كرونيك:💓💓حب_غير_متوقع💓💓

2

#الحلقة_2
دخل للريسطورون كان كبير وفخم و نظيف و يستاهل السمعة و الشهرة جا ليه السارفور داه للطاولة و كي طلب سيف إنو يقابل الشاف و مالك المطعم جاوبو السارفور: أسمحلي مسيو mais الشاف راهو الداخل في la cuisine يطبخ و مانقدرش نقاطعو جاوبو سيف :ok قولو هو يطيبلي طلبي و عطاه الطلب كي راح السارفور سيف كان حاط بلي الشاف راجل كي دخل السارفور راح ليسرى وعطالها الطلبات وهي بدات الطيب و في ضرف 40 دقيقة كان كلش واجد من الطبق الرئيسي حتى الحلوى كي دا السارفور الماكلة لسيف عاود قلو: وضرك مازال قلو يجي نهدر معاه لاكن سارفور رفض و قلو مانقدرش نقلقو وهو يطبخ si non يطردني من الخدمة سيف تقلق وهو أول مرة يهبنو واحد و يخليه يستنا فقرر إنو يدير مشكل و يشوف هذا الشاف لي ماحبش يخرج من الكوزينة بدا ياكل و مباعد عيط للسارفور وقلو: عيط للشاف لي طيب الماكلة لإنو عندي مشكل مع طيابو سارفور عرف بلي اليوم موتو لإنو يسرى تقبل كلش غير الإساءة راح السارفور و هو يرجف و قلها : مدام يسرى كاين زبون ماعجباتوش ماكلتك هي سمعت واش قال السارفور و النار شعلت فيها خرجت ما الكوزينة وهي تجري نعتلها السارفور الطابلة تع سيف راحت ليه و هي تتهز و تتنفظ من الغضب وقفت توالو و قاتلو:وي مسيو واش بيها ماكلتي سيف سمعها هز عينيه لقاها طفلة باهيه تهبل و لابسة طابلية و سروال نوار(قش لي يخدمو فالكوزينة لإنو أكل يلبسو كيف كيف) قلها سيف : أسمحيلي mais نضنك راكي غالطة فالطابلة أنا نحوس على الشاف لي طيبلي الماكلة ولي هو صاحب المطعم جاوباتو بسرى: انا الشاف لي طيبلك الماكلة و أنا مولات المطعم و ضرك قلي واش بيها ماكلتي ناض سيف بعد ماكان قاعد و قلها : هذي ماكلة كون تمديها للكلب مايقبلش ياكلها هنا يسرى ولات ماتشوفش قدامها و قاتلو : نتا لي نضيع حاسة التذوق تاعك و لا نقلك حاجة الماكلة هذي ماهيش من المستوى تاعك الله غالب رد عليها و الغش يخرج من عينيه : ههههه شوفو شكون راهو يهدر على المستوى نتي و المطعم تاعك ما تبانوش توالي وأصلا نجيب بنت خويا في عمرها 6 سنين طيب خير منك هنا يسرى هلاص وصلت معاهاللتوب في هذاك الوقت كان عاڨب و حد السارفور مدي السكاكين الجدد للمطبخ هنا يسرى لاحت يدها و جبدت موس من السكاكين الكبار تع الطبخ و دارت لسيف و قاتلو : شوف تزيد كلمة وة على ماكلتي ولا على المطعم تاعي والله غير نذبحك نطبخك و نمدك للكلاب ياكلوك قالتها بالعياط هنا سيف تشوكا مسكين و قلها : واش ديري كونك مرا ومسيني هو خلص رتو وهي خبطت الموس على الطابلة حتى لسق فيها وقاتلو: برا خيرك أخرج خير من نستجرم في جدك اليوم