كرونيك:💓💓حب_غير_متوقع💓💓

9

#الحلقة_9
راحت يسرى ولات للريستورون كملت خدمتها و سيف كان فالبيرو تاعو فالدار و بقا يخمم كان يقول مع روحو : الطفلة هذي عجيبة و غريبة بزاف ساعات تبان قوية وحاجة ماتغلبها و ساعات تبان مهبولة و مخها مودراتو و ساعات تبان طفلة حساسة و أقل حاجة تبكيها أكيد كاين موراها سر كبير mais وشنهي هذا السر ولا قال بصوت مسموع و أنا واش دخلني فيها و كمل خدمتو يسرى كي خلصت خدمتها راحت روحت كي دخلت للدار لقات عايلتها أكل تستنا فيها خوها يحيى ، بابها ، يماها، خوها يوسف و نسا خاوتها هي شافت في عينيهم و عرفت بلي كاين حرب رايحة تصرا بيناتهم و عرفت بلي مهمش ناويين على خير غمضت بسرى عينيها و حكمت شركتها و زيرت عليها و تنفست ( حركة ديرها كي تغضب) حلت عينيها وقتلهم : خير واش هذا التغيير من و كتاه مالفين تستناوني نطق يحيى : يسرى أحتارمي روحك ماتنسايش بلي حنا كثرمنك يسرى: أنا الغالطة لي نهدر معاكم المهم واش تحوسو مني تكلم بابها وقلها : يسرى نتي لازم تنساي و تطملي حياتك خلينا نعاونوك أدي حقك في الورثة و خلينا نزوجوك و نتهناو عليك ضحكت يسرى بكل و جيعة وقالت: هههههههه ننسا هههه و ندي الورثة ههههه و نزوج ههههه وسرعان ماولات ضحكاتها دموع و شهقة كانت تبكي تحوسني ننسا بلي لي مات خويا و توأم روحي ننسى بلي يديكم أكل ملطخة بدم خويا ننسى بلي هو كان يحبكوم و يعزكوم و نتوما غدرتوه عيط عليها يونس و قلها : لمي فمك خير من نكسرولك قتلو : الحقيقة توجع كي تسمعها يخي بصح أنا منيش رايحة نسكت أصلا أنا نعاف حتى أني شوف في و جوهكم راحت ليها ماماها خظنتها وهي تبكي بعدتها و شافت في عينها وقتلها :كون هذاك النهار كنتي هنا كون ماراهوش مات mais نتي كنتي مشغولة في حفلاتك رو حي ولي ليهم ضرك جات يسرى طالعة لشمبرتها حكمها بيها من ذراعها هو حكمها شافت ليه وعينيها يطاير منهم الغش و عيطت : نحي يدك من عليا يدك لي مليانة بدم ياسر الغالي عليا و نطرتلو هز يحيى يدو و كان رايح يضربها كف حكمتلو يدو وزيرت عليها و قتلو : تزيد تهزها عليا نكسرهالك وزيتلو عليها حتى عاد يتوجع نحا يدو من عندها و كانت يدو حمرة ( ماتتعجبوش ألبنات يسرى عندها الحزام الأسود في الكاراتيه) هوما هكذاك واقفين و باب الدار تحل و دخل .....