ﺭﻋﺪ ﻳﻮﺩﻳﻨﻲ
ﻭﻳﻪ ﻫﺪﻯ ﺍﻟﺒﻴﺖ ﺍﻫﻠﻲ ﻟﻠﻴﻞ ﻭﻳﻴﺠﻲ ﻳﺎﺧﺬﻧﻲ ﻣﻜﺎﻝ ﺷﻲ ﺭﺃﺳﻦ
ﻗﺒﻞ ﺍﺧﺬﻧﻪ ﻭﺩﺍﻧﻪ ﺍﻟﺒﻴﺖ ﻭﺻﻠﻨﻪ ﻧﺰﻟﺖ ﻫﺪﻯ ﻃﺒﺖ ﻗﺒﻠﻲ ﺟﺎﻱ ﺍﻧﺰﻝ ﻟﺰﻣﻨﻲ
ﻣﻦ ﺍﻳﺪﻱ ﻭﺧﻠﻪ ﺍﻓﻠﻮﺱ
ﺭﻋﺪ ﻣﺎﺭﻳﺪ ﻣﺎﻣﺤﺘﺎﺟﻪ ..
: ﺍﺧﺬﻳﻬﻦ ﺳﻜﺘﻲ ﺑﻴﻬﻦ ﺣﻠﻚ ﺍﺑﻮﺝ ..
ﺍﻧﻬﻀﻤﺖ ﻣﻦ ﻛﻠﻤﺘﻪ ﺻﺢ ﻫﺬﻩ ﺍﻟﻮﺍﻗﻊ ﺍﺑﻮﻳﻪ ﻣﺎﻳﺪﺧﻠﻨﻲ ﻟﻠﺒﻴﺖ ﺍﺫﺍ
ﻣﻮ ﺑﻴﺪﻱ ﺍﻓﻠﻮﺱ ﺍﻟﻪ ﺑﺲ ﻛﻠﻤﺘﻪ ﺣﺰﺕ ﺑﺨﺎﻃﺮﻱ ﻣﻬﺘﻢ ﻟﻜﻼﻣﻪ ﺧﻼﻫﻦ
ﺑﻴﺪﻱ ﻭﺩﺍﺭ ﻭﺟﻬﺔ ﺣﺘﻪ ﻳﺸﻐﻞ ﺍﻟﺴﻴﺎﺭﻩ ﻧﺰﻟﺖ ﻭﺳﺪﻳﺖ ﺍﻟﺒﺎﺏ ﻭﺭﺍﻳﻪ ﺑﺎﺏ
ﺍﻟﺒﻴﺖ ﻣﻔﺘﻮﺣﻪ ﻃﺒﻴﺖ ﻟﻜﻴﺖ ﺍﺧﻮﻳﻪ ﺍﻛﺒﺎﻟﻲ ﻛﺎﻋﺪ ﻋﻠﻰ ﺍﻟﻘﻨﻔﻪ ﻭﺑﻠﻜﻮﻩ
ﺍﻣﻔﺘﺢ ﺍﻋﻴﻮﻧﻪ ﻣﻦ ﺍﻟﺸﺮﺏ ﻃﺒﻴﺖ ﻟﻠﻤﻄﺒﺦ ﻣﻜﺎﻥ ﺍﻣﻲ ﻛﻞ ﻣﺎ ﺍﺿﻴﻌﻬﺔ ﺍﻟﻜﺎﻫﺔ
ﺍﻫﻨﺎﻙ ﻃﺒﻴﺖ ﻟﻜﻴﺘﻬﺔ ﺑﻠﻜﺎﻉ ﻛﺎﻋﺪﻩ ﻭﻳﻤﻬﺔ ﻫﺪﻯ ﻛﺎﻋﺪﻩ .
: ﻳﻤﻪ ﻟﻴﺶ ﺍﺟﻴﺘﻲ ﻣﻮ ﺍﺗﻌﺮﻓﻴﻦ ﺍﺑﻮﺝ ﻣﺎﻳﺮﻳﺪﺝ ﺑﻠﺒﻴﺖ ..
: ﺟﺒﺘﻠﻪ ﺍﻟﻲ ﻳﺴﻜﺘﻪ ..
: ﺷﺨﺒﺎﺭﺝ ﻳﻤﻪ ﺍﺷﻠﻮﻧﺞ ﻭﻳﻪ ﺭﻋﺪ ..
