#جبار
#حكايات_ياسو_و_ساسو
Ajassmin
الحلقة السابعة
الباب فضل يرزع جااامد
مراد فتح لقى قدامه راجل كبير فى السن شكل الشر طالع من عينيه و شكل القسوة فى كل ملامحه
مريم صوتت و قالت : بابا؟؟؟
صبرى ( عم نورين) : بابا يا روح امك؟ هى فين الوس....... اللى جاية وراها
(صبرى راقب مريم اما لاحظ تاخير نورين الفترة اللى فاتت)
و قام رزعها قلم و زعق: انا هربيكم انتو و امك و هتشوفى و خصوصا ال.......... التانية هى فييييييين؟
اصلان نزل جري مش فاهم دة مين ولا بيعمل ايه و ضرب مريم ليه و الكل واقف مصدوم
اصلان: انت مين؟
صبرى: انت عاملى اجنبى؟ انت عشيقها؟
مريم بعياط و بتكلم اصلان : دة بابا عم نورين و زى ما قلتلكم هيقتلها بسببك
اصلان: قوليله يهدى
صبرى : اهدى ايه هى فين
مريم بصت على فوق و هى مكسورة و عارفة ايه اللى هيحصل
صبرى جرى على فوق فى نفس الوقت نورين خارجة من الاوضة تشوف الدوشة دى ايه و تشوف فى ايه قامم عمها جابها من شعرها يا......... يا......... و ضرب فيها و جرجرها على السلم. اصلان شاف المنظر مستحملش راح يهجم عليه و جاى يمسك فيه و بيتخانقوا نورين اخدت السلم كله دحرجة و الكل بلم و هما شايفين الدم اللى نازل من راسها
مريم: انت قتلتها يا بابا؟ قتلتها؟ حرام عليك.. حراااااااااام. معملتش حاجة و ملهاش ذنب فى حاجة حرااااااااام و فضلت تعيط بحرقة
صبرى بمنتهى البرود: دة عقابها و عقاب امثالها ال........ مصيرها زى مصير خالتها اللى هربت
اصلان واخدها فى حضنه بس حس بنبضها طلبوا الاسعاف و قال لعمها : انا هبلغ عنك
صبرى: و هتفضح نفسك ليه على واحدة..............
اصلان: محصلش حاجة انا اعتديت عليها و هتجوزها
صبرى : ماهى اكيد اديتك الفرصة
كل الحديث مريم بترجم للطرفين
اصلان استحقر عمها جدا و حلف انه هينقذها منه بس هى تفوق
فى المستشفى
اول ما وصلوا اصلان فهم الدكتور و قالوا سوء تفاهم و اتفاهم بالفلوس طبعاً علشان يحمى سمعة حبيبته لانه فاهم كويس نظرة المجتمع
بعد مدة صغيرة فى العمليات و الكل فى ترقب و خوف و قلق رعب ماعدا صبرى البارد المعدم الحس و الشعور القاسى بكل ما تحمله تلقسوة من معانى خرجلهم الدكتور طمنهم
الدكتور: اولا و قبل اى حاجة لازم كلنا نحمد ربنا لان الانسة نورين محظوظة جداً الحمد لله
مريم بدهشة و زهول : ازاى؟
الدكتور : كل اللى فى جسمها كدمات و النزيف دة بسبب فتح و خيطناه و الحمد لله
مريم: بجد؟ طب هى فين؟
الدكتور: هى بتفوق بس المشكلة انها عندها انهيار عصبى و هتفضل تحت المراقبة
اصلان قاطعهم : طمنينى يا مريم فهمينى ارجوكى
مريم فهمته و طمنته و طلبت منه انهم لازم يعرفوها الحقيقة على الاقل تهدى و اصلان وافق على طول مريم قالتله بلاش انت انا هقنعها و هقنعها انها توافق تتجوزوا
مريم طلبت من الدكتور انها تدخلها الدكتور سمحلها هى بس
مريم بابتسامة مطمئنة : حمدالله على السلامه يا ابو اجمل ابتسامة
نورين ببكاء: يا ريتنى مت
مريم : استغفرى ربك و قولى الحمد لله
اخدتها فى حضنها و قعدت تطبطب عليها و تطمنها و هى بتطبطب عليها قالت: على فكرة هو مقربلكيش
نورين بصتلها و بدهشة: اييييه؟
مريم : والله ما قربلك خاف. انتى خوفتى اصلان بيه و ضحكت
نورين: بجد يا مريم ايه الل. انتى بتقوليه دة؟ الكلام دة بجد؟
