كرونيك:💓💓حب_غير_متوقع💓💓

31

#الحلقة_31
قتلو: نحي يدك خير من ندمك قلها: نن ناضت غضاتو من كتفو حتى زرقتهالو و هو يعيط قلها: متوحشة آكلة لحوم بشر والله غير ندمك هي راحت لشومبرتها و سكرت الباب بالمفتاح وراحت دوشت و نشفت شعرها ولبست شورت جين و معاه تريكو ذراعو طايح هبطت شربت فطرت و السي سيف مزال ماهبطش هي اليوم قررت دير ميناج لإنو هي تكره الوسخ راحت تقول لسيف يعاونها طبطبت الباب قلها: أدخلي دخلت لقاتو رايح يلبس تريكوه شافت كتفو بلاصت العضة زرقة و سنيها مطراسيين قتلو و هي حاكمة الضحكة: ليوم رايحة ندير ميناج للدار قلها: وأنا واش دخلني قتلو: لازم تعاوني قلها: والله غير صح شايفتي هنا خدام عليك قتلو: وأنا ثاني مانيش خدامتك قلها: أوكي قتلو وهي تضحك: عههههههه كتفك مزال يوجع قلها: أضحكي ضرك تشوفي كس ندمك قتلو: هيا برك قال ندمك قال هبط هو فطر وبداو يديرو الميناج هي تمسح في الأرض و هو يمسح الغبرة خلصو الدار أكل بقا غير البيرو تاعو هنا يسرى قتلو: روح كمل بيروك وحدك أنا راني عييت قلها: نوضي نوضي قتلو: واللخ غيير عييت جلس توالها و قلها: أنا ثاني عييت نستراحو شوي و نروحو نكملو بقاو جاسيين و ساكتين حتى قتلو: هيا نخدم و نعيا و ما نبقاش معاك ساكتة راحو طلعو هي دابا و هو بعدها سكر الباب بالمفتاح و دارو في جيبو وبدا يقرب منها و هي تبعد حتى لسقت في البيرو و هو لسق ميها و قلها: ضرك ندمك على غضة الصباح قتلو: يعني رايح تعضني و ذبلت عينيها هو سكت و قدم ليها و هي غمضت عينيها و هو هبط كان رايح يعضها من راقبتها و مباعد بدل رأيو و طلع لراسها و هبط على شفايفها باسها و قطعلها شايفها خطرة يعض و ساعة يبوس بكل حنية ما تركها غير لما تقطع عليها النفس بعد عليها شاف في وجهها لقاها حمرة و تلهث قلها: هكذا صفينا لحساب قتلو: أنا عضيتك مشي بستك تبسم وراح جلس فوق كرسيه هي جات رايحة لقات الباب مسكر قتلو: حل الباب قلها: كي نكملو الميناج نحل الباب هي تغششت و خبطت الباب برجلها حتى وجعتها قتلو: نوض خلينا نكملو جد الميناج هذا قلها: بشوي لاه راكي مستعجلة قتلو: نوض خلينا نبداو يرتبو في البيرو حتى بدات يسرى تشم في ريحة توجع القلب قربت من سيف و بدات تشم فيه هو تشوكا مسكين قلها: خير واش كاين قتلو: مراكش تشم في الريحة هذي قلها: نن قتلو: بففف الريحة تعيف رايحة نتقيا بدات تحوس حتى لقات صندوق تع بيتزا قديم في الدرج تع البيرو هنا يسرى راحت تجري للسال دو بان تع البيرو و تقيات كي خرجت قتلو: هز الزبالة هذي قلها: ضرك نخرجها راح هزها و هي تشوف من بعيد و هو حب يخوفها قرب منها وهي تبعد قتلو: بعد عليا خير من نتقيا عليك قلها: واش رايك نديرهالك في قش قتلو: عيشك مانحملش نعاف.....