كرونيك:💓💓حب_غير_متوقع💓💓

10

#الحلقة_10
دخل إيه هو ياسين راحت ليه يسرى تجري ليه حضناتو و طرطقت بالبكا (ياسين علابالو بلي ياسر مات mais ماعلابالوش بلي باباه لي قتلو وعايلتو تسترت على الجريمةو الأحداث تعرفوهم مباعد نشاله ) قالها ياسين : واشبيك أيسرى و علاه راكي تبكي قتلو توحشتك : أياسين توحشتك شاف لقى العايلة أكل مجتمعة قلهم : لاه راكم ملمومين هكذا كشما كاين قلو باباه : نن مكاين والو كنا نهدرو برك ومباعد بقاو يهدرو و بعدها كل واحد راح نام ناضت يسرى الصباح لبست و راحت للريستورون طي دخلت للطوزينة تفاجأة كي شافت رجاء بصح فرحت راحت حظنتها و عاودت طلبت منها السماح و رجاء سامحتها راحت يسرى لبيروها هزت الجرية وهنا تشوكات و عينيها تملاو غش لقات مقال على المطعم تعها مكتوف فية إنو الأكل تعهم ردئ و خامج و الجودة ناقصة و مايستاهلش مكانتو وكان مكتوب بلي يسرى ماتعاملش العمال تعها مليح وتغذبهم يسرى هنا خبط غي راسها عبد واحد يقدر يدير هكذا سيف********* و شكها كان صحيح سيف كان ورا هذا كان قاعد غي بيروه و يقرا في الجريدة و يتخيل في ملامح و جها يسرى هزت الجورنان و خرجت من الريسطورون حتى بلاما تبدل قشها طارت بطونابيلها لشركة آل ********* دخلت ليها أكل بقاو حايريين فيها و كيفاه لابسة سقسات على بيروه و طلعت ليه جات تدخل ماخلاتهاش سكرتيرة قتلها يسرى : تخطي من جد طريقي ولا ندير فيك حاجة متعجبش ماستناتهاش تجاوب و دخلت و سكرتيرة عيطت للأمن و دخلت موراها رماتلو الجرنان في و جهو وقتلو وهي تعيط : وشبي ربك نتا لاه نهار طول ونتا مورايا لاه تحوس دمرلي حياتي قلها وهو يعيط : نتي لي جبتيها لروحك و أحمدي ربي هذا مادرتلك جاوباتو : والله غير ندمك عليها و تسلكها غالية و خبطت البيرو و هنا دخل السيكيريتي و كانت معاهم السكرتيرة قلهم سيف: هزو من توالي المهبولة هذي قتلو يسرى : والله ماني متحركة منا قرب منها واحد من السيكيريتي حط يدو على كتفها باه يجبدها و يخرجها دارت ليه ضرباتو بدبزة طيحاتو فالرض زادو جاو لخرين باه يخرجوها دارت ليهم ضربتهم أكل حتى طاحو في الأرض و سيف و السكرتيرة يقاو مشوكيين دارت يسرى لسيف وهي تلهث و قاتلو : لمرة هذي لعبت الشخص الخطأ و صدقني نوعدك تسلكها غالية و ماهيش يسرى لي تخلف بوعدها ولات خرجت و خلات 5 من رجال السيكيريتي في الأرض و سيف و السكرتيرة حالين فامهم خرجت يسرى راحت و راحت لمكتب لجريدة و قدرت تقنعهم بإنهم يكتبو إعتذار في الجريدة ولات يسرى للريستورون كملت خدمتها و روحت بقات مع ياسر شوي و غدوة من ذاك راحت للريستورون هزت الجورنان و تبسمت لقات مقال فيه إعتذار و يقول بلي واش كتبو البارح أكل كذب ...