: ﺍﻟﺤﻤﺪ ﺍﻟﻠﻪ ﺍﻧﺘﻲ ﺍﺷﻠﻮﻧﺞ ﺷﺨﺒﺎﺭﺝ ..
: ﺍﻟﺤﻤﺪ ﺍﻟﻠﻪ ﻳﻤﻪ ..
: ﺻﺎﻋﺪﻩ ﺍﻧﺰﻉ ﺍﻟﺠﺒﻪ ﻭﺟﻴﺞ ..
ﻫﺰﺕ ﺍﺑﺮﺍﺳﻪ ﻋﻔﺘﻬﻦ ﻭﺻﻌﺪﺕ ﻟﻠﻐﺮﻓﻪ ﻧﺰﻋﺖ ﺍﻟﺠﺒﻪ ﻭﺑﺪﻟﺖ ﺍﻫﺪﻭﻣﻲ ﻭ
ﻧﺰﻟﺖ ﻳﻤﻬﻦ ﺍﻟﺘﻬﻴﻨﻪ ﺑﻠﺤﺠﻲ ﺻﺎﺭﺕ ﺳﺎﻋﻪ ﺑﻞ 3 ﺍﺟﻪ ﺑﺎﺑﻪ ﺻﺎﺣﻲ ﻣﻤﺒﻴﻦ ﺷﺎﺭﺏ
ﻃﺐ ﻟﻠﻤﻄﺒﺦ ﺷﺎﻑ ﻫﺪﻯ ﻛﻌﺪ ﻳﺮﺣﺐ ﺑﻴﻬﺔ ﻭﺣﺒﻴﺒﺖ ﺑﺎﺑﻪ ﻭﺩﻟﻮﻋﺘﻪ ﻭﺍﻧﻲ ﻛﺎﻋﺪﻩ
ﻛﺪﺍﻣﻪ ﻭﻻ ﻋﺒﺮﻧﻲ ﺑﻨﻀﺮﻩ ﺣﺠﻪ ﻭﻳﻪ ﻣﺎﻣﻪ ..
: ﻫﺎﻱ ﺍﻟﺒﻮﻣﻪ ﺍﻟﻴﻤﺞ ﺷﻜﻮ ﺍﺟﺎﻳﻪ ﺣﺮﻣﺘﻨﻲ ﻣﻦ ﺑﺘﻲ ﺍﺳﺒﻮﻉ ﻛﺎﻣﻞ ﻣﺸﺎﻳﻔﻪ ..
ﺿﻠﻴﺖ ﻓﺎﺗﺤﻪ ﺣﻠﻜﻲ ﺣﺠﻴﺖ ﻭﻳﻪ ﺍﻣﻲ ..
: ﻟﻴﺶ ﺫﻳﺞ ﺑﺖ ﺍﻟﺒﻄﻪ ﺍﻟﺒﻴﻀﻪ ﻭﺍﻧﻲ ﺑﺖ ﺍﻟﺒﻄﻪ ﺍﻟﺴﻮﺩﻩ ..
ﺟﺎﻥ ﻳﻜﻮﻡ ﻋﻠﻴﻪ .
: ﺍﻣﺸﻲ ﻟﺞ ﻛﺢ ... ﻫﺎﻱ ﺗﺴﻮﻩ ﺭﺍﺳﺞ ﻳﺒﺖ ﻣﻨﻰ ..
ﺑﺎﻭﻋﺖ ﻋﻠﻰ ﺍﻣﻲ ..
: ﻭﻫﺎﻱ ﻣﻨﻰ ﻣﻨﻴﻪ ..
ﺍﻣﻲ ﻭﺟﻬﺔ ﻛﺎﻡ ﻳﻨﻄﻲ ﺍﻟﻮﺍﻥ ﺟﺎﻭﺑﺖ ﺍﺑﻮﻳﻪ ﻭﻫﻴﺔ ﺍﺩﻛﻮﻡ ..
: ﺍﺳﻜﺖ ﻳﺮﺟﺎﻝ ﻻ ﺗﺤﺠﻲ ﺑﻠﻤﻀﻤﻮﻡ ..
