كرونيك:💓💓حب_غير_متوقع💓💓

27

#الحلقة_27
راحت للريستورون و خدمت روحت للدار على 11 تع الليل حلت الباب تلقا الدار فرغانة تنهدت طلعت لشومبرتها بدلت قشها و رقدت نا ضت الصباح روطار لإنو ليوم ماتخدمش ناضت لبست شورت بيض و تريكو ذرعيه طايحين و طلقت شعرها و هبطت كانت 10 شربت قهوة و راحت جلست في الصالون و بقات تقرا في كتاب حتى هبط سيف شافتو لابس شورت بلا تريكو راح شرب قهوة و راح جلس توالها و قلها : لبارح وطتاه روحتي قتلو : ل 11 تع الليل قلها : أممممممم يعني روحتي قبلي نجات يسرى نواضرها و قتلو: لاه بايت مع رحمة قلها : نن سكتو في زوج و لا نطق هو وقلها: يسرى أسمحيلي كي عيطت عليك البارح كنت متقلق و كي هدرتي معايا و ليت فرغت غشي فيك قتلو : أممممم كانت تقرا في الكتاب قلها : سامحتي قتلو: أممممم قلها: نمتي البارح مليح قتلو: أمممممم قلها: ما طلعتلكش السخانة قتلو: أممممم(كانت مركزة مع الكتاب و ماهيش حابة تهدر معاه كي عيط عليها البارح) قلها: تحبيني قتلو: أمممممم نحالها الكتاب من يدها و هي قاتلو: واش خصك من الصباح و تهدر و مخليتنيش نركز مع الكتاب و زيد نحيتولي هاتو هنا هات شاف للكتاب و قلها: هنا أخ الزوجة هو لي قتل العائلة أكل لإنو مريض نفسي و في لخر يقتل روحو قتلو: إيه ونتا واش دخلك لاه تقلي في النهاية تاع الكتاب ضرك أندب بيه جات رايحة جبدها جات في حجرو و حكمها بيديه و قلها: سامحتيني ولا نن قتلو: نن و أخطيني زير عليها و قلها : سامحيني قتلو: أطلقني خلاص سامحتك طلقها ناضت وقتلو: مانسامحش مانسامحش مانسامحش و راحت طلعت لشومبرتها و خبطت الباب......