#جبار

الحلقة الثانية

#جبار
#حكايات_ياسو_و_ساسو
Ajassmin

فى مطار القاهرة واقفين مستنين
المنتج و نورين و هنا بيخرج اصلان و معاه عمر ابن اخوه
قربت نورين من المنتج و قالتله: هو عنده ابن يا محمد بيه
محمد : والله علمى علمك يا بنتى
عمر قرا اليافطة المكتوب عليها اسم عمه و شاورله عليها قام اصلان خلع نضارته الشمسية علشان عينه تنزل على ما اجمل ما رأت عيناه
من هذه الفتاة ما هذه العيون و تلك المقلتين
قرب و بابتسامة رقيقة قالتله: مرحبا بيك فى مصر و عرفته بنفسها
فجآة نظرته اتحولت لنظرة غضب
نورين مترجمة كلام محمد: احنا اتنورنا بيك فى مصر و هيكون عمل رائع و جديد يبهر العالم كله مش بس مصر و تركيا
اصلان: شكراً و هو عينه عليها بس تحت نضارته
عمر: ازيك اسمك ايه
نورين: اسمى نورين و ممكن تقولى نينا
و نزلت لمستواه و طبعت على خده بوسة
اصلان بعصبيه : متلمسهوش و متقربيش ليه انتى مجرد خدامة مش اكتر
بمنتهى الهدوء لان المنتج لاحظ غضبه و منتهى الاستفزاز ردت قالتله : شكرا يا اصلان بيه و حاضر تمام
المنتج: هو فى ايه يا بنتى
نورين: مفيش حاجة عادى يا محمد بيه
فى الطريق للفندق
محمد: قوليله ان احنا حجزنا فى احسن فنادق القاهرة لحد ما يقولنا مواصفات البيت اللى عاوزه
نورين ترجمت
اصلان: تمام و احنا مبنحبش قعدة الفنادق يا ريت فى اسرع وقت يكون بيت واسع و كبير و فيه بسين يكون جاهز
نورين بتلقائية: واسع ليه انتو فردين
اصلان بغضب: وانتى مالك و مال حياتى و اللى ينفعنى و اللى مينفعنيش
نورين بهدوء و ابتسامة سمجة نرفزته : اسفة اصلان بيه
وصلوا الفندق و دخلوا اوضهم و قبل ما نورين ما تمشى اخدت من اصلان لستة أعمالها و مهامها و اهمهم عمر ابن اخوه
طبعا هى استنتجت انه ابنه علشان كدة كل حالتوصيات عليه
بس بند ضايقها انها تكون موجودة عنده كل يوم الساعة خمسة الفجر
و طبعا على حسب تساهيل و مزاج البيه هتمشى
مشيت و مكلمتش هى لازم توافق و تقبل المنتج  عرض عليها مبلغ كبير جدا و مضت عقد فيه شرط جزائى هى مش قده خالص بس وافقت علشان تخلص من ذل عمها ليها
اما روحت قعدت مع انتيمة روحها حكيتلها كل كلمة و قالتلها قد ايه اتصدمت فى شخصيته اللى باين عليها انها معقدة و غلسة و مغرورة
دخلت عليها مرات عمها و بحنية : نينا يا بنتى متزعليش منى انتى عارفة عمك و عارفة طبعه و عملت كدة علشان ميدخلكيش هو و ياذيكى
مريم: عم الحنية اهدى شوية بس اما تعنلى الشويتين دول ابقى اغمزيلها و لا حاجة
نورين: انا فاهمة يا طنط و كتر خيركم انكم اتقبلتونى كل السنين دى
مرات عم نورين اسمها سمية طيبة بس بتضطر تتماشى مع طباع جوزها المنيلة لانها شايفة انه  ما باليد حيلة
صحيت من االنوم صلت و جهزت نفسها و طلبت اوبر و راحت الفندق و هى فى الطريق استغربت اوى الكابتن من بصته ليها و هو فى عينيه ايه اللى منزلها دلوقتى؟🙄 🙄
