كرونيك:💓💓حب_غير_متوقع💓💓

29

#الحلقة_29
يسرى ولات جلست تقرا في الكتاب تعها و هو طلع للبيرو تاعو و يقا يخدم حتى تسمع فيه يعيطلها نحات نوظرها و قالت : يعني لعذاب بدا راحت ليه قلها: جيبيلي قهوة راحت جابتلو حطتهالو فوق البيرو و خرجت كي وصىت للدروج سمعاتو عيطلها راحت ليه قلها: عاوديها ماهيش مليحة القهوة هذي راحت عاودتها و داتهالو و قاتلو: كشما تحتاج قلها: نن روحي راحت ولا عيطلها راحت ليه قلها: جيبيلي كاش jus d'orange و هزي القهوة راحت وهي رايحة تموت بالغش جابتلو و قتلو: كشما تحب نزيد نجيبلك قلها: نن قتلو: مثلا تحب نجيبلك الشمس نحطهالك هنا قلها: إذا قدرتي جيبيها مانقولش نن راحت و خبطت الباب موراها كانت تمشي وتقول: والله غير حاطني خدامتو أففففف هي مزال ماجلست حتى تسمع فيه يعيط: يسرى يسرى يسررررررررى طلعت ليه قتلو: مانيش طرشة سمعتك من المرة الأولى عطالها 6 وراقي مكتوبين و عطالها الpc و قلها: عاودي أكتبيهم في الpc قتلو: هاذو كامل قلها: وي قتلو: أصبرني 2 دقائق نروح نجيب les lunettes تاوعي و نجي قلها: نن أبداي ضرك جلست يسرى على الكرسي و بدات تكتب حتى بدات تحس عينيها يحرقو و يدمعو(لإنو يسرى ماتقدرش تفرا ولا تخدم بالpc ولا تتفرج في التيليفيزيون بلا نواظرها لإنو عينيها يوليو يحرقو و يدمعو و ماتقدرش تشوف بيهم) هي كانت تكتب و هو واقف توال راسها و كلما حبست ولا غلطت يقرصها و هي عينيها بداو يحرقو و يوجعو وكلما تزيد تكتب كلما عينيها يزيدو يحرقو كي بقاتلها و رقة وحدة حبست و حطت يديها على عينيها لي كانت تحس كلي شعلت النار فيهم هو شافها حبست قلها: لاه حبستي قتلو: حتى نولي عمياء و باه نحبس هو راح ليها نحالها يديها من عينيها لقاهم حومر و يدمعو قرب ليها و مسحلها دموعها و بدا ينفخ في عينيها بشوي حتى ستراحت شوي قلها: لاه ماقلتيليش بلي يوجعوك عينيك كي مديريش النواظر قتلو: قتلك خليني نروح نجيب نواضري نتا محبيتش تخليني قلها: خلاص روحي هي هبطت دارت نواظرها.......