: ﻭﻟﻴﺶ ﺍﺳﻜﺖ ﺧﻠﻲ ﺗﻌﺮﻑ ﻧﻔﺴﻬﺔ ﻭﺍﺻﻠﻬﺔ ﺑﺖ ﻣﻨﻮ ﺧﻤﺎ ﺍﺿﻞ ﺍﻟﻌﻤﺮ ﻛﻠﻪ
ﻫﻴﺠﻲ ﺧﻠﻲ ﺍﺗﻜﻮﻡ ﺗﺮﺟﻊ ﺍﻟﺒﻴﺘﻬﺔ ﻣﺮﺍﻳﺪ ﻣﻨﻬﺔ ﺍﻓﻠﻮﺱ ﺟﺎﻱ ﺍﺷﺘﻐﻞ ﻭﺩﺍﻃﻠﻊ
ﺍﻓﻠﻮﺱ ﻟﻠﺒﻴﺖ ﺧﻠﻲ ﺍﺗﺮﺟﻊ ﺍﻟﻔﻠﻮﺱ ﺍﻣﻨﻴﻦ ﻣﺠﺎﺑﺘﻬﻦ ..
ﺿﻠﻴﺖ ﺍﺑﺎﻭﻉ ﻋﻠﻴﻬﻢ ﻭﻋﻠﻰ ﺣﺠﻴﻬﻢ ﺍﻣﻲ ﺟﺮﺗﻨﻲ ﻣﻦ ﺍﻳﺪﻱ ﻭ
ﻛﻮﻣﺘﻨﻲ ﺻﻌﺪﺕ ﺍﻟﻐﺮﻓﺘﻲ ﻃﺒﺖ ﻭﺳﺪﺕ ﺍﻟﺒﺎﺏ ..
: ﻳﻤﻪ ﺑﺎﺑﻪ ﺍﺷﺪﻳﺤﺠﻲ ﻣﻨﻮ ﻣﻨﻰ ﺷﻨﻮ ﺍﺻﻠﻬﺔ ﺷﺪﻳﻘﺼﺪ ..
: ﻳﻤﻪ ﺭﺍﺡ ﺍﺣﺠﻴﻠﺞ ﻗﺼﺖ ﺍﺑﻮﺝ ﺑﺲ ﻣﺎﺭﻳﺪﺝ ﺍﺗﻘﺎﻃﻌﻴﻨﻲ ﺍﻟﺤﺪ ﻣﺎ ﺍﻛﻤﻞ ..
: ﺍﻱ ﺍﺣﺠﻲ ﻋﺎﺩ ..
: ﺑﺎﻋﻲ ﻳﻤﻪ ﺍﺑﻮﺝ ﻟﻤﻦ ﺟﺎﻥ ﺑﻌﻤﺮ ﺍﻝ 18 ﺭﺍﺩ ﻳﻄﻠﻊ ﺧﺎﺭﺝ ﺍﻟﻌﺮﺍﻕ ﻳﻜﻤﻞ ﻛﻠﻴﺘﻪ
ﺗﺨﺼﺺ ﻫﻨﺪﺳﻪ ﻓﺠﺪﺝ ﺷﺮﻁ ﻋﻠﻴﻪ ﻳﺰﻭﺝ ﻭﺣﺪﻩ ﻣﻦ ﺑﻨﺎﺕ ﻋﻤﻪ ﺧﺎﻑ ﻋﻠﻰ
ﺍﺑﻮﺝ ﻟﻴﺮﻭﺡ ﺍﻫﻨﺎﻙ ﻭﻳﻜﻌﺪ ﻳﺘﻤﻌﺸﻚ ﻭﻳﺰﻭﺝ ﻓﺮﺍﺩ ﻳﺮﺑﻄﻪ ﺍﺑﻤﺮﻩ ﻭﻭﻛﻊ ﺍﻻﺧﺘﻴﺎﺭ
ﻋﻠﻴﻪ ﺍﺯﻭﺟﻨﻲ ﻭﺭﻩ ﺷﻬﺮ ﻣﻦ ﺯﻭﺍﺟﻨﻪ ﺣﺒﻠﺖ ﺑﺨﻮﺝ ﺳﻴﻒ ﺍﺑﻮﺝ ﻃﻠﻊ ﺍﻟﺒﻨﺎﻥ ﺣﺘﻪ
