#جبار

الحلقة الحادية و العشرون

#جبار
#حكايات_ياسو_و_ساسو
Ajassmin

الحلقة الحادية و العشرون

اصلان و فريق مصممينه قاعدين على ترابيزة الاجتماعات
دخل مراد
دخلت نورين بكل غرور و كبرياء
مصمم جنب اصلان فاتح بقه : ما شاء الله ما شاء الله
اصلان بصله و برأ: احم احم
ماجد: اسف اسف
التعارف بين الشركتين تم كالاتى
السكرتيرة بتتكلم: اصلان بيه صاحب شركة نور للازياء العالمية و فريق التصميم ماجد و شهيرة و صفا
اما عن شركتنا : نورين هانم رئيس مجلس ادارة الشركة و فريق التصميم لوحدها
مراد بيه عضو مجلس الادارة و مدير اعمال نورين هانم
اما عن فارس بيه فهو متغيب و هو عضو مجلس الادارة التالت
الكل: تشرفنا
نورين بصرامة و جدية: عرض سيادتكم ايه بالضبط؟
اصلان و فخور بيها بس زعلان على اللى عمله فيها: دمج اعمال الشركتين لموسمين ورا بعض
مراد: تمام عرض جميل
نورين: اختلف معاك احنا هنستفاد إيه و اكيد العرض دة متقدم لينا علشان حسه انهم هيخسروا السوق
مراد اتنحنح و اتكسف على دمه
اصلان: الدمج فكرة مش جديدة لكن حضارتكم اللى شركة جديدة احنا لينا شركتنا من زمان جدا
فلو نورين هانم شايفة اننا هنخسر السوق بسببكم فانتم هتكسبوا خبرة شركتنا و سمعتها
نورين: اقدر اقرر دة بعد ما اشوف تصاميمكم للموسم دة
اصلان و بيبرأ عينه و احمرت: تمام نورين هانم تمااااااام
مراد ملطفا للجو : يا ريت تقبلوا عزيمتنا على العشا النهاردة انتم ضيوفنا
ماجد و اتفلت من لسانه وباصص لنورين و هيمان فيها: اكيييييد فرصة سعيدة جداً
الاجتماع خلص و هما مشيو مراد خرج ورا اصلان
مراد: هتيجى العشا متعتذرش
اصلان: هى بقت كدة ازاى؟
مراد بيندمه: أسأل نفسك
اصلان مشى متعصب بس برضو هى وحشاه جدا اربع سنين و ست شهور و اربعاتشر يوم بعيد عن حضنه و هو عارف انه قهرها
اصلان جاله فون انه يروح يستلم الفيلا اتنضفت و كله تمام
وصل و فتح الباب و اااااااه لما فتح الباب ذكريات ذكريات ذكريات هنا اول مرة حضنها و هنا ناموا سوا و نسيو الدنيا و هنا باسته و هنا كان بياخدها فى حضنه و هى بتطبخ و فجأة بص على السلم و وشه احمر و اتقهر
هنا ايوة هنا جرجرها من شعرها و رماها برا بيته هنا ضاعت منه و هنا مقدرش يمسك نفسه و فضل يكسر فى كل حتة فى البيت زى لحد ما اتهد من التعب و قام باستسلام ينضف البيت و طلع ينام فتح الدولاب لقى فستانها لسة هدومها القديمة موجودة اخد فستانها و نام باستسلام و حاضن الفستان
تليفونه بيرن جنبه شهيرة بتتصل
شهيرة: اصلان بيه بفكرك بالعشا يا فندم
اصلان: تمام يا شهيرة
شهيرة: ماجد بيفكر يجيب هدية لنورين هانم علشان يمكن توافق
اصلان بعصبية: الغبى دة ميتصرفش والا هرفده
قام يلبس هيقابل حبيبته و هيتعشوا سوا اه وسط زحمة بس اخيرا هتفضل قدام عنيه
لبس و شيك نفسه و حط البرفان اللى كانت بتحبه و كان بدر فى تمامه و هى لبست و ظبطت نفسها و كانت بدرين
بتعلى عليه ايوة
عدى فارس عليها هو و مراد و كان معاه مريم و ابنهم علشان وظيفة مريم الجديدة تقعد بالتلات عيال اياد و عمر و نور و مايا بنت فارس
