كرونيك:💓💓حب_غير_متوقع💓💓

30

#الحلقة_30
ولات راحت للكوزينة طيبت قهوة راحت جلست في الصالون و بدات تقرا و تشرب في القهوة حتى تسمع فيه يعيطلها هزت قهوتها وراحت كي دخلت قتلو واش تسحق قلها: والله لي كنتي تكتبي فيهم تمحاو قتلو: وشنهي يعني تعبي كلو راح ناض نحالها القهوة من يدها و قلها: عاودي أكتبيهم راحت وبدات تكتب وهو ذاق القهوة لقاها مرة قلها: لاه نتي تشربي القهوة مرة تبسمت وقتلو: مرة كي حياتي مدلها قهوتها و هي كانت تكتب و تشرب في القهوة حتى خلصت قتلو: c bon خلصت شافت للساعة لقاتها 8 تع الليل قلها: وضرك روحي طيبيلنا لعشى هبطو للكوزينة قتلو: ندير عشا خفيف قلها: نن طيبيلنا لحم بالتوابل الهندية و معاه فريت قتلو: لازملي ساعتين ولا 3 باه نخلص قلها: إيه أبداي مالا بدات يسرى طيب خلصت على 11 تعشاو و خلصو ناضت تغسل لماعن وهي تقول: شوفي حالتك أيسرى بعد ماكنتي نتي الآمرة ابناهية في المطعم وليتي نتي تتلقاي الأوامر mais والله غير يندم عليها ويسلكها غالية قلها سيف: واش راكي تقولي ماسمعتش قتلو: كي ماسمعتش خير كملت غسلت الماعن و هي رايحة تموت من التعب كي خلصت طلعت لبست بيجامتها (سون و تريكو) و رقدت حتى تنوض تسمع فيه يعيط راحت قتلو: خير واش تسحق في نص الليل
قلها: ماقدرتش نرقد قتلو: وأنا واش نديرلك قلها: ديريلي مساج لراسي حتى نرقد راحت بدات ديرلو و هي عينيها ماهيش قادرة تحلهم من النعاس و كلما تغمضهم ينوضها حتى رقد هو و طاحت هي رقدت توالو كي ناضت الصباح تلقا روحها راقدة توالو وهو محضنها جربت تنحيلو يديه لاكن بلا فائدة بدات تنوض فيه وهو ماحبش ينوض ولات تنهدة وقاتلو: ترقد في الجبانة نشاله قلها: بعد ماندفنك قتلو: يعني نتا كنت نايض ضرك نحي يديك خليني نوض زاد زير عليها و قلها: نن قتلو: نحي يديك قلها: أسكتي خلينا نرقدو ولات عضاتو من يدو حتى طلقها و ناض يعيط قتلو: شه كون طلقتني كون ماعضيتكش...