كرونيك:💓💓حب_غير_متوقع💓💓

28

#الحلقة_28
هو بقا يضحك و هي كانت في شومبرتها و رايحة تموت بالغش و تقول: كيفاه يفسد عليا لقراية و كنت قريب نخلصو و يزيد يعيط عليا اوف اوف اووووووووف و مباعد تنفست و قالت : خلاص أيسرى لاه تحرقي في أعصابك على جالو خليك منو و أشفاي واش كان يقول ياسر" ماكاين حتى عبد فالدنيا يستاهل إنك تحرقي أعصابك بسبتو" راحت جبدت كتاب و المرة هذي كانت رواية بوليسية أصلا هي تكره الروايات الرومنسية و ماتآمنش بالحب كي بدات تقرا تفكرت نواضرها خلاتهم لتحت و هي ماتقدرش تقرا بلا بيهم لإنو عينيها يحرقوها و يوجعوها راحت تجيبهم لقات سيف مكانش فالدار داتهم و طلعت قرات شوي و مباعد بدات تحس بالجوع هبطت لقات لفريجيدار فرغان هنا دخل سيف و كان جايب معاه لغدا من برا قتلو: مزية جبت لغدا كنت رايحة نموت بالجوع تبسم و قلها : هذا لغدا ليا أنا قتلو: تاكل هذا أكل كرشك كبيرة بزاف راحت هزت مفاتحها باه تروح تتغدا برا خرجت لطونابيل تلقا الرواند توعها لل4 مفشوشين عرفتها ماتكون غير خدمت سيف راحت تحوس على تيليفونها باه تعيط لإياد يجي يديها تتغدا مالقاتوش قلبت عليه الدار و مالقاتوش راحت لسيف كان فالكوزينة ياكل قتلو: مدلي تيليفوني قلها: ماعلاباليش على واه راكي تهدري قتلو: ماتكفرنيش هاتلي تيليفوني خليني نروح نتغدا قلها: سامحيني نمدولك و نخليك تتغداي معايا قتلو: نن jamais قلها: دبري راسك راحت جات في الصالون و قعدت و هي رايحة تموت من الجوع بقات شوي حتى سمعت سيف قلها: عرضي مزال قائم ديري واش قتلك و أتهناي بقات شوي و مباعد خلاص رايحة تموت بالجوع هي تحتامل كلش غير الجوع راحت ليه و قاتلو: مسامحاتك قلها: أحلفي قتلو: والله غير مسامحاتك أعطيلي ناكل رايحة نموت تبسم قلها: أرواحي تاكلي راحت و بدات تاكل و هو يشوف فيها و يتبسم قلها: قدرتي تحتاملي البرد 5 سوايح و ماقدرتيش تحتاملي الجوع نص ساعة قتلو: نقدر نحتامل كلش غير الجوع خلصو الماكلة و راحو جلسو شوي فالصالون و مباعد قلها: هيا نروحو نقضيو الفريجيدار راهو فرغان قتلو: ok طلعت لبست سروال blan و فاست نوار و سباط نوار و بلون راحو قضاو ودارو و شربو قهوة و روحو كي و صلو للدار هي طلعت و لبست شورتها تع الصباح و هبطت تقرا في كتاب قلها: واش رايكنلعبو ماتش قتلو: البرد برا يقتل و نتا تقلي نلعبو ماتش قلها: نن في play قتلو: ok راح فرز كلش و عطاها مالات و قبل مايبداو يلعبو قلها: نلعبو 3 ماتش و لي يربح في زوج منهم يستعبد لوخر لمدة 3 أيام قتلو أوكي قلها : يعني اليوم الجمعة النهار راهو قريب يخلاص معناتها يبقا مستعبد من اليوم حتى نهار الإثنين العشوة قتلو: ok بداو يلعبو في الماتش لول ربحها هو و الثاني ربحاتو هي و الثالث ربح هو في البيلونتيات قلها: وجدي روحك للعبودية....