كرونيك:💓💓حب_غير_متوقع💓💓

7

#الحلقة_7
كي خرجت من البيرو شافت زبون يعيط و يهاوش فالسارفور و يقلو : هذي ماكلة تقدموها و تزيدو تطلبو عليها الدراهم راحت يسرى قتلو: مسيو اصبر شوي قلي واش بيك وواش بيها الماكلة فلها : هذي الماكلة ماتنذاقش و حتى الكلب مايكلهاش هزت يسرى المغرفة تذوق لقاتها حارة و صح ماتنذاقش ولات قتلو يسرى: قتلو مسيو أصبر عليا شوي نروح نشوف شكون طيبها و نتا ضرك يعاودو يطيبولك plat آخر و على حساب المطعم قلها : مانسحقش ماكلتكم و المطعم هذا ما يستاهلش السمعة والمكانة تاعو و بعد ما بهدلها راح و خرج وهي راحت لل la cuisine هي دخلت وعيطت : شكون لي طبخ الطبق تع مسيو جليل في الطابلة 8 أكل سكتو ولاو يرجف و عاودت عيطت : أنطقو قلها مبارك : كانت تطبخ فيها ريم و مباعد تحرقت من يدها و كملتها رجاء ولات يسرى راجت توال رجاء وهي رايحة تموت من الغش وقتلها: نتي واش كاين في جد مخك شهر أدين ربي شهر و أنا نعلم في لخر ديريها حارة و ماتتاكلش علابالك بلي بهدلني على جالك علابالك بلي ماخلى ماقلي و هذا على جالك ديجا معامن راني نهدر كون رحتي لمك علماتك كيفاه تطبخي لاه جاية عند جدي ولات دارت للباقي و قتلهم : ونتوما لا يديكم مكسورين حتى تخليو متدربة تطبخ الطبق الرئيسي قلتها و هي تعيط و مباعد قلتلهم : أيا كل واحد لخدمتو لا نتبلى فيكم اليوم دارت لرجاء و قتلها مانحبش نزيد نشوفك هنا راحت رجاء بدلت و راحت تروح دموعها على خدها وصلت للدار على 3 تع العشوة دخلت للدار و هي تبكي كي شافها سيف راح ليها يجري و قلها واش بيك رجاء علاه راكي تبكي ولاه روحتي يخي مزال لحال ماكيش مالفة تروحي حتا 11 تع اليل قتلو وهي يبكي : والله ماني أنا لي درت الحار في الماكلة والله ماني أنا ومباعد حكاتلو واش صرا و هو راح للريستورون دخل وراح ليها للبيرو لقاها قاعدة ثم وقلها بالعياط : كيفاه تهدري معاها هكذاك كيفاه تجبديلها يماها ونتي علابالك بلي هي يتيمة كيفاه قتلو يسرى : علامن راك تهدر فهمني قلها : على رجاء لي بهدلتيها قتلو: اصلا نتا واش دخلك في خدمتي هي غلطت و أنا عاقبتها حكمها من يدها و زير عليها و قلها : لاه نتي تعاقبي الناس لي متغلطش و تخلي لي يغلطو ؟ ومباعد تركها و راح كي عاد توال الباب قلها : والله غير تسلكيها غالية ولا متعرفينيش شكون أنا هو خرج و هي راحت تجري تشوف الفيديوات تع كاميرات المراقبة لي فالكوزينة هي شعلت الغيديو وبدات تتفرج و هنا كانت ليها الصدمة .....