الفصل ال21 من روايه
ومن لحبي سواگ 😞💔
تأليف Fatma Hasan Mostafa
🖤🖤🖤🖤🖤🖤🖤🖤
ليلي :انت عايز مني ايه
عاصم: عايزك
ليلي: لو عايزني مكنتش سيبتني 9 ايام بتعذب
فيهم باخد علاج وبتعب ومبنامش وانت مش
جمبي متخيل لو انت في نفس الوضع وانا عملت
معاگ كدا انت هتعمل ايه
عاصم: وانتي مش متخيله انتي جرحتيني ازاي لما
جبتي سيره الانسان دا تاني وكأنك مكفاكيش اللي
عمله فيكي وعايزه ترجعي حسي بيا انا كمان
كرامتي فين ورجولتي لما يجي سيرته قصادي
واشوفك خايفه عليه كأن هو اللي جوزك
ديما: ليلي افتحي الباب قافله الباب ليه
يفتح عاصم الباب ...
فريده: عاصم؟؟ انت هنا بتعمل ايه فيه حاجه
عاصم: انتي ناسيه انها مراتي ولا ايه
فريده: لالا مقصدش والله بس استغربت
ديما: انت معندكش دم ايوه بشتمك عارف ليه
انت ازاي تسيبها تعبانه كل دا ومترفعش عليها
التليفون اكتر حاجه اثرت فيها بعدك عندها كانت
بتعيط مش من وجع الحقنه اد ما كانت بتعيط
انك مش جمبها ومش انت اللي بتهون عليها
ليلي: اسكتي ياديما الكلام ملهوش لزمه
ديما: اسكتي انتي خالص ....عارف انها عندها
حالات خوف مرضيه من الحقن وازاي كانت
بتشوف الحقنه ولا كأن في حاجه ما هو سبب
امانها وخوفها انه يروح خلاص راح ومبسألش عنها
سابها في مستشفي تانيه وساب اخوها يشيلها
هو بينه ايديه بدل ما جوزها اللي يشيلها فين
بقي جوزها من كل دا كان قاعد عند مامته
عاصم: الصراحه معنديش كلام ارد بيه لاني فعلا
غلطان بس لما كرامتي ورجولتي حسيتهم اتجرحوا
مكنتش عارف اتصرف
ديما: كرامه ايه ورجوله ايه ياشيخ اتلهي دي
مراتك وتعبانه وبتموت فين حبك ليها بقي ما هو
اصل الحب مبيظهرش غير في الاوقات اللي زي دي
اصلها معندهاش دور برد مثلا وهنقول عادي دي
عندها كانسر فاهم يعني ايه يادكتور ولا مش فاهم
عاصم: كفايه ياديما انا فعلا بحبها
ديما: دليلك
يحمل عاصم ليلي ويقول: ليلي مش هتعمل
العمليه غير وانا معاها وهتكون في المستشفي
بتاعتي وحالا هاخدها من هنا وبعد دلوقتي مش
هتكون بعيد عني لحظه واحده
ديما: كذاب والدليل انك سبتها مره واللي يسيب
مره يسيب الف مره
عاصم: خلاص بقي انتي اكدتيلي اني واطي والله
خلاص كفايه عرفت واتأكدت
ديما: طيب ومامتك رأيها ايه انك رجعتلها
عاصم: مامتك خلاص تقبلت الموضوع وقالت
خلاص نبدأ صفحه جديده
ليلي :بجد
عاصم: اه والله بجد
ليلي: طيب نزلني انت شايلني ليه
عاصم: خلاص هاخدك من هنا والعمليه هتكون
عندي في المستشفي
ليلي: مش موافقه
عاصم: مش بمزاجك كلمي عمر يافريده عرفيه
اني خدت ليلي المستشفي عندي
وانتي ياديما روحي جيبي الدكتور علشان يكتب
التحويل علي مستشفي تانيه
فريده: ماشي
تخرج فريده لتكلم عمر وديما لتكلم الطبيب
يغلق عاصم باب الغرفه ويضعها علي السرير
:انا اتأكدت دلوقتي من نظرتك انك فعلا
حبيتيني ووثقت خلاص
ليلي: كنت مستني ايه علشان تعرف اني حبيتك
موثقتش في كلامي للدرجه دي
عاصم: وثقت بس انا كنت قلقان
ليلي :مش هتبعد تاني انا مش عارفه انا مسمحاك
ازاي والله بس يمكن علشان خايفه تبعد عني
انا معرفش حبيتك كدا امتي وازاي
عاصم مش هبعد تاني اوعدك وبعدين يكفي
اني وسيم وجميل بالشكل دا علشان تحبيني
ليلي: لا ياراجل طب وسع
يقترب منها اكثر: اوسع ازاي
ليلي: عاصم افرض حد دخل قوم انت اتجننت
عاصم :لا مش هقدر اوسع دول 9 ايام بعيد عن
مراتي ياجدعان ايه دا !!
ليلي: ايه
عاصم: ايه الجمال دا انتي احلويتي كدا امتي
ليلي: عاصم اهدي
عاصم: شششش اهدي ايه بس
ليلي :عااااصم عااا........
أنت تقرأ
ومن لحبي سواگ
Mystery / Thrillerگنت في غايه التعاسه عندما رأيتگ لا تستطيع ان تظهر اي حب لي في حين اني اري الگره في وجهها وعندما اخبرتگ بذلگ اسعقتني بقربگ اگثر منها وبعدگ عني اگثر فأگثر ولذلگ اوهمتگ برحيلي فراقبتگ من بعيد لأجدگ معها في قمه السعاده فقررت الرحيل لتبقي بسعاده اگثر وها...