ﻳﺪﺭﺱ ﻛﻞ ﺷﻬﺮ ﺟﺎﻥ ﻳﻴﺠﻲ ﻟﻠﻌﺮﺍﻕ ﺟﺒﺖ ﺳﻴﻒ ﻭﻣﺮﺕ ﺳﻨﻪ ﻋﻠﻰ ﺍﺑﻮﺝ ﺑﻠﻜﻠﻴﻪ ﺩﺧﻞ
ﻣﺮﺣﻠﻪ ﺛﺎﻧﻴﻪ ﺧﻠﺺ ﻣﺮﺣﻠﻪ ﺍﻟﺜﺎﻧﻴﻪ ﻣﺮﺕ ﻣﺮﺣﻠﻪ ﺍﻟﺜﺎﻟﺜﻪ ﻭﻣﺮﺕ ﺍﻟﺜﺎﻟﺜﻪ ﻭﺧﻠﺼﺖ
ﺍﻟﺮﺍﺑﻌﻪ ﺭﺟﻊ ﺍﺑﻮﺝ ﻣﻦ ﻟﺒﻨﺎﻥ ﻛﺎﻝ ﺳﻮﻳﺖ ﻣﺸﺮﻭﻉ ﺍﺑﻠﺒﻨﺎﻥ ﻓﺪ ﺳﻨﻪ
ﺳﻨﺘﻴﻦ ﻭﻧﻘﻠﻪ ﻟﻠﻌﺮﺍﻕ ﺍﻧﻲ ﻭﺍﻫﻞ ﺍﺑﻮﺝ ﻣﺸﻴﻨﻪ ﻋﻠﻰ ﺣﺠﻴﻪ ﻭﺳﻜﺘﻨﻪ
ﻣﺮﺕ ﺳﻨﻪ ﻭﺟﺎﻥ ﺑﻴﻦ ﻓﺘﺮﻩ ﻭﻓﺘﺮﻩ ﻳﻴﺠﻲ ﻟﻠﻌﺮﺍﻕ ﺣﺒﻠﺖ ﺑﺨﻮﺝ ﺿﺮﻏﺎﻡ ﻣﻦ
ﺩﺭﻩ ﺍﺑﻮﺝ ﺿﺎﺝ ﻭﺣﺠﻪ ﻋﻠﻰ ﻣﺎﺭﻳﺪ ﻫﺴﺔ ﻃﻔﻞ ﻭﺧﻞ ﻳﺴﺘﻘﺮ ﻭﺿﻌﻲ ﻭﻣﻦ ﻫﻠﺤﺠﻲ
ﻭﺍﻟﻠﻪ ﻳﺎﺑﺘﻲ ﺍﻟﺤﺪ ﻫﺴﺔ ﻫﺬﻩ ﺍﻟﺤﺠﻲ ﺍﺫﻛﺮﻩ ﻣﺎﻫﻠﻜﺪ ﻣﺎﺟﺮﺣﻨﻲ ﻭﻣﺎﻛﺎﻟﻬﺔ ﺑﻴﻨﻲ ﻭﺑﻴﻨﻪ
ﻻ ﺣﺠﻪ ﻫﻠﺤﺠﻲ ﻛﺪﺍﻡ ﺍﻫﻠﺔ ﻭﺧﻮﺗﻪ ﻭﻧﺴﻮﺍﻥ ﺍﺧﻮﺗﻪ ﻭﺧﻮﺍﺗﻪ ﻃﻠﻊ ﺿﺎﻳﺞ ﻭﺳﺎﻓﺮ
ﺍﻟﺒﻨﺎﻥ ﺻﺎﺭﺕ ﻧﺰﻻﺗﻪ ﻟﻠﻌﺮﺍﻕ ﺍﻃﻮﻝ ﻻ ﺷﻬﺮ ﻭﻻ ﺷﻬﺮﻳﻦ ﻧﺴﺎﺋﻠﻪ ﻳﻜﻮﻝ ﺷﻐﻞ
ﻭﻣﺎ ﺍﻛﺪﺭ ﻣﺮﺕ ﺳﻨﺘﻴﻦ ﺍﻟﻲ ﺣﺠﻪ ﺑﻴﻬﻦ ﻛﺎﻝ ﻣﺎ ﺍﻛﺪﺭ ﻻﺯﻡ ﺍﻛﻤﻞ ﺑﻌﺪ ﺍﺭﺑﻊ ﺍﺳﻨﻴﻦ