مريم : والله هو اكدلى و حلفلى و قالى انه مكنش فى وعيه
نورين : الحمد لله على كل حال
مريم: بس يا نورين لازم تتجوزيه
نورينى انتى بتقولى ايه؟ اتجننتى يا مريم؟
مريم: لا متجننتش بس هو بيحبك
نورين قاطعتها : قال بيحبنى قال دة كان هيغتصبنى وبيعذب فيا
مريم: هو الوحيد اللى هينقذك من بابا يا نورين افهمى يا ستى اكتبوا الكتاب و هيكون حبر على ورق و بعدها اتطلقى و اخلصى منهم هما الاتنين و ابعدى عن بابا و عنه
( مريم بتحاول تجاريها و هى متاكدة ان اصلان هيخليها تحبه)
نورين: لا يا مريم
مريم: هو ايه اللى لا انتى هتستحملى اللى بابا عمله يعمله فيكى كل يوم محدش قدر يقفله طول الفترة اللى فاتت ولا حتى عمتو هند ابويا دة مفترى الله يهديه بقى
نورين: امممممممم
مريم : مش انتى يا حبيبتى كنتى بتحبيه و مبهورة بيه
نورين: لا انا بكرهه و هو حيوان
مريم: افهمى يا نورين هو كان سكران و انتى ممكن تغيريه غيريه يا نورين حياته كانت صعبه دة شاف مامته و هى بتدبح قدامه و كان لسة مكملش سبع سنين
نورين: امتى عرفتى الكلام دة منين؟
مريم: من مراد و قالى انه انتى بتفكريه بمامته بس القسوة اللى كبرت جواه بتغلبه و انتى بقى غيرى القسوة دى و الجبروت دة
نورين: هوافق بس بشرط
شهرين بالضبط و يطلقنى و ميلمسنيش ولا اقولك هسكن عند عمتى هند
مريم: عمتك؟ و بابا يجى يطين عيشتك. اسكنى عنده يا نورين
نورين : لاااااااا يا مريم لااااا
مريم: خلاص خدى شقة بس هتكملى فى شغلك انتى عارفة الشرط اللى انتى مضيتى عليه
نورين : هضطر اكمل
مريم بابتسامة: يعنى وافقتى؟
نورين بأسى: اه
خرجت مريم طمنتهم و اتكلمت مع اصلان و عرفته انها وافقت و قالت شروطها
و صلان حلف انه هيخليها تعشقه مش بس تحبه و دى فرصة كويسة خصوصا انه هيغضل يشوفها و ان هيفضل بينهم رابط الجواز
اما عن عمها صبرى اصلان اتفق معاه و برضو اتعامل بالفلوس و دة علشان ميتعرضلهاش تانى و بمجرد كتب كتابهم ينسى ان عنده بنت اخ أساساً
الدكتور دخل اتطمن على نورين و خرجلهم و قالهم ممكن تخرج طب هتخرج فين اكيد مش هتروح عند عمها و طبعا مع اصرار نورين انها متكونش مع اصلان فى مكان واحد رسيوا انه يتحجزلها فى فندق على ما يوفروا الشقة اللى هتقعد فيها و اتفقوا ان يوم الجمعة هيكون كتب الكتاب او عقد الجواز فى السفارة التركية
مراد اخد نورين الفندق معاه و حجزلها اوضة و كلموا شركة عقارات توفر شقة فى اسرع وقت بس شرط اصلان تكون قريبة من فيلته
الصبح مراد اخدها على مكان شقتها وافقت و معترضتش على اى حاجة
بعد ما وصلوا
مراد: على فكرة نورين هو بيحبك. بيحبك بجد. عمرى ما شفته كدة قبل كدة. يا ريت تنقذى اخويا و صديقى من اللى كان فيه
نورين: ميهمنيش
مراد: لا يهمك. انا متاكد انك هتحبيه بس اديله فرصة
نورين باستسلام عارفة الحوار هيأدى لايه: مش هسلمه قلبى الا اما يتغير دة لو اتغير
مراد: بصى اعملى اللى تعمليه و انا بديكى الفرمان بدة بس متسبهوش ابدا
نورين: ربنا يسهل بس هاخد حقى منه
( ايه دة بقى الاتفاق اتقلب ولا ايه؟؟! اه الاتفاق اتقلب علشان اصلان لازم يتربى حبتين)
أنت تقرأ
#جبار
Romantizmاول رواية و عمل مشترك بينى بين ياسمين رواية خفيفة لطيفة و ان شاء الله تعجب كل اللى يقراها
