كرونيك:💓💓حب_غير_متوقع💓💓

34

#الحلقة_34
كملو النهار نورمال تغداو وخلصو راحو جلسو في الصالون حتى قلها: يسرى قتلو: وي قلها: عندي بزاف خدمة و يدي محروقة واش رايك تعاونيني قتلو: ok هيا نبداو لإنو أنا ثاني عندي خدمة طلعو للبيرو و بداو يخدمو و هو كان يشوف في يسرى كي خلصو قتلو: أنا راني هابطة للصالون عندي خدمة قلها: اوكي هبطت كملت راجعت الحسابات و طلعت لبست روبة bleu roi و معاها طالون نوار و مونطو نوار و طلقت شعرها و دارت مكياج خفيف و هبطت لقاتو لابس كوستيم نوار و معاها قمجة بيضة و حال القفايل الفوقانيين قتلو: نروحو قلها: راهي 19:30 هذاك هو نوصلو راحو ركبو في طونابيلو وهي تنعتلو في الطريق كي وصلو وقبل مايهبطو قتلو: شوف إذا هدر معاك جدي و شفت روحك في مشكل ماتهدرش معايا ولا تستنجد بيا و كلش راح يكون مليح قلها: من الخوف هذا تقول راكي رايحة للحرب العالمية 3 قتلو: والله غير كثر من الحرب هبطو دقدقو في الباب حلت عليهم البون دخلو كان جد يسرى جالس ويستنا فيهم سيف كي شاف جدها حسو صعيب بزاف (يسرى جدها قبل أيام قلها أطلقي من سيف لإنو كان يعرف بلي هوما تزوجو مغصةبين فقلها أطلقي و نزوجك لحفيد صحبي و إذا محبيتيش تزوجي بيه تقدري تجي تعيشي معايا لاكن يسرى كانت رافضة وقتلو بلي حياتي الزوجية ماشية مليح و أنا وسيف نحبو بعض) راحت يسرى باست جدها و حضناتو وقتلو: جدي حبوبي توحشتك حضنها: وقلها: أنا ثاني يبنتي راح سيف للجد خمس معاه و قلو سيف: لاباس جدي شاف فيه لجد وقلو: أنا غير ولادي لي ينادولي جدي بالنسبة ليك مسيو قتلو يسرى: جدي لاه يعني مكانش فرق بيني و بين حبي قلها جدها: أممممم معليش يناديلي جدي جلسو وسكتو شوي حتى بدا جد يسرى يعيط: يا الهامل أرواح الضياف عندهم ساعة و هوما يستناو جا إياد
إياد: على القليلة إحترمني توال الضيف
الجد: أسطت نتا لي تحتارمني مشي أنا لي نحتارمك
إياد: خلاص جدي سكتنا دار إياد ليسرى حضنها و هي ثاني حضناتو و هنا سيف شعلت نارو و تقلق و إياد زاد خمس مع سيف و جلسو و هوما ساكتين و الجد يشوف مع سيف كيف النسر ماهزش عينيه عنو حتى شورت يسرى لإياد باه ينطق و يكسر السكوت حتى قال
إياد: جدي لاه أنا مزلت تعيطلي الهامل ويسرى حبست مابقيتش تعيطلها الهاملة
الجد: لإنو إعتادلت في حياتها و بطلت الشراب و السهريات التافهة
يسرى: جدي لاه مزلت تشفا (قالتها و راحت جلست توالو و خلات سيف وحدو)
الجد: وكيفاه نقدر ننسا الثلاثي الخطير تع العائلة تبسمت يسرى و حضنت جدها وهو عرف بلي تفكرت ياسر قال
إياد: هيا نوضو نتعشاو أنا جعت راحو يتعشاو و الجد عينيه مزالت على سيف و سيف بدا يتقلق و يدخل في بعضو كي خلصو ولاو للصالون جلسو ساكتين يسرى توال سيف حاكمتلو يدو و الجد مقابلهم و إياد جالس وحدو حتى قال
الجد: يسرى نوضي طيبيلنا القهوة و نتا إياد روح عاونها يسرى عرفت بلي جدها يحوس يهدر مع سيف وحدو ناضت يسرى بدون حتى كلمة و جرت معاها إياد دخلو للكوزينة و مباعد ولاو يطلو من الباب باه يسمعو واش راه يقول حتى سمعو الجد قال: يسرى إياد قتلكم مليون مرة كي نكون نهدر مع عبد ماتحاولوش تتجسو عليا أكبرو شوي ملي كان في عمركم 5 سنين ونتوما عندكم نفس الطبيعة ولاو دخلو بعد ماتبهدلو دارو القهوة و راحو للصالون حتى يشوفو في سيف جالس توال الجد و يضحكو حتى قال إياد: سبحان الله مبدل الأحوال كملو: السهرة و الجد جالس توال سيف و يضحكو وحدهم حتى قال إياد: والله باين يا يسرى السيد راجلك طيرلنا بلاسنا عند جدي
يسرى: إيه أصلا هو من بكري يحوس على حفيد يكون يخدم في الشركات و يكون سيريو
إياد: إيه أصلا حنا من بكري هاملين في عينيه
الجد: بالاك ماكمش شايفيني جالس توالكم و نسمع فيكم
يسرى: إيه نتا كمل مع سيف و نتا إياد وين كنا
إياد: تشفاي على عرس عمي نهار سرقنا الشراب و كان لازمنا نباتو برا أنا ونت
يسرى: إيه واش فكرك في هذاك النهار
أياد: تتفكري هذيك الطفلة لي جات و طانت 24h وهي لاسقة فيها
يسرى: وجه الشر هذيك واش بيها
إياد: علابالك بلي خطبت و عرضتني لعرسها
يسرى: إيه مليح لي لقات لي يقبل بيها
الجد: ماتحشموش حنا جالسين توالكم و نتوما تهدرو على الناش و تقطعو فيهم بالهدرة
إياد: إيه نتوما كملو أهدرو و حنا بدينا في أحد مواضيعنا المفضلة خليونا نكملو
سيف: يسرى إحتارمي جدي شوية
يسرى: إيه نتوما باينة خرجتو على بعضاكم ختى عندكم نفس التفكير و أصلا إياد راهو رايح خليني نشبع بيه قبل مايروح إيه إياد كمل كمل (السهرية أكل و إياد ويسرى يقطعو في العباد و الجد وسيف يهدرو) كملو السهرية و كل واحد روح دخلت يسرى للدار نحات الطالون وهي رايحة تموت بالتعب دارت لسيف قتلو: لاه واش قلت لجدي حتى إتفقتو قلها: وعدت جدك بلي مانقلكش قتلو: و زيد درتو أسرار مليح طلعت يسرى بدلت قشها ولبست بيجامة (شورت و تريكو فوق السرة) هي تمدت باه ترقد تفكرت بلي سيف مادارش المرهم للحرق و كون مايديروش يخماجلو الجرح هلطت هزت المرهم وطلعت لشومبرتو لقات الباب مفتوح دخلت لقاتو نام بدات تنوض فيه.....