ﺗﺎﻧﻴﺘﻪ ﺍﻻﺭﺑﻊ ﺍﺳﻨﻴﻦ ﺍﺧﺪﺍﻣﻪ ﻳﻢ ﺍﻫﻠﺔ ﻭﺗﻌﺐ ﻭﻫﻮﺓ ﻳﻄﻮﻝ ﺑﻼﺷﻬﺮ ﻳﻠﻪ ﻳﻨﺰﻝ
ﻛﻤﻠﺖ ﺍﻻﺭﺑﻊ ﺳﻨﻴﻦ ﻭﺑﺪﻩ ﻳﻨﻘﻞ ﺷﻐﻠﻪ ﻟﻠﻌﺮﺍﻕ ـ ﺍﺑﻀﻬﺮﻳﻪ ﺍﻧﺪﻛﺖ ﺍﻟﺒﺎﺏ ﺭﺣﺖ
ﻓﺘﺤﺘﻬﺔ ﻃﻠﻊ ﺍﺑﻮﺝ ﺑﺲ ﻣﻄﺐ ﻭﺣﺪﻩ ﻃﺐ ﻭﻃﺒﺐ ﻭﻳﺎﻩ ﻣﺮﻩ ﺍﻣﻔﺮﻋﻪ ﺷﻜﺮﻩ
ﻭﺍﻟﻌﻴﻮﻥ ﺍﻟﺨﻀﺮ ﻭﺍﻟﻮﺟﻪ ﻣﻜﻴﺎﺝ ﻭﺑﻴﺪﻫﺔ ﻃﻔﻠﻪ ﺑﻌﻤﺮ ﺳﻨﻪ ﻣﺪﺑﺪﺑﻪ ﺑﻴﻀﻪ ﺷﻜﺮﻩ
ﻋﻠﻰ ﺍﻣﻬﺔ ﻭﻋﻴﻮﻥ ﺧﻀﺮ . ﺩﺧﻞ ﻭﺩﺧﻠﻬﺔ ﻭﻳﺎﻩ ﻭﺍﻧﻪ ﻣﺜﻞ ﺍﻻﻃﺮﺵ ﺑﻠﺰﻓﻪ ﺩﺧﻠﺖ
ﻭﺭﺍﻫﻢ ﺍﻫﻞ ﺍﺑﻮﺝ ﺟﺎﻧﻮ ﻛﻠﻬﻢ ﻛﺎﻋﺪﻳﻦ ﻃﺐ ﻫﻮﺓ ﻭﻳﺎﻫﺔ ﺍﻣﻪ ﺳﺎﺋﻠﺘﻪ ﻣﻨﻴﻪ
ﻫﺎﻱ ﻛﻠﻠﻬﺔ ﻫﺎﻱ ﻣﺮﺗﻲ ﻛﻠﻬﺔ ﺍﻧﺼﺪﻣﺖ ﻭﺍﻧﻲ ﺍﻭﻟﻬﻢ ﺧﻠﻴﺖ ﺍﻳﺪﻱ ﻋﻠﻰ
ﺣﻠﻜﻲ ﻭﺍﻧﻲ ﻣﺼﺪﻭﻣﻪ ﻣﻦ ﺍﻟﺤﺠﻲ ﺍﻟﻲ ﻳﺤﺠﻲ ﻃﻠﻊ ﻣﺰﻭﺟﻬﺔ ﻗﺒﻞ
ﺣﺒﻬﺔ ﺑﻠﻜﻠﻴﻪ ﻭﻟﻤﻦ ﺧﻠﺼﻮﻫﺔ ﺍﺯﻭﺟﻮ ﺍﺑﻠﺒﻨﺎﻥ ﺍﻫﻠﺔ ﻣﺴﻜﺘﻮ ﻋﻠﻴﻬﺔ ﺻﺎﺭﺕ
ﺍﺻﻴﺎﺡ ﺍﺑﻮ ﻳﺼﻴﺢ ﻋﻠﻴﻪ ﻭﻛﻠﻪ ﻋﺮﻓﺖ ﻫﺎﻱ ﺍﻟﺴﻮﺍﻟﻒ ﻓﻠﻴﺶ ﺭﺗﻚ ﺗﺰﻭﺝ
