كرونيك:💓💓حب_غير_متوقع💓💓

23

#الحلقة_23 ناض سيف فليل لقا يسرى ترجف من البرد بين يديه قلها : مزية بت معاك زير عليها باه تحما ولاكن هي ماحماتش و لا هبط ليها حكملها و جها بين يديه و قلها : الحاجة لي رايح نديرها رايحة تكون في مصلحتك و هبط يبوس فيها بكل حنية شفايفها مصهم مص حتى ولا يحس فيها بدات تحبس من الرجيف بعد عليها شوي وهو يلهث شفايفها كانو حومر حضنها وزير عليها و هي كانت في علم آخر من البرد بزاف كإنو كانت في غيبوبة سيف بقى يخمم هو جرب بنات أشكال و ألوان و من كل الجنسيات لاكن كي باس يسرى حس بحاجة أخرى حاول يقنع روحو بفكرة إنو هي أول طفلة يبوسها و هي ماتعرفش تبوس ناضت يسرى الصباح لقات سيف محضنها ( نسات بلي باسها البارح لإنو هي كانت دايخة من السخانة) ناض سيف و كان خايف من ردت فعلها كي تتفكر لاكن إستغرب كي لقاها تشوفلو برك و مادارت حتى ردت فعل هنا عرف بلي هي ماهيش متفكرة والو من السخانة قلها : صباح الخير قتلو : صباح النور و ناضت باه تغسل روحها شافت في المرآة لقات شفايفها حومر قالت بلاما تحس و هي تمس فيهم : واش بيهم شفايفي حومر و منفوخين قلها سيف : البارح كي بردتي بقيتي تعضي فيهم يسرى إقتانعت و هو بقا يضحك راحت يسرى غسلت و بدلت ولبست شورت وتريكو خفاف كي خرجت و شافها سيف راح ليها جبدها من يدها و داها لشومبرتها وقلها : يخي الطبيب قال ألبسي مليح و نتي حاطة روحك في الصيف تلبسي حتى تلبسي هكذا قتلو : يخي راني فالدار قلها : نن تلبسي مليح باه ماتمرضيش حل لخزانة تعها و بدأ يحوس على حاجة تلبسها تشوكا كي لقا عندها إيطاج تع شاشيات و كسكيطات ( مغرومة بيهم عندها الألوان أكل) ولا جبدلها سيرفات bleu nuit (سروال و فاست تاعو) و جبدلها تريكو بالذرعين قتلو : هكذا ضرك نطيب قلها : روحي بدلي خيرمن نبدلك أنا راحت يسرى بدلت و خرجت هبطت فطرت و شربت الدواء هي و سيف و مباعد سيف قلها : أنا نروح عندي خدمة في الشركة قصة 3 سوايع و نولي و يسرى بدات تخدم و ماحستش بالوقت كيفاه مر بسرعة