فى الفندق
طول الليل منمش ولا هدى عينيها اللى بتفكره بعيون اعز الناس عنده و شفايفيها الوردية المغرية اللى عايزة تتاكل اكل نفض كل دة من دماغه و افتكر ردودها المستفزة ما هى الا خدامة فى نظره و اقسم على انه هيربيها على طريقته
وصلت الفندق فى ميعادها بالضبط حمدت ربنا علشان مش عاوزة تتعرضله لانها قفلت منه و من طريقته المتعالية
راحت الاستقبال و قالت للموظف يدى خبر لاصلان بيه انها جت
بعد مدة نزل لوحده و قابلها و قالها تخلص موضوع البيت فى اقرب وقت ممكن لو النهاردة يكون كويس و بعدها امرها بالاهتمام بعمر
عمر صحى و جهز نفسه طلبتله الفطار و فطرته و انما اخينا دة بيراقبها فى صمت بيتلكك على الواحدة و اول ما عمر خلص جه تيلفون ردت نورين
المتصل:......................
نورين: تمام يا فندم تمام هجيبه يشوف البيت
المتصل:......................
نورين:الساعة 11 هنكون عند حضرتك
قفلت و وجهت حديثها لاصلان: اصلان بيه اتصل المسؤل عن البيت و بيبلغك ان فى كذا حاجة اقدر تشوفها النهاردة و بلغته اننا عنكون عنده الساعة 11
اصلان: افندم؟ 🙄 🙄
بغضب اكتر :مرجعتيش ليا ليه و تدى مواعيد على مزاجك
نورين: يا فندم حضرتك قلتلى انك مستعجل على موضوع البيت
عمر: عمو احنا هنروح نشوف البيت النهاردة؟
و هنا نورين بلمت و تنحت فى نفسها و بتكلم نفسها تقول ايه؟ عمو؟ نعم؟
اصلان: اه حبيبى
موجها الكلام ليها : تمام تمااااااام
………….
جه ميعاد انهم يشوفوا البيت فكرت انهم هيطلبوا تاكسى
فوقف قدام الفندق عربية بى ام ضخمة نزل منها السواق و بيفتحله الباب
قامت قالت :حتى دة عامل حسابه (بالعربى)
اصلان : افندم؟
نورين: ولا حاجة اصلان بيه
وصلوا وجهتهم و دخلو كذا بيت
بس في بيت واحد حس انها مبهورة بيه لدرجة انها فضلت مفنجلة عينها و مش مصدقة نفسها ضحك من جواه عليها هى افعالها بتسعده بس ازاى هو اصلان بيه مش لازم يبين و حتى بيرفض فكرة انه يميل لحد
البيت كان جاهز من كل حاجة و فرشه وكله تمام بس ناقص بس شوية حاجات التلاجة و المطبخ و المؤن
اتصلوا بشركة النضافة و قالها: على ما العمال يخلصوا اتفضلى اقترحى مكان نجيب منه اللى ناقصنا
نورين: فى مكان هنا قريب قالت للسواق عليه و راحوا يجيبوا اللى ناقصهم
و هما فى السوبر ماركت لاحظ انها جعانة اوى هو فطر و اتغدى و هى كل دة واقفة جنبه ملتزمة باللى امرها بيه انها مجرد خدامة
بس طبعا لانه قاسى نفض الفكرة من دماغه و قال تتعاقب على تصرفاتها الحمقاء
وصلوا البيت ورتبت الحاجات و جهزت العشا لعمر و عشت الولد و نيميته
هى كانت بتعمل كدة مش بس علشان الشغل علشان حست بان الولد محتاج رعاية و خصوصا انها استنجت انه يتيم زيها و محتاج اللى ياخد باله منه  و خصوصا ان عمه المزعوم شكله مقرف لوحده
اليوم عدى و هى روحت ميتة جوع و نوم