ﻭﺗﺎﻟﻴﻬﺔ ﻛﺴﺮﺕ ﺑﺖ ﻋﻤﻚ ﻳﻠﻤﺎﺗﺴﺘﺤﻲ ﻟﻚ ﻣﺎ ﺍﺳﺘﺤﻴﺖ ﻣﻦ ﻋﻤﻚ ﺍﺷﻠﻮﻥ
ﺣﺘﺒﺎﻭﻉ ﺍﺑﻮﺟﻬﺔ ﺿﻞ ﺟﺪﺝ ﻳﺮﺯﻝ ﺑﻲ ﻫﻮﺓ ﻫﻢ ﻣﺎﺳﻜﺖ ﺍﻧﻲ ﺻﻌﺪﺕ ﻟﻤﻴﺖ
ﺍﻫﺪﻭﻣﻲ ﻭﻧﺰﻟﺖ ﻫﻮﺓ ﺷﺎﻓﻨﻲ ﺍﻣﺤﻀﺮﻩ ﺟﻨﻄﺘﻲ ﻛﻠﻲ ﺍﺫﺍ ﺍﻃﻠﻌﻴﻦ ﻣﻨﺎ ﻭﻟﺪﻱ
ﻣﺘﺎﺧﺬﻳﻬﻢ ﻭﻳﺎﺝ ﻛﺘﻠﻪ ﺍﺷﺒﻊ ﺑﻴﻬﻢ ﺍﺗﺤﻤﻠﻬﻢ ﻳﻠﻲ ﺍﺗﺤﻤﻠﺘﻚ ﻭﺗﺎﻧﻴﺘﻚ ﺍﺳﻨﻴﻦ
ﻭﺗﻌﺐ ﻭﻗﻬﺮ ﻭﻧﺘﻪ ﺍﺷﺴﻮﻳﺖ ﻫﺬﻱ ﻣﺠﺎﺯﺍﺗﻲ ﻛﻠﺖ ﻟﺤﻤﺎﻱ ﻳﺎﺧﺬﻧﻲ ﻟﺒﻴﺖ ﺍﻫﻠﻲ
ﺍﺧﺬﻧﻲ ﻟﺒﻴﺖ ﺍﻫﻠﻲ ﻛﻠﺖ ﻟﺒﻮﻳﻪ ﺍﺑﻮﻱ ﻣﻬﺘﻢ ﻛﻠﻲ ﺍﻧﺘﻲ ﻣﻮ ﺍﻭﻝ ﻣﺮﻩ ﺭﺟﻠﻬﺔ
ﻳﺰﻭﺝ ﻋﻠﻴﻬﺔ ﻟﺰﻣﻨﻲ ﻣﻦ ﺍﻳﺪﻱ ﻭﺭﺟﻌﻨﻲ ﺍﻟﻬﻢ ﻭﺍﻧﻲ ﺍﺷﻮﻑ ﺑﻌﻴﻮﻧﻪ ﻧﻀﺮﺍﺕ
ﺍﻻﺳﺘﻬﺰﺍﺀ ﻻﻥ ﺍﺑﻮﻳﻪ ﻟﻤﻦ ﺯﻭﺟﻨﻲ ﻣﻮ ﻟﺴﻮﺍﺩ ﻋﻴﻮﻧﻪ ﺍﺑﻮﻱ ﺟﺎﻥ ﻃﻤﻌﺎﻥ ﺑﻮﺭﺙ
ﺟﺪﺝ ﻓﺰﻭﺟﻨﻲ ﻟﺒﻮﺝ ﺭﺟﻌﺖ ﺑﺲ ﻟﺠﻞ ﺟﻬﺎﻟﻲ ﺟﺎﻥ ﺍﺑﻮﺝ ﻳﻜﻀﻲ ﻭﻛﺘﻪ ﻛﻠﻪ ﻳﻢ
ﻣﻨﻰ ﺣﺘﻪ ﻏﺮﻓﺘﻲ ﻣﺎﻳﺪﺧﻠﻠﻬﺔ ﻫﻤﻞ ﺍﺧﻮﺍﻧﺞ ﻭﻫﻤﻠﻨﻲ ﻋﺒﺎﻟﻚ ﺟﺎﻧﺖ ﺑﺲ ﻫﻴﺔ ﻭﺑﺲ
ﻭﺍﻧﻲ ﻋﺎﻳﺸﻪ ﺧﺪﺍﻣﻪ ﻟﻬﻠﻪ ﻭﺑﺲ ﻣﺮﺕ ﻛﻢ ﺷﻬﺮ ﺟﺒﺮﻭ ﻣﻨﻰ ﺗﻠﺒﺲ ﺍﻟﻌﺒﺎﻳﻪ