فارس كان معاه مراته قالتله انها مش قادرة تروح و تقابل حد و هتفضل مع مريم و العيال
مشيوا التلاتة بالعربيات بتاعتهم و نفس الوقت اصلان كان بيتحرك بعربيته لمحهم و استغرب جدا ليه نورين مش قاعدة مع فارس فى نفس العربية
وصلوا المطعم و اتقابلت عنيهم على باب المطعم و لمحها لابسة جامب سوت اسود واسع محتشم و ايشارب ابيض بسيط و ميكياجها البسيط و جزمة كعب عالى لون الايشارب و كوليه يجنن لو عليه يخطفها من وسط البشر دول جه يفتحلها الباب مراد غمز لفارس ففارس سبقه و قالها يلا يا حبيبتى
اصلان فى سره: هقتلك مش هتفلت المرة دى
و عدى العشا بسلام بس اصلان كان جواه بركان عاوز يقتل فارس و يحطم راس ماجد و اى حد يبص لنورين بس هيدمره
و هما مروحين اصلان اتعمد يراقبهم و ازاى نورين و فارس متجوزين و كل واحد فى عربية لوحده تساؤلات كتيرة
روحوا و اصلان عرف فيلتها فريبة من فيلته و فى اوضة بتطل على اوضة نومه
ايه دة هى متعمدة ولا ايه
حاجة كدة تقريباً
بس يا ترى انهى اوضة هى اللى بتطل على اوضة اصلان؟ لازم نسأل نفسنا هذا السؤال العميق
اصلان طلع اوضته و بدأ فى المراقبة عن كثب
مراد و مريم خرجه و معاهم اياد
و بعد شوية فارس و معاه واحدة و بنته مايا
هنا اصلان اتبل اتبل من العرق بجد مصدوم فرحان حزين الف احساس جواه
و بعد شوية انوار الفيلا بتطفى تحت الاوضة اياه اللى بتطل على اوضة اصلان شباك دقق النظر فيه اوى لقى نورين بتاخد نور فى حضنها على سريرها اتكلموا شوية و نيمتها و طفت النور و مشيت
و هنا اصلان بدأ يفكر
بنت مين دى؟ طب عندها قد اي؟ ازاى بتقول لنورين يا ماما؟ طب لو ابوها مش فارس مين ابوها؟ مين الست اللى خرج معاها فارس؟
(ايوة البعيد كان غبى مش واخد باله)
موعاش بنفسه الا على باب بيتها بيخبط نزلت جرى تفتح و هى متاكدة ان هو هى برضو مبقتش غبية لمحت نور اوضته اللى بيقيده
فتحتله: ايه فى ايه حد يجى لحد دلوقتى؟
اصلان: مش جوزك انا اتاكدت
نورين: حد قالك انى متجوزة و لا مش متجوزة و انت مالك اساسا بتدخل ليه فى اللى ملكش فيه
اصلان: لا ليا و ليا و نص مين البنت اللى فوق؟
نورين : انت مالك ؟
اصلان: لا مالى مش ممكن تكون بنتى؟
نورين : مستحيل تكون بنتك
اصلان : هى عندها قد ايه؟
نورين: مش بنتك ازاى تكون بنتك و انا واحدة خاينة
و هنا اصلان اتلجم و هى كتمته رجع بضهره مش قادر ينطق و هى بتبصله و الشر فى عينيها بس كله اللى عملته رزعت الباب فى وشه و جريت على الاوضة اللى مدفون فيها كل اسرارها و بتشتغل فيها
روح مصدوم من كلمتها بس يتصدم ليه ماهو اتهمها بالخيانة و طردها و لما جت تشرحله و تصالحه جرجرها على السلم و طردها تانى
طب ايه اللى حصل علشان يتهمها بالخيانة
فلاش باك من خمس سنين بعد ما رجعوا من شهر العسل بشهرين
فارس رجع و معاه بنته مايا اللى كانت فى نفس سن عمر تقريباً و كان اتفصل عن مراته اللى رفضت تنزل تعيش فى مصر
و قتها كانت مريم حملت قبل نورين و كانت تعبانة جدا فى حملها
و
نكمل الحلقة الجاية