كرونيك:💓💓حب_غير_متوقع💓💓

21

#الحلقة_21
دارولها السيروم و الدوا و سيف بقا معاها كي خلاص السيروم قلو الطبيب تقدر تخرجها كي جاو خارجين يسرى كانت دايخة تمشي و حاكمة في الحيط و ماخلاتش سيف يعاونها وهو بقا يمشي موراها حتى يشوف في فرملي يهدر مع يسرى و يقلها: مدموزال تحبي نعاونك نديك الطونابيل تاعك سيف ماستناش يسرى تجاوبو راح ليها و هزها في حضنو و جا رايح قلو الفرملي : اسمحلي مسيو شكون نتا قلو سيف : أنا راجلها و هزها و راح ركبها في الطونابيل و راحو شراو الدواء و راحو روحو كي وصلو يسرى هبط تمشي و هي فشلانة طلعت لشومبرتها و طول رقدت حتى مونطوها مانحاتوش كي جاسيف يشوفها لقاها و راقدة و مناحتش قشها قدم منها نحالها المونطو و الشاشية و السباط و هزها دارها في الفراش و غطاها و جاب كرسي جلس توالها و بقى يتأمل في و جها حتى شافها بدات ترجف من البرد راح زادلها لغطا و هكذاك و بقات ترجف و مباعد نحا تريكوه و راح تمد توالها و حضنها و هي ترجف و شواربها بداو يزراقو زاد زير عليها باه تحمى ويعد شوي بدات تهدى هبط راسو ليها شاف شواربها زورق مافاقش بروحو كيفاه هبط باسها لقا شفافها جامدين زاد هبط باسها و بقا يبوس فيها حتى حماو شفافها و حمارو حضنها ورقد و نسا بلي رحمة راهي فالدار ناضت يسرى الصباح تحس في واحد محضنها هزت راسها تلقا سيف راقد و محضنها وزيد بلا تريكو تنطرت من فوق السرير وهو ناض شافت في روحها لقات روحها مازالت لابسة قشها وهو قلها: واش بيك صباح ربي قتلو : واش راك دير في شومبرتي و عطست قلها : يرحمك الله و البارح كنتي ترجفي من البرد عليها حضنتك باه تحماي قتلو : ولاه منحي تريكوك قلها : مانقدرش نرقد بالتريكو شافت لساعة لقاتها 11 راحت للخزانة وهي تعطس راحت بدات تجبد في قشها قلها سيف : وين نشاله قتلو: للخدمة و لازم نروح نشوف جدي نحالها القش من يدها و قلها : مكانش روحة قتلو: لاه و عطست في وجهو مسح وجهو وقلها : مكيش تشوفي في روحك من الصباح ونتي تعطسي و قادرة تعطسي في الماكلة و تمرضي الزبائن تع المطعم قتلو : إيه صح مالا نروح نشوف جدي و نعقب النهار معاه قلها : نن مكانش تبقاي في الدار تستراحي راح و خلاها رايحة تهبل بدلت قشها لبست سيرفات مزيرة هبطت لقاتو يطيب في الغدا قتلو : واش راحت العاهرة تاعك قلها : هي تنوض بكري مشي كيفك قتلو : هي مابقاتش 5 سوايع تحت الثلج بلا فاست و ماطلعتلهاش السخانة ل 40 قلها: أصلا كيفاه ستحملتي تبقاي ثم أنا حطيتك تبداي تعيطي و تبكي و أنا نجي نحلك لاكن نتي بقيتي ساكتة حتى نسيتك قتلو : أصلا تحلم إنك تشوفني نبكي و نموت ومانترجاش عبد أيا كان كي خلص التطياب حطلهم يتغداو كي خلصت جات نايضة حكمها و قعدها في الكرسي و قلها: لازم تشربي الدواء تاعك بدات تشرب و صلو لآخر دواء قتلو : مانشربش قلها: لاه راكي شربتيه أكل بقا غير هذا قتلو : مر الدواء هذا مر قلها : وين عمبالك: ترسمت بسمة على عينيها و غرغرو عينيها بالدموع وقتلو : خطرة مرضت و مدولي الطبيب و كان يشربولي ياسر و لإنو كنت نكرهو كي كان مر كان يشرب معايا قلها : توحشتيه قتلو: شكون قلها : توأمك ياسر قتلو : وي بزاف ناض سيف راح جابلها طابلة شيكولة قلها: أشربيه نمدهالك قتلو بلاما تحس : هو ثاني كان يدير هكذا وولات قتلو لاه حاطني عمري 5 سنين حتى تلعب عليا بطابلة شويكولة قلها : مالا واشنهي ندير باه تشربيه قتلو : والو أصلا مانشربوش وأصلا نتا لاه راك مهتم بزاف بإني نشرب الدواء يخي نتا لي مرضتني ناضت و جات رايحة ناض سبقها و دزها عالحيط و حط يديه من الجيهتين و قرب منها و قلها بصوت مبحوح : حتى أنا ماعلاباليش بالاك إحساس بالذنب قتلو: مكان لاه تحس.. ماخلاهاش تكمل تهدر و هبط عليها ببوسة وهي ماتعرفش تبوس هاذي كانت أول بوسة ليها و سيف فرح لإنو عرف بلي هو أول راجل بيوسها ماخلاهاش حتى حس بالنفس تقطع عليها كي تركها بقات مشوكية مادارت حتى رد فعل داها للطابقة قعدها عالكرسي و هي في عالم آخر شربها الدواء و مدلها طابلة الشيكولة و حكمها من خدها و قلها كي تسمعي الكلام راح وخلاها و مباعد فطنت من سرحتها و مست شواربها وهي تتبسم وولات حركت راسها بإشارة لا و راحت تجري باه تلحقو لقاتو مطانش دخلت لشومبرتو لقاتو يدوش بدات تخبط فالباب و تعيط : هاي نتا أخرج لا ندخل ليك قلها :أنا ماعنديش مشكل إنك تدخلي قاتلو : أخرج و خبطت البال برجلها ماجاوبهاش ولات جلست على السرير شافت فالشومبرة لقاتها زبالة القش تاعو مطايش و الفراش مفرث حتى أنها لقات ملابس داخلية تع مرا كانت رايحة تتقيا من المنضر في هذاك الوقت خرج سيف و......