ﻭﺍﻟﺸﺎﻝ ﻭﺍﻟﺪﺷﺪﺍﺷﻪ . ﻣﺮﺕ ﻋﻠﻰ ﺟﻴﺖ ﻣﻨﻰ ﺳﺖ ﺍﺷﻬﺮ ﺑﻴﻮﻡ ﻛﻌﺪﻧﻪ ﺍﻟﺼﺒﺢ
ﻣﻨﻰ ﻣﺎﻛﻮ ﻻ ﻫﻴﺔ ﻭﻻ ﻣﻼﺑﺴﻬﺔ ﺑﺘﻬﺔ ﺫﺍﺑﺘﻬﺔ ﻋﻠﻰ ﺍﻟﺠﺮﺑﺎﻳﻪ ﻭﻣﻨﻬﺰﻣﻪ ﻃﻠﻊ
ﺍﺑﻮﺝ ﻣﺜﻞ ﺍﻟﻤﺨﺒﻞ ﻳﺪﻭﺭ ﻋﻠﻴﻬﺔ ﻣﻠﻜﺎﻫﺔ ﻓﺺ ﻣﻠﺢ ﻭﺫﺍﺏ ﻭﺭﻩ ﻛﻢ ﻳﻮﻡ ﺍﺟﺎﻩ
ﺍﺗﺼﺎﻝ ﻣﻦ ﺷﺮﻛﺘﻪ ﺍﻟﻲ ﺑﻠﺒﻨﺎﻥ ﺍﺟﺎﻩ ﺍﻟﺨﺒﺮ ﺍﻟﻲ ﺻﺪﻣﻪ ﺑﺄﻥ ﺍﻟﺸﺮﻛﻪ ﻣﺎﻟﺘﻪ ﻣﻔﻠﺴﻪ
ﻣﺴﺤﻮﺑﻪ ﺍﻟﻔﻠﻮﺱ ﻣﻨﻬﺔ ﻣﻦ ﺣﺴﺎﺏ ﺍﻟﺒﻨﻚ ﻣﺎﻝ ﻣﻨﻰ ﻭﺑﻮﺝ ﻣﻦ ﻫﺎﻱ ﺍﻟﺼﺪﻣﻪ
ﻣﻀﻞ ﻋﻨﺪﻩ ﻋﻘﻞ ﺍﻳﺎﻣﻪ ﻛﻠﻬﺔ ﺷﺮﺏ ﻭﻣﻴﺮﺟﻊ ﺍﻟﻪ ﺑﺘﺎﻟﻲ ﺍﻟﻴﻞ ﺍﻟﻄﻔﻠﻪ ﺍﻧﺘﺮﻛﺖ ﺍﻟﻲ
ﺭﺑﻴﺘﻬﺔ ﻭﻋﺘﺒﺮﺗﻪ ﺑﻨﺘﻲ ﺍﻟﻲ ﻣﺎﺟﺎﺑﺘﻬﺔ ﺑﻄﻨﻲ ﺟﺪﺝ ﺍﺗﻮﻓﻪ ﻭﺭﺍﺩﻭ ﻳﺒﻴﻌﻮﻥ ﺍﻟﺒﻴﺖ
ﻭﻳﻘﺴﻤﻮﻥ ﺍﻟﻮﺭﺙ ﺍﻧﺒﺎﻉ ﺍﻟﺒﺖ ﻭﺷﺘﺮﻳﻨﻪ ﻫﺬﻩ ﺍﻟﺒﻴﺖ ﻭﻋﺸﺖ ﻋﻤﺮﻱ ﻛﻠﻪ ﺍﺭﺑﻲ ﺑﻴﻜﻢ .
: ﻳﻌﻨﻲ ﺍﻧﺘﻲ ﻣﺮﺕ ﺍﺑﻮﻱ .
ﻫﺰﺗﻠﻲ ﺭﺍﺳﻬﺔ ﻭﻫﻴﺔ ﺗﻤﺴﺢ ﺩﻣﻌﺘﻬﺔ ﺑﺸﻴﻠﺘﻬﺔ ﺭﺣﺖ ﻋﻠﻴﻬﺔ ﻭﺣﻀﻨﺘﻬﺔ ﺑﺴﺘﻬﺔ ﻣﻦ ﺭﺍﺳﻬﺔ .
: ﺗﻀﻠﻴﻦ ﺍﻣﻲ ﺣﺘﻪ ﺑﻌﺪ ﻣﺎ ﻋﺮﻓﺖ ﺍﻧﺘﻲ ﻣﻮ ﺍﻣﻲ ﺍﻟﻲ ﺟﺎﺑﺘﻨﻲ ﺍﻻﻡ ﻣﻮ
ﺍﻟﻲ ﺗﺨﻠﻒ ﺍﻻﻡ ﺍﻟﻲ ﺗﺮﺑﻲ ﻭﺗﺘﻌﺐ .
: ﻳﻠﻪ ﻳﻤﻪ ﻛﻮﻣﻲ ﺭﻭﺣﻲ ﻟﺒﻴﺘﺞ ﻭﺭﺟﻠﺞ ﺍﺑﻮﺝ ﻣﺎﻳﺴﻜﺖ ﻣﺎﻃﻮﻟﺞ ﺍﻫﻨﺎ .
: ﻳﻤﻪ ﺑﺲ ﺳﺆﺍﻝ ﺑﺎﺑﻪ ﻟﻴﺶ ﻫﻴﺠﻲ ﻳﻌﺎﻣﻠﻨﻲ .
: ﻻﻥ ﺍﻧﺘﻲ ﺑﻨﺖ ﺍﻟﻲ ﺣﺒﻬﺔ ﻭﺭﺩﺗﻪ ﺑﻠﻐﺪﺭ .
: ﻳﻠﻪ ﻛﺎﻳﻤﻪ ﺍﻟﺒﺲ ﺍﻟﺠﺒﻪ ﻭﺭﺟﻊ ﻟﻠﺒﻴﺖ .
: ﺷﻨﻲ ﺗﺮﺟﻌﻴﻦ ﺍﺑﻮﺣﺪﺝ ﺩﻛﻲ ﻋﻠﻰ ﺭﺟﻠﺞ ﺧﻠﻲ ﻳﻴﺠﻴﺞ .
: ﻻ ﻳﻮﻡ ﻣﻴﺤﺘﺎﺝ ﺍﻧﻲ ﺍﺭﺟﻊ .
ﻛﻤﺖ ﻟﺒﺴﺖ ﺟﺒﺘﻲ ﻭﻟﻔﻴﺖ ﺍﻟﺸﺎﻝ ﻭﻧﺰﻟﺖ ﻃﻠﻌﺖ ﺍﺗﻤﺸﻪ ﺍﻟﺮﺍﺱ ﺍﻟﺸﺎﺭﻉ
ﺣﺘﻪ ﺍﺧﺬ ﺗﻜﺴﻲ ﺍﺧﺬﺕ ﺗﻜﺴﻲ ﻭﺭﺟﻌﺖ ﻟﻠﺸﻘﻪ ﻓﺘﺤﺖ ﺑﺎﺏ ﺍﻟﺸﻘﻪ ﺑﺎﻭﻋﺖ
ﺑﻠﻜﺎﻉ ﺣﺬﺍﺀ ﺍﺑﻨﻴﻪ ﻛﻌﺐ ﻓﺘﺤﺖ ﻋﻴﻨﻲ ﻃﺒﻴﺖ ﻭﺳﻤﻊ ﺻﻮﺕ ﺿﺤﻚ ﻣﺮﻩ ﻣﺎﻝ
ﻭﺣﺪﻩ ﻛﺢ ... ﺩﺧﻠﺖ ﻟﻠﻐﺮﻓﻪ ﻭﻧﺼﺪﻡ ﺑﻠﻤﻨﻀﺮ ﺍﻟﻲ ﺍﺷﻮﻓﻪ .....
"""""""""""""""""""""""""""""""""""""
ﻣﺎﻟﻮﻣﻚ ﻋﻔﺘﻨﻲ ﻣﻌﺎﺷﺮﻙ ﻳﻮﻣﻴﻦ
ﺃﻧﺎ ﺍﻟﻌﺎﺷﺮﺗﻬﻢ ﻋﻤﺮ ﻋﺎﻭﻓﻨﻲ
//////////////////////💔💔//////////////////////////
